ກອງປະຊຸມສຳມະນາດ້ານວິຊາການ ກ່ຽວກັບການປ້ອງກັນ ໄພທຳມະຊາດຂອງເສັ້ນທາງ ຢູ່ ສປປ ລາວ

ໃນວັນທີ 13 ກຸມພາ 2013 ທີ່ຫ້ອງປະຊຸມເບີ 01 ກະຊວງ ຍທຂໄດ້ຈັດກອງປະຊຸມສຳມະນາດ້ານວິຊາການ ກ່ຽວກັບການປ້ອງກັນໄພທຳມະຊາດຂອງເສັ້ນທາງ ຢູ່ ສປປ ລາວໂດຍສະເພາະການປ້ອງກັນຕະລິ່ທາງເຈື່ແລະການກໍ່ສ້າງອຸມົງທາງ. ​ໂດຍເປັນກຽດເຂົ້າຮ່ວມ ຂອງທ່ານ ບຸນຈັນ ສິນທະວົງ ລັດຖະມົນຕີຊ່ວຍວ່າການກະຊວງໂຍທາທິການແລະຂົນສົ່ງ, ທ່ານ ອິສະມິ ບີໂຕ (Isamu BITO) ກະຊວງ ​​ໂຄງລ່າງທີ່ດິ, ຂົນສົ່ງແລະທ່ອງທ່ຽວແຫ່ງປະເທດຍີ່ປຸ່ນ ພ້ອມດ້ວຍທ່ານຫົວໜ້າ ແລະຮອງຫ້ອງການ, ກົມຈັດຕັ້ງ-ພະນັກງານ, ກົມກວດກາ, ກົມແຜນການແລະການຮ່ວມມື., ກົມຂົວທາງ,​ ສະພາວິທະຍາສາດແລະເຕັກໂນໂລຊີ, ກອງທຶນທາງ,​ ມະຫາວິທະຍາໄລແຫ່ງຊາດ (ຄະນະວິທະຍາກຳສາດ), ຫົວໜ້າ ແລະຄະນະພະແນກ ຍທຂ ນະຄອນຫຼວງວຽງຈັນ, ​ແຂວງ ຜູ້ຊີ້ນຳຊີ້ນຳວຽກງານຂົວ-ທາງແລະຫົວໜ້າຂະແໜງຄຸ້ມຄອງທາງບົກ-ທາງນ້ຳ ຂອງພະ​​ແນກ ຍທຂ. ຜູ້ອຳນວຍການ ຫລື ຜູ້ຕາງໜ້າລັດວິສາຫະກິດເລກ 8, ​ເລກ 20, ກໍ່ສ້າງຄົມມະນາຄົມ, ສຳຫຼວດ-ອອກແບບ ຄົມມະນາຄົມ ສຳຫຼວດ- ອອກແບບແລະວິໄຈວັດສະດຸກໍ່ສ້າງ ບ່ອນລະ 01 ທ່ານເຂົ້າຮ່ວມປະມານ 70 ກວ່າທ່ານ.

   ໃນກອງປະຊຸມສຳມະນາໃນຄັ້ງນີ້ ຍັງມີການປຶກສາຫາລືກ່ຽວກັບ ປື້ມຄູ່ມືການປູກພຶດຕ້ານເຈື່ອນ ຕາມຕະລິ່ງທາງ ຢູ່ສປປ ລາວ ມີ 4 ພາກດ້ວຍກັນຄື:

1. ພາກທົ່ວໄປ;

2. ປະເພດການເຈື່ອນພັງຂອງຕະລິ່;

3. ໂຄງປະກອບການປູກພຶດຕ້ານເຈື່ອນ ຕາມຕະລິ່ງທາງ;

4. ການວາງແຜນແລະ ການກໍ່ສ້າງສຳລັບການປູກພຶດຕ້ານເຈື່ອນຕາມຕະລິ່ງທາງ.

1)

Additional information