ໜ່ວຍພັກຮາກຖານ ສະຖາບັນຄົ້ນຄວ້າ ໂຍທາທິການ ແລະ ຂົນສົ່ງ ເປີດກອງປະຊຸມສະຫລຸບຕີລາຄາ ການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ IV

      ໃນວັນພຸດ ວັນທີ 17 ມັງກອນ 2018 ສະຖາບັນຄົ້ນຄວ້າ ໂຍທາທິການ ແລະ ຂົນສົ່ງ ໄດ້ຈັດກອງປະຊຸມສະຫລຸບ ຕີລາຄາ ການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ IV ຂື້ນ ຢູ່ທີ່ຫ້ອງປະຊຸມຂອງສະຖາບັນ ຍທຂ, ກອງປະຊຸມ ຄັ້ງນີ້ໃຫ້ກຽດເປັນປະທານໂດຍ ສະຫາຍ ດຣ ສັນຕິສຸກ ສິມມາລາວົງ ຄະນະປະຈຳພັກ, ຮອງ ລັດຖະມົນຕີ ກະຊວງ ຍທຂ, ມີສະຫາຍ ນາງ ພອນສະຫວັນ ແພງສີດາ, ຄະນະພັກກະຊວງ, ເລຂາໜ່ວຍພັກ ສະຖາບັນຄົ້ນຄວ້າ ໂຍທາທິການ ແລະ ຂົນສົ່ງ ມີບັນດາຄະນະພັກຮາກຖານ, ບັນດາໜ່ວຍພັກຮາກຖານ ແລະ ພະນັກງານສະມາຊິກພັກ ເຂົ້າຮ່ວມ ຈຳນວນ 32 ສະຫາຍ ຍິງ 8 ສະຫາຍ.

      ກອງປະຊຸມໄດ້ຮັບຟັງບົດສະຫລຸບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IV 4 ປີ ແລະ ແຜນການ ໃນປີຕໍ່ໜ້າ ຈາກນັ້ນກອງປະຊຸມໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳ ຂອງສະຫາຍ ດຣ ສັນຕິສຸກ ສິມມາລາວົງ ຄະນະປະຈຳພັກ, ຮອງລັດຖະມົນຕີ ກະຊວງ ຍທຂ ໂດຍສະຫາຍໄດ້ເນັ້ນໜັກໃຫ້ພະນັກງານສະມາຊິກພັກເອົາໃຈໃສ່ ປັບປຸງພັດທະນາຕົວເອງຂື້ນ ໂດຍສະເພາະແມ່ນຄຸນທາດການເມືອງ, ຄຸນສົມບັດສິນທຳປະຕິວັດ, ຈັນຍາບັນ, ຈັນຍາທຳ ຄວາມຮູ້ຄວາມສາມາດ ເພື່ອເຮັດໃຫ້ການປະຕິບັດຫນ້າທີ່ວຽກງານຂອງສະຖາບັນ ມີປະສິດຕິພາບ ແລະ ປະສິດທິຜົນຕື່ມອີກ, ໂດຍສະເພາະແມ່ນໃຫ້ເອົາໃຈໃສ່ສຶກສາອົບຮົມດ້ານການເມືອງແນວຄິດ ໃຫ້ແຂງແຮງຕື່ມອີກ ເພື່ອສຶກສາອົບຮົມໃຫ້ພະນັກງານສະມາຊິກພັກ ກຳແໜ້ນເຊື່ອມຊືມແນວທາງປ່ຽນແປງໃໝ່ ອັນມີຫລັກການຂອງພັກ, ເສີມຂະຫຍາຍນ້ຳໃຈຮັກຊາດ, ເຊິດຊູສະຕິເອກະລາດເປັນເຈົ້າຕົນເອງ ບົນພື້ນຖານຍຶດໝັ້ນເສັ້ນທາງກ້າວຂື້ນສູ່ສັງ ຄົມນິຍົມ, ເອົາໃຈໃສ່ລະບອບວິທີເຮັດວຽກຢ່າງເຂັ້ມງວດ ແລະ ປັບປຸງກົນໄກປະສານງານເກັບກຳບັນຫາໃຫ້ທັນເວລາ ແລະ ຄົ້ນຄວ້າ ເພື່ອແກ້ໄຂບັນຫາສອດຄ່ອງກັບສະພາບຕົວຈິງແຕ່ລະໄລຍະ ເພື່ອໃຫ້ການບໍລິການຮັບໃຊ້ປະຊາຊົນ ໃຫ້ມີທ່າກ້າວໃໝ່, ມີຄວາມວ່ອງໄວ, ໂປ້ງໃສ ມີປະສິດທິພາບ ແລະ ປະສິດທິຜົນທີ່ດີຂື້ນກວ່າເກົ່າ, ເອົາໃຈໃສ່ວຽກ ງານກໍ່ສ້າງພັກ ແລະກໍ່ສ້າງພະນັກງານ ໃຫ້ເປັນລະບົບຕໍ່ເນື່ອງ ເພື່ອສ້າງສະມາຊິກພັກໃຫ້ມີຄວາມໜັກແໜ້ນ ເຂັ້ມແຂງ, ສ້າງພະນັກງານນຳພາ, ຄຸ້ມຄອງ ແລະ ພະນັກງານວິຊາການ ໃຫ້ມີຄຸນນະພາບ, ສອດຄ່ອງກັບວຽກງານຕົວຈິງຂອງເຂົາເຈົ້າ.

     ເອົາໃຈໃສ່ຊີ້ນໍາ-ນຳພາ ວຽກງານວິຊາສະເພາະ, ເພີ່ມທະວີການຄົ້ນຄວ້າ ແລະ ເຜີຍແຜ່ຜົນສໍາເລັດທາງ ດ້ານວິຊາການຂອງຂະແໜງການ ໂຍທາທິການ ແລະ ຂົນສົ່ງ ຈາກພາລະບົດບາດທີ່ໄດ້ຮັບມອບໝາຍຂອງກະຊວງ ໃຫ້ປະກົດຜົນເປັນຈິງ ເພື່ອຕອບສະໜອງໄດ້ຕາມຄວາມຮຽກຮ້ອງຕ້ອງການຂອງບັນດາກົມ, ກອງ ອ້ອມຂ້າງການຊວງ ແລະ ສັງຄົມ, ອີກສິ່ງໜຶ່ງທີສຳຄັນ ແມ່ນສະມາຊິກພັກ-ພະນັກງານ ຕ້ອງມີຈັນຍາບັນ, ມີຄວາມຮັບຜິດຊອບຕໍ່ການ ປະຕິບັດໜ້າທີ່ ທີ່ການຈັດຕັ້ງມອບໝາຍໃຫ້, ມີຄວາມປະດິດສ້າງໃນວຽກງານວິຊາສະເພາະທີ່ຕົນຮັບຜິດຊອບສຳເລັດ ຜົນເປັນຢ່າງດີ.

Additional information