ພິທີປິດຊຸດຝຶກອົບຮົມທິດສະດີການເມືອງ ແລະ ການປົກຄອງ 50 ວັນ, ຊຸດທີ XXII ແລະ ມອບໃບຢັ້ງຢືນໃຫ້ນັກສໍາມະນາກອນ

ໃນຕອນເຊົ້າຂອງວັນທີ 27 ກັນຍາ 2019 ທີ່ສະຖາບັນຝຶກອົບຮົມ ຍທຂ ໄດ້ມີພິທີປິດບັ້ນຝຶກອົບຮົມທິດສະດີການເມືອງ ແລະ ການປົກຄອງ 50 ວັນ, ຊຸດທີ XXII ຊິ່ງ​ການ​ຝຶກ​ອົບຮົມໄດ້​ດຳ​ເນີນມາ​ແຕ່​ວັນ​ທີ 22 ກໍລະກົດ ຫາ 27 ກັນຍາ 2019 ຈິ່ງ​ສຳ​ເລັດ ແລະ ໄດ້ມອບໃບຢັ້ງຢືນໃຫ້ນັກສໍາມະນາກອນທີ່ສໍາເລັດການຝຶກອົບຮົມໃນຫຼັກສູດດັ່ງກ່າວ, ໃນພິທີດັ່ງກ່າວໃຫ້ກຽດເປັນປະທານໂດຍ ສະຫາຍ ລັດຕະນະມະນີ ຄູນນີວົງ ຄະນະປະຈໍາພັກກະຊວງ, ຮອງລັດຖະມົນຕີກະຊວງ ຍທຂ ​ແລະ  ສະຫາຍ ປອ ນາງ ໄກສອນ ຈັນສີນາ ວ່າການຫົວໜ້າກົມຄຸ້ມຄອງການຮຽນ-ການສອນ ສະຖາບັນການເມືອງ ແລະການປົກຄອງແຫ່ງຊາດ; ມີທ່ານ​ຫົວໜ້າ, ຄະນະສະຖາບັນຝຶກອົບຮົມ ຍທຂ, ມີ​ບັນດາ​ທ່ານຮອງຫົວໜ້າກົມ, ຄູອາຈານມາຈາກ ສມປຊ, ມີບັນດາແຂກທີ່ຖືກເຊີນ ​ແລະ ບັນດາ​ນັກ​ສຳ​ມະ​ນາກ​ອນທັງ​ໜົດເຂົ້າຮ່ວມ.

ພິທີ່ດັ່ງກ່າວໄດ້ຮັບຟັງບົດສະຫຼຸບການຝຶກອົບຮົມ ທິດສະດີການເມືອງ ແລະການປົກຄອງ ໄລຍະ 50 ວັນ, ໂດຍສະຫາຍ ສິລິພອນ ອິນທິລາດ ​ເລຂາ​ໜ່ວຍ​ພັກ, ຫົວໜ້າສະຖາບັນ ຝຶກອົບຮົມ ຍທຂ, ໃນການຝຶກອົບຮົມໃນຄັ້ງນີ້ ນອກຈາກການຮໍ່າຮຽນທາງດ້ານທິດສະດີແລ້ວ ຍັງມີການໄປຢ້ຽມຢາມຖອດຖອນບົດຮຽນ, ມີທັງການເຄື່ອນໄຫວສ້າງກິດຈະກໍາທາງດ້ານກິລາ, ສິນລະປະ ແລະການອອກແຮງງານອານາໄມລວມ; ນັ້ນໝາຍວ່າຮໍ່າຮຽນໄປພ້ອມ ສ້າງບັນຍາກາດຟົດຟື້ນມ່ວນຊື່ນໄປນໍາ, ນັກຝຶກອົບຮົມໄດ້ຮັດແໜ້ນຄວາມສາມັກຄີ, ຮັກແພງກັບໝູ່ເພື່ອຮ່ວມຫ້ອງ ແລະບັນດາຄູອາຈານ, ຜ່ານການຝຶກອົບຮົມໄລຍະ 50 ວັນ ທາງຄະນະຮັບຜິດຊອບຂອງສະຖາບັນຝຶກອົບຮົມສາມາດຕີລາຄາຄວາມຕັ້ງໃຈ ແລະການເກັບກໍາເອົາບົດຮຽນ ຂອງເອກະສານທີ່ບັນດາຄູອາຈານ ແລະວິທະຍາກອນແຕ່ລະສະຫາຍ ໄດ້ນໍາສະເໜີຕໍ່ນັກຝຶກອົບຮົມທັງຫມົດ ບວກໃສ່ກັບການເຂົ້າຮ່ວມຕິດຕາມຮັບຟັງການຜ່ານບົດເກັບກ່ຽວ ຂອງນັກຝຶກແຕ່ລະສະຫາຍທີ່ຜ່ານໃນລະດັບໜ່ວຍ ແລະລະດັບຫ້ອງຂອງຄະນະຮັບຜິດຊອບສະຖາບັນຝຶກອົບຮົມ ຍທຂ, ສະຫຼຸບຕີລາຄາໄດ້ນັກຝຶກອົບຮົມມີຄວາມຮັບຮູ້ອັນໃໝ່ຫຼາຍຂຶ້ນ ແລະມີຄວາມເຂົ້າໃຈຢ່າງເປັນລະບົບຫຼາຍຂຶ້ນກວ່າເກົ່າ, ຄວາມຮັບຮູ້ກ່ອນການຝືກອົບຮົມ ແມ່ນຢູ່ໃນລະດັບປານກາງ ​ແລະ ພາຍຫຼັງການຝຶກອົບຮົມ​ແມ່ນ​ເຫັນ​ວ່​າສາມາດ​ຮັບຮູ້​ ແລະ ​ເຂົ້າ​ໃຈດີ​ຕໍ່​ກັບ​ແນວທາ​ງນະ​ໂຍບາຍ​ຂອງ​ພັກ.

ຜົນສໍາເລັດທີ່ຍາດມາໄດ້ໃນບັ້ນຝຶກອົບຮົມຄັ້ງນີ້ ແມ່ນໄດ້ມາຈາກຫຼາຍປັດໄຈ ແຕ່ປັດໄຈສໍາຄັນຕົ້ນຕໍ່ ແມ່ນມາຈາກການສະໜັບສະໜູນຈາກຄະນະພັກ, ຄະນະນໍາກະຊວງ, ມາຈາກຄວາມສາມັກຄີ, ຄວາມຕັດສິນໃຈສູ້ຊົນບຸກບືນ, ຜ່ານຜ່າຄວາມຫຍຸ້ງຍາກຂອງນັກຝຶກອົບຮົມ ແລະມາຈາກບັນດາຄູອາຈານ ຂອງສະຖາບັນການເມືອງ ແລະການປົກຄອງແຫ່ງຊາດ, ມາຈາກການເປັນເຈົ້າການ ແລະການເອື້ອອໍານວຍ ຄວາມສະດວກຂອງຄະນຮັບຜິດຊອບ ແລະປະສານງານຫຼັກສູດຂອງສະຖາບັນຝຶກອົບຮົມ ຍທຂ.

ໃນພິດັ່ງກ່າວ​ໂດຍ​ເປັນກຽດມອບໃບຢັ້ງຢືນໃຫ້ນັກສໍາມະນາກອນທີ່ສໍາເລັດການຝຶກອົບຮົມ ຫຼັກສູດທິດສະດີການເມືອງ ແລະການປົກຄອງ 50 ວັນ, ຊຸດທີ XXII ນີ້ ໂດຍ ສະຫາຍ ປອ ນາງ ໄກສອນ ຈັນສີນາ ວ່າການຫົວໜ້າກົມຄຸ້ມຄອງການຮຽນ-ການສອນ ສະຖາບັນການເມືອງ ແລະການປົກຄອງແຫ່ງຊາດ, ມີນັກສໍາມະນາກອນທີ່ຈົບຫຼັກສູດທັງມົດ 30 ສະຫາຍ, ຍິງ 10 ສະຫາຍ, ນີ້ສະແດງໃຫ້ເຫັນໄດ້ວ່າຄະນະພັກຄະນະນໍາຂອງກະຊວງ ຍທຂ ໄດ້ໃຫ້ຄວາມສໍາຄັນຕໍ່ການຍົກລະດັບຄວາມຮູ້, ຄວາມສາມາດທາງດ້ານ ທິດສະດີການເມືອງ-ການປົກຄອງ ໃຫ້ສະມາຊິກພັກ-ພະນັກງານຫຼັກແຫຼ່ງ ແລະພະນັກງານສືບທອດ ຂອງຕົນເປັນສໍາຄັນຍິ່ງ.

Additional information