ພິທີເຊັນສັນຍາໂຄງການປັບປຸງທາງເລກ 6 (ADB12) ຊ່ວງທາງ ແຕ່ວຽງໄຊ-ນ້ຳໂສຍ ມີລວງຍາວ 56 ກິໂລແມັດ

 ພິທີເຊັນສັນຍາໂຄງການປັບປຸງທາງເລກ 6 (ADB12) ຊ່ວງທາງ ແຕ່ວຽງໄຊ-ນ້ຳໂສຍ ມີລວງຍາວ 56 ກິໂລແມັດ ໄດ້ຈັດຂຶ້ນໃນວັນທີ 19/1/2017 ທີ່ຫ້ອງປະຊຸມກົມຂົວ-ທາງ, ກະຊວງ ໂຍທາທິການ ແລະ ຂົນສົ່ງ ​ໂດຍ​ການ​ເຂົ້າຮ່ວມຂອງ​ທ່ານ ​ແພງ​ ດວງ​ເງິນ ຫົວ​ກົມ​ຂົວ​ທາງ; ມີ​ບັນດາທ່ານ ຮອງ​ຫົວໜ້າກົມ, ຫົວ​ໜ້າ​ພະ​ແນ​ກ ​ແລ​ະ ວິຊາ​ການ​ພາກສ່ວນກ່ຽວຂ້ອງ ​ແລະ ພະນັກງານບໍລິສັດຜູ້​ຮັບ​ເໝົາ​ການກໍ່ສ້າງ ​ເຂົ້າ​ຮ່ວມ​ເພື່ອ​ເປັນ​ສັກຂີ​ພະຍານ​ໃນ​ຄັ້ງ​ນີ້.

 ໃນພິທີເຊັນສັນຍາດັ່ງກ່າວ ໂດຍຕາງໜ້າຝ່າຍເຈົ້າຂອງໂຄງການແມ່ນທ່ານ ລັດສະໝີ ອະລິຍະ ວົງສິງ ຫົວໜ້າໂຄງການປັບປຸງທາງຫຼວງແຫ່ງຊາດເລກ 6 ຊ່ວງທາງແຕ່ວຽງໄຊ ຫາ ນ້ຳໂສຍ ມີລວງຍາວ 56 ກີໂລແມັດ ທີ່ຕັ້ງໂຄງການຢູ່ແຂວງຫົວພັນ ​ແລະ ຕາງໜ້າຝ່າຍບໍລິສັດຮັບເໝົາ ແມ່ນທ່ານ Bui Nam Giang ປະທານບໍລິສັດ 68 Trading Construction and Service Joint Stock Company ຈາກ ສ.ສ ຫວຽດນາມ.

 ​ໂຄງການປັບປຸງ​ເສັ້ນທາງ​ດັ່ງກ່າວ ​ມີມູນຄ່າ 12.729.753,23 ໂດລາສະຫະລັດ, ໄລຍະກໍ່ສ້າງ 30 ເດືອນ, ຜູ້ໃຫ້ທຶນແມ່ນທະນາຄານພັດທະນາອາຊີ (ADB12) 70% ແລະ ທຶນສົມທົບລັດຖະບານ ລາວ 30% , ຊຶ່ງ​ຈະເລີ່ມຕົ້ນປະຕິບັດໂຄງການວັນທີ 02/02/2017  ​ແລ​ະ ໂຄງການຈະສຳເລັດ 02/07/2019.

 

 

 

Additional information