ຂ່າວພາຍໃນກະຊວງ

ກະຊວງ ຍທຂ ​ເຊື່ອມ​ຊຶມ​ ກົດ​ລະບຽບພັກ ສະ​ໄໝທີ IX

ກະຊວງໂຍທາທິການ ແລະ ຂົນສົ່ງ (ຍທຂ) ຈັດຕັ້ງເຊື່ອມຊຶມກົດລະບຽບພັກສະໄຫມທີ IX ເມື່ອວັນທີ 23 ພຶດສະພາ 2012 ທີ່ກະຊວງດັ່ງກ່າວ ໂດຍການເປັນປະທານຂອງສະຫາຍ ສົມມາດ ພົລເສນາ ກຳມະການ ສູນກາງພັກ, ເລຂາຄະນະພັກ, ລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ, ມີບັນດາສະຫາຍ ຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກຮາກຖານ, ເລຂາ, ຮອງເລຂາໜ່ວຍພັກທີ່ຂຶ້ນກັບ ຄະນະພັກຮາກຖານ ແລະ ສະມາຊິກພັກເຂົ້າຮ່ວມ. ການເຊື່ອມຊຶມຄັ້ງນີ້ບັນດາຜູ້ເຂົ້າຮ່ວມໄດ້ຮັບຟັງຂໍ້ກຳນົດ ຂອງກົມການເມືອງສູນກາງພັກ ສະບັບເລກທີ 01/ ກມສພ, ລົງວັນທີ 5/1/2012 ວ່າດ້ວຍການຈັດຕັ້ງປະຕິບັດ ກົດລະບຽບຂອງພັກສະໄຫມ ທີ IX, ຄຳແນະນຳຂອງຄະນະຈັດຕັ້ງສູນກາງພັກ ສະບັບເລກທີ 68/ຄຈສພ, ລົງວັນທີ 6/2/2012 ກ່ຽວກັບການຈັດຕັ້ງປະຕິບັດຂໍ້ກຳນົດຂອງກົມການເມືອງສູນກາງພັກ ສະບັບເລກທີ 01/ກມສພ, ລົງວັນທີ 5/1/2012 ວ່າດ້ວຍການຈັດຕັ້ງປະຕິບັດກົດລະບຽບຂອງພັກສະໄຫມທີ IX. ຈຸດປະສົງ ໃນການເຊື່ອມຊຶມດັ່ງກ່າວແມ່ນເພື່ອເປັນບ່ອນອີງໃຫ້ແກ່ຄະນະພັກ ແລະ ການຈັດຕັ້ງທຸກຂັ້ນໃນການຈັດຕັ້ງ ຜັນຂະຫຍາຍກົດລະບຽບຂອງພັກໃຫ້ເປັນເອກະພາບທາງດ້ານຄວາມຮູ້ ແລະ ການກະທຳຕົວຈິງໃນທົ່ວ ອົງຄະນະພັກຂອງຕົນ, ເພື່ອເຮັດໃຫ້ຄະນະພັກ ແລະ ສະມາຊິກພັກທຸກສະຫາຍຄົ້ນຄວ້າເຊື່ອມຊຶມ, ກຳແໜ້ນ; ເຄົາລົບ ແລະ ຈັດຕັ້ງປະຕິບັດກົດລະບຽບພັກຢ່າງຖືກຕ້ອງເຂັ້ມງວດ, ຍົກສູງຖານະຂອງສະມາຊິກພັກ ເຊິ່ງເປັນນັກຮົບປະຕິວັດໃນກອງນຳໜ້າຂອງຊົນຊັ້ນກຳມະກອນ ແລະ ຊາວຜູ້ອອກແຮງງານລາວບັນດາເຜົ່າ ໃຫ້ມີຄວາມໜັກແໜ້ນທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ມີຄວາມຮູ້ຄວາມສາມາດ
ເພື່ອເຮັດສຳເລັດໜ້າທີ່ວຽກງານທີ່ໄດ້ຮັບມອບໝາຍ, ເພີ່ມທະວີຄວາມສາມັກຄີເປັນເອກະພາບພາຍໃນພັກ ແລະ ສືບຕໍ່ກໍ່ສ້າງພັກໃຫ້ປອດໃສ, ໜັກແໜ້ນ ແລະ ເຂັ້ມແຂງທາງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນວິທີນຳພາ, ແນໃສ່ຍົກສູງບົດບາດ ແລະ ຄວາມສາມາດໃນການນຳພາຂອງພັກໃຫ້ທຽມທັນກັບຄວາມ ຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.

ກອງປະຊຸມວຽກງານແຜນການ


ກອງ​ປະຊຸມ​ປະຈຳ​ປີ​ຂອງວຽກ​ແຜນການ ​ແລະ​ການ​ຮ່ວມ​ມື ຂະ​ແໜງ ຍທຂ ​ໃນ​ສົກ​ປີ 2010-2011 ​ແລະວາງ​ທິດທາງ​ແຜນການ​ສົກ​ປີ 2011-2012. ກອງ​ປະຊຸມ​ໄດ້​ໄຂ​ຂຶ້ນ​ໃນ​ຕອນ​ເຊົ້າ​ຂອງ​ວັນ​ທີ

05 ​ເມສາ 2012 ທີ່​ຫ້ອງ​ປະຊຸມ​ກະຊວງ​ໂຍທາ​ທິການ ​ແລະຂົນ​ສົ່ງ. ຈຸດປະສົງ​ຂອງ​ກອງ​ປະຊຸມ​ໃນ​ຄັ້ງ​ນີ້​ແມ່ນ​ເພື່ອ​ສະຫຼູ​ບຄືນ​ວຽກ​ແຜນການ ​ແລະ​ການ​ຮ່ວມ​ມື​ໃນ​ສົກ​ປີຜ່ານມາ. ກອງ​ປະຊຸມ​ໃນ​ຄັ້ງ​ນີ້ ​ໂດຍ

ການ​​ເປັນ​ປະທານ​ຂອງ ທ່ານ ມັດ ສູນ​ມາລາ ຫົວໜ້າ​ກົມ​ແຜນການ ​ແລະ​ການ​ຮ່ວມ​ມື ກະຊວງ ຍທຂ.

​​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສົມ​ມາ​ດ ພົລ​ເສນາ ລັດຖະມົນຕີ​ວ່າການ​ກະຊວງ ​ໂຍທາ​ທິການ ​ແລະ​ຂົນ​ສົ່ງ ພ້ອມ​ດ້ວຍ​ຫົວໜ້າ, ຮອງ​ຫົວໜ້າ, ວີ​ຊາ​ການ​ ຂອງ​ບັນ​ດາ​ຫ້ອງການ, ກົມ, ອົງການ, ກອງວິ

ຊາ​ການ, ສະ​ຖາ​ບັນ, ສະພາ​, ສູນ​ຝຶກ ​ແລະ​ບັນດາ ຍທຂ ​ແຂວງ​ເຂົ້າ​ຮ່ວມ​ຢ່າງພ້ອມພຽງ.

ກອງ​ປະຊຸມ​ໃນ​ເທື່ອ​ນີ້​ໄດ້​ເປັນ​ເອກະ​ພາບ​ກັນ​ດັ່ງ​ນີ້:

1)ດ້ານ​ແຜນການ ​ແລະ​ສະ​ຖີຕິ

2)ດ້ານ​ການ​ພົວພັນຮ່ວມ​ມື ​ແລະລົງທຶນ.

3)ດ້ານການ​ເງິນ.

4)ດ້ານ​ພັດທະນາ​ຊົນນະບົດ ​ແລະ​ລືບ​ລ້າງ​ຄວາມທຸກ​ຍາກ.

5)ດ້ານ​ກອງ​ທຶນ​ທາງ

ກອງປະຊຸມເປີດບັ້ນແຂ່ງຂັນ “ຮັກຊາດ ແລະ ພັດທະນາ” ກະຊວງໂຍທາທິການ ແລະ ຂົນສົ່ງ ປະຈຳສົກປີ 2011

​ເພື່ອ​ເປັນ​ການ​ສ້າງ​ຂະ​ບວນການ​ແຂ່ງຂັນ “ຮັກຊາດ ​ແລະ ພັດທະນາ” ທາງ​ກະຊວງ​ໂຍທາ​ທິການ ​ແລະ​ຂົນ​ສົ່ງ​ ຈິ່ງ​ໄດ້​​ເປີດ​ບັ້ນ​ແຂ່ງຂັນຂອງ​ຕົນ​ຂື້ນ ​ໃນ​ຕອນ​ເຊົ້າ​ຂອງ​ວັນ​ທີ 11 ​ເມສາ 2012 ຢູ່​ທີ່ ຫ້ອງ​ປະຊຸມ ​ເບີ 1 ຂອງ​ກະຊວງ​ໂຍທາ​ທິການ ​ແລະ​ຂົນ​ສົ່ງ. ​​​ໂດ​ຍການ​​ໃຫ້ກຽດເປັນ​ປະທານ​ຂອງ​ທ່ານ ສົມ​ມາດ ພົລເສນາ ລັດຖະມົນຕີ​ວ່າການ​ກະຊວງ ​ໂຍທາ​ທິການ ​ແລະ​ຂົນ​ສົ່ງ ກໍາມະການ​ສູນ​ກາງ​ພັກ ​ເລຂາ​ພັກ​ກະຊວງ ​ແລະ ​ຜູ້ເຂົ້າ​ຮ່ວມ​ມີ​ບັນ ດາຫົວໜ້າກົມ, ຮອງ​ກົມ, ສະພາ​ວິທະຍາສາດ, ສູນ​ຝຶກ​ ພ້ອ​ມດ້ວຍ​ພະນັກງານຫຼັກ​ແຫຼ່ງຈາກ​ຫ້ອງ ການ​ຕ່າງໆອ້ອມ​ຂ້າງ​ຂອງ​ກະຊວງ​ເຂົ້າ​ຮ່ວມຫຼາຍກວ່າ 200 ຄົນ.
ຈຸດປະສົງ​ໃນ​ການ​ເປີດກອງ​ປະຊຸມ​ດັ່ງກ່າວ​ກໍ​ເພື່ອ​ເປັນ​ການ​ເປີດ​ບັ້ນ​ແຂ່ງຂັນ “ ຮັກ​ຊາດ ​ແລະ​ພັດທະນາ” ໃນ ກະຊວງ ​ໂຍທາ​ທິການ ​ແລະ​ຂົນ​ສົ່ງ ໂດຍ​ໃຫ້​ແຕ່​ລະ​ກົມ, ຂອງຫ້ອງການ, ອົງການສູນ​ເຝຶກ ​ແລະສະພາ​ວິທະຍາສາດ ​ຂື້ນ​ລາຍ​ງານ​ຂໍ້​ແຂ່ງຂັນ​ຂອງ​ຕົນ ​ແລະ​ຈະ​ຕິດຕາມ​ປະ​ເມີນ​ຜົນ​ໃນ​ທ້າຍ​ປີ 2012 ອີກ​ດ້ານໜຶ່ງ​ແມ່ນ​ເພື່ອ​ມອບ​ໃບ​ຍ້ອງຍໍ, ມອບຫຼຽນ​ໄຊ​ແຮງ​ງານ ​ແລະຫຼຽນກາ​ໃຫ້​ຜູ້​ທີ່ີຜົນງານ​ດີ​ເດັ່ນ, ບຸກຄົນ​ທີ່​ໄດ້​ມີ​ການ​ປະກອບ ສ່ວນ​ເຂົ້າ​ໃນ​ງານ​ສະ​ເຫຼີມສະຫຼອງວຽງຈັນ​ 450 ປີທີ່​ຜ່ານ​ມາ.
ກອງ​ປະຊຸມ​ດັ່ງກ່າວ​ໄດ້​ເປັນ​ເອກະ​ພາບ​ກັນ​ນໍາເອົາ​ເນື້ອ​ໃນ​ດັ່ງກ່າວ​ເຂົ້າ​ແຂ່ງຂັນ​ກັນ​ໃນ​ການ​ພັດ​ທະນາ​ເຂົ້າ​ໃນ​ພຶດຕິ​ກໍາ​ຕົວ​ຈິງ​ໃນ​ການຈັດ​ຕັ້ງ​ປະຕິບັດ​ວຽກງານ ​ເພື່ອ​ພ້ອມ​ກັນ​ເຮັດ​ສໍາ​ເລັດໜ້າທີ່​ຕາມ​ຈຸດປະສົງ​ທີ່​ວາງ​ໄວ້. ກອງ​ປະຊຸມ​ດັ່ງກ່າວ​ໄດ້​ອັດ​ລົງ​ໃນ​ຕອນ​ເຊົ້າ​ຂອງ​ວັນ​ດຽວກັນ.

ຊາວໜຸ່ມກະຊວງ ຍທຂ ຟັງປາຖະກະຖາວັນສ້າງຕັ້ງຊາວໝຸ່ມ ປະຊາຊົນປະຕິວັດລາວ ຄົບຮອບ 57 ປີ

ໃນຕອນເຊົ້າຂອງວັນທີ 11 ພຶດສະພາ 2012 ຢູ່ຫ້ອງປະຊຸມເບີ1 ຂອງກະຊວງໂຍທາທິການ ແລະ ຂົນສົ່ງໄດ້ຈັດປາຖະ ກະຖາວັນສ້າງຕັ້ງຊາວໜຸ່ມ ປະຊາຊົນປະຕິວັດລາວ ຄົບ ຮອບ 57 ປີ.

(14 ເມສາ 1955-14 ເມສາ 2012).ເປັນກຽດເຂົ້າຮ່ວມຂອງທ່ານ ສົມມາດ ພົລເສນາ ກຳມະການສູນກາງພັກ ເລຂາຄະນະພັກ ລັດຖະມົນຕີວ່າການ ກະຊວງ ໂຍທາທິການ ແລະຂົນສົ່ງ. ພ້ອມ ດ້ວຍບັນດາຄະນະບໍລິຫານງານ ຊາວໜຸ່ມກະຊວງ ຍທຂ, ສະຫາຍເລຂາ, ຮອງ​​ເລຂາໜ່ວຍຮາກຖານຊາວໜຸ່ມ ພ້ອມສະມາຊິກຊາວໜຸ່ມ, ຫ້ອງການ, ກົມ, ກອງ, ອົງການ, ສະຖາບັນ, ສູນຝຶກ, ສະພາວິທະຍາສາດ-​ເຕັກ​ໂນ​ໂລ​ຊີ, ກອງ​ວິຊາ​ການ ແລະ ລັດວິສາຫະກິດອ້ອມຂ້າງກະຊວງ ຍທຂເຂົ້າຮ່ວມທັງໝົດ 138 ສະຫາຍ.

ກ່າວເປີດພິທີໂດຍ ທ່ານ ບຸນຈັນ ສິນຣາຊະວົງສ໌ ເລຂາຄະນະຊາວໜຸ່ມກະຊວງ ຍທຂ ແລະໃຫ້ກຽດປາຖະກະຖາໂດຍ ທ່ານ ດຣ ວິໄລວົງ ບຸດດາຄຳ ເລຂາຄະນະບໍລິຫານງານສູນກາງຊາວໜຸມ ເລຂາຄະນະພັກສູນກາງຊາວໜຸ່ມ ຊປປ ລາວ. ເນື້ອໃນຂອງການປາຖະກະຖາໃນຄັ້ງນີ້ແມ່ນມະຕິກອງປະຊຸມຄົບຄະນະບໍລິຫານງານສູນກາງຊາວໜຸ່ມຄັ້ງທີ 2 ສະໄໝ VI ແລະການຜັນຂະ ຫຍາຍເນື້ອໃນຂໍ້ແຂ່ງຂັນ 4 ບຸກທະລຸຂອງຊາວໜຸ່ມຄື: 1) ບຸກດ້ານແນວຄິດ; 2) ບຸກດ້ານການຝຶກຝົນ ຫຼໍ່ຫຼອມຮ່ຳຮຽນ; 3) ບຸກດ້ານວຽກງານການຈັດຕັ້ງ; 4) ບຸກດ້ານວີຊາຊິ-ສ້າງວຽກ​​​ເຮັດງານທຳ.

ເຂົ້າໃນວຽກງານຂອງຊາວໜຸ່ມກໍຄືການປະກອບສ່ວນເປັນເຈົ້າການ, ເປັນກຳລັງຫຼັກປະຕິບັດແຜນການຂອງຄະນະພັກ ຄະນະນຳວາງອອກ ທັງເສີມສ້າງໃຫ້ການຈັດຕັ້ງປະຕິບັດຂໍ້ແຂ່ງຂັນ “ຮັກຊາດ ແລະພັດທະນາ” ຂອງກະຊວງ ໂຍທາທິການ ແລະຂົນສົ່ງ ໃຫ້ປະກົດຜົນເປັນຈິງ ມີຄວາມຟົດຟື້ນຕໍ່ເນື່ອງ ແລະຮັບປະກັນ.

Additional information