ພິທີມອບ-ຮັບອຸປະກອນຊ່ວຍເຫຼືອ ເພື່ອນຳໃຊ້ເຂົ້າໃນການປ້ອງກັນ ແລະ ຕ້ານການແຜ່ລະບາດຂອງພະຍາດ COVID-19 ໃຫ້ກະຊວງໂຍທາທິການ ແລະ ຂົນສົ່ງ

      ມີພິທີມອບ-ຮັບ​ອຸ​ປະ​ກອນຊ່ວຍ​ເຫຼືອ ເພື່ອນຳ​ໃຊ້​ເຂົ້າ​ໃນ​ການປ້ອງກັນ ແລະ ຕ້ານການແຜ່ລະບາດຂອງພະຍາດ COVID-19 ​ໄດ້​ຈັດ​ຂື້ນໃນຕອນ​ເຊົ້າວັນທີ 15 ເມສາ 2020 ທີ່​ຜ່ານ​ມາ ຢູ່ທີ່ຫ້ອງປະຊຸມໃຫຍ່ ກະຊວງໂຍທາທິການ ແລະ ຂົນສົ່ງ ໄດ້​ໃຫ້​ກຽດ​ມອບ​ໂດຍຜູ້ຕາງໜ້າບໍ​ລິ​ສັດ ​ຫູ​ເປີຍ ຊາງ​ຈ້ຽງ ກໍ່​ສ້າງ​ຂົວ​-ທາງ ຈຳ​ກັດ ແລະ ຜູ້ອຳນວຍການໃຫຍ່ບໍລິສັດ AB Group ໃຫ້ກະຊວງໂຍທາທິການ ແລະ ຂົນສົ່ງ ແລະ ຮັບ​ໂດຍ​ທ່ານ ປອ ບຸນ​ຈັນ ສິນ​ທະ​ວົງ ລັດ​ຖະ​ມົນ​ຕີ​ ກະ​ຊວງ ໂຍ​ທາ​ທິ​ການ ແລະ ຂົນ​ສົ່ງ,  ເຄື່ອງອຸປະກອນທີ່​ນຳ​ມາ​ມອບ​ໃນ​ຄັ້ງ​ນີ້: ​ມີຜ້າອັດປາກ-ດັງ ຈຳນວນ 5.000 ອັນ, ນໍ້າຢາຂ້າເຊື້ອລ້າງມື (ເຈວ​ລ້າງ​ມື) ຈຳນວນ 300 ແກ້ວ, ເຄື່ອງວັດແທກອຸຫະພູມ ຈຳນວນ 50 ເຄື່ອງ ແລະ ເງິນສົດ ຈຳນວນ 18.000 ໂດ​ລາ​ສະ​ຫະ​ລັດ ລວມ​ມູນ​ຄ່າ​ທັງ​ໝົດ​ທີ່​ນຳ​ມາ​ມອບ​​ໃນ​ຄັ້ງ​ນີ້ 25.344 ໂດ​ລາ​ສະ​ຫະ​ລັດ ແລະ 25.000.000 ກີບ. ເພື່ອ​ນຳໃຊ້ເຂົ້າໃນວຽກງານການປ້ອງກັນ, ສະ​ກັດ​ກັ້ນ, ເຝົ້າລະ​ວັງ ແລະ ຕ້ານການແຜ່ລະບາດ ຂອງພະຍາດໂຄວິດ-19.

Additional information