ຂ່າວກິດຈະກຳຕ່າງໆ

ຍທຂ ສ້າງຂະບວນການອານາໄມລວມ ເພື່ອຕ້ອນຮັບກອງປະຂຸມໃຫຍ່ຂອງອົງຄະນະພັກກະຊວງ, ສາມອົງການຈັດຕັ້ງມະຫາຊົນ ທີ່ຂື້ນກັບກະຊວງ ແລະ ກອງປະຊຸມໃຫຍ່ຂອງບັນດາຮາກຖານພັກ ຫ້ອງການ, ກົມ, ກອງ ແລະ ສະຖາບັນ

​ໃນ​ວັນ​ເສົາ​ທີ 28 ທັນວາ 2019 ທີ່​ຜ່ານ​ມາ ກະຊວງ ຍທຂ ​ໄດ້ສ້າງຂະ​ບວນການ​ອານາ​ໄມ​ລວມ ​ ​ເພື່ອ​ເປັນ​ການສ້າງ​ຄວາມ​​ເປັນລະບຽບ​ຮຽບຮ້ອຍ, ສະອາດ​ຈົບ​ງາມ ພາຍ​ໃນ​ບໍລິ​ເວນ​ສຳນັກງານ ກະຊວງ ​ໂຍທາ​ທິການ ​ແລະ ຂົນ​ສົ່ງ ​ແລະ ເພື່ອ​ຕ້ອນຮັບ​ກອງ​ປະ​ຂຸມ​ໃຫຍ່​ຂອງ​ອົງຄະ​ນະ​ພັກ​ກະຊວງ, ສາມ​ອົງການ​ຈັດ​ຕັ້ງມະຫາ​ຊົນ ທີ່​ຂື້ນ​ກັບ​ກະຊວງ ​ແລະ ກອງ​ປະຊຸມ​ໃຫຍ່​ຂອງ​ບັນດາ​ຮາກ​ຖານ​ພັກ ຫ້ອງການ, ກົມ, ກອງ ​ແລະ ສະ​ຖາ​ບັນ ​​ທີ່ຈະ​ມາ​ເຖິງ​ນີ້ ​ໃຫ້​ມີ​ຂະ​ບວນ​ຟົດ​ຟື້ນ ​ແລະ ຈົບ​ງາມ.

 

ຫ້ອງການກະຊວງ ຍທຂ ຈັດກິດຈະກຳ ຕ້ອນຮັບກອງປະຊຸມໃຫຍ່ໜ່ວຍພັກ ຄັ້ງທີ IV

ຫ້ອງການກະຊວງ​ໂຍທາ​ທິການ ​ແລະ ຂົນ​ສົ່ງ ຈັດ​ກິດຈະກຳ​ແຂ່ງຂັນ​ກິລາ​ມິດຕະພາບ 2 ປະ​ເພດ ຄື ກິລາ​ບານ​ເຕະທີ​ມຍິງ-ທີ​ມຊາຍ ​ແລະ ກິລາ​ດຶງ​ເຊືອກປະສົມຍິງ 5 ຊາຍ 4 ​ເພື່ອ​ສ້າງ​ຂະ​ບວນການ​ຂໍ່ານັບ​ຮັບ​ຕ້ອນ​ກອງ​ປະຊຸມ ໃຫ່ຍ ຄັ້ງ​ທີ lV ຂອງໜ່ວຍພັກທີ 1 ຫ້ອງການກະຊວງ ຍທຂ ພ້ອມທັງສ້າງໂອກາດສະ​ເຫຼີ​ມສະຫຼອງ​ວັນ​ສຳຄັນ​ຕ່າງໆ​ຂອງ​ຊາດ ​ແລະ ໃຫ້ພະນັກງານສະມາຊິກພັກພາຍ​ໃນ​ໜ່ວຍ​ພັກ​ທີ 1 ​ໄດ້ຮັດ​ແໜ້ນຄວາມ​ສາມັກຄີ​ຮັກ​ແພງ ​ແລະ ​ແລກປ່ຽນບົດຮຽນ​ທາງ​ດ້ານ​ວິຊາ​ການໃຫ້​ເຊິ່ງກັນ ​ແລະ ກັນ ຢ່າງ​ເປັນ​ຂະ​ບວນ​ຟົດ​ຟື້ນ.

ກິດຈະກຳ​ຄັ້ງ​ນີ້ ​ໄດ້​ມີຂຶ້ນ ​ເມື່ອ​ວັນ​ທີ 23 ສິງຫາ 2019 ຜ່ານ​ມາ ທີ່​ສະໜາມກິລາ​ເຕະບານ​ຫຍ້າ​ທຽມ ສັບພະ​ວິຊາ ​ເມືອງ​ສີ​ສັດຕະ​ນາກ ນະຄອນຫຼວງ​ວຽງ​ຈັນ ​ໃຫ້​ກຽດ​ເຂົ້າ​ຮ່ວມ​ໂດຍ​ສະຫາຍ ປອ ສັນຕິສຸກ ສີມມາລາວົງ ຄະນະ​ປະ​ຈຳ​ພັກ, ຮອງ​ລັດຖະມົນຕີ​ກະຊວງ​ໂຍທາ​ທິການ ​ແລະ ຂົນ​ສົ່ງ ແລະ ສະຫາຍ ວຽງສະຫັວດ ສີພັນດອນ ຄະນະ​ພັກ, ຮອງ​ລັດຖະມົນຕີກະຊວງ​ໂຍທາ​ທິການ ​ແລະ ຂົນ​ສົ່ງ ມີ​ບັນດາຫົວໜ້າ-ຮອງ​ຫົວໜ້າຫ້ອງການ, ກົມການເງິນ ພ້ອມດ້ວຍ​ບັນດາ​ສະມາຊິກ​ພັກ, ພະນັກງານທີ່​ກ່ຽວຂ້ອງເຂົ້າຮ່ວມ 80 ຄົນ.

ການ​ແຂ່ງຂັນ​ລາຍການນີ້ ນອກຈາກ​ຈະ​ສ້າງ​ຂະ​ບວນການ​ຕ້ອນຮັບກອງ​ປະຊຸມ​ດັ່ງກ່າວ​ແລ້ວ ກໍ​ຍັງ​ເປັນ​ການສ້າງ​ຂະ​ບວນການສະ​ເຫຼີ​ມສະຫຼອງ​ວັນຍືດອຳນາດ 23 ສິງຫາ 2019 ຄົບຮອບ 44 ປີ (23 ສິງຫາ 1975 ຫາ 23 ສິງຫາ 2019) ​ແລະ ວັນ​ປະກາດ​ເອກະລາດ 12 ຕຸລາ 2019 ຄົບຮອບ 64 ປີ (12 ຕຸລາ 1955 ຫາ 12 ຕຸລາ 2019) ຜ່ານ​ການແຂ່ງຂັນ​ກິລາ 2 ປະ​ເພດ​ດັ່ງກ່າວ ຜົນ​ປະກົດ​ວ່າ:  ກິລາ​​ເຕະບານ​ທີ​ມຊາຍ ທີ​ມຫ້ອງການ​ ຍທຂ ຊະນະ ກົມ​ການ​ເງິນ ຍທຂ 4-3 ປະຕູ ​ແລະ ​ທີ​ມຍິງ ທີ​ມຫ້ອງການ​ ຍທຂ ຊະນະ ກົມ​ການ​ເງິນ ຍທຂ 1-0 ປະຕູ ສ່ວນ​ກິລາ​ດຶງ​ເຊືອກ ທີ​ມປະສົມຊາຍ 4 ຍີງ 5 ທີ​ມກົມການເງິນ ຍທຂ ຊະນະ ຫ້ອງການ ຍທຂ ຂາດ​ຮອຍ 2-0   ​​ເກ​ມ.  

​ຄັດຈາກໜັງສືພິມກິລາ

ຊາວຫນຸ່ມ ກະຊວງ ຍທຂ ຈັດກິດຈະກຳແຂ່ງຂັນກິລາບານເຕະຊາຍມິດຕະພາບ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ XI ຄະນະບໍລິຫານງານຊາວຫນຸ່ມ ກະຊວງ ຍທຂ

ຄະນະ​ບໍລິຫານ​ງານຊາວ​ຫນຸ່​ມ ກະຊວງ ຍທຂ ຈັດ​ກິດຈະກຳ​ແຂ່ງຂັນ​ກິລາ​ບານ​ເຕະຊາຍມິດຕະພາບ ​ເພື່ອ​ຂ່ຳນັບ​ຮັບ​ຕ້ອນ​ກອງ​ປະຊຸມ​ໃຫຍ່ຄັ້ງ​ທີ XI ຂອງຄະນະ​ບໍລິຫານ​ງານຊາວ​ຫນຸ່​ມ ກະຊວງ ຍທຂ ພ້ອມທັງສ້າງໂອກາດສະ​ເຫຼີ​ມສະຫຼອງ​ວັນຊາດ ທີ 2 ທັນວາ 2019 ຄົບຮອບ 44 ປີ (2 ທັນວາ 1975 ຫາ 2 ທັນວາ 2019) ​ແລະ ວັນ​ສຳຄັນ​ຕ່າງໆ​ຂອງ​ຊາດ ​ແລະ ​ເພື່ອໃຫ້ສະມາຊິກ​ຊາວ​ຫນຸ່ມ, ພະນັກງານ, ສະມາຊິກພັກພາຍ​ໃນກະຊວງ ຍທຂ ​ໄດ້ຮັດ​ແໜ້ນຄວາມ​ສາມັກຄີ​ຮັກ​ແພງ ​ແລະ ​ແລກປ່ຽນບົດຮຽນ​ທາງ​ດ້ານ​ວິຊາ​ການໃຫ້​ເຊິ່ງກັນ ​ແລະ ກັນ ຢ່າງ​ເປັນ​ຂະ​ບວນ​ຟົດ​ຟື້ນ.

ກິດຈະກຳ​ຄັ້ງ​ນີ້ ​ໄດ້​ມີຂຶ້ນ ​ເມື່ອ​ວັນ​ທີ 6 ທັນວາ 2019 ຜ່ານ​ມາ ທີ່​ສະໜາມກິລາ​ເຕະບານ​ຫຍ້າ​ທຽມ ສັບພະ​ວິຊາ ​ເມືອງ​ສີ​ສັດຕະ​ນາກ ນະຄອນຫຼວງ​ວຽງ​ຈັນ ​ໃຫ້​ກຽດ​ເຂົ້າ​ຮ່ວມ​ໂດຍ​ສະຫາຍ ລັນ ​ແສງອາພອນ ຄະນະ​ປະ​ຈຳ​ພັກກະຊວງ, ຫົວໜ້າ​ກົມ​ຈັດ​ຕັ້ງ ​ແລະ ພະນັກງານ; ສະຫາຍ ຈັນທະ​ລາ ພີ​ມມະ​ຈັກ ຮອງ​ເລຂາ​ຄະນະ​ບໍລິຫານ​ງານ​ຊາວ​ຫນຸ່ມ ຍທຂ ​ແລະ ມີ​ບັນດາຄະນະ​ບໍລິຫານ​ງານ​ຊາວ​ຫນຸ່ມ​ກະຊວງ ພ້ອມດ້ວຍ​ບັນດາສະມາຊິກ​ຊາວ​ຫນຸ່ມ 23 ຮາກ​ຖານ ອ້ອມ​ຂ້າງ​ກະຊວງ ​ໂຍທາ​ທິການ ​ແລະ ຂົນ​ສົ່ງ ​ແລະ ພະນັກງານທີ່​ກ່ຽວຂ້ອງເຂົ້າຮ່ວມ.

ການ​​ແຂ່ງຂັນ​ກິລາ​ບານ​ເຕະຊາຍມິດຕະພາບ ​ເພື່ອ​ຂ່ຳນັບ​ຮັບ​ຕ້ອນ​ກອງ​ປະຊຸມ​ໃຫຍ່ຄັ້ງ​ທີ XI ຂອງຄະນະ​ບໍລິຫານ​ງານຊາວ​ຫນຸ່​ມ ກະຊວງ ຍທຂ ພ້ອມທັງສ້າງໂອກາດສະ​ເຫຼີ​ມສະຫຼອງ​ວັນຊາດ ທີ 2 ທັນວາ 2019 ຄົບຮອບ 44 ປີ (2 ທັນວາ 1975 ຫາ 2 ທັນວາ 2019) ​ແລະ ວັນ​ສຳຄັນ​ຕ່າງໆ​ຂອງ​ຊາດ. ຜ່ານ​ການແຂ່ງຂັນບານ​ເຕະ​ຊາຍ ​ປະກອບ​ມີ 4 ທີ​ມ ຜົນ​ປະກົດ​ວ່າ:  ທີ​ມ​​ເຕະບານຊາຍ​ທີ​ມ 2 (ປະກອບ​ມີ: ກົມ​ນ້ຳ​ປະປາ, ກົມ​ການ​ເງິນ, ກອງ​ຈະລາຈອນ​ທາງ​ອາກາດລາວ, ກອງ​ສະໜາມ​ບິນ​ລາວ​, ກົມ​ຂົນ​ສົ່ງ, ສະ​ຖາ​ບັນ​ຝຶກ​ອົບຮົມ ຍທຂ)​ໄດ້​ຄອງ​ຂັນ​ຊະ​ນະ​ເລີດເລ​ຂາ​ຄະນະ​ບໍລິຫານ​ງານຊາວ​ໜຸ່ມ ຍທຂ, ທີ​ມ 4 ​ໄດ້​ຮອງ​ຊະ​ນະ​ເລີດ ​ແລະ ທີ​ມ 1 ​ແລະ ທີ​ມ 3 ​ໄດ້​ອັນ​ດັບ​ທີ 3.

ກົມນ້ຳປະປາ ແລະ ກົມຈັດຕັ້ງ-ພະນັກງານ ສ້າງຂະບວນການແຂ່ງຂັນກິລາມິດພາບ

  ໃນ​ວັນ​ທີ່ 26 ພຶດສະພາ 2017 ​ທີ່​ສະ​ໜາມ​ກິ​ລາ ກຸດ​ໄລ, ເມືອງ ສີ​ໂຄດ​ຕະ​ບອງ, ນະ​ຄອນຫຼວງວຽງ​ຈັນ, ກົມ​ນ້ຳ​ປະ​ປາ​ ແລະ ​ກົມ​ຈັດ​ຕັ້ງ​​-ພະ​ນັກ​ງານ​ ໄດ້​ສ້າງ​ຂະ​ບວນ​ການ​ແຂ່ງ​ຂັນ​ກິ​ລາ​ມິດ​ພາບ​ຂື້ນ ເພື່ອ​ຄຳ​ນັບ​ຮັບ​ຕ້ອນກອງປະຊຸມ​ດຳ​ເນີນ​ຊິວິດ​ການ​ເມືອງ​ປັບປຸງປົວ​ແປງທົ່ວ​ອົງຄະ​ນະ​ພັກ​ກະ​ຊວງ ຍ​ທ​ຂ​ ແລະ ​ວັນ​ປູກ​ຕົ້ນ​ໄມ້​ແຫ່ງ​ຊາດ ວັນ​ທີ່ 1 ມີ​ຖຸນາ 2017 ທີ່​ຈະ​ມາ​ເຖິງ​ນີ້ ແລະ ເພື່ອຮັດ​​ແໜ້ນ​ຄວາມ​ສາ​ມັກ​ຄີ​ໃຫ້​   ແໜ້ນ​ແຝ້ນ​ລະ​ຫວ່າງ 2 ກົມ, ໂດຍ​ເປັນ​ກຽດ​ເຂົ້າ​ຮ່ວມການ​ແຂ່ງ​ຂັນ​ກິ​ລາ​ມິດ​ຕະ​ພາບ​ໃນ​ຄັ້ງ​ນີ້ ຂອງ ສະ​ຫາຍ ​ລັນ ແສງ​ອາ​ພອນ ຄະ​ນະ​ປະ​ຈຳ​ພັກ​ກະ​ຊວງ, ຫົວ​ໜ້າ​ກົມ​ຈັດ​ຕັ້ງ​-​ພະ​ນັກ​ງານ; ສະ​ຫາຍ ​ພົ​ມ​ມາ ແວວ​ລາ​​ວັນ ເລ​ຂາ​ໜ່ວຍ​ພັກ​ຮາກ​ຖານ​, ຫົວ​ຫ​ນ້າ​ກົມ​ນ້ຳ ​ແລະ ພະນັກງານທັງ 2 ກົມ​ເຂົ້າ​ຮ່ວມ, ຊຶ່ງປະ​ກອບ 2 ປະ​ເພດ​ກິ​ລາ​ຄື: ກິ​ລາ​ຕິ​ບູນ ​ແລະ ​ກິ​ລາ​ບານ​ເຕະ.

 ຜົນ​ການ​ແຂ່ງ​ຂັນ​ຕີ​ບູນ​​ຄູ່​ການ​ນຳ ແມ່ນ​ກົມ​ນ້ຳ​ປະ​ປາ​ເ​ປັນ​ຜູ້​​ຊະ​ນະ; ຄູ່​ກຳ​ມະ​ບານ ແມ່ນ​ໜ່ວຍ​ກຳ​ມະ​ບານ​ກົມ​ຈັດ​ຕັ້ງ​​-ພະນັກງານເປັນ​​​ເປັນ​ຜູ້ຊະ​ນະ; ຄູ່​ຊາວ​ໜຸ່ມ​​ ແມ່ນ​ໜ່ວຍ​ຊ​າວ​ໜຸ່ມ​ຮາກ​ຖານ​ກົມ​ຈັດ​ຕັ້ງ​-​ພະ​ນັກ​ງານເປັນ​ຜູ້​ຊະ​ນະ ແລະ ​ຄູ່​ໜ່ວຍ​ສະ​ຫະ​ພັນ​ແມ່​ຍິງ​ ແມ່ນ​ຕົວ​ແທນ​ຈາກ​ໜ່ວຍ​ແມ່​ຍິງ​ກົມ​ຈັດ​ຕັ້ງ-​ພະ​ນັກ​ງານ​ເປັນ​ຜູ້​ຊະ​ນະ, ​ສ່ວນ​ການ​ແຂ່ງ​ຂັນ​ກິ​ລາ​ບານ​ເຕະ ​ແມ່ນ​ໜ່ວຍ​ກຳ​ມະ​ບານ​ຮາກ​ຖານ​ກົມ​ນ້ຳ​ປະ​ປາ​ເປັນ​ຜູ້​ຊະ​ນະ 7 ຕໍ່ 3. ການ​ແຂ່ງ​ຂັນ​ກິ​ລາ​​ຂອງ 3 ອົງ​ການ​ຈັດ​ຕັ້ງ​ມະ​ຊົນໃນ​ຄັ້ງ​ນີ້​ແມ່ນ​ເຕັມ​ໄປ​ດ້ວຍ​​ຄວາມ​​ເບີກ​ບານ​ມ່ວ​ນ​ຊື່ນ​ ແລະ ​ມີ​ຄວາມ​ໝາຍ​ຄວາມ​ສຳ​ຄັນ​ຢ່າງ​ຍິງ ໃນ​ການ​ສ້າງ​ຄວາມ​ສາ​ມັກ​ຄີ​ພາຍ​ໃນ​ກະ​ຊວງ ​ໂຍ​ທາ​ທິ​ການ​ ແລະ​ ຂົນ​ສົ່ງ​, ໂດຍ​ສະ​ເພາະ​ແມ່ນພະ​ນັກ​ງານ​ກົມ​ນ້ຳ​ປະ​ປາ​ ແລະ ​ກົມ​ຈັດ​ຕັ້ງ​​-ພະ​ນັກ​ງານ ​ໄດ້​ມີ​ການ​ແລກ​ປ່ຽນ​ບົດ​ຮຽນ​ເຊິງ​ກັນ ແລະ ​ກັນ.

Additional information