ກອງປະຊຸມສາມັນຄົບຄະນະພັກກະຊວງ ໂຍທາທິການ ແລະ ຂົນສົ່ງ ຄັ້ງທີ 10 ສະໄໝທີ IV (ເປີດກວ້າງ)

ໃນຕອນເຊົ້າວັນທີ 25 ມັງກອນ 2018 ຢູ່ທີ່ຫ້ອງປະຊຸມໃຫຍ່ເບີ 1 ກະຊວງ ໂຍທາທິການ ແລະ ຂົນສົ່ງ ໄດ້ມີ ພິທີເປີດກອງປະຊຸມສາມັນຄົບຄະນະພັກກະຊວງ ໂຍທາທິການ ແລະ ຂົນສົ່ງ ຄັ້ງທີ 10 ສະໄໝທີ IV (ເປີດກວ້າງ) ນຳໂດຍ ສະຫາຍ ປອ. ບຸນຈັນ ສິນທະວົງ ເລຂາຄະນະພັກກະຊວງ ລັດຖະມົນຕີ ກະຊວງ ໂຍທາທິການ ແລະ ຂົນສົ່ງ. ມີບັນດາສະຫາຍ ຄະນະປະຈຳພັກ ຄະນະພັກກະຊວງ, ບັນດາສະຫາຍຄະນະພັກ ຮາກຖານ, ຄະນະໜ່ວຍພັກຮາກຖານ ແລະ ໜ່ວຍພັກທີ່ຂຶ້ນກັບຄະນະພັກຮາກຖານ, ຫ້ອງ ການ, ກົມ, ກອງ, ສະຖາບັນ, ລັດວິສາຫະກິດອ້ອມຂ້າງກະຊວງ ຍທຂ, ສາມອົງການຈັດຕັ້ງມະຫາຊົນ ຂັ້ນກະຊວງ ແລະ ພະນັກງານຊັ້ນປະລິນຍາເອກເຂົ້າຮ່ວມຈຳນວນ 200 ສະຫາຍ

ກອງປະຊຸມໄດ້ຮັບຟັງການສະຫຼຸບຕີລາຄາ ການເຄື່ອນໄຫວນຳພາວຽກງານຮອບດ້ານຂອງຄະນະພັກກະຊວງ ຍທຂ ປີ 2017 ແລະ ກຳນົດແຜນປີ 2018; ສະຫຼຸບຕີລາຄາການເຄື່ອນໄຫວວຽກງານຂອງ ຄະນະປະຈຳພັກ ກະຊວງ ປີ 2017 ແລະ ກຳນົດແຜນປີ 2018; ສະຫຼຸບຕີລາຄາການຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມ ແລະ ງົບປະມານ ຂອງຂະແໜງ ຍທຂ  ປີ 2017 ແລະ ກຳນົດແຜນປີ 2018; ສະຫຼຸບຕີລາ ຄາການຈັດຕັ້ງປະຕິບັດວຽກງານກວດກາ ປີ 2017 ແລະ ກຳນົດແຜນປີ 2018.

ພ້ອມກັນນີ້ບັນດາສະຫາຍຜູ້ເຂົ້າຮ່ວມ ໄດ້ພ້ອມກັນສຸມສະຕິປັນຍາເຂົ້າໃນການຄົ້ນຄວ້າ ແລະ ປະກອບຄຳ ຄິດຄຳເຫັນໃສ່ເນື້ອໃນບັນດາບົດສະຫຼຸບດັ່ງກ່າວໃຫ້ແທດເໝາະຕົວຈິງ ຊອກໃຫ້ເຫັນດ້ານຕັ້ງໜ້າທີ່ພົ້ນ ເດັ່ນເບິ່ງໃສ່ພຶດຕິກຳຕົວຈິງ ຂອງແຕ່ລະຮາກຖານພັກຕົນ ແລະ ສາມາດສະຫຼຸບສັງລວມ ຮັບຮອງເອົາ ເປັນມະຕິເພື່ອນຳໄປຈັດຕັ້ງປະຕິບັດໃຫ້ໄດ້ຮັບຜົນສັກສິດ ແລະ ປະກົດຜົນເປັນຈິງ ກອງປະຊຸມໄດ້ດຳເນີນ ໄປເປັນເວລາ 2 ວັນຈຶ່ງສຳເລັດ.

 

 

 

 

Additional information