ກອງປະຊຸມສາມັນຄົບຄະນະບໍລິຫານງານພັກກະຊວງ ໂຍທາທິການ ແລະ ຂົນສົ່ງ ຄັ້ງທີ 7 ສະໄໝທີ IV

 ໂດຍປະຕິບັດຕາມກົດລະບຽບພັກປະຊາຊົນປະຕິວັດລາວ ສະໄໝທີ X, ມະຕິຕົກລົງ ຂອງຄະນະພັກກະຊວງ ໂຍທາທິການ ແລະ ຂົນສົ່ງ ເລກທີ 414/ຄພກຊ ວ່າດ້ວຍ​ແບບແຜນວິທີເຮັດວຽກຂອງຄະນະບໍລິ ຫານງານພັກ, ຄະນະປະຈຳພັກ ກະຊວງ ຍທຂ ສະໄໝທີ IV ແລະ ອີງຕາມມະຕິຕົກລົງຂອງຄະນະພັກກະຊວງ ໂຍທາທິການ ແລະ ຂົນສົ່ງ ເລກທີ 052/ຄພກຊ, ລົງວັນທີ 21/3/2017 ວ່າດ້ວຍການດໍາເນີນກອງປະຊຸມສາມັນຄົບຄະນະພັກກະຊວງ ໂຍທາທິການ ແລະ ຂົນສົ່ງ ຄັ້ງທີ IV.

 

 ກອງປະຊຸມ​ສາມັນຄົບ​ຄະນະ​ບໍລິຫານ​ງານພັກກະຊວງ ​ໂຍທາ​ທິການ ​ແລະ ຂົນ​ສົ່ງ ຄັ້ງ​ທີ 6 ສະ​  ໄໝ​ທີ IV ໄດ້ໄຂຂື້ນທີຫ້ອງປະຊຸມໃຫຍ່ ກະຊວງ ໂຍທາທິການ ແລະ ຂົນສົ່ງ, ​ໃນ​ວັນ​ທີ 11 ພຶດສະພາ 2017 ຊຶ່ງຈະດໍາເນີນເປັນເວລາ 2 ວັນ, ໂດຍການເປັນປະທານ ຂອງ ສະຫາຍ ປອ ບຸນຈັນ ສິນທະວົງ ເລຂາຄະນະພັກກະຊວງ ຍທຂ. ມີສະຫາຍຮອງເລຂາ, ສະຫາຍປະທານກວດກາຄະນະພັກກະຊວງ, ຄະນະປະຈຳພັກກະຊວງ ຍທຂ, ພ້ອມດ້ວຍກຳມະການຄະນະພັກກະຊວງ ເຂົ້າຮ່ວມ.

 

 ກອງປະຊຸມສາມັນຄົບຄະນະພັກກະຊວງ ໂຍທາທິການ ແລະ ຂົນສົ່ງ ຄັ້ງທີ 7 ສະໄໝທີ IV ກຳລັງ​ດໍາ​ເນີນ​ໄປໃນທ່າມກາງທີ່ທົ່ວພັກ, ທົ່ວລັດ, ທົ່ວປວງຊົນລາວທັງຊາດ ພວມອອກແຮງງານແຂ່ງຂັນຈັດຕັ້ງຜັນຂະຫຍາຍມະຕິກອງປະຊຸມໃຫ່ຍ ຄັ້ງທີ X ຂອງພັກ ເຂົ້າສູ່ວຽກງານຕົວຈິງ ໂດຍສະເພາະແມ່ນການກະກຽມດຳເນີນຊີວິດການເມືອງປັບປຸງປົວແປງທົ່ວພັກ ປີ 2017 ໃຫ້ມີຄວາມປອດໃສ, ເຂັ້ມແຂງ, ໜັກ   ແໜ້ນໃນຂອບເຂດທົ່ວປະເທດ. ສຳລັບ ກະຊວງ ໂຍທາທິການ ແລະ ຂົນສົ່ງ ​ແມ່ນກໍາລັງຈັດຕັ້ງຜັນຂະຫຍາຍ ມະຕິ X ຂອງ​ພັກ ​ແລະ ມະຕິກອງປະຊຸມໃຫ່ຍຄັ້ງທີ IV ຂອງອົງຄະນະພັກກະຊວງ ຢ່າງຕັ້ງໜ້າ  ຊຶ່ງໄດ້ມີຜົນສຳເລັດໃນຫຼາຍດ້ານເປັນກ້າວໆມາ. ພ້ອມທັງ, ກະກຽມດໍາເນີນຊີວິດການເມືອງປັບປຸງປົວແປງທົ່ວອົງຄະນະພັກກະຊວງ ໂຍທາທິການ ແລະ ຂົນສົ່ງ ປີ 2017 ຢ່າງຕັ້ງໜ້າ.

 

   ​ໃນ​ກອງ​ປະຊຸມຈະພ້ອມກັນປຶກສາຫາລື ເພຶ່ອພິຈາລະນາຮັບຮອງ​ເອົາ​ 3 ໜ້າ​ວຽກ​ສຳຄັນຄື: ສະຫຼຸບຕິລາຄາການເຄຶ່ອນໄຫວນຳພາຊີ້ນຳວຽກງານຮອບດ້ານຂອງຄະນະພັກ ແລະ ຄະນະປະຈຳພັກກະຊວງ ຍທຂ ໃນ 3 ເດືອນຜ່ານມາ (1, 2,​ 3/2017) ແລະ ວາງທິດທາງແຜນການ 3 ເດືອນຕໍ່ໜ້າ; ສະຫຼຸບຕີລາຄາຄືນການຈັດຕັ້ງປະຕິບັດວຽກງານ 3 ສ້າງ ຂອງກະຊວງ ຍທຂ; ການຈັດຕັ້ງປະຕິບັດຂໍ້ແຂ່ງຂັນ-ຍ້ອງຍໍ” ຮັກຊາດ ແລະ ພັດທະນາ” ຂອງກະຊວງ ຍທຂ ໃນໄລຍະຜ່ານມາ ແລະ ກໍານົດແຜນການໃນຕໍ່ໜ້າ ເພຶ່ອເປັນຟື້ນຖານໃນການສືບຕໍ່ຈັດຕັ້ງປະຕິບັດວຽກງານດັ່ງກ່າວໃນຕໍ່ໜ້າ.

 

   ພ້ອມກັນນັ້ນ, ກໍຈະໄດ້ຮັບຟັງການລາຍງານການກວດກາແຕ່ລະຫົວທີ ໂຄງການກໍ່ສ້າງຂົວຂ້າມນ້ຳຂອງບ້ານຫ້ວຍແກ້ວ-ກ້ອນຕື້ນ ເມືອງ ປາກທາ ແຂວງ ບໍ່ແກ້ວ ແລະ ໂຄງການກໍ່ສ້າງທາງ ເລກທີ 3206 (ຊໍາໃຕ້-ທ່າເຫຼົ້າ) ແຂວງຫົວພັນ, ການລາຍງານປັບປຸງແບບແຜນການນໍາພາ ແລະ ແບບແຜນວິທີເຮັດວຽກ ຂອງໜ່ວຍພັກຮາກຖານກົມແຜນການ ແລະ ການຮ່ວມມື ໂດຍສະເພາະ ການແກ້ໄຂບັນຫາຫຍໍ້ທໍ້ຕ່າງໆ ພາຍໃນຮາກຖານພັກ. ອັນສໍາຄັນ ແມ່ນຈະໄດ້ຄົ້ນຄວ້າ ແລະ ຮັບຮອງເອົາ ແຜນດໍາເນີນງານຂອງຄະນະພັກ ກະຊວງ ຍທຂ ສະໄໝທີ IV ແຕ່ນີ້ຈົນຄົບວາລະສະໄໝທີ IV (2016-2020).

 

   ບັນຫາສໍາຄັນອັນຮີບດ່ວນ ແມ່ນຈະໄດ້ພ້ອມກັນປືກສາຫາລື ເພຶ່ອຄວາມເປັນເອກະພາບໃນການກະກຽມດຳເນີນຊີວິດການເມືອງປັບປຸງປົວແປງທົ່ວອົງຄະນະພັກກະຊວງ ຍທຂ ປີ 2017 ຕາມຄຳສັ່ງຂອງກົມການເມືອງສູນກາງພັກ ເລກທີ 01/ກມສພ, ລົງວັນທີ 01/02/2017. ເນື່ອງຈາກວ່າກອງປະຊຸມ ໃນຄັ້ງນີ້ ມີເນື້ອໃນສໍາຄັນຫຼາຍດ້ານ ດັ່ງທີ່ໄດ້ກ່າວມາແລ້ວນັ້ນ. ສະນັ້ນ; ດ້ວຍເວລາອັນເຄັ່ງຮ້ອນ ຈຶ່ງຮຽກຮ້ອງມາຍັງບັນດາສະຫາຍຄະນະປະຈຳພັກ, ກຳມະການຄະນະພັກກະຊວງທຸກສະຫາຍ, ຈົ່ງເຊິດຊູຄວາມຮັບຜິດຊອບ ພ້ອມກັນສຸມມະຕິປັນຍາເຂົ້າໃນການຄົ້ນຄວ້າ ແລະ ປະກອບຄຳຄິດ, ຄໍາເຫັນຕໍ່ເນື້ອໃນເອກສານຕ່າງໆຂອງກອງປະຊຸມໃຫ້ເລິກເຊິ່ງ, ໂດຍສະເພາະ ແມ່ນການສະຫຼຸບຕິລາຄາການເຄື່ອນໄຫວນໍາພາຂອງຄະນະພັກກະຊວງ ໃນ​ໄລຍະຜ່ານມາ ເພຶ່ອຊອກໃຫ້ເຫັນດ້ານຕັ້ງໜ້າທີ່ພົ້ນເດັ່ນ ແລະ ຂໍ້ຄົງຄ້າງ ທີ່ຈະໄດ້ປັບປຸງ ແລະ ແກ້ໄຂໃນຕໍ່ໜ້າ. ຢາກໄດ້ຄືແນວນັ້ນ ຕ້ອງມີການຄົ້ນຄວ້າກະກຽມຄຳຄິດ, ຄໍາເຫັນສົມທຽບໃສ່ພຶດຕິກຳຕົວຈິງ ເພຶ່ອປະກອບຄຳເຫັນໃຫ້ຊັດເຈນ; ທັງນີ້ ເພຶ່ອແນ່ໃສ່ເຮັດໃຫ້ກອງປະຊຸມສາມັນຄົບຄະນະພັກກະຊວງ ຍທຂ ຄັ້ງທີ 7 ສະໄໝ IV ນີ້ ສາມາດສະຫຼຸບສັງລວມ ຮັບຮອງເອົາມະຕິ ແລະ ນໍາໄປຈັດຕັ້ງປະຕິບັດ ໃຫ້ສອດຄ່ອງກັບສະພາບຕົວຈິງ ໃຫ້ໄດ້ຮັບຜົນສຳເລັດຕາມຄາດໝາຍທີ່ໄດ້ຮັບຮອງເອົາ.

 

Additional information