ຈັດຕັ້ງເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 5 ຂອງຄະນະບໍລິຫານງານສູນກາງພັກສະໄໝທີ X

ໃນຕອນເຊົ້າຂອງວັນທີ 27 ທັນວາ 2017 ຢູ່ທີ່ຫ້ອງປະຊຸມໃຫຍ່ ກະຊວງ ຍທຂ ໄດ້ຈັດຕັ້ງເຊື່ອມຊຶມມະຕິ ກອງປະຊຸມຄົບຄະນະ ຄັ້ງທີ 5 ຂອງຄະນະບໍລິຫານງານສູນກາງພັກສະໄໝທີ X ໂດຍໃຫ້ກຽດເປັນປະທານ ຂອງ ສະຫາຍ ປອ. ບຸນຈັນ ສິນທະວົງ, ກຳມະການສູນກາງພັກ ເລຂາຄະນະພັກ ລັດຖະມົນຕີ ກະຊວງ ຍທຂ  ສະຫາຍຮອງຄະນະປະຈຳພັກ, ຄະນະພັກກະຊວງ, ບັນດາສະຫາຍ ຄະນະພັກຮາກຖານ, ຄະນະໜ່ວຍ ພັກຮາກຖານ, ຜູ້ຊ່ວຍລັດຖະມົນຕີ, ທີ່ປຶກສາລັດຖະມົນຕີ, ຫົວໜ້າກົມ, ຮອງຫົວໜ້າກົມ, ຫ້ອງການ, ສະຖາບັນ, ກອງ, ວິຊາການລັດວິສາຫະກິດ, ຫົວໜ້າພະແນກ, ຮອງຫົວໜ້າພະແນກ ທີ່ຂຶ້ນກັບກົມ, ຫ້ອງ ການ, ສະຖາບັນ ແລະ ກອງ, ວິຊາການລວມທັງຜູ້ຕາງໜ້າສາມອົງການຈັດຕັ້ງມະຫາຊົນຂັ້ນກະຊວງ ເຂົ້າ ຮ່ວມຈຳນວນທັງໝົດ 147 ສະຫາຍ, ຍິງ 29 ສະຫາຍ.

ກອງປະຊຸມໄດ້ຮັບຟັງການເຜີຍແຜ່ເອກະສານຕ່າງໆ ເຊັ່ນ: ຕີລາຄາຜົນຂອງການຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມສູນກາງຄົບຄະນະຄັ້ງທີ 5 ຂອງຄະນະບໍລິຫານງານສູນກາງພັກສະໄໝທີ X, ທິດທາງລວມ ແລະ ໜ້າທີ່ຈຸດສຸມໃນຕໍ່ໜ້າ ຜ່ານການເຊື່ອມຊຶມໃນຄັ້ງນີ້ ເຮັດໃຫ້ພະນັກງານຫຼັກແຫຼ່ງ ພະນັກງານສະມາຊິກພັກຂອງ ກະຊວງ ຍທຂ ໄດ້ຮັບຮູ້, ເຂົ້າໃຈລາຍລະອຽດຂອງບັນດາເອກະສານຕ່າງໆ  ແລະ ສະພາບການຂອງສັງຄົມ ໃນປະຈຸບັນເຊິ່ງສາມາດນຳເອົາໄປໝູນໃຊ້ເຂົ້າ ໃນການປະຕິບັດວຽກ ງານຂອງຕົນນອກນັ້ນບັນດາກົມ,ສະຖາບັນ,ກອງວິຊາການຍັງຈະໄດ້ສືບຕໍ່ເຊື່ອມຊຶມເອກະສານດັ່ງກ່າວໃນ

ຂັ້ນຂອງຕົນຕື່ມອີກ.

ພິທີເຊື່ອມຊຶມໄດ້ດຳເນີນໄປເປັນເວລາເຄິ່ງວັນ ແລະ ໄດ້ປິດລົງໃນເວລາ 11:45 ຂອງວັນດຽວກັນ.

 

 

 

Additional information