ຄະນະຜູ້ແທນກະຊວງ ຄົມມະນາຄົມ-ຂົນສົ່ງ ສສ ຫວຽດນາມ ຢ້ຽມຢາມກະຊວງ ຍທຂ ຂອງ ສປປ ລາວ

ໃນຕອນເຊົ້າຂອງວັນທີ 14 ພຶດສະພາ 2013 ຄະນະຜູ້ແທນຈາກກະຊວງ ຄົມມະນາຄົມ-ຂົນສົ່ງ ສສ ຫວຽດນາມ ໄດ້ມາຢ້ຽມຢາມ ກະຊວງ ໂຍທາທິການ ແລະຂົນສົ່ງ ສປປ ລາວ ຢ່າງເປັນທາງການ ແຕ່ວັນທີ 14-16 ພຶດສະພາ 2013. ຊຶ່ງນໍາໂດຍທ່ານ H.E NGUYEN VAN CONG. ໃຫ້ກຽດຕ້ອນຮັບຄະນະ ໂດຍ ທ່ານ ລັດຕະນະມະນີ ຄູນນີວົງ ລັດຖະມົນຕີຊ່ວຍວ່າການ ກະຊວງໂຍທາທິການ ແລະຂົນສົ່ງ.

      ໃນການມາຢ້ຽມຢາມໃນຄັ້ງນີ້ ເພື່ອເປັນການປືກສາຫາລືກັນຫລາຍບັນຫາ ທີ່ກ່ຽວກັບວຽກງານ ຄົມມະນາຄົມ- ຂົນສົ່ງ ລະຫວ່າງສອງປະເທດ. ໂດຍສະເພາະແມ່ນບັນຫາກ່ຽວກັບເສັ້ນທາງ ແຕ່ພູທິດເຜີ້ງ ຫາ ນາຊອນ ແລະເສັ້ນທາງແຕ່ ແຂວງຫົວພັນຫາ ແຂວງຊຽງຂວາງ. ນອກນັ້ນ, ຍັງເປັນການຮັດແໜ້ນຄວາມ ສໍາພັນແບບພິເສດລະຫວ່າງ ກະຊວງ ໂຍທາທິການ ແລະຂົນສົ່ງ ຂອງ ສປປ ລາວ ແລະກະຊວງຄົມມະນາຄົມ-ຂົນສົ່ງ ຂອງສສ ຫວຽດນາມ.

Additional information