ກອງປະຊຸມສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ II ຂອງໜ່ວຍພັກຮາກຖານກົມກວດກາ

ໃນວັນພຸດ ວັນທີ 25 ເມສາ 2018 ກົມກວດກາ ໄດ້ຈັດກອງປະຊຸມສະຫລຸບຕີລາຄາການຈັດຕັ້ງປະຕິບັດມະຕິ ກອງປະຊຸມໃຫຍ່ ຄັ້ງທີ II ຂອງໜ່ວຍພັກຮາກຖານກົມກວດກາ ຂື້ນຢູ່ທີ່ຫ້ອງປະຊຸມໃຫຍ່ເບີ 1 ກະຊວງ ຍທຂ, ກອງປະຊຸມ ຄັ້ງນີ້ໃຫ້ກຽດເປັນປະທານໂດຍ ສະຫາຍ ນາງ ວິໄລຄຳ ໂພສາລາດ ຄະນະປະຈຳພັກ, ຮອງລັດຖະມົນຕີ ກະຊວງ ຍທຂ, ມີສະຫາຍ ຈັນຕຸລາ ພະນະລາສີ, ຄະນະພັກກະຊວງ, ເລຂາໜ່ວຍພັກຮາກຖານກົມກວດກາ, ຫົວໜ້າກົມກວດກາ. ມີບັນດາຫົວໜ້າພະແນກ, ຮອງຫົວໜ້າພະແນກ, ພະນັກງານຫຼັກແຫຼ່ງ, ພະນັກງານວິຊາການ ຂອງກົມກວດກາ ແລະ ແຂກທີ່ຖືກເຊີນຈາກບັນດາກົມ ເຂົ້າຮ່ວມ ຈຳນວນ 20 ສະຫາຍ, ຍິງ 6 ສະຫາຍ.

ກອງປະຊຸມໄດ້ຮັບຟັງ ບົດສະຫຼຸບຕີລາຄາການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ II ຂອງໜ່ວຍ ພັກຮາກຖານ ແລະ ທິດທາງແຜນການ 2 ປີຕໍ່ໜ້າ ຂອງໜ່ວຍພັກຮາກຖານ ເຊິ່ງໄດ້ມີຜົນງານທີ່ພົ້ນເດັ່ນຫຼາຍ ດ້ານເຊັ່ນ: ຊອກເຫັນບັນດາປັດໃຈໃໝ່ທີ່ກ້າວໜ້າໃນຊຸມປີຜ່ານມາ, ແກ້ໄຂປະກົດການຫຍໍ້ທໍ້ຕ່າງໆ ສາມາດສະກັດ ກັ້ນຂໍ້ຂາດຕົກບົກຜ່ອງ, ຄວາມຜິດພາດຂອງສະມາຊິກພັກ ແລະ ພະນັກງານລັດຖະກອນ ປະກອບສ່ວນອັນສຳຄັນ ເຂົ້າໃນການປັບປຸງການຈັດຕັ້ງ, ການກໍ່ສ້າງພັກ ແລະ ກໍ່ສ້າງພະນັກງານຕະຫຼອດມາ.

ໃນໂອກາດນີ້ ສະຫາຍ ນາງ ວິໄລຄຳ ໂພສາລາດ ຄະນະປະຈຳພັກ, ຮອງລັດຖະມົນຕີ ກະຊວງ ຍທຂ ໄດ້ເໜັ້ນ ໜັກໃຫ້ເອົາໃຈໃສ່ສຶກສາອົບຮົມ, ຕິດຕາມ, ກວດກາ, ແກ້ໄຂບັນຫາໃຫ້ທັນເວລາ ແລະ ເຂັ້ມງວດ ຈຶ່ງຈະສາມາດ ປົກປັກຮັກສາແນວທາງນະໂຍບາຍອັນຖືກຕ້ອງເປັນທຳຂອງພັກ, ໃຫ້ພະນັກງານສະມາຊິກພັກ ໄດ້ຮັບຄວາມເຊື່ອໝັ້ນ ຈາກມະຫາຊົນນັບມື້ດີຂຶ້ນ.

ກອງປະຊຸມໄດ້ປິດລົງໃນຕອນບ່າຍຂອງວັນດຽວກັນ.

 

ກວດແກ້ໂດຍ ທ່ານ ແສງຈັນ ຫອມສີລາຮັກ

ຂຽນຂ່າວໂດຍ ທ່ານ ຈັນທະລາ ຂັນທະວີໄຊ

 

 

 

Additional information