ພິທີເຊັນສັນຍາປັບປຸງລະບົບນ້ຳປະປາຢູ່ແຂວງຫລວງນ້ຳທາ

ພິທີລົງນາມສັນຍາກໍ່ສ້າງປັບປຸງ ແລະ ຂະຫຍາຍຢູ່ນໍ້າທາໃຫມ່ ເມືອງຫລວງວນໍ້າທາ ແຂວງຫລວງນ້ຳທາ ໄດ້ຈັດຕັ້ງ ຂື້ນວັນທີ 31 ມັງກອນ 2018 ຢູ່ກະຊວງໂຍທາທິການ ແລະ ຂົນສົ່ງ (ຍທຂ) ລະຫວ່າງ ທ່ານ ພົມມາ ແວວລາວັນ ຫົວຫນ້າກົມນ້ຳປະປາ ທ່ານ Richard ZHANG  ຜູ້ອຳນວຍການບໍລິສັດ Zhongmei Engineering Group Ltd ປະຈໍາ ສປປ ລາວ ແລະ ທ່ານ ສຸວັນເພັງ ວົງໄຊ ຫົວຫນ້າພະແນກ (ຍທຂ) ແຂວງຫລວງນໍ້າທາ ໂດຍມີທ່ານ ນາງ ວິໄລຄຳ ໂພສາລາດ ຮອງລັດຖະມົນຕີກະຊວງ (ຍທຂ) ພ້ອມດ້ວຍບັນດາກົມພະແນກການ ແລະ ພາກສ່ວນ ກ່ຽວຂ້ອງເຂົ້າຮ່ວມ.

ບໍລິສັດ Zhongmei Engineering Group Ltd ສປ ຈີນ ໄດ້ຮັບອະນຸຍາດກໍ່ສ້າງປັບປຸງ ແລະ ຂະຫຍາຍລະບົບ ນ້ຳປະປາຢູ່ນ້ຳທາໃໝ່ ເມືອງຫລວງນ້ຳທາ ແຂວງຫລວງນ້ຳທາ ຈາກກຳລັງການພະລິດ 1.000 ແມັດກ້ອນຕໍ່ວັນ ມາເປັນ 6.300 ແມັດກ້ອນຕໍ່ວັນ ເພື່ອແນໃສ່ຕອບສະໜອງຄວາມຮຽກຮ້ອງຕ້ອງການໃນການຊົມໃຊ້ ນ້ຳສະອາດໃຫ້ ປະຊາຊົນ ທີ່ນັບມື້ນັບຫລາຍຂື້ນ ເຊີ່ງການກໍ່ສ້າງ ປັບປຸງ ແລະ ຂະຫຍາຍລະບົບນ້ຳປະປາໂຄງການການດັ່ງກ່າວ ຈະເລີມຈັດຕັ້ງປະຕິບັດແຕ່ປີ 2018-2020.

ໂຄງການກໍ່ສ້າງ ປັບປຸງ ແລະ ຂະຫຍາຍລະບົບນໍ້າປະປາຢູ່ນໍ້າທາໃໝ່ມີມູນຄ່າ 2.813.898.48 ໂດລາສະຫະລັດ ຫລື ປະມານ 23,4 ຕື້ກີບ ບໍ່ລວມພາສີນຳເຂົ້າແຕ່ລວມອາກອນມູນຄ່າເພີ່ມ10% ໃນນີ້ ໄດ້ຮັບເງີນກູ້ຈາກທະນາຄານ ພັດທະນາອາຊີ 90% ແລະ ແຂວງປະກອບສ່ວນ 10% ກິດຈະກໍາຫຼັກມີສະຖານີດູດນ້ຳພ້ອມປ້ຳສູບສົ່ງ ໂຮງງານ ຜະລິດນ້ຳປະປາຂະໜາດ 6.300ແມັດກ້ອນຕໍ່ວັນ (ແບບຄົບຊຸດ) ອ່າງນ້ຳສູງຊູດີນ 1.000 ແມັດກ້ອນ 2 ອ່າງ ອ່າງນ້ຳ ສະແດ 480 ແມັດກ້ອນ 1ອ່າງ ສະໜອງ ແລະ ຕິດຕັ້ງທໍ່ສົ່ງນ້ຳດິບຂື້ນໂຮງງານ 1,6 ກິໂລແມັດ ສະໜອງ ແລະ ຕິດຕັ້ງທໍ່ສົ່ງນ້ຳສະອາດອອກຈາກໂຮງງານໄປຫາແຕ່ລະບ້ານເປົ້າໝາຍ 14 ກິໂລແມັດ ສະໜອງ ແລະ ຕິດຕັ້ງສາຍ ທໍ່ແຈກ 86ກິໂລແມັດ ປັງປຸງ ແລະ ສ້ອມແປງຫ້ອງການລັດວິສາຫະກິດນໍ້າປະປາ ແລະ ສາງ ຕິດຕັ້ງໝໍ້ແທກນ້ຳເຂົ້າ ເຮືອນປະຊາຊົນ 29.000 ຫລັງ ແລະ ກໍ່ສ້າງສ້ວມຖ່າຍສາທາລະນະ 8 ຫຼັງ.

ຮຽບຮຽງບົດຂ່າວໂດຍ: ວຽງຄອນ ວົງຄຳຈັນ

Additional information