ຂ່າວ

ທະນາຄານໂລກ ສືບຕໍ່ໃຫ້ການຊ່ວຍເຫລືອ ກະຊວງ ໂຍທາທິການ ແລະ ຂົນສົ່ງ

  ໃນຕອນເຊົ້າຂອງວັນທີ 7 ກຸມພາ 2017 ເວລາ 10:30ໂມງ ທ່ານ ນ Almud Weitz ຜູ້ອຳນວຍການ ດ້ານຄົມມະນາຄົມຂົນສົ່ງ, ປະຈຳພາກພື້ນອາຊີຕາເວັນອອກສຽງໃຕ້ ຈາກທະນາຄານໂລກ ພ້ອມດ້ວຍຄະນະໄດ້ມາຢ້ຽມຢາມ ແລະ ຕິດຕາມຄວາມຄືບໜ້າ ການຮ່ວມມື ຢູ່ກະຊວງ ຍທຂ. ໃຫ້ກຽດຕ້ອນຮັບຄະນະໃນຄັ້ງນີ້ ໂດຍແມ່ນ ທ່ານ ມັດ ສູນມາລາ ຜູ້ຊ່ວຍລັດຖະມົນຕີ,  ພ້ອມດ້ວຍຄະນະເຂົ້າຮ່ວມ.

 ໃນໂອກາດນີ້ ທ່ານ ມັດ ສູນມາລາ ຜູ້ຊ່ວຍລັດຖະມົນຕີກະຊວງ ຍທຂ ໄດ້ສະແດງຄວາມ ຕ້ອນຮັບຢ່າງອົບອຸ່ນ ແລະ ສະນິດສະໜົມຕໍ່ການມາຢ້ຽມຢາມ ແລະ ຕິດຕາມຄວາມຄືບໜ້າ ການຈັດຕັ້ງປະຕິບັດ ບັນດາໂຄງການທີ່ທະນາຄານໂລກໄດ້ໃຫ້ຄວາມຊ່ວຍເຫລືອໃນໄລຍະຜ່ານມາ, ພ້ອມນີ້ ທ່ານກໍໄດ້ຍົກໃຫ້ເຫັນເຖິ່ງຈຸດດີ ແລະ ບົດຮຽນທີ່ຖອດຖອນໄດ້ໃນການຈັດຕັ້ງປະຕິບັດ ວຽກງານໄລຍະຜ່ານມາ, ທັງສອງຝ່າຍໄດ້ຕີລາຄາສູງຕໍ່ຜົນງານ ແລະ ຜົນສຳເລັດທີ່ຍາດ ມາໄດ້, ພ້ອມທັງໄດ້ປຶກສາຫາລື ແລກປ່ຽນຄຳຄິດຄຳເຫັນກ່ຽວກັບການຮ່ວມມືໃນຕໍ່ໜ້າ ເພື່ອຮັບປະກັນໃຫ້ການພັດທະນາພື້ນຖານໂຄງລ່າງດ້ານຖະໜົນ ຫົນທາງຢູ່ ສປປ ລາວ ມີຄວາມກ້າວໜ້າຂະຫຍາຍຕົວຢ່າງໜັກແໜ້ນ, ມີຄວາມຄົງທົນ ແລະ ມີມາດຕະຖານສາ ກົນ. ໃນຕອນບ່າຍຂອງວັນດຽວກັນນີ້ ທະນາຄານໂລກ ແລະ ກະຊວງການເງິນຂອງ ສປປ ລາວກໍໄດ້ມີພິທີເຊັນສັນຍາຮ່ວມມື ແລະ ໃຫ້ການຊ່ວຍເຫລືອດ້ານງົບປະມານຕໍ່ກະຊວງ ຍທຂ ເພື່ອສືບຕໍ່ຈັດຕັ້ງປະຕິບັດໂຄງການຂະແໜງຂົວທາງໄລຍະ 2.  

 

 

ທ່ານ ປອ. ບຸນຈັນ ສິນທະວົງ ລັດຖະມົນຕີກະຊວງ ຍທຂ ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ເອກອັກຄະລັດຖະທູດ ສ. ກູບາ ປະຈຳ ສປປ ລາວ

ວັນ​ທີ 3 ກຸມພາ 2016 ຢູ່​ທີ່​ຫ້ອງ​ຮັບ​ແຂກ ກະຊວງ ​ໂຍທາ​ທິການ ​ແລະ ຂົນ​ສົ່ງທ່ານ ປອ. ບຸນ​ຈັນ ສິນ​ທະ​ວົງ ລັດຖະມົນຕີ​ກະຊວງ ​ໂຍທາ​ທິການ ​ແລະ ຂົນ​ສົ່ງ ​ໄດ້ຕ້ອນ​ຮັບ​ການ​ເຂົ້າ​ຢ້ຽມ​​ຂ່ຳນັບຂອງ ທ່ານ Pabio Antonlo Rodriguez Vidal ເອກ​ອັກຄະ​ລັດຖະທູດ ​ສ. ກູ​ບາ ປະຈຳ ສປປ ລາວ ​ໃນ​ໂອກາດ​ມາ​ດຳລົງ​ຕຳ​ແໜ່ງ​ເປັນ​ເອກ​ອັກຄະ​ລັດຖະທູດ​ຄົນ​ໃໝ່ ປະຈຳ ສປປ ລາວ.

ທ່ານຮອງລັດຖະມົນຕີກະຊວງ ຍທຂ ລົງຕິດຕາມ ກວດກາ ສະໜາມການກໍ່ສ້າງທາງລົດໄຟລາວ-ຈີນ

 

  ວັນທີ 2 ກຸມພາ 2017 ຜ່ານມາ ທ່ານ ລັດຕະນະມະນີ ຄູນນີວົງ ຮອງລັດຖະມົນຕີກະຊວງ ໂຍທາທິການ ແລະ ຂົນສົ່ງ, ທັງເປັນຫົວໜ້າຄະນະຄຸ້ມຄອງໂຄງການກໍ່ສ້າງເສັ້ນທາງລົດໄຟ ລາວ-ຈີນ, ພ້ອມດ້ວຍຜູ້ຕາງໜ້າຈາກບໍລິສັດທາງລົດໄຟລາວ-ຈີນ, ພ້ອມດ້ວຍຕົວແທນຈາກ ກຸ່ມບໍລິສັດ ຮັບເໝົາກໍ່ ສ້າງ, ບໍລິສັດທີ່ປຶກສາ-ສຳຫຼວດອອກແບບ ແລະ ພະນັກງານກ່ຽວຂ້ອງ ລົງຕິດຕາມ ກວດກາ ສະໜາມການກໍ່ສ້າງທາງລົດໄຟລາວ-ຈີນ ຂອງບັນດາແຂວງທີມີເສັ້ນທາງ ລົດໄຟຜ່ານເຊັນ: ແຂວງ ວຽງຈັນ, ແຂວງ ຫຼວງພະບາງ.ເພື່ອຮັບປະກັນໃຫ້ໂຄງການກໍ່ສ້າງ ດຳເນີນໄປດ້ວຍດີ, ມີມາດຕະຖານສູງ ແລະ ສາມາດເປີດໃຫ້ບໍລິການທັນກຳນົດເວລາ, ​ເພື່ອ​ຊຸກຍູ້ບໍລິສັດທາງລົດໄຟລາວ-ຈີນຈຳກັດ ແລະ ກຸ່ມບໍລິສັດ ທີ່ຮັບເໝົາການກໍ່ສ້າງ, ພ້ອມດ້ວຍພະນັກງານກໍາມະກອນທຸກຄົນ​ໃຫ້ມີຄວາມຮັບຜິດຊອບສູງ, ເຄົາລົບນັບຖືລະບຽບ ກົດໝາຍ ແລະ ຮີດຄອງປະເພນີລາວ, ເອົາໃຈໃສ່ການປົກປັກຮັກສາສິ່ງ ແວດລ້ອມ ແລະ ທຳມະຊາດຂອງ ສປປ ລາວ, ປະຕິບັດການກໍ່ສ້າງໃຫ້ໄດ້ມາດຕະຖານດີ ແລະ ຄວບຄຸມການກໍ່ສ້າງດ້ວຍລະບົບເຄື່ອງມືທັນສະໄໝ, ມີຄວາມປອດໄພສູງ ເພື່ອປະກອບສ່ວນ ສ້າງພາບພົດ ອັນຈົບງາມແກ່ໂຄງການດັ່ງກ່າວ ກໍຄືປະກອບສ່ວນເສີມຂະຫຍາຍສາຍພົວພັນ ຮ່ວມມືຮອບດ້ານ ລະຫວ່າງສອງປະເທດໃຫ້ແໜ້ນແຟ້ນຍິ່ງໆຂື້ນ.

 

 

 

 

 

 

 

 

 

 

 

 

 

 

 

 

Additional information