ກະຊວງ ຍທຂ ເຜີຍແຜ່ດຳລັດວ່າດ້ວຍການແຈ້ງຊັບສິນ ແລະ ລາຍຮັບ ຂອງພະນັກງານ ຂັ້ນສູນກາງຄຸ້ມຄອງ ແລະ ພະນັກງານຂັ້ນກະຊວງຄຸ້ມຄອງ ຮອບທີ II

  ກອງປະຊຸມ ແນະນຳການຈັດຕັ້ງປະຕິບັດ ດຳລັດ ວ່າດ້ວຍການແຈ້ງຊັບສິນ ແລະ ລາຍຮັບ ຂອງພະນັກ ງານ ຂັ້ນສູນກາງຄຸ້ມຄອງ ແລະ ພະນັກງານຂັ້ນກະຊວງຄຸ້ມຄອງ ຮອບທີ II ໄດ້ເປີດຂຶ້ນໃນຕອນເຊົ້າວັນທີ 7 ກັນຍາ 2017 ທີ່ກະຊວງ ໂຍທາທິການ ແລະ ຂົນສົ່ງ. ຊຶ່ງກອງປະຊຸມໄດ້ດຳເນີນໄປເປັນເວລາເຄິ່ງມື້ ໂດຍພາຍໃຕ້ການເປັນປະທານຂອງ ທ່ານ ນາງ ວິໄລຄຳ ໂພສາລາດ ຄະນະປະຈຳພັກກະຊວງ, ປະທານຄະນະກວດກາພັກກະຊວງ, ຮອງລັດຖະມົນຕີ ກະຊວງ ຍທຂ. ມີຜູ້ເຂົ້າຮ່ວມຈາກ ບັນດາກົມ, ຫ້ອງການ, ກອງ, ສະຖາບັນ ແລະ ບັນດາລັດວິສາຫະກິດ ອ້ອມຂ້າງກະຊວງເຂົ້າຮ່ວມຢ່າງພ້ອມພຽງ

 ໃນໂອກາດດັ່ງກ່າວໃຫ້ກຽດຂື້ນເຜີຍແຜ່ແນະນຳການຈັດຕັ້ງປະຕິບັດດຳລັດວ່າດ້ວຍການແຈ້ງຊັບສິນ ແລະ ລາຍຮັບ ຂອງພະນັກງານຂັ້ນສູນກາງຄຸ້ມຄອງ ແລະ ພະນັກງານຂັ້ນກະຊວງຄຸ້ມຄອງ ຮອບທີ II ໂດຍ ທ່ານ ຈັນຕຸລາ ພະນະລາສີ ຮອງປະທານກວດກາພັກກະຊວງ, ຫົວໜ້າກົມກວດກາ ພ້ອມດຽວກັນນີ້ ທ່ານ ເທບພະໄທ ພັນກ້າ ຮອງຫົວໜ້າກົມຕ້ານການສໍ້ລາດບັງຫຼວງ ອົງການກວດກາລັດຖະບານ ກໍ່ໄດ້ໃຫ້ກຽດຂຶ້ນເຜີຍແຜ່ ແລະ ໃຫ້ ຄວາມກະຈ່າງແຈ້ງ ໃນການຕອບຄຳຖາມຂອງບັນດາແຂກຜູ້ເຂົ້າຮ່ວມ. ໃນຕອນທ້າຍຂອງກອງປະຊຸມຄັ້ງນີ້ ກໍ່ໄດ້ຮັບ ຟັງ ແລະ ໃຫ້ທິດຊີ້ນຳ  ຈາກທ່ານ ນາງ ວິໄລຄຳ ໂພສາລາດ ຄະນະປະຈຳພັກກະຊວງ,ປະທານຄະນະກວດກາພັກກະຊວງ, ຮອງລັດຖະມົນຕີກະຊວງ ຍທຂ, ເຊິ່ງທ່ານໄດ້ເໜັ້ນໜັກ ໃຫ້ຜູ້ເຂົ້າຮ່ວມພ້ອມກັນ ເອົາໃຈໃສ່ໃຫ້ຄວາມ ສຳຄັນໃນການແຈ້ງ ຊັບສິນ ຂອງຕົນ ໃຫ້ຖືກຕ້ອງຕາມລະບຽບການ ແລະ  ສຳເລັດຕາມລະດັບຄາດໝາຍທີ່ວາງໄວ້.   

 

 

 

 

Additional information