ການເປີດເສລີການຂົນສົ່ງຂ້າມແດນ ລະຫວ່າງ 3 ປະເທດ ໃນອະນຸພາກພຶ້ນແມ່ນ້ຳຂອງ

 ການຂົນສົ່ງຂ້າມແດນຈະຖືກເປີດເສລີຢ່າງເປັນຮູບປະທຳ​​ ໃນ​​ເຂດອະນຸພາກພຶ້ນ​​ແມ່ນໍ້າຂອງ ຊຶ່ງເປັນຂົງເຂດທຸລະກິດທີ່ບັນດາບໍລິສັດຍີ່ປຸ່ນ, ອາເມລິກາແລະເອີຣົບ ກຳລັງ​ມີການຂະຫຍາຍຕົວ​. 3 ປະເທດ ລາວ, ຫວຽດນາມແລະກຳປູເຈຍ ​ໄດ້ບັນລຸຂໍ້ຕົກລົງ ແລະລົງນາມບົດບັນທຶກຊ່ວຍຈຳ (MOU) ວ່າດ້ວຍການຂົນສົ່ງທາງບົກ ເພື່ອຈຸດ ປະສົງໃນການປັບປຸງຂັ້ນ ຕອນການແຈ້ງພາສີຂອງລົດຂົນສົ່ງສິນຄ້າແລະ ລົດໂດຍສານ​​ໃຫ້ມີຄວາມສະດວກ ແລະ ວ່ອງໄວຂຶ້ນກ່ວາເກົ່າ. ລະບົບ​ພະລາທິການຂົນສົ່ງ (Logistics) ​ດັ່ງກ່າວ ຈະ​ອຳນວຍຄວາມສະດວກໃຫ້ແກ່ບັນດາຜູ້ຜະລິດ​​ເຄື່ອງອາຫ່ລພາຫະນະ ທີ່ກຳລັງຂະຫຍາຍທຸລະກິດ ຂອງເຂົາເຈົ້າຢູ່ຫວຽດນາມ​​​, ບັນດາໂຮງງານປະກອບ ພາຫະນະ ໃນປະເທດໄທ​ ​ແລະ ບັນດານັກລົງທຶນ ທີ່ກຳລັງເພີ່ມຂຶ້ນຢ່າງໄວຢູ່ປະເທດ ມຽນມາ. ສະນັ້ນ, ຈຶ່ງເປັນ ການດຶງດູດການລົງທຶນຂະແໜງອຸດສາຫະກຳ ຈາກຕ່າງປະເທດ ເພາະວ່າ​ຢູ່ ສປປ ລາວມີຄ່າແຮງງານຕໍ່າກ່ວາ ປະເທດອື່ນໃນຂົງເຂດນີ້​. ການຂົນສົ່ງແບບ​ຕ່ອງໂສ້​ໃນການສະໜອງອາໄຫລ່ພາຫະນະ ຈະມີປະສິດທິພາບ​ສູງຍິ່ງຂຶ້ນ ແລະ ສາມາດ​​ດຶງດູດການລົງທຶນຂອງບັນດາບໍລິສັດຍີ່ປຸ່ນ ຫລາຍຂຶ້ນ.

ການເພີ່ມການຂະຫຍາຍທຸລະກິດ​​ໂດຍບໍລິສັດຍີ່ປຸ່ນ

ພາຍ​ໃຕ້ບົດບັນທຶກຄວາມເຂົ້າໃຈ (CLV MOU) ນີ້, ມີ​ເສັ້ນທາງຂົນສົ່ງ 22 ເສັ້ນ  ແລ15 ​ດ່ານສາກົນ ໃນ 3 ປະເທດ​​ຈະຖືກເປີເສລີ​. MOU ຈະມີຜົນບັງຄັບໃຊ້ໃນກາງປີ 2013. ​ໃນໄລຍະເລີ່ມຕົ້ນຈະໃຫ້ສິດໃນການຂົນ ສົ່ງເປັນພາຫະນະຂົນສົ່ງທຸລະກິດ ເຊັ່ນ: ລົດຂົນສົ່ງສິນຄ້າ, ລົດຂົນສົ່ງໂດຍສານແລະອື່ນໆຈຳນວນ 450 ຄັນ ​(150 ຄັນຕໍ່ປະເທດ). ພາຫະນະທີ່ມີໃບອະນຸຍາດດັ່ງກ່າວຈະສາມາດຂັບຂີ່ໃນ 3​ ປະເທດໄດ້ຕາມເສັ້ນທາງ ແລະດ່ານສາກົນ ທີ່ກຳນົດໄວ້.

      MOU ເຮັດໃຫ້ລົດຂົນສົ່ງສິນຄ້າສາມາດຜ່ານແດນໂດຍບໍ່ຕ້ອງຄ່ຽນຖ່າຍສິນຄ້າເຖິງວ່າຈະມີຄວາມຈຳເປັນໃນການແຈ້ງເສຍພາສີແລະກວດກາ​​ເຊື້ອໂລກສຳລັບການຄ່ຽນຖ່າຍສິນຄ້າຕາມບັນດາຈຸດຜ່ານແດນກໍ່ຕາມ​. ນອກຈາກນີ້ຍັງມີແຜນທີ່ຈະກຳນົດຂັ້ນຕອນຕ່າງ​ໃຫ້ເປັນມາດຕະຖານເຊັ່ນ: ​ແບບຟອມການແຈ້ງເສຍພາສີແລະອື່ນໆໃນ 3 ປະເທດ.

ຫວຽດນາມ ມີອຸດສາຫະກໍາຫລອມເຫລັກແລະຜະລິດອາໄຫລ່ພາຫະນະທີ່ກໍາລັງຂະຫຍາຍຕົວແລະໄທ​ ຊຶ່ງ​ເປັນແຫລ່ງອຸດສາຫະກໍາຜະລິດພາຫະນະລາຍໃຫຍ່ມີມູນຄ່າສູງເຖິງ 8.2 ຕື້ໂດລາໃນປີ 2011 ​ຂະຫຍາຍຕົວເຖິງ 1.7 ​ເທົ່າໃນໄລຍະ 5 ປີຜ່ານມາ. ​ເຊັ່ນດຽວກັນການຂະຫຍາຍຕົວທາງການຄ້າການຂົນສົ່ງລະຫວ່າງ ຫວຽດນາມແລະໄທແມ່ນກໍາລັງເພີ່ມຂຶ້ນ. ​ປັດຈຸບັນ, ເວລາ​ທີ່ໃຊ້ໃນການຂົນສົ່ງລະຫວ່າງ ຫວຽດນາມແລະໄທ ທາງເຮືອໃຊ້ເວລາ 7-10​ ວັນ ແລະທາງບົກ​ ໃຊ້ເວລາ 3-4 ວັນ,ແຕ່ຖ້າຈັດຕັ້ງປະຕິບັດ MOU ສະບັບນີ້ ຈະສາມາດຫລຸດເວລາມາເປັນ 2 ວັນ.

ກຸ່ມອາຊຽນ (ASEAN) ສືບຕໍ່ສ້າງສາພັດທະນາລະບົບໂຄງລ່າງພື້ນຖານ​ຄົມມະນາຄົມ-​ຂົນສົ່ງເພື່ອຮອງຮັບການ  ເລີ່ມຕົ້ນຂອງປະຊາຄົມ​​ເສດຖະກິດອາຊຽນ (AEC) ​ໃນປີ 2015. ​ຂົງເຂດອະນຸພາກພຶ້ນແມ່ນໍ້າຂອງ​ເປັນ ສູນກາງສຳຄັນຂອງການຂົນສົ່ງຖ້າ​​ການຂົນສົ່ງທາງບົກລະຫວ່າງ ຫວຽດນາມແລະໄທ​ ໄດ້ຮັບການສົ່ງເສີມ, ອຸດສາຫະກຳທີ່ໃຊ້ແຮງງານຄົນຈຳນວນຫລາຍຈະເຄື່ອນຍ້າຍມາຍັງ ສປປ ​ລາວແລະກຳປູເຈຍເນື່ອງຈາກຄ່າແຮງງານຕໍ່າແລະອຸດສາຫະທີ່ຊຳນານ ການປະກອບແລະຜະລິດອາໄຫລ່ ກໍ່ຈະຖືກກໍ່ຕັ້ງຂຶ້ນທີ່ໄທແລະປະເທດອື່ນໆ.

ການກໍ່ສ້າງທາງຫລວງລະຫວ່າງ​ ​ຫວຽດນາມ, ໄທແລະມຽນມາ ກໍ່ຈະສືບຕໍ່ໂດຍການສະໜັບສະໜູນຈາກໄທ, ການປັບປຸງຖະໜົນຫົນທາງແລະຂົວກໍ່ຈະເລີ່ມຂຶ້ນແລະຄາດຫວັງວ່າການລົງທຶນໃນມຽນມາກໍ່ຈະຂະຫຍາຍຕົວ ​​ເນື່ອງຈາກການ ເຊື່ອມຕໍ່ຂອງຕາ​ໜ່າງຄົມມະນາຄົມ-ຂົນສົ່ງ.

ບັນດາບໍລິສັດຍີ່ປຸ່ນໄດ້ເລີ່ມດຳເນີນທຸລະກິດ.​ ກຸ່ມ Yazaki ສ້າງຕັ້ງໂຮງງານສາຍໄຟລົດທີ່ກຳປູເຈຍດຳເນີນທຸລະກິດປະກອບອາໄຫລ່ທີ່ສົ່ງມາຈາກໄທແລະສົ່ງຕໍ່ໃຫ້ກັບໂຮງງານຜະລິດລົດຍົນແລະລົດຈັກທີ່ໄທ. ບໍລິສັດ Minebea ​ເປັນບໍລິສັດຜະລິດມໍເຕີນ້ອຍກໍາລັງ​​ແຍກທຸລະກິດປະກອບສິ້ນສ່ວນກ້ອງຖ່າຍຮູບເປັນສອງແຫ່ງຄື: ຢູ່ໄທແລະ ກຳປູເຈຍ. ​ໂຮງງານ Panasonic ປະເທດໄທກໍາລັງສະໜອງອາໄຫ່ລທົ່ວໄປສໍາລັບເຄື່ອງໃຊ້ໄຟຟ້າຄົວເຮືອນ​​ໃຫ້ແກ່ໂຮງງານຂອງຕົນທີ່​​ຫວຽດນາມ. ບໍລິສັດ Nippon Express ​ເປີດຫ້ອງການຜູ້ຕາງໜ້າທີ່ເມືອງຢ່າງກຸງປະເທດ ມຽນມາໃນເດືອນກໍລະກົດທີ່ຜ່ານມາແລະກຳລັງພິຈາລະນາສ້າງຕັ້ງບໍລິສັດໃນເຄືອໃນອະນາຄົດ. Nisshin ​ບໍລິສັດຂົນສົ່ງຂະໜາດກາງໄດ້ສ້າງຕັ້ງບໍລິສັດຮ່ວມທຶນກັບບໍລິສັດລາວທີ່ນະຄອນຫລວງວຽງຈັນໃນເດືອນກຸມພາທີ່ຜ່ານມາ.

Additional information