ຝຶກອົບຮົມວຽກງານກໍ່ສ້າງພັກ ໃຫ້ບັນດາຮາກຖານພັກ ຂອງກະຊວງ ຍທຂ

  ກະຊວງ ​ໂຍທາ​ທິການ ​ແລະ ຂົນ​ສົ່ງ ​ໄດ້ຈັດຝຶກອົບຮົມວຽກງານກໍ່ສ້າງພັກ ໃຫ້ບັນດາຮາກຖານ ພັກ ພາຍ​ໃນ​ກະ​ຊວງ ຍທຂ, ຊຶ່ງ​ດຳ​ເນີນເປັນ​ເວລາ 2 ວັນ, ວັນ​ທີ 12-13 ທັນວາ 2017 ​ແລະ ​ໃນວັນທີ 12 ທັນວາ 2017 ​ໄດ້​​ເປີດ​ຊຸດຝຶກອົບຮົມວຽກງານກໍ່ສ້າງພັກ ທີ​ຫ້ອງ​ປະຊຸມ​ກອງ​ຄຸ້ມ​ຄອງ​ສະໜາມ​ບິນ, ​ໂດຍ ກາ​ນ​ເຂົ້າ​ຮ່ວມ​ ແລະ ​ເປັນ​ປະທານ​ຂອງ​ ສະຫາຍ ລັດຕະນະມະນີ ຄູນ​ນີວົງ ຮອງ​ເລຂາ​ຄະນະ​ພັກ​ກະຊວງ, ຮອງ​ລັດຖະມົນຕີ ກະຊວງ ​ໂຍທາ​ທິການ ​ແລະ ຂົນ​ສົ່ງ; ມີ​ບັນດາ​ສະຫາຍ​ຄະນະ​ພັກ​ຮາກ​ຖານ, ຄະນະ​ໜ່ວຍ​ພັກ​ຮາກ​ຖານ,​ ສະມາ​ຊິກ​ພັກ ​ແລະ ພະນັກງານ​ທີ່​ຮັບຜິດຊອບ​ວຽກ​ພັກ ພ້ອມ​ດ້ວຍບັນດາສະຫາຍວິທະຍາກອນ ທີ່ມາຈາກຄະນະຈັດຕັ້ງສູນກາງ ພັກ​ເຂົ້າ​ຮ່ວມ.

 ການ​ຝຶກ​ອົບຮົມ​ໃນ​ຄັ້ງ​ນີ້ ເພື່ອສ້າງຄວາມຮັບຮູ້, ເຂົ້າໃຈ ຢ່າງເລິກເຊິ່ງ ແລະ ສ້າງຄວາມເປັນ ເອກະພາບ ໃຫ້ແກ່ຄະນະພັກ ແລະ ຜູ້ຮັບຜິດຊອບວຽກພັກ ຂອງບັນດາຮາກຖານ ກ່ຽວກັບ ແນວທາງ, ລະບຽບ, ຫຼັກການຂອງການກໍ່ສ້າງພັກ, ກໍຄືການຍົກສູງຄຸນນະພາບການນໍາພາ ຮອບດ້ານ ຂອງການຈັດຕັ້ງພັກຂັ້ນຮາກຖານ,  ຍົກສູງຄຸນນະພາບສະມາຊິກພັກ-ວຽກງານ ຂະຫຍາຍພັກໃນໄລຍະໃໝ່ ແລະ ເພີ່ມທະວີວຽກງານຄຸ້ມຄອງ-ລະບຽບການຍົກຍ້າຍຮ່ວມ ຊີວິດພັກ ໃນທົ່ວອົງຄະນະພັກກະຊວງ ໂຍທາທິການ ແລະ ຂົນສົ່ງ.

 ການກໍ່ສ້າງພັກໃຫ້ໜັກແໜ້ນເຂັ້ມແຂງ ຕ້ອງບົນພື້ນຖານການຍົກສູງຄຸນນະພາບການນໍາພາ ຂອງການຈັດຕັ້ງຮາກຖານພັກ ແລະ ຍົກສູງຄຸນນະພາບຂອງສະມາຊິກພັກ ເພື່ອເຮັດໃຫ້ພັກມີ ບົດບາດສຳຄັນຕໍ່ການຄົງຕົວ ແລະ ຂະຫຍາຍຕົວ, ການຈັດຕັ້ງຮາກຖານພັກ ເປັນແກນນຳ ໃນລະບົບການເມືອງຢູ່ຂັ້ນຮາກຖານ, ເປັນບ່ອນຈັດຕັ້ງປະຕິບັດທຸກແນວທາງແຜນ ນະໂຍບາຍ ຂອງພັກ ໃຫ້ປະກົດຜົນເປັນຈິງ ແລະ ເປັນບ່ອນຕິດພັນໂດຍກົງກັບມະຫາຊົນ. ຖ້າຢາກໃຫ້ຮັກ ສາໄດ້ບົດບາດການນຳພາຂອງພັກ, ເຮັດໃຫ້ພັກໜັກ  ແໜ້ນເຂັ້ມແຂງ, ກ່ອນອື່ນໝົດ ການຈັດຕັ້ງຮາກຖານພັກຕ້ອງເຂັ້ມແຂງ ແລະ ສະມາຊິກພັກໃນການຈັດຕັ້ງນັ້ນ ກໍຕ້ອງມີຄວາມ ເຂັ້ມແຂງ, ເປັນແບບຢ່າງນຳໜ້າໃນການປະຕິບັດໜ້າທີ່ການເມືອງຂອງຕົນ, ປະຕິບັດລະບຽບ ຂອງພັກ ແລະ ກົດໝາຍຂອງລັດ.

 ການຈັດຝຶກອົບຮົມໃນຄັ້ງນີ້ຈະດໍາ​ເນີນ​​ເປັນເວລາ 2 ມື້, ແຕ່ເນື້ອໃນເອກະສານທີ່ນຳສະເໜີ ​ແມ່ນມີຄວາມໝາຍຄວາມສຳຄັນສູງ ເພາະວ່ານຳໃຊ້ເອກະສານຝຶກອົບຮົມວຽກງານຈັດຕັ້ງ ລະ ບົບ 3 ເດືອນ ເປັນຕົ້ນຕໍ, ພ້ອມດ້ວຍເອກະສານທີ່ຕິດພັນໂດຍກົງກັບວຽກງານກໍ່ສ້າງພັກ ແລະ ຂະຫຍາຍພັກຂອງຄະນະພັກກະຊວງ ຍທຂ ສະໄໝທີ IV. ສະນັ້ນ, ສະ​ຫາຍ​ປະທານ ຈຶ່ງຮຽກ ຮ້ອງມາຍັງບັນດາສະຫາຍ ທີ່ເຂົ້າຮ່ວມຝຶກອົບຮົມໃນຄັ້ງນີ້ ຈົ່ງເຊີດຊູຄວາມຮັບຜິດຊອບ ພ້ອມ ກັນສຸມສະຕິປັນຍາເຂົ້າໃນການຄົ້ນຄວ້າ ແລະ ປະກອບຄໍາຄິດ ຄໍາເຫັນສົນທະນາກັນໃຫ້ເລິກເຊິ່ງ ເພື່ອຍາດແຍ່ງເອົາບົດຮຽນການນຳພາຊີ້ນຳ ເພື່ອນຳໄປປັບປຸງແກ້ໄຂຮາກຖານພັກ ຂອງຕົນ ໃນຕໍ່ໜ້າ ໃຫ້ໜັກແໜ້ນເຂັ້ມແຂງ ທາງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນການນໍາພາ. ຢາກໄດ້ຄືແນວນັ້ນ ຕ້ອງມີການຄົ້ນຄວ້າກະກຽມຄໍາຄິດ ຄໍາເຫັນ ສົມທຽບໃສ່ພຶດຕິກໍາຕົວຈິງຂອງແຕ່ລະຮາກຖານພັກ ເພື່ອປະກອບຄໍາເຫັນໃຫ້ຊັດເຈນເຫັນ ໄດ້ບັນຫາທີ່ຄົງຄ້າງ ​ແລະ ຊອກຫາວິທີແກ້ໄຂ; ທັງນີ້ ເພື່ອແນໃສ່ເຮັດໃຫ້ການຝຶກອົບຮົມໃນຄັ້ງນີ້ ໄດ້ຮັບຜົນສໍາເລັດຕາມຈຸດປະສົງຄາດ ໝາຍທີ່ວາງໄວ້.

 

Additional information