ພິທີເປີດຊຸດຝຶກອົບຮົມ ວຽກງານໂຄສະນາ-ປາຖະກະຖາ ຊຸດທີ 18

ພິທີເປີດຊຸດຝຶກອົບຮົມວຽກງານໂຄສະນາ-ປາຖະກະຖາ ໄລຍະ 10 ວັນຊຸດທີ 18 ໃຫ້ກັບພະນັກງານຫຼັກແຫຼ່ງຂອງກະຊວງ ຍທຂ, ໄດ້ຈັດຂື້ນໃນວັນທີ 30 ກັນຍາ 2019 -11 ຕຸລາ 2019 ທີ່ສະຖາບັນຝຶກອົບຮົມ ຍທຂ, ໃຫ້ກຽດເປັນປະທານໂດຍສະຫາຍ ສີລິພອນ ອິນທິລາດ ເລຂາໜ່ວຍພັກຮາກຖານ, ຫົວໜ້າສະຖາບັນຝຶກອົບຮົມ ຍທຂ ​ແລະ ສະຫາຍ ນາງ ບົວລີ ບັນຊາລິດ ຄະນະພັກ, ຄະນະໂຄສະນາອົບຮົມສູນກາງພັກ, ຫົວໜ້າກົມໂຄສະນາ, ມີບັນດາທ່ານ​ຮອງ​ຫົວໜ້າ​ກົມ, ຖາບັນຝຶກອົບຮົມ ຍທຂ, ຄູອາຈານ, ແຂກທີ່ຖືກເຊີນ ແລະນັກຝຶກອົບຮົມເຂົ້າຮ່ວມ.

ໃນໄລຍະຜ່ານມາກະຊວງ ຍທຂ ໄດ້ຈັດຕັ້ງຫຼັກສູດຝຶກອົບຮົມດັ່ງກ່າວມາກ່ອນແລ້ວ 17 ຊຸດ, ລວມແລ້ວພວກເຮົາມີ​ນັກ​ປາ​ຖະ​ກະ​ຖາ​ຂອງ​ກະ​ຊວງ​ທັງ​ໝົດ​ປະ​ມານ 510 ຄົນ, ໃນ​ຫຼັກ​ສູດ​ນີ້​ມີ​ຜູ້​ເຂົ້າ​ຮ່ວມ​ທັງ​ໝົດ 33 ທ່ານ, ຍິງ 11 ທ່ານ, ມີ​ອາ​ຈານ​ເຂົ້າ​ຮ່ວ​ທັງ​ໝົດ 6 ທ່ານ, ຍິງ 4 ທ່ານ ມາ​ຈາກ​ຄະ​ນະ​ໂຄ​ສະ​ນາ ອົບຮົມສູນ​ກາງ​ພັກ ແລະ​ຈາກ​ສະ​ຖາ​ບັນ​ຝຶກ​ອົບ​ຮົມ ຍ​ທ​ຂ, ໃນຫຼັກ​ສູດວຽກ​ງານໂຄ​ສະ​ນາ-ປາ​ຖະ​ກະ​ຖາ​ຄັ້ງ​ນີ້ ຈະ​ໄດ້​ຮ່ຳ​ຮຽນຜ່ານ​ບັນ​ດາ ເອ​ກະ​ສານ ການ​ຝຶກ​ອົບ​ຮົມ​ທີ່​ເປັນຫຼັກ​ການ ແລະ​ ເປັນ​ທີ່​ໜ້າ​ສົນ​ໃຈ​ເຊັ່ນ: ບັນ​ຫາ​ພື້ນ​ຖານ​ຂອງວຽກ​ງານ​ໂຄ​ສະ​ນາ, ຝຶກ​ຝົນ​ຄວາມ​ສາ​ມາດ​ໃນ​ການ​ຂຽນ​ເອ​ກະ​ສານ, ຄຸນ​ລັກ​ສະ​ນະ ແລະ ​ສິ​ລະ​ປະ​ໃນ​ການ​ປາກ​ເວົ້າ​ຂອງ​ນັກ​ປາ​ຖະ​ກະ​ຖາ, ບັນ​ດາ​ນິ​ຕິ​ກຳ ແລະ​ບົດ​ຮຽນ​ໃນ​ການ​ເຄື່ອນ​ໄຫວ​ວຽກ​ງານ​ໂຄ​ສະ​ນາ​ປາ​ຖະ​ກະ​ຖາ ແລະ​ວຽກ​ງານໂຄ​ສະ​ນາ​ຜ່ານ​ສື່​ອື່ນໆ.

ນອກ​ຈາກ​ຈະ​ໄດ້​ຮ່ຳ​ຮຽນ​ສຶກ​ສາ​ຄົ້ນ​ຄວ້າ​ເອ​ກະ​ສານ​ດັ່ງ​ກ່າວ​ມານັ້ນ​ແລ້ວ, ນັກ​ຝຶກ​ອົບ​ຮົມ​ຍັງ​ຈະ​ໄດ້​ຂຽນ​ບົດ​ທົດ​ລອງ ແລະ​ຂຶ້ນ​ຫ້ອງ​ປາ​ຖະ​ກະ​ຖາ​ທົດ​ລອງ ດ້ວຍ​ຕົນ​ເອງ​ຢ່າງ​ຕັ້ງ​ໜ້າ ແລະ​ມີ​ຄວາມ​ກະ​ຕື​ລື​ລົ້ນ ພາຍ​ໃນ​ໝ່ວຍ ແລະ​ພາຍ​ໃນ​ຫ້ອງ​ຕໍ່​ໜ້າ​ຄະ​ນະ​ຄູ​ອາ​ຈານ ແລະ​ຄະ​ນະ​ສະ​ຖາ​ບັນ, ໃນ​ການ​ຝຶກ​ອົບ​ຮົມການ​ປາ​ຖະ​ກະ​ຖາແມ່ນ​ການ​ໂຄ​ສະ​ນາ, ມັນ​ແມ່ນ​ການ​ເຄື່ອນ​ໄຫວ​ເຜີຍ​ແຜ່​ຄວາມ​ຮູ້, ສະ​ຕິ​ປັນ​ຍາ, ສະ​ພາບ​ການ ແລະ​ຄຸ່​ນ​ຄ່າ​ທາງ​ດ້ານ​ຈິດ​ໃຈ, ເພື່ອ​ກະ​ທົບ​ໃສ່​ເປົ້າ​ໝາຍ​ແນ່​ໃສ່​ເຮັດ​ໃຫ້​ມີ​ຄວາມ​ຮັບ​ຮູ້​ໃຫ້​ມີ​ການ​ປ່ຽນ​ແປງ ສ້າງ​ໃຫ້​ມີ​ຄວາມ​ເຊື່ອ​ໝັ້ນ, ບຳ​ລຸງກໍ່​ສ້າງ​ອາ​ລົມ​ຈິດ, ມາ​ນະ​ຈິດ​ປຸກ​ລະ​ດົມ ແລະ​ຂົນ​ຂວາຍ​ມະ​ຫາ​ຊົນ​ໃຫ້​ມີ​ຄວາມ ຕື່ນ​ຕົວໃນ​ການ​ຈັດ​ຕັ້ງ​ປະ​ຕິ​ບັດ ຕາມ​ຄວາມ​ຮຽກ​ຮ້ອງ​ຕ້ອງ​ການ ພ້ອມ​ທັງ​ໜ້າ​ທີ່​ການ​ເມືອງ​ແຕ່​ລະ​ໄລ​ຍະ.

 

Additional information