ທ່ານ ປອ. ບຸນຈັນ ສິນທະວົງ ລັດຖະມົນຕີກະຊວງ ຍທຂ ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ປອ. ຊາຕຣາປາຕິ ຊິວາຈິ (Dr. Kshatrapati Shivaji) ຫົວໜ້າຫ້ອງການກຸ່ມ ປະຈຳ ADB.

  ໃນຕອນເຊົ້າວັນທີ 22 ສິງຫາ 2017 ຢູ່​ທີ່​ຫ້ອງ​ຮັບ​ແຂກ ກະຊວງ ​ໂຍທາ​ທິການ ​ແລະ ຂົນ​ສົ່ງທ່ານ ປອ. ບຸນຈັນ ສິນທະວົງ ລັດຖະມົນຕີ ກະຊວງ ໂຍທາທິການ ແລະ ຂົນສົ່ງ ​ໄດ້​ຕ້ອນຮັບ​ການ​ເຂົ້າ​ຢ້ຽມ​​ຂ່ຳນັບຂອງ ທ່ານ ປອ. ຊາຕຣາປາຕິ ຊິວາຈິ (Dr. Kshatrapati Shivaji) ຫົວໜ້າຫ້ອງການກຸ່ມ ປະຈຳ ADB ​ໃນ​​ໂອກາດ​ທີ​ທ່ານ​ເດີນມາຢ້ຽມຢາມ ແລະ ເຮັດວຽກຢູ່ ສປປ ລາວ ເພື່ອຕິດຕາມສະພາບການພັດທະນາເສດຖະກິດ-ສັງຄົມ ແລະ ຂໍທິດຊີ້ນຳໃນວຽກງານການຮ່ວມມື ລະຫວ່າງ ສປປ ລາວ ແລະ ADB ຈາກນັ້ນ, ທ່ານພ້ອມ​ດ້ວຍ​ຄະນະຈະລົງໄປຢ້ຽມຢາມໂຄງການທີ່ ADB ໃຫ້ຊ່ວຍເຫຼືອເຊັ່ນ: ໂຄງການຄຸ້ມຄອງ ແລະ ຫຼຸດຜ່ອນຄວາມສ່ຽງຈາກໄພນ້ຳຖ້ວມ ແລະ ແຫ້ງແລ້ງ, ໂຄງການປັບປຸງຄວາມອາດສາມາດດ້ານສຸຂະນາໄມ ເພື່ອອຳນວຍຄວາມສະດວກໃນການຄ້າ ໃນເຂດອານຸພາກພື້ນແມ່ນນ້ຳຂອງ ແລະ ໂຄງການຂົນສົ່ງແບບຍືນຍົງໃນນະຄອນຫຼວງວຽງຈັນ.

Additional information