ຂ່າວພາຍໃນກະຊວງ

ທ່ານ ວຽງສະຫວັດ ສີພັນດອນ ຮອງລັດຖະມົນຕີກະຊວງ ຍທຂ ເຂົ້າຮ່ວມກອງປະຊຸມ ແລະ ງານວາງສະແດງ ການຂົນສົ່ງທາງລາງ ແລະ ອຸປະກອນດ້ານທາງລົດໄຟ ສາກົນຈີນ

ໃນລະວ່າງວັນທີ 16-20 ຕຸລາ 2019 ທ່ານ ວຽງສະຫວັດ ສີພັນດອນ ຮອງລັດຖະມົນຕີກະຊວງ ຍທຂ, ພ້ອມດ້ວຍຄະນະ, ໄດ້ເຂົ້າຮ່ວມກອງປະຊຸມ ແລະ ງານວາງສະແດງການຂົນສົ່ງທາງລາງ ແລະອຸປະກອນດ້ານທາງລົດໄຟ ສາກົນ ຈີນ ທີ່ນະຄອນຊາງຊາ ແຂວງ ຫູນານ, ສປ ຈີນ.

ການເຂົ້າຮ່ວມກອງປະຊຸມໃນຄັ້ງນີ້ ແມ່ນເພື່ອເຂົ້າຮ່ວມພົບປະແລກປ່ຽນບົດຮຽນ ການຂົນສົ່ງລາງ, ເຊິ່ງຈັດຂຶ້ນທຸກໆ 2ປີ ທີ່ ສປ ຈີນ, ໃນປີນີ້ຫົວຂໍ້ຄື: “ລະບົບການຂົນສົ່ງດ້ວຍລາງອັດສະລິຍະ ເພື່ອອານະຄົດ”, ນອກຈາກການເຂົ້າຮ່ວມກອງປະຊຸມດັ່ງກ່າວແລ້ວ ທ່ານ ຮອງລັດຖະມົນຕີ ພ້ອມດ້ວຍຄະນະ ຍັງໄດ້ຢ້ຽມຊົມງານວາງສະແດງການຂົນສົ່ງທາງລາງ ແລະ ອຸປະກອນດ້ານທາງລົດໄຟສາກົນຈີນ ທີ່ມີການພັດທະນາລະບົບເຕັກໂນໂລຊີ ທີ່ທັນສະໄໝ, ຜະລິດຕະພັນ ດ້ານອຸດສາຫະກໍາການຂົນສົ່ງທາງລາງ ພ້ອມດ້ວຍບັນດາອຸປະກອນຕ່າງໆ.

ການເຂົ້າຮ່ວມກອງປະຊຸມຄັ້ງນີ້ສາມາດຮັດແໜນສາຍພົວພັນທີ່ດີ ລະຫວ່າງ ສປປ ລາວ ແລະ ສປຈີນ, ໂດຍສະເພາະໃນປັດຈຸບັນກ່ຽວກັບວຽກງານການຂົນສົ່ງດ້ວຍລາງ ກໍ່ຄືການພັດທະນາເສັ້ນທາງລົດໄຟ ລາວ-ຈີນ ເຊິ່ງກໍາລັງຈັດຕັ້ງປະຕິບັດ ແລະ ຖອດຖອນບົດຮຽນໃນການພັດທະນາການຂົນສົ່ງດ້ວຍລາງ ຂອງ ສປ ຈີນ, ເພື່ອໝູນໃຊ້ເຂົ້າໃນວຽກງານການພັດທະນາການຂົນສົ່ງດ້ວຍລາງໃນ ສປປ ລາວ, ນອກຈາກນີ້ ຍັງເປັນການພົບປະແລກປ່ຽນບົດຮຽນ ແລະ ສ້າງເຄື່ອຂ່າຍການຂົນສົ່ງດ້ວຍລາງ ລະຫວ່າງ ສປປ ລາວ ແລະ ບັນດາປະເທດຕ່າງໆ ທີ່ເຂົ້າຮ່ວມກອງປະຊຸມ ແລະງານວາງສະແດງໃນຄັ້ງນີ້.

ກອງປະຊຸມຄະນະຊີ້ນຳໂຄງການ ປະຈຳປີ 2019 ສຳລັບໂຄງການຂະຫຍາຍໂຄງລ່າງນ້ຳສະອາດ ແລະ ໂພຊະນາການ

ໃນວັນທີ 22 ຕຸລາ 2019 ອົງການສະຫະພາບເອີ ຣົບ ປະຈຳລາວ ໄດ້ຈັດກອງ ປະຊຸມກ່ຽວກັບໂຄງການຂະ ຫຍາຍໂຄງລ່າງນ້ຳສະອາດ ແລະ ໂພຊະນາການ ຫຼື SUNWIP ຂຶ້ນທີ່ໂຮງແຮມຄຣາວ ພລາຊາ ນະຄອນຫຼວງວຽງຈັນ, ໂດຍການເປັນປະທານຂອງ ທ່ານ ນາງ ວິໄລຄຳ ໂພສາລາດ ຮອງ ລັດຖະມົນຕີກະຊວງໂຍທາທິການ ແລະ ຂົນສົ່ງ, ທ່ານ ໄບຣ ອັນ ຟໍນາລີ(Bryan Fornari) ຫົວໜ້າພົວພັນຮ່ວມມື ຈາກສະຫະພາບເອີຣົບ ປະຈຳ ສປປ ລາວ ພ້ອມດ້ວຍກະຊວງ ທີ່ກ່ ຽວຂ້ອງ ເຊັ່ນ: ກະຊວງ ສາທາລະນະສຸກ, ກະຊວງ ການເງິນ ເເລະ ກະຊວງເເຜນການເເລະການລົງທືນ, ບັນດາທ່ານຮອງເຈົ້າແຂວງ, ທ່ານເຈົ້າເມືອງ, ຫົວໜ້າພະແນກ ຍທຂ ແຂວງ ແລະ ລັດວິສາຫະ ກິດນ້ຳປະປາແຂວງເຂົ້າຮ່ວມ.

ການເຂົ້າເຖິງນ້ຳປະປາທີ່ສະອາດ-ປອດໄພຂອງປະ ຊາຊົນຕະຫຼອດປີແລະ ການ ສົ່ງເສີມຄວາມຮູ້ການນຳໃຊ້ນ້ຳ ໃຫ້ຖືກສຸຂະອະນາໄມເພື່ອເຮັດ ໃຫ້ສຸຂະອະນາໄມທີ່ດີຂຶ້ນແລະ ຊ່ວຍສົ່ງເສີມໃຫ້ມີໂພຊະນາ ການທີ່ດີຂຶ້ນແມ່ນກຸນແຈສຳຄັນ ຕໍ່ສຸຂະພາບ ແລະ ຊີວິດການ ເປັນຢູ່ຂອງປະຊາຊົນໃນທົ່ວ ໂລກ ເວົ້າລວມ, ເວົ້າສະເພາະ ແມ່ນໃນປະເທດກຳລັງພັດທະ ນາໃນອາຊີຕາເວັນອອກສ່ຽງ ໃຕ້ກໍຄືສປປ ລາວ ແລະ ທັງ ໝົດນີ້ ກໍແມ່ນເປົ້າໝາຍລວມ ຂອງໂຄງການຂະຫຍາຍໂຄງ ລ່າງນ້ຳສະອາດ ແລະ ໂພຊະ ນາການ SUNWIP. ໂຄງການ SUNWIP ແມ່ນໄດ້ຮັບທຶນ ຊ່ວຍເຫຼືອຈາກສະຫະພາບເອີ ຣົບ ປະຈຳ ສປປ ລາວ ໂດຍ ຜ່ານທະນາຄານພັດທະນາ ເຢຍລະມັນ KfW ເພື່ອຈັດ ຕັ້ງປະຕິບັດໂຄງການກໍ່ສ້າງ ລະບົບໂຮງງານນ້ຳປະປາ ຢູ່ 2 ແຂວງຄື: ແຂວງຄຳມ່ວນ ແລະ ແຂວງສະຫວັນນະເຂດ. ມູນຄ່າໂຄງການທັງໝົດແມ່ນ 16,95 ລ້ານເອີໂຣ, ໃນນັ້ນທຶນ ຊ່ວຍເຫຼືອຈາກສະຫະພາບເອີ ຣົບ ແມ່ນ 15 ລ້ານເອີໂຣ ແລະ ລັດຖະບານລາວສົມທົບ 1.95 ລ້ານເອີໂຣ. ພິທີປະກາດການ ລິເລີ່ມໂຄງການຢ່າງເປັນທາງ ການ ໄດ້ຈັດຂຶ້ນໃນວັນທີ25 ເມສາ ປີ2018 ແລະ ໂຄງການ ຈະຕ້ອງສຳເລັດ ໃນເດືອນ 12 ປີ 2021.

ໂຄງການ SUNWIP ຈະປະກອບສ່ວນໂດຍກົງ ເຂົ້າໃນການບັນລຸເປົ້າໝາຍ ຍຸດທະສາດແຫ່ງຊາດ ວ່າດ້ວຍ ໂພຊະນາການຂອງ ສປປລາວ ຮອດປີ2025 ແລະ ແຜນ ປະຕິບັດງານ 2016-2020 ແລະ ຍັງຈະປະກອບສ່ວນເຂົ້າ ໃນການບັນລຸເປົ້າໝາຍແຫ່ງ ການພັດທະນາທີ່ຍືນຍົງ SDG 2 ທີ່ວ່າ ຢຸດຕິຄວາມອຶດຫິວ, ບັນລຸໄດ້ການຄ້ຳປະກັນສະບຽງ ອາຫານ ແລະ ປັບປຸງໂພຊະນາ ການໃຫ້ດີຂຶ້ນ” ແລະ SDG6 “ຮັບປະກັນໃຫ້ທຸກຄົນໄດ້ເຂົ້າ ເຖິງການນຳໃຊ້ນ້ຳປະປາ ແລະ ສຸຂາພິບານ ທີ່ສະອາດ ແລະ ປອດໄພ ”.

ຈຸດປະສົງຂອງໂຄງການ SUNWIP ແມ່ນເພື່ອປັບປຸງ ການເຂົ້າເຖິງນ້ໍາທີ່ສະອາດ ແລະ ປອດໄພໃຫ້ແກ່ປະຊາຊົນ ຕະຫຼອດປີແລະ ການສົ່ງເສີມ ຄວາມຮູ້ການນຳໃຊ້ນ້ຳ ໃຫ້ຖືກ ສຸຂະອະນາໄມເເລະເພື່ອສຸຂະ ອະນາໄມທີ່ດີຂຶ້ນ ຊຶ່ງສາມາດ ຫຼຸດຜ່ອນຜົນກະທົບ ແລະ ປ້ອງ ກັນພະຍາດຖອກທ້ອງ ແລະ ເພີ່ມຜົນປະໂຫຍດໃຫ້ມີໂພຊະ ນາການທີ່ດີຂຶ້ນ. ໂຄງການ SUNWIP ຈະສາມາດສ້າງຜົນປະໂຫຍດ ຢ່າງຫຼວງຫຼາຍ ຫາກໂຄງການ ສາມາດຈັດຕັ້ງປະຕິບັດໄດ້ ສຳເລັດກໍຈະປະກອບສ່ວນ ໃຫ້ແກ່ປ ະຊ າຊົນໃນເຂດ ຊົນນະບົດສາມາດເຂົ້າເຖິງນໍ້າ ສະອາດ ແລະ ສຸຂະອະນາໄມ ທີ່ດີໄດ້ຫຼາຍກ່ວາ 80.000 ຄົນ ໃນແຂວງຄຳມ່ວນ ແລະ ແຂວງສະຫວັນນະເຂດ. ໃນ ການປັບປຸງການເຂົ້າເຖິງການ ນຳໃຊ້ນ້ຳປະປາ ທີ່ສະອາດ -ປອດໄພ ໄດ້ສົ່ງຜົນໂດຍ ກົງ ຕໍ່ສຸຂະພາບທີ່ດີຂຶ້ນຂອງ ປະຊາຊົນ ແລະ ຊ່ວຍສົ່ງເສີມ ໃຫ້ປະຊາຊົນມີໂພຊະນາການ ທີ່ດີຂຶ້ນ. ໂຄງການ SUNWIP ຈະກໍ່ສ້າງລະບົບນ້ຳປະປາຢູ່13 ເຂດ ໃນ 6 ເມືອງ ຢູ່ແຂວງຄຳ ມ່ວນ ແລະ ແຂວງສະຫວັນນະ ເຂດ. ປັດຈຸບັນໂຄງການກຳລັງ ຢູ່ໃນໄລຍະການປະມູນ ຄັດ ເລືອກ ບໍລິສັດຜູ້ຮັບເໝົາກໍ່ສ້າງ ແລະ ຄາດວ່າ ການກໍ່ສ້າງ ຈະ ໄດ້ເລີ່ມໃນເດືອນມັງກອນ ປີ 2020.

ພ້ອມກັນນັ້ນ, ໂຄງການ SUNWIP ຈະສົ່ງເສີມໃຫ້ຊຸມ ຊົນມີຄວາມຮູ້ການນຳໃຊ້ນ້ຳ ໃຫ້ຖືກສຸຂະອະນາໄມ ແນໃສ່ ການປ່ຽນແປງພຶດຕິກຳດ້ານ ສຸຂະອະນາໄມ ແລະ ໂພຊະ ນາການທີ່ດີຂຶ້ນ ຊຶ່ງສາມາດ ຫຼຸດຜ່ອນຜົນກະທົບ ເເລະ ປ້ອງ ກັນພະຍາດຖອກທ້ອງ ແລະ ເພີ່ມຜົນປະໂຫຍດໃຫ້ມີໂພຊະ ນາການທີ່ດີຂຶ້ນ ເພື່ອຫຼຸດຜ່ອນ ຈຳນວນເດັກນ້ອຍເຕ້ຍຂາດ ສານອາຫານ ຊຶ່ງທັງໝົດເຫຼົ່າ ນີ້ຈະສາມາດບັນລຸໄດ້ໂດຍ ການຈັດຕັ້ງປະຕິບັດກິດຈະກຳ ການປູກຈິດສຳນຶກ ແລະ ຝຶກ ອົບຮົມດ້ານວິຊາການ.

ໃນໂອກາດດັ່ງກ່າວ ທ່ານ ນາງ ວິໄລຄຳ ໂພສາລາດ ກໍໄດ້ມີຄຳເຫັນກ່ຽວກັບໂຄງການ. ກະຊວງໂຍທາທິການ ແລະ ຂົນສົ່ງ ຜູ້ຈັດຕັ້ງ ປະຕິບັດໂຄງການ ຂໍຕາງໜ້າ ໃຫ້ລັດຖະບານ ສປປ ລາວ ສະແດງຄວາມຂອບອົກຂອບໃຈ ແລະ ຊາບຊຶ້ງໃນການສະໜັບສະໜູນຢ່າງຫຼວງຫຼາຍ ຈາກສະຫະພາບເອີຣົບ ແລະ KfW. ທ່ານ ນາງ ວິໄລຄຳ ໂພສາລາດ ຍັງໄດ້ກ່າວວ່າ, “ໂຄງການນີ້ຈະມີຜົນປະໂຫຍດ ຢ່າງຫຼວງຫຼາຍ ຫາກໂຄງການ ນີ້ສາມາດຈັດຕັ້ງປະຕິບັດໄດ້ ສຳເລັດກໍຈະປະກອບສ່ວນ ໃຫ້ແກ່ປະຊາຊົນໃນເຂດຊົນ ນະບົດສາມາດເຂົ້າເຖິງນໍ້າສະ ອາດ ແລະ ສຸຂະອະນາໄມທີ່ດີ ຢ່າງໜ້ອຍ 90.000 ຄົນ ແລະ ຍັງເປັນການປະກອບສ່ວນໃນ ຄາດໝາຍສູ້ຊົນຂອງ ສປປ ລາວ ເພື່ອບັນລຸເປົ້າໝາຍການ ພັດທະນາແບບຍືນຍົງ SDG6 ກໍຄືຮອດປີ 2030 ປະຊາຊົນ ທົ່ວປະເທດ ຕ້ອງໄດ້ນໍາໃຊ້ນໍ້າສະອາດ ໝາຍເຖິງນໍ້າປະປາທີ່ປອດໄພ”.

ທ່ານ ປອ ສັນຕິສຸກ ສີມມາລາວົງ ຮອງລັດຖະມົນຕີ ກະຊວງ ຍທຂ ທັດສະນະສຶກສາ ແລະ ຖອດຖອນບົດຮຽນກ່ຽວກັບລະບົບຕິດຕາມຄຸ້ມຄ້ອງຍານພາຫະນະຂົນສົ່ງ ດ້ວຍຄວາມແມ້ນຢໍາສູງ ທີ່ ສປ ຈີນ, ລະຫວ່າງວັນທີ 15-18 ຕຸລາ 2019

ໃນລະຫວ່າງ ວັນ​ທີ 15-18 ຕຸລາ 2019 ທ່ານ ປອ ສັນຕິ​ສຸກ ສີມມາລາ​ວົງ ຮອງ​ລັດຖະມົນ​ຕີກະຊວງ ຍທຂ ພ້ອມດ້ວຍ​ຄະນະ ​ທັດສະນະ​ສຶກ​ສາ ​ແລະ ຖອດ​ຖອນ​ບົດຮຽນ​ກ່ຽວ​ກັບ​ລະບົບ​ຕິດຕາມ​ຄຸ້ມ​ຄ້ອງ​ຍານ​ພາ​ຫະນະ​ຂົນ​ສົ່ງ ດ້ວຍຄວາມ​ແມ້ນ​ຍຳ​ສູງ ທີ່ ສປ ຈີນ, ​ໂດຍ​ຕອບ​ສະໜອງ​ຕາມ​ຄຳ​ເຊີນຂອງ ບໍ​ລິ​ສັດຈົງ​ເຫີງເຕັກ​ນິກ​ເຄືອ​ຂ່າຍຈຳ​ກັດຢູ​ນ​ນານ,ບໍ​ລິ​ສັດເວີນ​​ເຫີງ​ຊື​ກວງວິ​ທະ​ຍາ​ສາດ-ເຕັກ​ນິກຈຳ​ກັດແຂວງ​ຢູນ​ນານ ​ແລະ ກຸ່ມບໍລິສັດ ປັກ​ກິ່ງຊຽນຟາງ ວິທະຍາສາດ​ເຕັກ​ໂນ​ໂລ​ຊີ ຈຳກັດ ​ຊຶ່ງ​ການມາ​ຢ້ຽມ​ຢາມ​ຄັ້ງ​ນີ້ ​ແມ່ນ​ເພື່ອ​ສືບ​ຕໍ່ຊຸກ​ຍູ້​​ຂະ​ຫຍາຍວຽກ​ງານ​ຂົນ​ສົ່ງ​ຮ່ວມ​ກັນ​ຫຼາຍ​ຮູບແບບແລະສົ່ງ​ເສີມ​ການ​ຮ່ວມ​ມື​ແທ້​ຈິງ​ດ້ານ​ຄວາມ​ປອດ​ໄພແລະການ​ຈັດ​ການ​ເຫດ​ການ​ສຸກ​ເສີນ​ການ​ຄົມ​ນາ​ຄົມກັບບັນ​ດາ​ປະ​ເທດ​ຕາມ​ເສັ້ນທາງໜຶ່ງ​ແລວ​ທາງໜຶ່ງ​ເສັ້ນ​ທາງ ທີ່ທ່ານ ​​ສີ​ຈີ້ງ​ຜີງ ປະ​ທານປະ​ເທດ​ ​ແຫ່ງ ສປ ຈີນ ສະ​ເໜີນັ້ນໃຫ້​ເກີດ​ດອກ​ອອກ​ຜົນ​ຂຶ້​ນ​ອີກ​ບາດ​ກ້າວ​ໜຶ່ງ.

ນອກຈາກ​ນັ້ນ ທ່ານ ຮອງ​ລັດຖະມົນຕີ ພ້ອມ​ດ້ວຍ​ຄະນະ ​ໄດ້​ໄປ​​ຢ້ຽມຢາມບໍລິສັດເວີນເຫີງຊື່ກວງວິທະຍາສາດ-ເຕັກນິກຈຳກັດ ​ແລະ ກຸ່ມບໍລິສັດ ປັກ​ກິ່ງຊຽນຟາງ ວິທະຍາສາດ​ເຕັກ​ໂນ​ໂລ​ຊີ ຈຳກັດ ຊຶ່ງເປັນວິສາຫະກິດສໍາຄັນໃນຂົງເຂດເຕັກນິກບິກດາຕາ (Big data) ຕິດຕາມຄຸ້ມຄອງຍານພາຫະນະແລະບໍລິການລະບົບອິນເຕີເກຼດ (integrated)​ ໂດຍ​ນຳ​ໃຊ້ລະບົບດາວທຽມເປີຍໂຕ່ວ​ໃນ​ການຕິດຕາມຄຸ້ມຄອງຍານພາຫະນະແບບດີຈີຕ໋ອນດ້ານການຂົນສົ່ງທາງບົກ. ພ້ອມ​ນີ້ຝ່າຍ​ກະຊວງ ຍທຂ ​ໄດ້​ເຊີນ​ໃຫ້​ບໍລິສັດ​ດັ່ງກ່າວ ຄົ້ນ​ຄ້ວາ​ສຶກສາ​ຄວາມ​ເປັນ​ໄປ​ໄດ້ ​ເພື່ອ​ລົງທຶນ​ໃນ​ດ້ານ​ການ​ຫັນ​ເປັນ​ທັນ​ສະ​ໃໝ ລະບົບ​ຂົນ​ສົ່ງ​ທາງບົກ ຢູ່ ສປປ ລາວ ​ໃນ​ອານາ​ຄົດ.

 

 

Additional information