ໃນວັນທີ 30/11 – 01/12/2011 ນີ້ ຢູ່ທີ່ຫ້ອງປະຊຸມໃຫຍ່ກະຊວງ ຍທຂ ໄດ້ຈັດກອງປະຊຸມລະດົມຄວາມຄິດເຫັນເຂົ້າໃສ່ຮ່າງລາຍງານການເມືອງ ຂອງກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງ ຍທຂ, ໂດຍການເປັນປະທານຂອງ ສະຫາຍ ສົມມາດ ພົລເສນາ ກຳມະການສູນ ກາງພັກ,​ ລັດຖະມົນຕີວ່າການກະຊວງ ຍທຂ ພ້ອມດ້ວຍຄະນະພັກກະຊວງ ໂຍທາທິການ ແລະ ຂົນສົ່ງ ແລະ ຜູ້ຕາງໜ້າຄະນະຈັດຕັ້ງສູນກາງພັກ, ເລຂາບັນດາຮາກຖານພັກຂອງ ຫ້ອງການ, ກົມ, ອົງການ, ສະຖາບັນ,​ ກອງວີຊາການ, ສະພາວິທະຍາສາດ, ຫ້ອງການດັດສົມນ້ຳປະປາ ແລະ ສູນ ຝຶກ, ພິເສດມີບັນດາຫົວໜ້າພະແນກ ຍທຂ ປະຈຳນະຄອນຫຼວງ ແລະ ແຂວງເຂົ້າຮ່ວມຈຳນວນ 49 ທ່ານ.
ກອງປະຊຸມຈະໄດ້ຮັບຟັງຄຳເຫັນຊີ້ນຳຂອງສະຫາຍເລຂາຄະນະພັກກະຊວງ ກ່ຽວກັບການປະກອບຄຳເຫັນ ຕໍ່ຮ່າງລາຍງານການເມືອງໂດຍໄດ້ຮຽກ ຮ້ອງໃຫ້ບັນດາເລຂາພັກຮາກຖານ, ຕາງໜ້າ 3 ອົງການຈັດຕັ້ງມະຫາຊົນຂັ້ນກະຊວງ ແລະ ບັນດາຫົວໜ້າພະແນກ ຍທຂ ປະຈຳແຂວງ, ນະຄອນ ຫຼວງ. ຈົ່ງເພີ່ມຄວາມຮັບຜິດຊອບສູງ ໃນການຄົ້ນຄ້ວາປະກອບຄຳເຫັນຕໍ່ຮ່າງລາຍງານການເມືອງດັ່ງກ່າວ ແນ່ໃສ່ເພື່ອເຮັດໃຫ້ເນື້ອໃນຮ່າງລາຍງານ ການເມືອງ ແລະ ທິດທາງແຜນການຂອງກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງ ຍທຂ ມີເນື້ອໃນຄົບຖ້ວນສົມບູນ ແລະ ໜັກແໜ້ນ.
ກອງປະຊຸມຈະໄດ້ດຳເນີນໄປເປັນເວລາ 2 ວັນເຕັມຈື່ງຈະສຳເລັດ.