ກອງປະຊຸມສຳມະນາກ່ຽວກັບການການສ້າງນິຕິກໍາລຸ່ມກົດໝາຍ, ການຄຸ້ມຄອງ ແລະ ບໍລິຫານເອກະສານ, ການແຕ່ງເອກະສານ ແລະ ການປະສານງານ ແລະ ການແບ່ງຂັ້ນຄຸ້ມຄອງຫວ່າງສູນກາງ ແລະ ທ້ອງຖິ່ນ ໃຫ້ບັນດາຫົວໜ້າກົມ ແລະ ຮອງຫົວໜ້າກົມ ຂອງກະຊວງ ຍທຂ

ໃນຕອນເຊົ້າຂອງວັນທີ 05 ພະຈິກ 2019 , ໄດ້ຈັດກອງປະຊຸມສໍາມະນາກ່ຽວກັບການການສ້າງນິຕິກໍາລຸ່ມກົດໝາຍ, ການຄຸ້ມຄອງ ແລະ ບໍລິຫານເອກະສານ, ການແຕ່ງເອກະສານ ແລະ ການປະສານງານ ແລະ ການແບ່ງຂັ້ນຄຸ້ມຄອງຫວ່າງສູນກາງ ແລະ ທ້ອງຖິ່ນ ໃຫ້ບັນດາຫົວໜ້າກົມ ແລະ ຮອງຫົວໜ້າກົມ ຂອງກະຊວງ ຍທຂ ຂື້ນທີ່ຫ້ອງປະຊຸມເບີ 1 ຂອງກະຊວງ ຍທຂ, ໂດຍການເປັນປະທານ ຂອງທ່ານ ປອ ສັນຕິສຸກ ສິມມາລະວົງ ຮອງລັດຖະມົນຕີ ກະຊວງ ຍທຂ, ມີບັນດາຫົວໜ້າກົມ, ຮອງກົມ,  ສະຖາບັນ ກອງວິຊາ​ການ ​ແລະ ລັດ​ວິ​ສາ​ຫະກິດ ອ້ອມຂ້າງກະຊວງເຂົ້າຮ່ວມ.

ກອງປະຊຸມສຳມະນາຄັ້ງນີ້ ແມ່ນມີຄວາມໝາຍຄວາມສໍາຄັນຫຼາຍ, ເພາະໃນຍຸກເສດຖະກິດ 4.0, ປະຕິບັດນະໂຍບາຍເປີດກວ້າງການເຊື່ອມໂຍງ - ເຊື່ອມຈອດກັບສາກົນ, ການຄຸ້ມຄອງລັດດ້ວຍກົດໝາຍ, ປະຈຸບັນໃນລະບົບລັດຖະການ ພະນັກງານ ລັດຖະກອນຂອງພວກເຮົາ, ລວມທັງພະນັກງານຜູ້ບໍລິຫານລະດັບສູງລະດັບກາງ ແຕ່ລະມື້ແຕ່ລະວັນລ້ວນແຕ່ຕ້ອງໄດ້ເຮັດວຽກກັບການເອກະສານ, ການປະສານງານ ເຊັ່ນ: ຄົ້ນຄ້ວາສ້າງນິຕິກຳ, ກົດໝາຍ, ນິຕິກຳໃຕ້ກົດໝາຍ, ການສ້າງເອກະສານທາງລັດຖະການ, ການຄຸ້ມຄອງເອກະສານ ທີ່ໄດ້ຮັບ ແລະ ສົ່ງເປັນປະຈຳ, ບາງຄັ້ງກໍ່ແມ່ນຂັ້ນເທິງ, ຂັ້ນລຸ່ມ ຫຼື ອົງການຕ່າງໆອ້ອມຂ້າງສົ່ງມາ ຫຼື ບາງຄັ້ງກໍ່ແມ່ນອົງການຈັດຕັ້ງຂອງຕົນອອກເອກະສານ ເພື່ອສົ່ງໃຫ້ຂັ້ນເທິງ, ຂັ້ນລຸ່ມ ຫຼື ພາກສ່ວນອື່ນຕາມລະບຽບການ, ຕາມກົນໄກທາງລັດຖະການ, ການປະສານງານລະຫວ່າງພາຍໃນກັບພາຍນອກ, ສູນກາງກັບທ້ອງຖິ່ນ, ແລະ ການນຳໃຊ້ລະບົບໄອທີເຂົ້າຊ່ວຍ, ໄລຍະຜ່ານມາມີຫຼາຍສຳນັກງານ, ອົງການ, ຂັ້ນສູນກາງ ແລະ ທ້ອງຖິ່ນໄດ້ມີຄວາມພະຍາຍາມເອົາໃຈໃສ່ ໃນການຈັດຕັ້ງປະຕິບັດວຽກງານດັ່ງກ່າວ ຕາມສິດໜ້າທີ່ພາລະບົດບາດຂອງຕົນຢ່າງມີຫົວຄິດປະດິດສ້າງ ແລະ ມີວິທີການຕ່າງໆ ໄດ້ດີຫລາຍດ້ານເຊັ່ນ:

ອອກແບບ ແລະ ຮ່າງເອກະສານທາງລັດຖະການ ອອກຢ່າງມີຫົວຄິດປະດິດສ້າງ, ພ້ອມທັງມີເນື້ອໃນທີ່ກະທັດຮັດ, ຈະແຈ້ງ, ບໍ່ຄຸມເຄືອອັນເຮັດໃຫ້ຜູ້ອ່ານເຂົ້າໃຈເຖິງເຈດຕະນາ ແລະ ສື່ຄວາມໝາຍຂອງຜູ້ຂຽນພ້ອມທັງມີວິທີຕອບໄດ້ຢ່າງວ່ອງໄວ ແລະ ຈະແຈ້ງ, ເຊິ່ງໄດ້ເຮັດໃຫ້ການສື່ສານໃນທາງລັດຖະການມີການພັດທະນາເປັນກ້າວໆມາ, ການໃຊ້ໄອທີ (WhatsApp, Line, WeChat ... ເຂົ້າໃນການປະສານງານ, E-Documents... ເຂົ້າໃນການຄຸ້ມຄອງບໍລິຫານເອກະສານ ໄດ້ດີສົມຄວນ. ສະນັ້ນ, ເພື່ອເສີມຂະຫຍາຍວຽກງານດັ່ງກ່າວຂ້າງເທິງໃຫ້ດີຂື້ນກວ່າເກົ່າ, ຫ້ອງການກະຊວງ ຍທຂ ໃນນາມເປັນເສນາທິການໃຫ້ແກ່ຄະນະນຳກະຊວງ ໂຍທາທິການ ແລະ ຂົນສົ່ງ ຈຶ່ງໄດ້ຂື້ນແຜນງົບປະມານຂໍອະນຸມັດຈັດສຳມະນາກ່ຽວກັບການການສ້າງນິຕິກໍລຸ່ມກົດໝາຍ, ການຄຸ້ມຄອງ ແລະ ບໍລິຫານເອກະສານ, ການແຕ່ງເອກະສານ, ການປະສານງານ ແລະ ການແບ່ງຂັ້ນຄຸ້ມຄອງລະຫວ່າງສູນກາງກັບທ້ອງຖິ່ນ

ເພື່ອໃຫ້ພະນັກ ງານ-ລັດຖະກອນ ນັບແຕ່ວິຊາການຜູ້ເຮັດວຽກຕົວຈິງ ຈົນເຖີງຜູ້ບໍລິຫານລະດັບສູງ ເຂົ້າໃຈ, ຮັບຮູ້, ຫລັກການ, ວິທີການ ແລະ ເປັນເອກະພາບກ່ຽວກັບວຽກງານດັ່ງກ່າວ, ເພື່ອເຮັດໃຫ້ແນວທາງນະໂຍບາຍຂອງພັກ ແລະ ລັດຖະບານວາງອອກກ່ຽວກັບການຫັນເປັນທັນສະໄໝເທື່ອລະກ້າວ ໃຫ້ປະກົດຜົນເປັນຈິງເທື່ອລະກ້າວ ແລະ ສ້າງຄວາມເຂັ້ມແຂງດ້ານການຄຸ້ມຄອງ ຕາມ 5 ໜ້າທີ່ມະຫາພາກຢ່າງມີປະສິດທິຜົນ ມີການຫັນປ່ຽນຢ່າງຕໍ່ເນື່ອງລຽນຕິດ, ສະນັ້ນ, ກອງປະຊຸມສໍາມະນາມື້ນີ້ຈຶ່ງເປັນໂອກາດດີ ໃຫ້ຜູ້ເຂົ້າຮ່ວມໄດ້ຮຽນຮູ້ ແລະ ແລກປ່ຽນບົດຮຽນເຊິ່ງກັນແລະ ກັນຢ່າງພາວະວິໃສ, ຕິດແທດຕົວຈິງ.   ກອງປະຊຸມສໍາມະນາໃນຄັ້ງນີ້ໄດ້ດໍາເນີນເປັນເວລາ 4 ວັນ ແຕ່ວັນທີ 5-8 ພະຈິກ 2019.

Additional information