ຝຶກອົບຮົມ-ສຳມະນາ ວຽກງານຄຸ້ມຄອງລັດຖະກອນ ຂະແໜງ ຍທຂ

ໃນຕອນເຊົ້າວັນທີ 14 ທັນວາ 2017 ຢູ່ທີ່ຫ້ອງປະຊຸມໃຫຍ່ ກະຊວງ ຍທຂ ໄດ້ຈັດກອງປະຊຸມຝຶກອົບ ຮົມ-ສຳມະນາວຽກງານຄຸ້ມຄອງລັດຖະກອນ ຂະແໜງ ຍທຂ ພາຍໃຕ້ການເປັນປະທານຮ່ວມທ່ານ ລັນ ແສງອາພອນ ຫົວໜ້າກົມຈັດຕັ້ງ ແລະ ພະນັກງານ, ກະຊວງ ຍທຂ ແລະ ທ່ານ ສຸວັນນີ ລັດຕະນະວົງ ຫົວໜ້າກົມ ຄຸ້ມຄອງລັດຖະກອນ ຂອງກະຊວງພາຍໃນ ມີຜູ້ເຂົ້າຮ່ວມ ຈາກ ຫ້ອງການ, ບັນດາກົມ, ສະຖາບັນ, ກອງ ແລະ ພະແນກ ຍທຂ ແຂວງ 

ກອງປະຊຸມໄດ້ຮັບຟັງການເຜີຍແຜ່ ເນື້ອໃນອັນທີ່ສຳຄັນຂອງກົດໝາຍ ວ່າດ້ວຍພະນັກງານ-ລັດຖະກອນ ທີ່ ເວົ້າເຖິງຄວາມແຕກຕ່າງຈາກການປັບປຸງດຳລັດ 82/ນຍ ມາເປັນກົດໝາຍ. ພ້ອມກັນນີ້ ກອງປະຊຸມ ໄດ້ຟັງການເຜີຍແຜ່ຂໍ້ຕົກລົງວ່າດ້ວຍ ການມອບບາງວຽກງານ ກ່ຽວກັບການຄຸ້ມຄອງພະນັກງານ-ລັດຖະ ກອນ ໃຫ້ບັນດາກະຊວງ, ອົງການລັດທຽບເທົ່າກະຊວງ ແລະ ອົງການປົກຄອງທ້ອງຖິ່ນ ຮັບຜິດຊອບ ແລະ ແກ້ໄຂຢ່າງຂາດຕົວ. ສຸດທ້າຍໄດ້ຮັບຟັງການເຜີຍແຜ່ ກ່ຽວກັບການກະກຽມການອອກບັດ ສະມາດກາດ ໃຫ້ລັດຖະກອນ, ຊຶ່ງໄດ້ຄວບລວມເອົາ 3 ບັດ ເຂົ້າມາໄວ້ໃນບັດດຽວກັນ ເຊັ່ນ: ໄດ້ລວມເອົາ ບັດປະຈຳຕົວ, ບັດຖອນເງິນເດືອນ ຫລື ບັດເອທີເອັມ ແລະ ບັດປະກັນສັງຄົມຂອງແຕ່ລະຄົນ ເຂົ້າໃສ່ໄວ້ໃນບັດດຽວກັນ ຫລື ເອີ້ນວ່າ ເຮັດ 3 ບັດ ມາເປັນບັດດຽວ.

ນອກນີ້ກອງປະຊຸມຍັງໄດ້ແລກປ່ຽນບົດຮຽນ, ປະກອບຄຳຄິດຄຳເຫັນ, ສົນທະນາຖາມ-ຕອບ ຂໍ້ຂ້ອງໃຈ ກ່ຽວກັບວຽກງານຄຸ້ມຄອງລັດຖະກອນ ຢູ່ພາຍໃນຂະແໜງ ຍທຂ ອີກດ້ວຍ.

ກອງປະຊຸມໄດ້ດຳເນີນມາເປັນເວລາ 2 ວັນ ແລະ ໄດ້ປິດລົງໃນວັນທີ 15/12/2017 ນີ້.

 

 

 

 

 

 

 

Additional information