ກອງປະຊຸມຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IV ຄະນະພັກຮາກຖານຫ້ອງການແລະ ທິດທາງແຜນການໃນຕໍ່ໜ້າ

ໃນຕອນເຊົ້າຂອງວັນທີ 5 ທັນວາ 2017 ຢູ່ທີ່ຫ້ອງປະຊຸມໃຫຍ່ເບີ 1 ກະຊວງ ຍທຂ ໄດ້ເປີດກອງປະຊຸມກາງສະໄໝ ສະຫຼຸບຕີລາຕາ ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IV ຂອງ ຄະນະພັກຮາກຖານ ຫ້ອງການກະຊວງ ໂຍທາທິການ ແລະ ຂົນສົ່ງ ໂດຍໃຫ້ກຽດເປັນປະທານຂອງ ສະຫາຍ ປອ. ບຸນຈັນ ສິນທະວົງ ກຳມະການສູນກາງພັກ, ເລຂາຄະນະພັກ ລັດຖະມົນຕີ ກະຊວງ ຍທຂ. ໃຫ້ກຽດເຂົ້າຮ່ວມມີຮອງເລຂາຄະນະພັກກະຊວງ,​ ເລຂາຄະນະພັກ ຮາກຖານຫ້ອງການ, ຮອງເລຂາຄະນະພັກຮາກຖານ, ຫົວໜ້າຫ້ອງການຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກຮາກຖານ, ບັນດາສະມາຊິກພັກຫ້ອງການ ແລະ ຄະນະໜ່ວຍບໍລິຫານງານແມ່ຍິງກະຊວງ ເຂົ້າຮ່ວມ ລວມທັງໝົດຈຳນວນ 47 ສະຫາຍ, ເປັນຍິງ 8 ສະຫາຍ.

ກອງປະຊຸມໄດ້ຮັບຟັງບົດສະຫຼຸບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IV 3 ປີ ແລະ ແຜນການ 2 ປີຕໍ່ໜ້າ ຈາກນັ້ນກອງປະຊຸມໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳ ຂອງສະຫາຍ ປອ. ບຸນຈັນ ສິນທະວົງ ກຳມະການສູນ ກາງພັກ, ເລຂາຄະນະພັກກະຊວງ ລັດຖະມົນຕີ ກະຊວງ ຍທຂ. ໂດຍສະຫາຍໄດ້ເນັ້ນໜັກໃຫ້ເອົາໃຈໃສ່ເຮັດໜ້າ ທີ່ການເມືອງ ໜ້າທີ່ຮັບຜິດຊອບ ເອົາໃຈໃສ່ສຶກສາອົບຮົມໃຫ້ພະນັກງານສະມາຊິກພັກ ເສີມຂະຫຍາຍຈິດໃຈຮັກຊາດ ເອົາໃຈໃສ່ກ່ຽວກັບລະບອບວິທີເຮັດວຽກປັບປຸງກົນໄກລະບອບປະສານງານ ກັບບັນດາກົມກອງຕ່າງໆ ໃຫ້ສົມກັບວ່າ ເປັນໃຈກາງໃນການປະສານງານຂອງກະຊວງ ຍທຂ ນອກນີ້ຍັງໄດ້ຍ້ອງຍໍຊົມເຊີຍຍາມໃດຄະນະນຳຫ້ອງການ ກະຊວງ ທີ່ເປັນເສນາທິການທີ່ດີຕໍ່ຄະນະນຳກະຊວງຕະຫຼອດມາ.

Additional information