ພິທີລະນຶກວັນສາກົນ ຢຸດຕິການໃຊ້ຄວາມຮຸນແຮງຕໍ່ແມ່ຍິງ 25 ພະຈິກ 2017

ໃນຕອນເຊົ້າຂອງວັນທີ 5 ມັງກອນ 2018 ຢູ່ທີ່ຫ້ອງປະຊຸມໃຫຍ່ເບີ 1 ກະຊວງ ຍທຂ ໄດ້ມີພິທີລະນຶກວັນ ສາກົນ ຢຸດຕິການໃຊ້ຄວາມຮຸນແຮງຕໍ່ແມ່ຍິງວັນທີ 25 ພະຈິກ 2017 ໂດຍໃຫ້ກຽດເປັນປະທານຂອງ ທ່ານ ນາງ ວິໄລຄຳ ໂພສາລາດ ຮອງລັດຖະມົນຕີ, ປະທານ ຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ກະຊວງ ຍທຂ ໃຫ້ກຽດເຂົ້າຮ່ວມມີຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງພະແນກ, ທີ່ມາ ຈາກບັນດາກົມກອງ, ສະຖາບັນ, ລັດວິສາຫະກິດ ອ້ອມຂ້າງກະຊວງ ຍທຂ ເຂົ້າຮ່ວມຈຳນວນທັງໝົດ 160 ທ່ານ, ຍິງ 85 ທ່ານ.

ກອງປະຊຸມໄດ້ຮັບຊົມ ວິດີໂອກ່ຽວກັບຄວາມຮຸນແຮງຢູ່ໃນຄອບຄົວໃນລາວ ແລະ ວິດີໂອສານ ຂອງທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ, ປະທານ ຄຊກມດ ຈາກນັ້ນຜູ້ເຂົ້າຮ່ວມກອງປະຊຸມຮັບ ຟັງປາຖະກະຖາຂອງທ່ານ ທ່ານ ນາງ ວິໄລຄຳ ໂພສາລາດ ຮອງລັດຖະມົນຕີ, ປະທານ ຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ກະຊວງ ຍທຂ ເຊິ່ງສະທ້ອນໃຫ້ເຫັນສະພາບການກົດຂີ່ແມ່ຍິງ ແລະ ເດັກນ້ອຍຢູ່ໃນສັງຄົມຍັງມີຢູ່ຫຼວງຫຼາຍ ຈາກນັ້ນໄດ້ຮັບຊົມການສະແດງບົດຟ້ອນ, ຮ້ອງເພງ ແລະ ລະຄອນ ສັ້ນ ຂອງນ້ອງນັກຮຽນຈາກ ໂຮງຮຽນ ມສ ວຽງຈັນ ທີ່ສ້າງບັນຍາກາດອັນຟົດຟື້ນ

ກອງປະຊຸມໄດ້ດຳເນີນໄປເປັນເວລາເຄິ່ງມື້ ແລະ ປິດລົງໃນວັນດຽວກັນ

 

 

 

 

 

 

 

 

 

 

Additional information