ທ່ານລັດຖະມົນຕີ ກະຊວງ ຍທຂ ພ້ອມດ້ວຍຄະນະ ເດີນທາງໄປຢ້ຽມຢາມເຮັດວຽກ ແລະລົງນາມໃນສັນຍາຂົນສົ່ງທາງອາກາດ 2 ຝ່າຍ ລະຫວ່າງ ສປປ ລາວ ແລະປະເທດກາຕາ

  ໃນລະຫວ່າງວັນທີ 20-23/5/2017 ທີ່ຜ່ານມາ, ທ່ານ ປອ. ບຸນຈັນ ສິນທະວົງ, ລັດຖະມົນຕີ ກະຊວງໂຍທາທິການ ແລະຂົນສົ່ງ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມເຮັດວຽກ ແລະລົງນາມໃນສັນຍາຂົນສົ່ງທາງອາກາດ 2 ຝ່າຍ (Air Service Agreement (ASA)) ລະຫວ່າງລັດຖະບານ ສປປ ລາວ ແລະ ປະເທດກາຕາ, ຊຶ່ງຕາງໜ້າໂດຍ ກະຊວງ ຍທຂ ສປປ ລາວ ແລະ ກະຊວງໂຍທາທິການ-ການສື່ສານ ປະເທດກາຕາ, ທີ່ນະຄອນຫລວງໂດຮາ ລັດກາຕາ.

 ການລົງນາມໃນສັນຍາຂົນສົ່ງທາງອາກາດ 2 ຝ່າຍດັ່ງກ່າວ ແມ່ນເປັນສັນຍາເປີດກວ້າງການຮ່ວມມືດ້ານການບິນພົນລະເຮືອນ ລະຫວ່າງ ສປປ ລາວ ແລະ ປະເທດກາຕາ ເວົ້າລວມ, ເວົ້າສະເພາະ ແມ່ນເພື່ອອຳນວຍຄວາມສະດວກ ໃຫ້ແກ່ສາຍການບິນທີ່ຖືກແຕ່ງຕັ້ງຂອງທັງສອງຝ່າຍ ສາມາດບິນໄປມາຫາສູ່ ແລະ ບິນຜ່ານນ່ານຟ້າຂອງກັນ ແລະ ກັນໄດ້, ແນໃສ່ຊຸກຍູ້ ແລະ ສົ່ງເສີມ ຂະແໜງການຄ້າ, ການລົງທຶນ ແລະ ການທ່ອງທ່ຽວ ໃນຕໍ່ໜ້າ.

Additional information