ກະຊວງ ຍທຂ ຈັດການເຜີຍແຜ່ເອກະສານ ນຳພາແນວຄິດ ກ່ຽວກັບອິດທິກຳລັງຈັກກະພັດຍູ້ແຮງຍຸດທະສາດຫັນປ່ຽນໂດຍສັນຕິ ດ້ວຍການປະຕິວັດສີ

ໃນວັນທີ 22 ມີນາ 2013 ຢູ່ທີ່ຫ້ອງປະຊຸມເບີ 1 ກະຊວງ ຍທຂ ໄດ້ຈັດການເຜີຍແຜ່ເອກະສານນຳພາແນວຄິດ ກ່ຽວ ກັບ ອິດທິກຳລັງຈັກກະພັດຍູ້ແຮງຍຸດທະສາດຫັນປ່ຽນໂດຍສັນຕິ ດ້ວຍການປະຕິວັດສີ, ເພີ່ມທະວີບົດບາດໃນອາ ຊີຕາເວັນອອກສ່ຽງໃຕ້ ແລະການໂຄສະນາ-ປາຖະກະຖາ ວັນສ້າງຕັ້ງພັກຄົບຮອບ 58 ປີ, ໂດຍການເຜີຍແຜ່ ຂອງສະຫາຍ ສົມມາດ ພົລເສນາ ກຳມະການສູນກາງພັກ, ເລຂາຄະນະພັກ, ລັດຖະມົນຕີວ່າການ ກະຊວງໂຍທາ ທິການ ແລະ ຂົນສົ່ງ, ມີຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກຮາກຖານ, ທີ່ປຶກສາ ລັດຖະມົນຕີ, ຫົວໜ້າ ຫ້ອງການ, ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ ຫຼື ທຽບເທົ່າຮອງຫົວໜ້າ ພະແນກຂອງຫ້ອງການ, ກົມ, ອົງການ, ສະຖາບັນ, ສະພາວິທະຍາສາດ ແລະເຕັກໂນໂລຊີ, ກອງວິຊາການ, ສູນຝຶກ, ຫ້ອງການດັດສົມນ້ຳປະປາ, ຄະນະອຳນວຍການລັດວິສາຫະກິດ ອ້ອມຂ້າງກະຊວງ, ຄະນະບໍລິຫານງານ ສາມອົງ ການຈັດຕັ້ງມະຫາຊົນຂັ້ນກະຊວງ ເຂົ້າຮ່ວມຢ່າງພ້ອມພຽງ. ການເຜີຍແຜ່ໃນຄັ້ງນີ້ ທ່ານສົມມາດ ພົລເສນາ ລັດຖະມົນຕີວ່າການ ໄດ້ຍົກໃຫ້ເຫັນເຖິງບົດບາດ, ຄວາມປີຊາສາມາດຂອງພັກເຮົາ ໃນການຕໍ່ສູ້ປົດປ່ອຍຊາດ ຕ້ານກັບອິດທິກຳລັງປໍລະປັກ ໃນເມື່ອກ່ອນກໍຄື ໄລຍະປົກປັກຮັກສາແລະສ້າງສາປະເທດ ຊາດໃນປະຈຸບັນ. ພາຍຫລັງການຫລົ້ມສະລາຍ ຂອງອະດິດສະຫະພາບໂຊຫວຽດ ແລະບັນດາປະເທດສັງຄົມນິຍົມ ໃນຢູລົບຕາເວັນອອກ. ຈາກນັ້ນ, ອິດທິກຳລັງຈັກກະພັດກໍ່ໄດ້ຖືໂອກາດນີ້ເຄື່ອນໄຫວຢ່າງແຂງແຮງ ເພື່ອປະຕິບັດ ແຜນຍຸດທະສາດຂອງຕົນໃຫ້ປະກົດຜົນເປັນຈິງ. ໂດຍສະເພາະພວກເຂົາໄດ້ແນ່ໃສ່ ເພື່ອຄວບຄຸມທີ່ຕັ້ງຍຸດທະສາດ ທາງດ້ານການເມືອງ-ການທະຫານ ແລະແຫຼ່ງຊັບພະຍາກອນທຳມະຊາດ ທີ່ສຳຄັນຂອງໂລກ, ເພື່ອຮັກສາທ່າ ໄດ້ປຽບໃນການຄອບງຳ-ບັນຊາໂລກ. ຕໍ່ບັນຫາດັ່ງກ່າວ ທ່ານ ລັດຖະມົນຕີວ່າການ ໄດ້ແນະນຳໃຫ້ສະມາຊິກພັກ, ພະນັກງານ ໃນຂະແໜງ ຍທຂ ເຂົ້າໃຈແຈ້ງຕື່ມກ່ຽວກັບເລ້ຫລ່ຽມກົນອຸບາຍ ຂອງອິດທິກຳລັງປໍລະປັກ ທີ່ເຄື່ອນໄຫວ ເພີ່ມທະວີບົດບາດ ຢູ່ໃນອາຊີຕາເວັນອອກສ່ຽງໃຕ້. ເພື່ອພ້ອມກັນເສີມຂະຫຍາຍຈຸດດີ, ເພີ່ມທະວີບົດບາດ ການນຳ ພາຂອງພັກ ໃນການປົກປັກຮັກສາ ແລະ ສ້າງສາພັດທະນາປະເທດຂອງພວກເຮົາ.  

Additional information