ຂ່າວພາຍໃນກະຊວງ

ພິທີເຊັນສັນຍາ ກໍ່ສ້າງທາງເລກ 18 A

ທີ່​ຫ້ອງ​ປະຊຸມ​ເບີ 2 ກະຊວງ ຍທຂ ​ໄດ້​ຈັດ ​ພິທີ​ເຊັນ​ສັນຍາ​ການ​ກໍ່ສ້າງ​ທາງ​ເລກ 18 A ເມືອງ​ປະທຸມ​ພອນ ​ແຂວງ​ຈຳປາ​ສັກ ຫາ ​ເມື​ອງສາມັກຄີ​ໄຊ ​ແຂວງ​ອັດ​ຕະປຶ (ຕາງໜ້າ​ລັດຖະບານ​​ແຫ່ງ ສປປ ລາວ) ລະຫວ່າງ​​ບໍລິສັດ ຊີ​ໂນ​ລາວ ອະລູມີ​ນຽມ ຄໍ​ປໍ​ເລ​​ເຊີນ ຈຳກັດ. ​ໃນວັນ​ທີ 21 ມິຖຸນາ 2012 ​ໂດຍ​ເປັນ​ກຽດ​ເຂົ້າ​ຮ່ວມຂອງ ທ່ານ ສົມ​ມາດ ພົລ​ເສນາ​ລັດ​ຖະມົນຕີ​ວ່າການ​ກະຊວງ​ ຍທຂ, ທ່ານ ບຸ​ນທະ​ວີ ສີ​ສຸພັນ​ທອງ ລັດຖະມົນຕີ​ຊ່ວຍ​ວ່າການ​ກະຊວງ ​ແຜນການ ​ແລະ​ການ​ລົງທຶນ, ທ່ານ ລັດຕະນະມະນີ ຄູນ​ນີວົງ ລັດຖະມົນຕີ​ຊ່ວຍ​ວ່າການ​ກະຊວງ ຍທຂ, ທ່ານ ​ເຄນ​ທອງ ສີ​ສຸ​ວົງ ຮອງ​ເຈົ້າ​ແຂວງ ອັດ​ຕະປຶ, ທ່ານ ບົວ​ສອນ ວົງ​ສອງ​ຄອນ ຮອງ​ເຈົ້າ​ແຂວງ​ຈຳປາ​ສັກ ​ແລະ​ທ່ານ ​ເປຼມ​​ໄຊ ກັນ​ນະ​ສູດ ປະທານ ບໍລິສັດ ຊີ​ໂນ​ລາວ ອະລູມີນຽມ ຄໍ​ປໍ​ເລ​ເຊີນ ຈຳກັດ ພ້ອມ​ດ້ວຍ​ແຂກ​ທີ່​ຖືກ​ເຊີນ​ທີ່​ກ່ຽວ​ຂ້ອງ​ເຂົ້າຮ່ວມ​ຢ່າງ​ພ້ອມພຽງ.

​ໂຄງການ​ກໍ່ສ້າງ​ທາງ​ເລກ 18 A ນີ້ ​ແມ່ນ​ໃຊ້​ງົບປະມານ​ທັງ​ໝົ​ດ ຂອງ ບໍລິສັດ ຊີ​ໂນ​ລາວ ອະລູມີ​ນຽມ ຄໍ​ປໍ​ເລ​ເຊີນ ຈຳກັດ ຕາມ​ພັນທະ​ໃນ​ສັນຍາ ສຳ​ປະທານ ຂຸດ​ຄົ້ນ​ແຮ່​ທາ​ດບົກ​ຊິດ ຢູ່​ເມືອງ ປາກ​ຊ່ອງ ​ແລະ​ການ​ສ້າງ​ຕັ້ງ​ໂຮງງານ ອະລູມີ​ນຽມ ຢູ່​ແຂວງ​ອັດ​ຕະປຶ ​ໃນ​ວັນ​ທີ 22 ຫັນ​ຍາ 2008 ​ເປັນ​ມູນ​ຄ່າ​ທັງ​ໝົດ 76,​038,147.09 ​ໂດ​ລາ​ສະຫະລັດ ກຳນົດ​ເວລາ​ການ​ກໍ່ສ້າງ 36 ​ເດືອນ​​​ເປັນ​​ເສັ້ນທາງ 3 ຊັ້ນ ມີ​ຄວາມ​ກວ້າງ 9 ​ແມັດ ຍາວ 106.17 ກະ​ໂລ​ແມັດ.

ຜັນຂະຫຍາຍຜົນສຳເລັດຂອງກອງປະຊຸມກໍ່ສ້າງ ຮາກຖານການເມືອງ ແລະພັດທະນາຊົນນະບົດຮອບດ້ານທົ່ວປະເທດ

ໃນວັນທີ 15 ມີຖຸນາ 2012 ​ໄດ້ຈັດກອງປະຊຸມວຽກງານກໍ່ສ້າງຮາກຖານການເມືອງແລະພັດທະນາຊົນນະບົດຮອບດ້ານທົ່ວປະເທດຄັ້ງທີ III ຢູ່ສະໂມສອນກະຊວງໂຍທາທິຫານແລະຂົນສົ່ງໂດຍການເປັນປະທານຂອງທ່ານ ສົມມາດ ພົລເສນາ ລັດຖະມົນຕີວ່າການກະຊວງ ຍທຂ, ​ເປັນກຽດເຂົ້າຮ່ວມຂອງທ່ານເມກ ພັນລັກ ລັດຖະມົນຕີຊ່ວຍວ່າການ ປະຈຳຫ້ອງວ່າການລົດຖະບານ, ຮອງປະທານ ຄະນະຊີ້ນຳພັດທະນາຊົນນະບົດແລະລຶບລ້າງຄວາມທຸກຍາກແຫ່ງຊາດ ພ້ອມດ້ວຍຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກຮາກຖານ, ຫົວໜ້າກົມ, ຮອງຫົວໜ້າກົມ, ຫົວໜ້າພະແນ, ຮອງຫົວໜ້າພະແນກ ຫຼືທຽບເທົ່າຮອງຫົວໜ້າພະແນກຂອງຫ້ອງການ, ກົມ, ອົງການ, ສະຖາບັນ, ສະພາວິທະຍາສາດ-​ເຕັກໂນໂລຊີ, ກອງວິຊາການ, ສູນຝຶກ, ຫ້ອງການດັດສົມນ້ຳປະປາ, ຄະນະອຳນວຍການລັດວິສາຫະກິດ ອ້ອມຂ້າງກະຊວງ, ຄະນະບໍລິຫານງານ ສາມອົງການຈັດຕັ້ງມະຫາຊົນກະຊວງເຂົ້າຮ່ວມທັງໝົດ 165 ທ່ານ.

ເພື່ອບັນລຸເປົ້າໝາຍສະຫັດສະວັດການພັດທະນາໃນປີ 2015 ​ໂດຍສະເພາະແມ່ນໄດ້ເຜີຍແຜ່ເຊື່ອມຊືມບົດສູນທອນພົດຂອງສະຫາຍ ຈູມມະລີໄຊຍະສອນ, ​ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສປປ ລາວຕໍ່ກອງປະຊຸມດັ່ງກ່າວ.ກອງປະຊຸມໄດ້ສຳເລັດຜົນເປັນຢ່າງຈົບງາພາຍໃຕ້ ບັນຍາກາດອັນຟົດຟື້ນແລະບັນລຸຈຸດປະສົງຕາມຄາດໝາຍທີ່ວາງໄວ້, ​ເຊີ່ງສະແດງເຖີງຄວາມບຸກບືນຂອງບັນດາສະຫາຍຄະນະພັກກະຊວງ,​ຄະນະພັກ, ຄະນະນຳຂອງແຕ່ລະກົມ, ກອງ, ລັດວິສາຫະກິດອ້ອມຂ້າງກະຊວງ ທີ່ໄດ້ເອົາໃຈໃສ່ກະກຽມເນື້ອໃນມີຄຳເຫັນດຮັດໃຫ້ກອງປະຊຸມດຳເນິນໄປດ້ວຍດີ. ​ໃນນັ້ນບັນຫາສຳຄັນຕົ້ນຕໍແມ່ນ ສະແດງເຖີງຄວາມສາມັກຄີ​ ​ເປັນເອກະພາບທີ່ໜັກແໜ້ນແລະມີຄວາມຮັບຜິດຊອບສູງຕໍ່ທັດສະນະໃນການຕີລາຄາສະພາບການຈັດຕັ້ງປະຕິບັດ ວຽກງານຊີ້ນຳ-ນຳພາແລະການຜັນຂະຫຍາຍຜົນສຳ​​ເລັດຂອງກອງປະຊຸມວຽກງານກໍ່ສ້າງຮາກຖານການເມືອງແລະພັດທະນາຊົນນະບົດຮອບດ້ານທົ່ວປະເທດຄັ້ງທີ III ​ເຂົ້າໃນວຽກງານຕົວຈິງຂອງກະຊວງໂຍທາທິການແລະຂົນສົ່ງເວົ້າລວມ,​ ​ເວົ້າສະເພາະແມ່ນໄດ້ພ້ອມກັນກຳນົດເປັນທິດໃນການຈັດຕັ້ງປະຕິບັດໃຫ້ເປັນເອກະພາບໃຫ້ພ້ອມກັນບັນລຸບາດກ້າວບຸກທະລຸທີ 4 ກ່ຽວກັບການກໍ່ສ້າງຮາກຖານການເມືອງແລະພັດທະນາຊົນນະບົດ, ​​ໄປພ້ອມກັບການສ້າງຂະບວນການແຂ່ງຂັນຮັກຊາດແລະພັດທະນາ “ ​ໃຫ້ດຳເນີນຢ່າງກ້ວາງຂວາງແລະມີລັກສະນະຕັ້ງໜ້າຖືກທິດຕາມ 4 ​ເນື້ອໃນ 4 ຄາດໝາຍໃຫ້ໄດ້ຢ່າງກ້ວາງຂວາງ ທັງໝົດນີ້ແມ່ນເພື່ອສຶບຕໍ່ປະຕິບັດບັນດາໜ້າທີ່ແລະທີດທາງວຽກງານຈຸດສຸມຈຳນວນໜຶ່ງຂອງກອງປະຊຸມໃຫຍ່ ຄັ້ງທີ IX ຂອງພັກໃຫ້ມີຜົນສຳເລັດ. ​ເພື່ອຜັນຂະຫຍາຍທິດທາງດັ່ງກ່າວມາເປັນແຜນບຸກທະລຸລະອຽດຂອງຂະແໜງໂຍທາທີການແລະຂົນສົ່ງນັ້ນ ຕ້ອງໄດ້ເອົາໃຈໃສ່ບາງດ້ານຄື:

1) ສຸ່ມໃສ່ປະຕິບັດ, ຖືເອົາການພັດທະນາຊົນນະບົດແລະລຶບລ້າງຄວາມທຸເປັນສະໜາມຮົບອັນດັບໜຶ່ງໃນການພັດທະນາປະເທດເຮົາ.

2. ສຶບຕໍ່ນຳໃຊ້ຈຸດພິເສດດ້ານທີ່ຕັ້ງຂອງປະເທດເຮົາໃຫ້ເກີດປະໂຫຍດສູງສຸດໂດຍເລັ່ງໃສ່​” “ ຂະຫຍາຍແລະພັດທະນາລະບົບຄົມມະນາຄົມໃຫ້ເປັນປາຍແຫຼມທີ່ລົ່ງລ່ຽນ, ສະດວກ, ປອດໄພ, ທັນສະໄໝ, ​ໂປ່ໃສເພື່ອປະຕິບັດສອງໜ້າທີ່ຍຸດທະສາດແລະເຊື່ອມຈອດກັບອານຸພາກພື້ນ”.

3) ເອົາໃຈໃສ່ວຽກງານການອອກແບບຜັງເມືອງແລະຜັງເຂດຈຸດສຸ່ມຂອງສູນກາງ,​ ຂອງແຂວງຕ່າງ ແລະເຂດທີ່ໝັ້ນການປະຕິວັດ 64 ​ເຂດ.

4) ເອົາໃຈໃສ່ການສັບຊ້ອນຈັດວາງພະນັກງານໃຫ້ສອດຄ່ອງກັບມາດຕະຖານແທດເໝາະກັບຄວາມຮູ້, ຄວາມສາມາດແລະຄວາມຊຳນິຊຳນານງານ.

5) ຄົ້ນຄ້ວາຊອກແຫຼ່ງທຶນເພື່ອປັບປຸງກໍ່ສ້າງທາງແຕ່ເທ​​ດສະບາແຂວງ ຫາເທດສະບານເມືອງໃນແຕ່ລະແຂວງແລະປະສານສົມທົບກັບການຈັດຕັ້ງອື່ນແລະພາກສ່ວນທີ່ກ່ຽວຂ້ອງ.

6) ຕ້ອງການປະສານສົມທົບກັບທ່ອງຖິ່ນ ຕາມທິດຊີ້ນຳອງສະຫາຍເລຂາທິການໃຫຍ່ໂດຍຫັນເອົາໂຄງການພັດທະນາຊົນນະບົດ-​ແກ້ໄຂຄວາມທຸກຍາກໄປຂື້ນກັບຄວາມຮັບຜິດຊອບ ນຳພາ-ຊີ້ນຳແລະການຄຸ້ມຄອງຂອງຄະນະພັກ-ອົງການປົກຄອງທ້ອງຖິ່ນໂດຍກົງ.

ໜ່ວຍງານຂ່າວສານກະຊວງ ຍທຂ ກັບວຽກງານຕ້ານຕະຝັ່ງເຈື່ອນ

ໃນວັນທີ 7 ມີຖຸນາ 2012 ພະແນການຂ່າວແລະເຕັກໂນໂລຊີການສື່ສານໄດ້ລົງເຄື່ອນໄຫວວຽກງານລາຍການໂທລະພາບໂດຍໄດ້ລົງຕິດຕາມການກໍ່ສ້າງຕະຝັ່ງເຈື່ອນຂອງກົມ​​ໂຍທາທິການທາງນ້ຳ. ​ໃນການລົງຕິດຕາມເກັບກຳຂໍ້ມູນໃນຄັ້ງນີ້ໄດ້ລົງຕິດຕາໂຄງ ການກໍ່ສ້າງຕະຝັ່ງເຈື່ອນເຊິ່ງມີຢູ່ 3 ຈຸດໃຫຍ່ຄື: ບ້ານ ປ່າຫວ້າແມ່ນໄດ້ສຳເລັດແລ້ວບ້ານຖິ່ນຊ້ອຍກຳລັງດຳເນີນການກໍ່ສ້າງ ແລະບ້ານ ໂນນຊາຍ ​ ​ແມ່ນສຳເລັດແລ້ວ. ​

ໃນນັ້ນໂຄງການກໍ່ສ້າງຕະຝັ່ງເຈື່ອນຢູ່ບ້ານປ່າຫວາໂດຍແມ່ນບໍລິສັດສຸກກະເສີມເປັນຜູ້ຮັບເໜົາ ການກໍ່ສ້າງ ​​ແລະປະຈຸບັນແມ່ນສຳເລັດແລ້ວທີ່ມີຄວາມຍາວ0.348 ​ແມັດມູນຄ່າການກໍ່ສ້າງ 14,158,00 ຕື້​​ກີບໂດຍລັດຖະບານລາວເປັນຜູ້ໃຫ້ທຶນແລະປະຈຸບັນ ບໍລິສັດສຸກກະເສີມ ກໍາລັງກໍ່ສ້າງຕະຝັ່ງກັນເຈື່ອນຢູ່ ບ້ານ ຖິ່ນຊ້ອຍ ທີ່ມີຄວາມຍາວ 0.72 ກິໂລແມັດ ທາງໂຄງການໄດ້ດຳເນີນງານຢ່າງຂຸ້ນຂ້ຽວເພື່ອ​​ໃຫ້ທັນກັບເວລາ ໃຊ້ງົບປະມານໃນການກໍ່ສ້າງ 22,000,00 ຕື້ກີບ ເຊິ່ງແມ່ນລັດຖະບານລາວເປັນຜູ້ໃຫ້ທຶນ ​ ​ແລະບ້ານ ໂນນຊາຍມີຄວາມຍາວ 1.68 ກິໂລແມັດມູນຄ່າໃນການກໍ່ສ້າງ 24,456,00 ຕື້ກີບໂດຍແມ່ນລັດຖະບານລາວເປັນຜູ້ໃຫ້ຖຶນ ປະຈຸບັນແມ່ນສຳເລັດແລ້ວ​​ເປັນທີຮຽບຮ້ອຍແລ້ວໂດຍແມ່ນບໍລິສັດ DM ​ເປັນຜູ້ຮັບເໜົາກໍ່ສ້າງ​.

ກຳມະບານກະຊວງ ຍທຂ ຫວນຄືນມູນເຊື້ອວັນກຳມະກອນສາກົນ

ເນື້ອໃນໂອກາດວັນກຳມະກອນສາກົນຄົບຮອບ 126 ​ປີ (01/05/1886- 01/05/2012$ ​ໃນວັນທີ 12 ມີຖຸນາ 2012 ຢູ່ທີ່ສະໂມສອນກະຊວງໂຍທາທິການແລະຂົນສົ່ງປະທານສະຫະພັນກຳມະບານ ກະຊວງຍທຂໄດ້ຈັດຕັ້ງປາຖະກະຖາເພື່ອຫວນຄືນມູນເຊື້ອການຕໍສູ້ແລະຄວາມ​​ເປັນມາຂອງວັນກຳມະກອນສາກົນໃຫ້ກຽດປາຖະກະຖາໃນຄັ້ງນີ້ແມ່ນທ່ານສີມູນອຸ່ນລາສີຮອງປະທານສູນກາງກຳມະບານລາວໂດຍເປັນກຽດເຂົ້າຮ່ວມມີທ່ານບຸນຈັນສິນທະວົງຄະນະພັກກະຊວງ, ລັດຖະມົນຕີຊ່ວຍວ່າການກະຊວງຍທຂ, ທ່ານນາງວິໄລຄຳໂພສາລາຄະນະພັກກະຊວງ, ຫົວໜ້າສະຖາບັນໂຍທາແລະຂົນສົ່ງພ້ອມດ້ວຍຄະນະກຳມະບານກະຊວງ, ບັນດາຮາກຖານແລະສະມາຊິກກຳມະບານທີ່ສັງກັດບັນດາກົມ, ຫ້ອງການ, ອົງການ, ສະຖາບັນ,​ສະພາວິທະຍາສາດ-​ເຕັກໂນໂລຊີ, ກອງວິຊາການ, ສູນຝຶກ, ຫ້ອງການດັດສົມນ້ຳປະປາແລະບໍລິສັດລັດວີສາຫະກິດອ້ອມຂ້າງກະຊວງເຂົ້າຮ່ວມທັງໝົດ 162 ທ່ານ.

ໃນໂອກາດນີ້ຜູ້ເຂົ້າຮ່ວມໄດ້ຮັບຟັງການເລົ່າມູນເຊື້ອຂອງວັນກຳມະກອນສາກົນຈາກທ່ານ ສີມູນອຸ່ນລາສີຮອງປະທານສູນກາງສະຫະພັນກຳມະບານລາວໂດຍສະເພາະແມ່ນປະຫວັດແຫ່ງການກຳເນີເຕີມໃຫຍ່ຂອງຊົ້ນຊັ້ນກຳມະກອນແລະພາລະກຳປະຫວັດສາດຂອງຂະບວນການຕໍສູ້ຂອງຊົ້ນຊັ້ນກຳມະກອນສາກົນແລະ​​ໃນພາລະກິດປະຕິວັດຂອງກຳມະກອນລາວໃນໄລຍະຜ່ານມາເພື່ອເສີມຂະຫຍາຍທາດແທ້ແລະມູນເຊື້ອອັນດີງາມຂອງຊົ້ນຊັ້ນກຳມະກອນລາວ. ພ້ອມດຽວກັນນີ້ທ່ານຮອງປະທານໄດ້ໂອລົມຕໍ່ທີ່ປະຊຸມຊື່ງທ່ານໄດ້ຍົກໃຫ້ເຫັນຄວາມສຳຄັນຂອງຊົ້ນຊັ້ນກຳມະກອນລາວໃນຂະບວນການສ້າງສາພັດທະນາຍົກລະດັບຄວາມຮູ້ຄວາມສາມາດຂອງກຳມະກອນຍິງແລະປຸກລະດົມແມ່ຍິງເຕົ້າໂຮມຄວາມສາມັກຄີເປັນປຶກແຜ່ນຢູ່ອ້ອມຂ້າງພັກ-ລັດໂດຍສະເພາະໃຫ້ເອື້ອຍນ້ອງແມ່ຍິງໃນຂະແໜງການຍທຂປະກອບສ່ວນໃນການປັບປຸງຍົກລະດັບຊີວິດການປັນຢູ່ໃຫ້ດີຂື້ນ. ສັງຄົມມີຄວາມກ້າວໜ້າສີລິໄລປະເທດຊາດກ້າວຂື້ນສູ່ອຸດສາຫະກຳແລະທັນສະໄໝ.

Additional information