ກອງປະຊຸມປຶກສາຫາລື ເພື່ອສືບຕໍ່ຊອກຄົ້ນຊາກສົບຜູ້ຖືກເຄາະຮ້າຍ ແລະ ຊິ້ນສ່ວນເຮືອບິນ ATR 72 ຂອງສາຍການບິນລາວ

 

                ທ້າຍ​ອາທິດ​ຜ່ານ​ມາ​ນີ້ ລັດ​ວິ​ສາ​ຫະ​ກິດ​ການບິນ​ລາວ ຮ່ວມ​ກັບ​ບໍລິສັດ ປະກັນ​ໄພ​ລາວ-ຫວຽດ ແລະ ແຂວງ​ຈຳປາ​ສັກ ໄດ້​ເປີດ​ກອງ​ປະຊຸມ​ປຶກສາ​ຫາລື ເພື່ອ​ສືບຕໍ່​ຊອກ​ຄົ້ນ​ຊາກ​ສົບ​ຜູ້​ຖືກ​ເຄາະ​ຮ້າຍ ແລະ ຊິ້ນ​ສ່ວນ​ເຮືອບິນ ATR 72 ຂອງ​ສາຍ​ການບິນ​ລາວ ທີ່​ເກີດ​ອຸບັດ​ຕິ​ເຫດ​ຕົກລົງ​ນ້ຳຂອງ ເມື່ອ​ກາງ​ເດືອນ​ຕຸລາ 2013 ທີ່​ຜ່ານ​ມາ.

        ກອງ​ປະຊຸມ​ປຶກສາ​ຫາລື​ຄັ້ງ​ນີ້ ຈັດ​ຂຶ້ນ​ຢູ່​ສຳນັກງານ​ປົກຄອງ​ແຂວງ​ຈຳປາ​ສັກ ໂດຍ​ການ​ເປັນ​ປະທານ​ຂອງ​ທ່ານ ​ດຣ. ສອນ​ໄຊ ສີ​ພັນ​ດອນ ເຈົ້າແຂວງ​ຈຳປາ​ສັກ ມີ​ການ​ນຳ​ຈາກ​ກະຊວງ​ໂຍທາ​ທິ​ການ ແລະ ຂົນສົ່ງ, ລັດ​ວິ​ສາ​ຫະ​ກິດ​ການບິນ​ລາວ ຕະຫຼອດ​ຮອດ​ເຈົ້າ​ໜ້າທີ່​ຈາກ​ພາກສ່ວນ​ກ່ຽວຂ້ອງ ຈາກ​ສູນ​ກາງ ແລະ ທ້ອງຖິ່ນ​ເຂົ້າ​ຮ່ວມ.

       ສຳລັບ​ການເຄື່ອນໄຫວ ແລະ ການຈັດຕັ້ງ​ປະຕິບັດ​ຕົວ​ຈິງ ຄາດ​ວ່າ​ຈະ​ເລີ່ມ​ແຕ່​ວັນ​ທີ 5 ພຶດສະພາ 2014 ເປັນຕົ້ນ​ໄປ ສ່ວນ​ສາເຫດ​ຂອງ​ເຮືອບິນ​ຄັ້ງ​ນີ້ ພາກສ່ວນ​ກ່ຽວຂ້ອງ​ໄດ້​ຂໍ້​ມູນ​ຈາກ​ກັບ​ດຳ​ແລ້ວ ຄາດ​ວ່າ​ຈະ​ມີ​ການ​ຖະແຫຼງ​ຂ່າວ​ເປີດເຜີຍ​ໃນ​ມໍ່ໆ​ນີ້.

 

Additional information