ກອງຄຸ້ມຄອງສະໜາມບິນ ຈັດກອງປະຊຸມສະຫຼຸບການຈັດຕັ້ງ ປະຕິບັດວຽກງານປະຈຳປີ 2017 ແລະ ແຜນການ ປະຈຳປີ 2018

ໃນວັນພຸດ ວັນທີ 11 ເມສາ 2018 ກອງສະໜາມບິນລາວ ໄດ້ຈັດກອງປະຊຸມສະຫລຸບຕີລາຄາ ການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ VI ຂື້ນ ຢູ່ທີ່ຫ້ອງກອງສະໜາມບິນລາວ, ກອງປະຊຸມ ຄັ້ງນີ້ໃຫ້ກຽດເປັນປະທານໂດຍ ສະຫາຍ ປອ. ສັນຕິສຸກ ສິມມາລາວົງ ຄະນະປະຈພັກ, ຮອງ ລັດຖະມົນຕີ ກະຊວງ ຍທຂ, ມີສະຫາຍ ສົມບູນ ດາວສະຫວັນ ຫົວໜ້າກອງສະໜາມບິນລາວ, ມີບັນດາຫົວໜ້າສະໜາມບິນທີ່ມາຈາກບັນດາສະໜາມບິນທົ່ວປະເທດ ເຂົ້າຮ່ວມ ຈຳນວນ 60 ສະຫາຍ.

ກອງປະຊຸມໄດ້ຮັບຟັງບົດສະຫລຸບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VI ບົດສະຫຼຸບປະຈຳປີ2017 ແລະ ແຜນການປະຈຳປີ 2018 ເຊິ່ງໄດ້ມີຜົນງານທີ່ພົ້ນເດັ່ນຫຼາຍດ້ານເຊັ່ນ: ຈາກນັ້ນກອງປະຊຸມໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳ ຂອງສະຫາຍ ປອ. ສັນຕິສຸກ ສິມມາລາວົງ ຄະນະປະຈໍາພັກ, ຮອງລັດຖະມົນຕີ ກະຊວງ ຍທຂ ໂດຍສະຫາຍໄດ້ເນັ້ນໜັກໃຫ້ພະນັກງານສະມາຊິກພັກເອົາໃຈໃສ່ ປັບປຸງພັດທະນາຕົວເອງຂື້ນ ໂດຍສະເພາະແມ່ນ ຄຸນທາດການເມືອງ, ຄຸນສົມບັດສິນທຳປະຕິວັດ, ຈັນຍາບັນ, ຈັນຍາທຳຄຽງຄູ່ ຄວາມຮູ້ຄວາມສາມາດ ເພື່ອເຮັດ ໃຫ້ການປະຕິບັດຫນ້າທີ່ວຽກງານຂອງກອງສະໜາມບິນລາວ ມີປະສິດຕິພາບ ແລະ ປະສິດທິຜົນຕື່ມອີກ, ປັບປຸງ ກົນໄກປະສານງານເກັບກຳບັນຫາໃຫ້ທັນເວລາ ແລະ ຄົ້ນຄວ້າ ເພື່ອແກ້ໄຂບັນຫາສອດຄ່ອງກັບສະພາບຕົວຈິງແຕ່ລະ ໄລຍະ ເພື່ອໃຫ້ການບໍລິການຮັບໃຊ້ປະຊາຊົນ ມີທ່າກ້າວໃໝ່, ມີຄວາມວ່ອງໄວ, ໂປ່ງໃສ, ເອົາໃຈໃສ່ວຽກ ງານກໍ່ສ້າງ ພັກ ແລະກໍ່ສ້າງພະນັກງານ ໃຫ້ເປັນລະບົບຕໍ່ເນື່ອງ ເພື່ອສ້າງສະມາຊິກພັກໃຫ້ມີຄວາມໜັກແໜ້ນ ເຂັ້ມແຂງ, ສ້າງ ພະນັກງານນຳພາ, ຄຸ້ມຄອງ ແລະ ພະນັກງານວິຊາການ ໃຫ້ມີຄຸນນະພາບ, ສອດຄ່ອງກັບວຽກງານຕົວຈິງ ຂອງເຂົາ ເຈົ້າ.

Additional information