ຂ່າວພາຍໃນກະຊວງ

ກອງປະຊຸມ ສາມັນຄົບຄະນະພັກກະຊວງ ໂຍທາທິການ ແລະ ຂົນສົ່ງ ຄັ້ງທີ 5 ສະໄໝທີ III

 

 

ໃນຕອນເຊົ້າຂອງວັນທີ 14 ມັງກອນ 2013 ຢູ່ທີ່ຫ້ອງປະຊຸມເບີ 3 ຂອງກະຊວງຍທຂໄດ້ມີພິທີເປີດກອງປະຊຸມສາມັນຄົບຄະນະພັກກະຊວງໂຍທາທິການແລະຂົນສົ່ງຄັ້ງທີ 5 ສະໄໝທີ III ຂື້ນ, ໂດຍພາຍໃຕ້ການເປັນປະທານຂອງທ່ານສົມມາດພົລເສນາລັດຖະມົນຕີວ່າການກະຊວງໂຍທາທິການແລະຂົນສົ່ງພ້ອມຄະນະພັກທົ່ວກະຊວງກໍໄດ້ເຂົ້າຮ່ວມ.     

ກອງປະຊຸມໃນຄັ້ງນີ້, ສຸດທີ່ມີຄວາມໝາຍຄວາມສຳຄັນເພາະເປັນການກັນຕີລາຄາຄືນໃນການປະຕິບັດ ມະຕິຂອງກອງປະຊຸມສາມັນຄົບຄະນະພັກກະຊວງ ຄັ້ງທີ 4 ສະໄໝທີ III ຂອງອົງຄະນະພັກກະຊວງ ທີ່ຜ່ານມາ ແລະ ວາງທິດທາງແຜນການ 3 ເດືອນ ຕໍ່ໜ້າ, ພ້ອມທັງພິຈາລະນາ ບັນຫາສຳຄົນຕ່າງເພື່ອສຶບຕໍ່ນຳເອົາເນື້ອໃນຈິດໃຈຂອງ 4 ບຸກທະລຸ ກໍ່ຄືມະຕິກອງປະຊຸມໃຫຍ່ ຄັ້ງທີ IX ຂອງພັກ, ມະຕິກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງ ນຳໄປຈັດຕັ້ງຜັນຂະຫຍາຍເຂົ້າໃນຊີວິດຕົວຈິງຂອງຂະແໜງ ໂຍທາທິການ ແລະ ຂົນສົ່ງ ໃຫ້ປະກົດຜົນເປັນຈິງ ແລະ ສຶບຕໍ່ນຳພາກະຊວງ ຍທຂ ສຸ່ມໃສຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງລັດ 5 ປີ ຄັ້ງທີ VII ພ້ອມກັນສູ້ຊົນ ເຮັດໃຫ້ປະເທດຊາດຫຼຸດພົ້ນອອກຈາກຄວາມດ້ອຍພັດທະນາ ໃນປີ 2020.

ກອງປະຊຸມຍັງໄດ້ພ້ອມກັນຄົ້ນຄ້ວາຕີລາຄາ, ພິຈາລະນາ ແລະຮັບຮອງເອົາຫຼາຍບັນຫາທີ່ສຳຄັນຄື: ສະຫລຸບຕີລາຄາການປະຕິບັດວຽກງານ 3 ເດືອນທ້າຍປີ 2012 ແລະວາງທິດທາງແຜນການໃນຕໍ່ໜ້າ ຂອງອົງຄະນະພັກກະຊວງ, ສະຫຼຸບການຈັດຕັ້ງປະຕິບັດວຽກງານ ຂອງຄະນະປະຈຳພັກກະຊວງ, ລາຍງານການເຄື່ອນໄຫວນຳພາຂອງ ຄະນະພັກຮາກຖານກົມເຄ ແລະ ຜັງເມືອງ,  ລາຍງານການເຄື່ອນໄຫວນຳພາຂອງ ໜ່ວຍພັກຮາກຖານ ກົມໂຍທາທິການ ທາງນ້ຳ ແລະ ລາຍງານກ່ຽວກັບວຽກງານແຂ່ງຂັນ-ຍ້ອງຍໍກະຊວງ ປະຈຳປີ 2012.

 

 

ທ່ານຮອງນາຍົກລັດຖະມົນຕີ ຊີ້ນຳວຽກງານ ກະຊວງໂຍທາທິການ ແລະຂົນສົ່ງ

 ໃນຕອນເຊົ້າຂອງວັນທີ 7 ມັງກອນ 2013 ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ຊີ້ນຳ ວຽກງານເສດຖະກິດໄດ້ລົງຊີ້ນຳຂົງເຂດວຽກງານຂະແໜງໂຍທາທິການແລະຂົນສົ່ງທີ່ສູນຮ່ວມມືສາກົນແລະຝືກອົບຮົມ (ICTC), ໂດຍມີທ່ານສົມມາດພົລເສນາລັດຖະມົນຕີກະຊວງໂຍທາທິການແລະຂົນສົ່ງ, ມີບັນດາຫົວໜ້າກົມ, ຮອງກົມ, ສູນເຝືກ, ສະຖາບັນ, ສະພາວິທະຍາສາດ-ເຕັກໂນໂລຊີ, ຫົວໜ້າພະແນກ, ຮອງພະແນກ, ພະນັກງານອາວຸໂສ, ພະນັກງານບຳນານ ແລະ ບັນດາລັດວິຫາຫະກິດອ້ອມຂ້າງ, ກໍໄດ້ເຂົ້າຮ່ວມ.    ໃນການລົງຊີ້ ນຳຂົງເຂດວຽກງານ ພາຍໃນກະຊວງ ຍທຂ ໃນຄັ້ງນີ້ ທ່ານຮອງນາຍຍົກລັດຖະມົນຕີ ໄດ້ຍົກເອົາບົດຮຽນທີ່ສຳຄັນໃນບາງຕອນ ຂອງ ທ່ານປະທານ ໄກສອນ ພົມວິຫານ, ຊື່ງເພື່ນໄດ້ມີຄວາມເຫັນຕໍ່ກອງປະຊຸມຂອງວຽກງານຄົມມະນາຄົມຂົນສົ່ງ ໄປສະນີ ແລະ ກໍ່ສ້າງ ທົ່ວປະເທດຄັ້ງທີ 1 ໃນວັນທີ 11-15 ກຸມພາ 1991 ທີ່ຜ່ານມາ, ເພື່ອນຳເອົາແນວຄວາມຄິດຂອງ ເພື່ນມາເປັນບ່ອນອີງ ແລະ ເປັນແນວ ທາງໃນ ການປະຕິບັດໜ້າທີ່ວຽກງານດັ່ງກ່າວແລະບົດລາຍງານ ຂອງທ່ານ ບົວທອງ ວົງລໍຄຳ ກ່ຽວກັບວຽກງານຄົມມະນາ ຄົມຂົນສົ່ງໄປສະນີ ແລະ ກໍ່ສ້າງ ເຫັນວ່າໃນ 15 ປີທີ່ຜ່ານມາ ພັກ-ລັດຖະບານພວກເຮົາໄດ້ສຸມທຶນຮອນເປັນ ຈຳນວນຫຼວງຫຼາຍ ແລະ ແຮງງານໃນຈຳນວນບໍ່ໜ້ອຍ ເພື່ອການພັດ ທະນາວຽກງານຄົມມະນາຄົມ ທີ່ພັກເຮົາຖືເອົາ ເປັນຂະແໜງການປາຍແຫຼມຂອງການພັດທະນາພື້ນຖານໂຄງລ່າງເສດ ຖະກິດແຫ່ງຊາດ ແລະ ຂະແໜງການຂອງ ພວກເຮົາກໍສາມາດຍາດຜົນງານອັນໃຫຍ່ຫຼວງ, ທີ່ປະກອບສ່ວນສຳຄັນ ເຂົ້າໃນການພັດທະນາເສດຖະກິດ-ສັງຄົມ ຂອງປະເທດຊາດໃນນັ້ນພວກເຮົາຍັງສາມາດສ້າງພະນັກງານ, ກຳມະກອນ, ວິສະວະກອນ, ເຕັກນິກທີ່ຜ່ານ ການເຮັດ ວຽກງານຕົວຈິງ ແລະ ໄດ້ສະສົມບົດຮຽນອັນລ້ຳຄ່າ ເພື່ອເປັນຕົວແບບ ໃນການກ້າວໄປຂ້າງໜ້າໃຫ້ມີ ປະສິດທິຜົນສູງພ້ອມກັນນັ້ນ ທ່ານຮອງນາຍົກລັດຖະມົນຕີ ກໍໄດ້ເນັ້ນຕື່ມອີກ ໃນບາງ ບັນຫາບໍ່ວ່າຈະເປັນດ້ານ ການຂົນສົ່ງທາງບົກ, ທາງນ້ຳ, ທາງອາກາດ ແລະ ການກໍ່ສ້າງເສັ້ນທາງຄົມມະນາຄົມ ຂົນສົ່ງ ບາງສາຍຍັງພົບບັນຫາເປັນຕົ້ນ ແມ່ນທາງເລກ 9, ທາງ 13 ແຕ່ສາມແຍກດອນໜູນ ຫາບ້ານໄຮ່ທີ່ໄດ້ຮັບ ການເປ່ເພ ແລະ ເປັນຫາງສຽງຂອງປະຊາຊົນ.

      ໃນຕອນທ້າຍຍັງມີການປະກອບຄຳຄິດເຫັນຂອງພະນັກງານບຳນານ, ຫົວໜ້າກົມແລະ ລັດວິສາຫະກິດ. ເພື່ອ ຊ່ວຍກັນແກ້ໄຂບັນຫາທີ່ເກີດຂຶ້ນແລະຈະເກີດຂື້ນໃນຕໍ່ໜ້າ. ນີ້ແມ່ນຂີດໝາຍໜຶ່ງຂອງການເລີ່ມຕົ້ນປະຕິບັດ ວຽກງານ ໃນປີ 2013 ເພື່ອຍາດແຍ່ງຜົນງານ, ຜົນປະໂຫຍດອັນສູງມາສູ່ສັງຄົມກໍຄືປວງຊົນລາວທັງຊາດ.

ຄະນະຜູ້ແທນຂັ້ນສູງ ກະຊວງໂຍທາທິການ ແລະ ຂົນສົ່ງ ເຄື່ອນໄຫວຢ້ຽມຢາມ ແລະ ປຶກສາຫາລື ກ່ຽວກັບ ໂຄງການກໍ່ສ້າງຂົວຂ້າມນ້ຳຂອງມິດຕະພາບລາວ-ມຽນມາ

 ໂດຍຕອບສະໜອງຕາມຄຳເຊີນຂອງ ທ່ານ ຈໍ ລິນ, ລັດຖະມົນຕີວ່າການ ກະຊວງ ກໍ່ສ້າງ ແຫ່ງ ສ. ມຽນມາ, ທ່ານ ສົມມາດ ພົລເສນາ, ລັດຖະມົນຕີວ່າການ ກະຊວງ ໂຍທາທິການ ແລະຂົນສົ່ງ ແຫ່ງ ສປປລາວ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ສ.ມຽນມາ ໃນລະຫວ່າງວັນທີ 8-10 ມັງກອນ 2013 ໂດຍມີຈຸດປະສົງ ເພື່ອສືບຕໍ່ປຶກສາ ຫາລື ກັບ ກະຊວງ ກໍ່ສ້າງ, ສ.ມຽນມາ ກ່ຽວກັບການຈັດຕັ້ງປະຕິບັດໂຄງການກໍ່ສ້າງຂົວຂ້າມນ້ຳຂອງມິດຕະພາບ ລາວ - ມຽນມາ ລະຫວ່າງ ຊຽງກົກ (​ແຂວງ​ຫຼວງນ້ຳທາ, ສປປລາວ) ແລະ ແກ້ງລາບ (ສ.ມຽນມາ). ກອງປະຊຸມພົບ ປະສອງຝ່າຍຄັ້ງນີ້ ​ໄດ້ຈັດຂື້ນ ​ໃນ​ເວລາ 13:00 ​ໂມງ ຂອງ ວັນ​ທີ 9 ມັງກອນ 2013 ທີ່ ຫ້ອງປະຊຸມ​ ກະຊວງ ກໍ່ສ້າງ, ນະຄອນຫຼວງເນປີຕໍ ໂດຍທັງສອງຝ່າຍ ໄດ້ຄົ້ນຄ້ວາ​ປຶກສາ​ຫາລື, ແລກປ່ຽນຄຳ​ຄິດ​ຄຳ​ເຫັນ ແລະ ຕົກລົງ ເປັນເອກະພາບກັນ ກ່ຽວກັບບັນຫາດ້ານເຕັກນິກການກໍ່ສ້າງ, ການຈັດຊື້ຈັດຈ້າງບໍລິສັດທີ່ປຶກສາຄວບຄຸມການກໍ່ສ້າງ ແລະ ບໍລິສັດຜູ້ຮັບເໝົາກໍ່ສ້າງ, ການກຳນົດເຂດກໍ່ສ້າງ ແລະ ວັນເວລາວາງສີລາລືກເປີດການກໍ່ສ້າງຂົວດັ່ງກ່າວ ຊຶ່ງ ຈະໄດ້ຈັດຂື້ນໃນວັນທີ 16 ກຸມພາ 2013 ທີ່ຈະມາເຖິງນີ້.

ພ້ອມດຽວກັນນີ້, ໃນວັນດຽວກັນຄະນະ​ຜູ້​ແທນ ກະຊວງ ຍທຂ ຍັງ​ໄດ້​ເຂົ້າຢ້ຽມຂຳ​ນັບ ພະນະທ່ານ ປະທານາທິບໍດີ ​ເທນ ​ເຊນ ​ແຫ່ງ ສ.ມຽນມາ. ​ໃນ​ໂອກາດ​ນີ້ ທ່ານ ປະທານາທິບໍດີ ​ໄດ້​ຕີ​ລາຄາ​ສູງ​ຕໍ່ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື​ລະ​ຫວ່າງ ລາວ-ມຽນມາ ຊຶ່ງ​​ເປັນສອງ​ປະ​ເທດ​ບ້ານ​ໃກ້​ເຮືອນຄຽງ ​ແລະ ​ເປັນ​ເພື່ອນ​ມິດ​ທີ່​ດີ​ນຳກັນ​ມາ​ແຕ່​ດົນ​ນານ ​ແລະ ​ໄດ້​ຊົມ​ເຊີຍຕໍ່ການ​ມາ​ເຮັດ​ວຽກຂອງຄະນະ​ຜູ້​ແທນ ກະຊວງ ຍທຂ ລາວ ​ໃນ​ຄັ້ງນີ້, ພ້ອມ​ທັງ​ຍົກ​ໃຫ້​ເຫັນ​ເຖິງ​ຄວາມ​ໝາຍສຳຄັນ​ຂອງ​​ໂຄງການ​ກໍ່ສ້າງ​ຂົວ​ດັ່ງກ່າວ ​ຊຶ່ງຈະ​ຊ່ວຍ​ອຳນວຍ​ຄວາມ​ສະດວກ​ໃຫ້​ແກ່ ການ​ຄົມມະ ນາຄົມ-ຂົນ​ສົ່ງ ກໍ​ຄືການ​ໄປມາຫາສູ່ຂອງ​ປະຊາຊົນ​ສອງ​ຊາ​ດ ລາວ-ມຽນມາ ແລະ ກັບ​ບັນດາ​ປະ​ເທດ​ໃກ້​ຄຽງ ​​ເປັນຕົ້ນ​ແມ່ນ ສສ ຫວຽດນາມ ແລະ ສປ ຈີນ ​ເພື່ອ​ຊຸກຍູ້​ສົ່ງ​ເສີມ​ການ​ຄ້າ, ການ​ລົງທຶນ ​ແລະ ການ​ທ່ອງ​ທ່ຽວ ​ຮ່ວມກັນ ແລະ ຮຽກຮ້ອງ ໃຫ້ທັງສອງຝ່າຍ ລາວ - ມຽນມາ ໃຫ້ມີການປະສານສົມທົບກັນ ເພື່ອເຮັດໃຫ້ການກໍ່ສ້າງຂົວດັ່ງ ກ່າວ ສໍາເລັດໄວ ຕາມແຜນການ. ສຳລັບ​ຝ່າຍ​ລາວ ໄດ້ສະແດງຄວາມຂອບໃຈເປັນຢ່າງສູງຕໍ່ທ່ານ ປະທານາທິບໍດີ ເທນ ເຊນ ທີ່ໄດ້ໃຫ້ການຕ້ອນຮັບ ແລະ ໃຫ້ການຊີ້ນຳຊຸກຍູ້ຕໍ່ໂຄງການດັ່ງກ່າວເປັນພິເສດ, ພ້ອມທັງ​ໄດ້​ແຈ້ງ​ໃຫ້ ທ່ານ ຜູ້ນຳ​ສູງ​ສຸດ ຂອງ ມຽນມາ​ ຊາບ​ ກ່ຽວກັບການ​ປຶກສາ​ຫາລື ກັບ​ກະຊວງ ກໍ່ສ້າງ​ ມຽນມາ ​​ໂດຍທັງສອງຝ່າຍ ສາມາດຕົກລົງບັນຫາ ຕ່າງໆໄດ້ຕາມຄາດໝາຍ, ພ້ອມທັງການກະກຽມວາງສີລາລືກເປີດການກໍ່ສ້າງຂົວດັ່ງກ່າວ ໃນວັນທີ 16 ກຸມພາ 2013.

ມະຫາວິທະຍາໄລ ຄົມມະນາຄົມ ຂົນສົ່ງ ຮ່າໂນ້ຍ, ສສຫວຽດນາມ ມອບໃບປະກາດສະນີຍະບັດປະລິນຍາເອກກິດຕິມະສັກ ໃຫ້ແກ່ ທ່ານ ສົມມາດ ພົລເສນາ, ລັດຖະມົນຕີວ່າການ ກະຊວງ ຍທຂ

ໂດຍ​ເຫັນ​ໄດ້​ເຖິງ​ຜົນງານ​ການ​ປະກອບສ່ວນ​ຢ່າງຕັ້ງໜ້າ ​ແລະ ​ບໍ່ຮູ້​ອິດ​ຮູ້​ເມື່ອຍຕະລອດ​ມາ ​ໃນ​ການ​ສົ່ງ​ເສີມ​ສາຍ​ພົວພັນ​ການ​ຮ່ວມ​ມືດ້ານ​ຄົມມະນາຄົມ ຂົນ​ສົ່ງ ລະຫວ່າງ ສປປລາວ ​ແລະ ສສຫວຽດນາມ ຂອງ ທ່ານ ສົມ​ມາດ ພົລເສນາ, ລັດຖະມົນຕີ​ວ່າການ ກະຊວງ ​ໂຍທາ​ທິການ ​ແລະ​ ຂົນ​ສົ່ງ​,  ມະຫາວິທະຍາ​ໄລ ຄົມມະນາຄົມ ຂົນ​ສົ່ງ ຮ່າ​ໂນ້ຍ, ສສຫວຽດນາມ ຈຶ່ງໄດ້​ຕົກລົງ​ມອບ​ໃບ​ປະກາດ​ສະ​ນີຍະ​ບັດປະລິ​ນຍາ​ເອກ​ກິດ​ຕິ​ມະ​ສັກ ​ໃຫ້​ແກ່ ທ່ານ ສົມມາດ ພົລ​ເສນາ, ​ໂດຍ​ໄດ້​ຈັດພິທີ​ຂື້ນໃນຕອນ​ເຊົ້າ ຂອງ ວັນ​ທີ 27 ທັນວາ 2012 ທີ່ຫໍ​ປະຊຸມ​ໃຫ່ຍຂອງ​ມະຫາວິທະຍາ​ໄລ ​ໂດຍ​​ແມ່ນທ່ານ ສຈ ດຣ. ​ເຈິນ ດັກ ຊູ, ອະທິການ​ບໍດີ ​ເປັນ​ຜູ້​ມອບ​​ໃບ​ປະກາດ​ສະ​ນີຍະ​ບັດ​ ​ແລະ ​ໃຫ້ກຽດ​ເຂົ້າຮ່ວມພິທີ​ມີ ທ່ານ ລັດຖະມົນຕີ​ຊ່ວຍ​ວ່າການ ກະຊວງ ສຶກສາ​ທິການ ​ແລະ ທ່ານ ລັດຖະມົນຕີ​ຊ່ວຍ​ວ່າການ ກະຊວງ ຄົມມະນາຄົມ ຂົນ​ສົ່ງ ສສຫວຽດນາມ, ທ່ານ ລັດຖະມົນຕີ​ຊ່ວຍ​ວ່າການ ກະຊວງ ອຸດ​ສະຫະ​ກຳ ​ແລະ ການ​ຄ້າ ສປປລາວ, ທ່ານ ຮອງ​ອະທິການ​ບໍດີ ມະຫາວິທະຍາ​ໄລ​ແຫ່ງ​ຊາດ​ລາວ, ທ່ານ ຜູ້ຕາງໜ້າສະຖານ​ເອກ​ອັກຄະ​ລັດຖະທູດ ສປປລາວ ປະຈຳ ສສ ຫວຽດນາມ, ພ້ອມ​ດ້ວຍບັນດາ​ທ່ານ ຮອງ​ອະທິການ​ບໍດີ, ຄະນະບໍດີ ​ແລະ ນັກ​ສຶກສາ​ຂອງ ມະຫາ​ວິທະຍາ​ໄລ​ດັ່ງກ່າວ. ​​ໃນ​ໂອກາດ​ນີ້, ທ່ານ ລັດຖະມົນ​ຕີ​ວ່າການ ກະຊວງ​ໂຍທາ​ທິການ ​ແລະ ຂົນ​ສົ່ງ ​ໄດ້​ສະ​ແດງ​ຄວາມ​ຂອບ​ໃຈ ​ຢ່າ​ງຈິງ​ໃຈ​ມາ​ຍັງ​ທາງ​ມະຫາວິທະຍາ​ໄລ​ ທີ່​ໄດ້​ມອບ​ໃບ​ປະກາດ​ດັ່ງກ່າວ​ໃຫ້ ​ແລະ ການ​ປະກອບສ່ວນ​ຢ່າງ​ຫຼວງຫຼາຍ​ໃນ​ການ​ກໍ່ສ້າງ​ພັດທະນາ​ຊັບພະຍາກອນ​ມະນຸ​ດຂອງລາວ ​ໃນ​ໄລຍະ​ຜ່ານ​ມາ, ພ້ອມ​ທັງ​ຢືນຢັນ​ຈະ​ສືບຕໍ່ຮັດ​ແໜ້ນ​ສາຍ​ພົວພັນ​ການ​ຮ່ວມ​ມື​ລະຫວ່າງ​ສອງ​ຊາດ ​​ລາວ - ຫວຽດນາມ ໃຫ້​ໄດ້​ຮັບ​ການ​ພັດທະນາ​ດີ​ຍິ່ງ​ຂື້ນ.

Additional information