ຝຶກອົບຮົມ ຄະນະປະສານງານສົ່ງເສີມຄວາມກ້າວໜ້າຂອງແມ່ຍິງ ຂັ້ນແຂວງ ແລະ ຫ້ອງການ ຍທຂ ເມືອງ ກ່ຽວກັບ ການຈັດຕັ້ງປະຕິບັດ ແຜນຍຸດທະສາດ, ປື້ມຄູ່ມື ການວາງແຜນກວດກາ, ຕິດຕາມ ແລະ ປະເມີນຜົນໃນຂະແໜງ ຍທຂ

  ກະຊວງ ​ໂຍທາ​ທິການ ​ແລະ ຂົນ​ສົ່ງ ໄດ້ຈັດ​ຝຶກ​ອົບຮົມຄະນະປະສານ​ງານສົ່ງເສີມຄວາມກ້າວ ໜ້າຂອງແມ່ຍິງ ຂັ້ນ​ແຂວງ ​ແລະ ຫ້ອງການ ຍທຂ ​ເມື​ອງ ກ່ຽວ​ກັບການຈັດຕັ້ງປະຕິບັດ​ແຜນ​ຍຸດ​ທະ​ສາດ, ປື້ມຄູ່​ມືການວາງ​ແຜນກວດກາ, ຕິດຕາມ ​ແລະ ປະ​ເມີນ​ຜົນໃນ​ຂະ​ແໜງ ຍທຂ ຊຶ່ງ​ດຳ​ເນີນໄປເປັນ​ເວລາ 2 ວັນ, ວັນທີ 18-19 ມັງກອນ 2017 ທີ​ຫ້ອງ​ປະຊຸມ ພະ​ແນ​ກ ​ໂຍທາ​ທິການ ​ແລະ ຂົນ​ສົ່ງ ​ແຂວງ​ຈຳປາສັກ, ​ ໂດຍກາ​ນເປັນ​ປະທານຮ່ວມ​ຂອງ ທ່ານ ກິດສະໜາ ຈັນທະ​ວຽງ, ຮອງປະທານ ຄະນະ​ກຳມາ​ທິການ ​ເພື່ອ​ຄວາ​ມກ້າວໜ້າ​ຂອງ​​ແມ່ຍິງ ກະຊວງ ຍທຂ, ຮອງ​ຫົວໜ້າ​ຫ້ອງການ ກະຊວງ ໂຍທາທິການ ແລະ ຂົນສົ່ງ ແລະ ທ່ານ ບຸນເນົາ ຟອງຄຳແດງ; ຜູ້ເຂົ້າຮ່ວມຝຶກອົບຮົມໃນຄັ້ງນີ້ແມ່ນມາຈາກ ຍທຂ ແຂວງ ແລະ ຫ້ອງການ ຍທຂ ເມືອງ ຈາກ 4 ແຂວງພາກໃຕ້ຄື: ແຂວງສາລະວັນ, ແຂວງເຊກອງ, ແຂວງຈໍາປາສັກ ແລະ ແຂວງອັດຕະປື ລວມທັງໝົດ 45 ທ່ານ ເປັນຍິງ 24 ທ່ານ. ຈຸດປະສົງຂອງການຝຶກ​ອົບຮົມໃນຄັ້ງນີ້ແມ່ນເພື່ອ​ເຮັດໃຫ້ບັນດາທ່ານທີ່ເປັນຄະນະປະສານງານສົ່ງເສີມຄວາມກ້າວໜ້າຂອງແມ່ຍິງໄດ້ຮັບຮູ້​, ເຂົ້າໃຈຕໍ່​ກັບວິທີການຈັດຕັ້ງປະຕິບັດ​ເຜີຍ​ແຜ່​ແຜນ​ຍຸດ​ທະ​ສາດເພື່ອ​ສົ່ງ​ເສີມ​ຄວາມ​ກ້າວໜ້າ​ຂອງ​ແມ່ຍິງ ​ໃນ​ຂະ​ແໜງ ຍທຂ 2014-2025​, ປື້ມຄູ່ມື​ການວາງ​ແຜນ​ກວດກາ, ຕິດຕາມ ​ແລະ ປະ​ເມີນ​ຜົນ​ໃນ​ຂະ​ແໜງ ຍທຂ ​ເພື່ອ​ໃຫ້​ກາຍ​ເປັນ​ຄູ​ຝຶກ ທີ່​ຈະ​ນຳ​​ເອົາວຽກ​ງານ​ດັ່ງ​ກ່າວ​ໄປ​ຈັດຕັ້ງປະຕິບັດໃນ​ຂົງ​ເຂ​ດ ​ຄວາມ​ຮັບ​ຜິດຊອບ​ຂອງຕົນ ​ແລະ ເພື່ອພັດ​ທະນາພະນັກງານ​ທີ່​ເປັນ​ເພດ​ຍິງ​ໃຫ້​ໄດ້ມີ​ສ່ວນ​ຮ່ວມ​ໃນ​ການ​ວາງ​ແຜນ ຫລືຕັດ​ສິນ​ບັນຫາຕ່າງ​ງໆ ​ແລະ ຍັງ​​ເປັນ​ການຍົກ​ລະດັບ​ຄວາມ​ຮູ້​ຄວາມ​ສາມາດ​​ແກ່​ພະນັກງານ​ເພດ​ຍິງ​ໃນຂະ​ແໜງ ຍທຂ ​ແລະ ຕ້ອງ​ສູ້​ຊົນ​​​ໃຫ້​ມີພະນັກງານ​ເພດ​ຍິງ​ໃນຂະ​ແໜງ ຍທຂ ​ໃຫ້ໄດ້​ 30% ​ໃນ​ປີ 2025 ຂ້າງ​ໜ້າ​ທີ່​ຈະ​ມາ​ເຖິ່ງນີ້.

 

 

 

Additional information