ຝຶກອົບຮົມ ການຄຸ້ມຄອງສິ່ງແວດລ້ອມ, ການຄຸ້ມຄອງແຮ່ທາດ, ການຄຸ້ມຄອງແຮງງານ ແລະ ການຄຸ້ມຄອງຄົນຕ່າງປະເທດສະເພາະໂຄງການກໍ່ສ້າງທາງລົດໄຟລາວ-ຈີນ

ໃນວັນທີ 25 ຕຸລາ 2017 ຢູ່ທີ່ຫ້ອງປະຊຸມໃຫຍ່ ກະຊວງ ຍທຂ ໄດ້ເປີດກອງປະຊຸມກ່ຽວກັບການຈັດຝຶກ ອົບຮົມ ການຄຸ້ມຄອງສິ່ງແວດລ້ອມ, ​ການຄຸ້ມຄອງແຮ່ທາດ, ການຄຸ້ມຄອງແຮງງານ ແລະ ການຄຸ້ມຄອງ ຄົນຕ່າງປະເທດສະເພາະໂຄງການກໍ່ສ້າງທາງລົດໄຟລາວ-ຈີນ ພາຍໃຕ້ການເປັນປະທານ ຂອງທ່ານ ລັດຕະ ນະມະນີ ຄູນນີວົງ ຮອງລັດຖະມົນຕີ ກະຊວງ ຍທຂ, ຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟ ລາວ-ຈີນ. ໃຫ້ກຽດເຂົ້າຮ່ວມມີບັນດາທ່ານວິທະຍາກອນ ຈາກກະຊວງຊັບພະຍາກອນທຳມະຊາດ ແລະ ສິ່ງ ແວດລ້ອມ, ກະຊວງພະລັງງານ ແລະ ບໍ່ແຮ່, ກະຊວງແຮງງານ ແລະ ສະຫວັດດີການສັງຄົມ, ກະຊວງປ້ອງ ກັນຄວາມສະຫງົບ, ກະຊວງການຕ່າງປະເທດ, ພະແນກ ຍທຂ ແຂວງ, ຫ້ອງການປະສານງານໂຄງການ ກໍ່ສ້າງທາງລົດໄຟລາວ-ຈີນ ຂອງ ແຂວງ ຫຼວງນ້ຳທາ, ແຂວງອຸດົມໄຊ, ແຂວງ ຫຼວງພະບາງ, ແຂວງ ວຽງຈັນ ແລະ ນະຄອນຫຼວງວຽງຈັນ, ກອງປະຊຸມຈະດຳເນີນໄປເປັນເວລາ 2 ວັນ

ການຝຶກອົບຮົມຄັ້ງນີ້ ເພື່ອເຜີຍແຜ່ລະບຽບການຕ່າງໆ ແລະ ການຈັດຕັ້ງປະຕິບັດຂອງບັນດາຂະແໜງ ການທີ່ກ່ຽວຂ້ອງກັບໂຄງການກໍ່ສ້າງທາງລົດໄຟລາວ-ຈີນ ໃນໂອກາດນີ້ທ່ານ ລັດຕະນະມະນີ ຄູນນີວົງ ຮອງລັດຖະມົນຕີ ກະຊວງ ຍທຂ, ຫົວໜ້າຄະນະຄຸ້ມຄອງໂຄງການກໍ່ສ້າງ ທາງລົດໄຟລາວ-ຈີນ ທັງເປັນ ປະທານກອງປະຊຸມ ສະເໜີ ໃຫ້ບັນດາຂະແໜງການທີ່ກ່ຽວຂ້ອງພ້ອມກັນປຶກສາຫາລື ຖອດຖອນບົດຮຽນ ເພື່ອນຳໄປຈັດຕັ້ງເຜີຍແຜ່ລະບຽບການໃຫ້ບັນດາຜູ້ຮັບເໝົາຊາບ ພ້ອມທັງມອບລະບຽບການດັ່ງກ່າວ ເປັນລາຍລັກອັກສອນໃຫ້ເຈົ້າຂອງໂຄງການ ແລະ ຜູ້ຮັບເໝົາເພື່ອເປັນບ່ອນອີງໃນການຈັດຕັ້ງປະຕິບັດ.

 

 

 

Additional information