ກະຊວງ ຍທຂ ປະຊຸມຂະແໜງພື້ນຖານໂຄງລ່າງຄັ້ງທີ 10 ປະຈຳປີ 2017

ໃນຕອນບ່າຍຂອງວັນທີ 29 ກັນຍາ 2017 ຢູ່ທີ່ໂຮງແຮມ ຄຣາວພຣາຊາ ກະຊວງໂຍທາທິການ ແລະ ຂົນສົ່ງ ໄດ້ປະຊຸມຂະແໜງພື້ນຖານໂຄງລ່າງຄັ້ງທີ 10 ປະຈຳປີ 2017, ໃຫ້ກຽດເປັນປະທານ ຮ່ວມ ໂດຍທ່ານ ປອ. ບຸນຈັນ ສິນທະວົງ ລັດຖະມົນຕີ ກະຊວງ ຍທຂ, H.E. Takeshi HIKIHARA, Ambassador of japan to Lao PDR, Mr. jean CHRISTOPHE CARRET, WB Country Manager, Lao PDR, ແລະ Mr. Yasushi NEGISHI, Country Director, Lao PDR Resident Mission, ມີບັນດາທ່ານຫົວໜ້າກົມ, ຮອງກົມວິຊາການທີ່ກ່ຽວຂ້ອງ ເຂົ້າຮ່ວມທັງໝົດ 92 ຄົນ.

ກອງປະຊຸມຂະແໜງພື້ນຖານໂຄງລ່າງຄັ້ງທີ 10 ປະຈຳປີ 2017 ໃນຄັ້ງນີ້ ທ່ານ ອຸໄລ ພະດວງເດດ, ຫົວໜ້າກົມ ແຜນການ ແລະ ການຮ່ວມມື, ກະຊວງ ຍທຂ ໄດ້ລາຍງານຜົນສຳເລັດ ໃນການຈັດຕັ້ງປະຕິ ບັດວຽກງານ ໃນສົກປີ 2016-2017 ຜ່ານມາພ້ອມທັງສະເໜີ ບັນດາສີ່ງທ້າທາຍ ແລະ ສະເໜີແຜນ ການປີ 2018 ຕໍ່ກອງປະຊຸມ ແລະ ຜູ້ໃຫ້ທຶນຊາບ, ຈາກນັ້ນກອງປະຊຸມ ກໍໄດ້ພ້ອມກັນປຶກສາຫາລື ແລກປ່ຽນບົດຮຽນ ເພື່ອຊອກຫາວິທີ ແລະແນວທາງ ເພື່ອແກ້ໄຂບັນດາສີ່ງທ້າທາຍທີ່ໄດ້ປະເຊີນໃນຊຸມປີ ຜ່ານມາ, ແນໃສ່ເພື່ອເຊື່ອມສານເປົ້າໝາຍພັດທະນາແບບຍືນຍົງ ເຂົ້າໃນແຜນພັດທະນາຂະແໜງ ຍທຂ.

ກອງປະຊຸມໄດ້ປຶກສາຫາລື 10 ຫົວຂໍ້ຫລັກ ທີ່ເປັນໜ້າວຽກ ຕາມພາລະບົດບາດຂອງກະຊວງ ຍທຂ ແລະ ໄດ້ປິດລົງ ເວລາ 17 ໂມງ ໃນຕອນບ່າຍຂອງວັນດຽວກັນ.

Additional information