ຂະແໜງ ຍທຂ ເປີດຝຶກອົບຮົມວຽກງານກວດກາ ປະຈຳປີ 2017

ວັນທີ 09 ຕຸລາ 2017 ກະຊວງໂຍທາທິການ ແລະ ຂົນສົ່ງ ໄດ້ເປີດບັ້ນຝຶກອົບຮົມວຽກງານກວດກາ ປະຈຳປີ 2017 ຂື້ນທີ່ ແຂວງຄຳມ່ວນ ກອງປະຊຸມໄດ້ດຳເນີນເປັນເວລາ 05 ວັນແຕ່ວັນທີ 09-13/10/ 2017 ໃຫ້ກຽດເຂົ້າຮ່ວມກອງ ປະຊຸມຄັ້ງນີ້ ໂດຍ ທ່ານ ນ. ວິໄລຄໍາ ໂພສາລາດ ປະທານກວດກາພັກກະຊວງ, ຮອງລັດຖະມົນຕີ, ທ່ານ ບຸນມີ ພິມມະສານ ຮອງເຈົ້າແຂວງ ແຂວງຄຳມ່ວນ, ທ່ານ ບຸນຈັນ ບຸບຜາລີວັນ ເຈົ້າເມືອງ ເມືອງທ່າແຂກ ແຂວງຄຳມ່ວນ, ພ້ອມດ້ວຍ ຄະນະກົມ, ສະຖາບັນ, ກອງ ແລະ ພະນັກງານວິຊາການ ເຂົ້າຮ່ວມນຳ.

ກອງປະຊຸມຝຶກອົບຮົມວຽກງານກວດກາ ຂະແໜງ ຍທຂ ຄັ້ງນີ້, ແມ່ນໄດ້ຮ່ວມກັນສັງເກດຕີລາຄາ ການຈັດຕັ້ງປະຕິ ບັດວຽກງານກວດກາພັກ-ລັດ 1 ປີຜ່ານມາ; ປຶກສາຫາລືທິດທາງແຜນການເຄື່ອນໄຫວຢ່າງມີຈຸດສຸມ, ທັງກໍານົດ ຈະແຈ້ງແຜນການແກ້ໄຂດ້ານຫຍໍ້ທໍ້ຕ່າງໆ, ມີຄາດໝາຍສູ້ຊົນ ແລະມາດຕະການແກ້ໄຂ ເພື່ອເຮັດໃຫ້ວຽກງານ ກວດກາ ຂອງ ກະຊວງໂຍທາທິການ ແລະ ຂົນສົ່ງ ກາຍເປັນໜ້າທີ່ຄວາມຮັບຜິດຊອບ ໂດຍກົງຂອງ ຄະນະພັກ-ຄະ ນະນໍາ, ຄະນະກວດກາແຕ່ລະຂັ້ນ ແລະ ເປັນໜ້າທີ່ໃນການຈັດຕັ້ງປະຕິບັດຂອງ ສະມາຊິກພັກ, ພະນັກງານ-ລັດຖະ ກອນ ໃຫ້ປະກົດຜົນເປັນຈິງ.

ສິ່ງສຳຄັນອີກຢ່າງໜຶ່ງ, ກອງປະຊຸມຍັງໄດ້ຮັບຟັງການເຜີຍແຜ່ນິຕິກໍາກ່ຽວກັບ ລະບົບການຈັດຕັ້ງ, ບຸກຄະລະກອນ, ພາລະບົດບາດຂອງວຽກງານກວດກາ, ຜ່ານຮ່າງເອກະສານກວດກາເຕັກນິກ; ນອກຈາກນີ້, ຍັງຈະໄດ້ຮັບຟັງການ ສະເໜີຈາກ ພະແນກ ຍທຂ ໃນແຕ່ລະພາກ ເພື່ອແລກປ່ຽນບົດຮຽນໃນການກວດກາເລີ້ມແຕ່ຫົວທີ ບັນດາໂຄງການ ກໍ່ສ້າງຕ່າງໆ ຫລັງຈາກນັ້ນ, ບັນດາຜູ້ແທນຈະໄດ້ລົງເບິ່ງສະໜາມກໍ່ສ້າງຕົວຈິງຕື່ມອີກ.

Additional information