ກະຊວງ ໂຍທາທິການ ແລະ ຂົນສົ່ງ, ຖອດຖອນບົດຮຽນ ວຽກບູລະນະຮັກສາເສັ້ນທາງຫຼວງແຫ່ງຊາດ ປະຈຳປີ 2017 ແລະ ທິດທາງແຜນການ ປະຈຳປີ 2018

ໃນຕອນເຊົ້າວັນທີ 20 ພະຈິກ 2017 ຢູ່ທີ່ຫ້ອງປະຊຸມໃຫຍ່ເບີ 1 ກະຊວງ ຍທຂ ໄດ້ດຳເນີນກອງປະຊຸມສະ ຫຼຸບຕີລາຄາ, ຖອດຖອນບົດຮຽນ ວຽກບູລະນະຮັກສາເສັ້ນທາງຫຼວງແຫ່ງຊາດ ປະຈຳປີ 2017 ແລະ ທິດທາງ ແຜນການປະຕິບັດວຽກ ປະຈຳປີ 2018 ພາຍໃຕ້ການເປັນປະທານຂອງ ທ່ານ ປອ. ບຸນຈັນ ສິນທະວົງ ລັດຖະມົນຕີ ກະຊວງ ຍທຂ, ມີ ທ່ານ ແພງ ດວງເງິນ ຫົວໜ້າກົມຂົວທາງ, ທ່ານ ລິດຕາ ຂັດທິຍະ ຮອງຫົວໜ້າກົມຂົວທາງ, ມີບັນດາຜູ້ຕາງໜ້າຈາກ ກົມກວດກາ, ກົມການເງິນ, ກົມແຜນການ ແລະ ການຮ່ວມມື, ມີຫົວໜ້າ ແລະ ຮອງຫົວໜ້າໂຄງການສ້ອມແປງທາງ 25 ໂຄງການ, ຄະນະພະແນກ ຍທຂ ແຂວງ ແລະ ນະຄອນຫຼວງ ມີ ຜູ້ເຂົ້າຮ່ວມທັງໝົດມີ 73 ຄົນ.

ກອງປະຊຸມໄດ້ຮັບຟັງການລາຍງານ ການຈັດຕັ້ງປະຕິບັດວຽກບູລະນະຮັກສາທາງຫຼວງແຫ່ງຊາດ ປະຈຳປີ 2017, ການຂຶ້ນແຜນວຽກການສ້ອມແປງ, ການຄັດເລືອກບໍລິສັດຜູ້ຮັບເໝົາ, ການຄຸ້ມຄອງສັນຍາ, ການຄຸ້ມຄອງລາຄາຫົວໜ່ວຍ, ການຈັດຕັ້ງປະຕິບັດວຽກງານບູລະນະຮັກສາທາງຫຼວງ ຕາມປົກກະຕິດ້ວຍ ແຮງງານປະຊາຊົນ, ການວາງແຜນການຈັດຕັ້ງປະຕິບັດວຽກບູລະນະຮັກສາທາງຫຼວງ ປະຈຳປີ 2018; ເຊິ່ງ ໄດ້ສະຫຼຸບຕີລາ ສະພາບການເປ່ເພຕົວຈິງຂອງໂຄງສ້າງທາງ, ລະບົບລະບາຍນ້ຳ, ການເຊາະເຈື່ອນ ແລະ ສິ່ງປະກອບຕ່າງຂອງເສັ້ນທາງ ພ້ອມກັນນີ້ບັນດາຜູ້ເຂົ້າຮ່ວມໄດ້ປະກອບຄຳຄິດຄຳເຫັນ ໃສ່ການວາງແຜນ ການຈັດຕັ້ງປະຕິບັດວຽກບູລະນະຮັກສາທາງຫຼວງປະຈຳປີ 2018 ດ້ວຍຄວາມຮັບຜິດຊອບສູງ.

 

 

 

Additional information