ທ່ານລັດຖະມົນຕີວ່າການ ກະຊວງໂຍທາທິການ ແລະຂົນສົ່ງ ເຂົ້າຮ່ວມກອງປະຊຸມລັດຖະມົນຕີຄົມມະນາຄົມ-ຂົນສົ່ງ ອາຊຽນ ຄັ້ງທີ 18

 ກອງປະຊຸມລັດຖະມົນຕີຄົມມະນາຄົມ-ຂົນສົ່ງ ອາຊຽນ ຄັ້ງທີ 18 ກັບຄູ່ເຈລະຈາ ຄື: ສປຈີນ, ຍີ່ປຸ່ນ ແລະເກົາຫລີ ໄດ້ຈັດຂື້ນທີ່ ບາລີ, ປະເທດອິນໂດເນເຊຍ ລະຫວ່າງວັນທີ 29-30 ພະຈິກ 2012, ຊຶ່ງຫົວໜ້າຄະນະຜູ້ແທນ ຝ່າຍລາວ ນໍາໂດຍທ່ານ ສົມມາດ ພົລເສນາ ລັດຖະມົນຕີວ່າການ ກະຊວງໂຍທາທິການ ແລະຂົນສົ່ງ, ກອງປະຊຸມ ຄັ້ງນີ້ ໄດ້ມີການປຶກສາຫາລືບັນຫາທີ່ສຳຄັນຫລາຍຢ່າງ ເປັນຕົ້ນແມ່ນການຮ່ວມມືດ້ານການຂົນສົ່ງທາງອາກາດ ລະ ຫວ່າງ ອາຊຽນ-ຈີນ, ອາຊຽນ-ເກົາຫລີ, ການພັດທະນາຕາໜ່າງເສັ້ນທາງລົດໄຟ, ການຂົນສົ່ງທາງທະເລ ແລະ ການ ຂົນສົ່ງ ທາງບົກ.

      ກ່ອນໜ້ານີ້, ໄດ້ມີກອງປະຊຸມເຈົ້າໜ້າທີ່ອາວຸໂສອາຊຽນ ແລະ ອາຊຽນກັບຄູ່ເຈລະຈາ (ສປຈີນ, ຍີ່ປຸ່ນ, ເກົາຫລີ) ຄັ້ງທີ 34 ລະຫວ່າງວັນທີ 25-27 ພະຈິກ 2012. ສໍາລັບກອງປະຊຸມລັດຖະມົນຕີ ຄົມມະນາຄົມ-ຂົນສົ່ງ ອາຊຽນ ຄັ້ງທີ 19 ຈະໄດ້ຈັດຂື້ນ ຢູ່ ສປປ ລາວ ໃນປີ 2013.

Additional information