ຂ່າວກິດຈະກຳຕ່າງໆ

ຂະບວນການແຂ່ງຂັນກິລາເປຕັງເພື່ອຂ່ຳນັບຮັບຕ້ອນ ກອງປະຊຸມໃຫຍ່ ຄັ້ງທີ IV ອົງຄະນະພັກກະຊວງ ໂຍທາທິການ ແລະ ຂົນສົ່ງ ເພື່ອຊິງຂັນເລຂາຄະນະພັກກະຊວງ ຍທຂ.

 

 

   ໃນ​ວັນ​ທີ 12 ​ມີຖຸນາ 2015 ທີ່​ຜ່ານ​ມາໄດ້​ເປີດ​ການແຂ່ງຂັນ​ກິລາ​ເປ​ຕັງ​ຢູ່​ທີ​ເດີນເປຕັງ ກະຊວງ ​ໂຍທາ​ທິການ ​ແລະ ຂົນ​ສົ່ງ ເພື່ອ​ຂ່ຳນັບ​ຮັບ​ຕ້ອນ ກອງ​ປະຊຸມ​ໃຫຍ່​ ຄັ້ງທີ IV ອົງຄະ​ນະ​ພັກ​ກະຊວງ ​ໂຍທາ​ທິການ ​ແລະ ຂົນ​ສົ່ງ ທີ່ຈະ​ຈັດ​ຂື້ນ​ໃນ​ມໍ່ໆ​ນີ້, ​ເພື່ອ​ສ້າງ​ຂະ​ບວນການ​ໃຫ້​ມີ​ບັນຍາກາດ​ຟົດ​ຟື້ນ ​ແລະ ຮັດ​ແໜ້ນ​ຄວາມ​ສາມັກຄີບັນດາ​ຮາກ​ຖານ ອ້ອມ​ຂ້າງ​ກະຊວງ. ຊຶ່ງ​ມີ​ບັດາ​ທີ​ມ​ເປ​ຕັ້ງ​​ເຂົ້າຮ່ວມ​ທັງ​ໝົດ 44 ທີ​ມ, ທັງ​ທີ​ມຊາຍ ​ແລະ ທີ​ມຍິງ, ຊຶ່ງ​ການ​ແຂ່ງ​ຂັນ​ໃນ​ຄັ້ງ​ນີ້​ແມ່ນ​ຈະ​ດຳ​ເນີນ​ໄປ​ຮອດ​ ວັນ​ທີ 26 ມີ​ຖຸນາ 2015 ຈຶ່ງ​ໄດ້​ຊິງ​ຊະນະ​ເລີດ. ສ່ວນ​ຜົນ​ຂອງ​ການ​ແຂ່ງຂັນ​ຈະ​ເປັນ​ແນວ​ໃດ​ຈະ​ແຈ້ງ​ໃຫ້​ຊາບ​ຕາມ​ພາຍຫຼັງ.

ນອກຈາກ​ນັ້ນ, ຍັງ​ມີ​ການ​ແຂ່ງຂັນ​ກິລາ​ບານ​​ເຕະ ​ແລະ ດຶງ​ເຊືອກ ​ເພື່ອ​ຊິງ​ຂັນ​​ເລຂາ​ຄະນະ​ພັກກະຊວງ ຍທຂ ຊຶ່ງ​ຈະ​ໄດ້​ຈັດ​ຂື້ນ ​ໃນ​ວັນ​ເສົາ, ວັນທີ 27 ມີ​ຖຸນາ 2015 ຕັ້ງ​ແຕ່​ເວລາ 8:00-18:00 ​ໂມງ ທີ່​ເດີນ​ເຈົ້າ​ອານຸວົງ. ສ່ວນປະ​ເພດ​ຂອງ​ການ​ແຂ່ງຂັນມີ​ດັ່ງ​ນີ້:

       1. ບານ​ເຕະ​ຊາຍ​ຄູ່​ກິດ​ຕິ​ມາ​ສັກ” ພະນັກງານ​ການ​ນຳ ​ແລະ ພະນັກງານ​ອາວຸ​ໂສ​ຫຼັກ​ແຫຼ່ງ”;

      2. ບານ​ເຕະ​ຊາຍ​ທົ່ວ​ໄປ ​ແບ່ງ​​ເປັນ 4 ທີ​ມ;

      3. ບານ​ເຕະ​ຍິງ ແບ່ງ​​ເປັນ 2 ທີ​ມ;

      4. ດຶງ​ເຊືອກ​ຍິງ ແບ່ງ​​ເປັນ 2 ທີ​ມ;

      ສ່ວນ​ລາຍ​ລະອຽດການ​ແຂ່ງຂັນ​ເບິ່ງ​ເອກະ​ສອນ​ຊ້ອນທ້າຍ.

 

 

ອອກແຮງງານລວມ ເພື່ອສ້າງຂະ ບວນການຂ່ຳນັບຮັບຕ້ອນວັນສ້າງຕັ້ງ ພັກປະຊາຊົນ ປະຕິວັດລາວ ຄົບຮອບ 60 ປີ

 ເພື່ອເປັນການສ້າງຂະບວນການຂ່ຳນັບຮັບຕ້ອນ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 60 ປີ, ໃນວັນເສົາ ວັນທີ 14 ມີນາ 2015 ທີ່ຜ່ານມານີ້, ຫ້ອງການກະຊວງ ພ້ອມດ້ວຍພະນັກງານ-ລັດຖະກອນ ຈາກບັນດາກົມ, ກອງ, ສະຖາບັນ, ສູນຝຶກ ອ້ອມຂ້າງກະຊວງ ໄດ້ຈັດຕັ້ງການອະນາໄມລວມ ເພື່ອສ້າງຄວາມເປັນລະບຽບຮຽບຮ້ອຍສະອາດ ຈົບງາມ ຢູ່ສຳ ນັກງານຂອງຕົນ ແລະຂອບເຂດພາຍໃນກະຊວງຂື້ນ ຢ່າງມີຄວາມຫ້າວຫັນ ແລະ ເປັນຂະບວນຟົດຟື້ນ. 

ໜ່ວຍກໍາມະບານຮາກຖານຫ້ອງ ແຂ່ງຂັນກິລາເປຕັງ ເພື່ອຊົມເຊີຍຜົນສຳເລັດກອງປະຊຸມໃຫຍ່ ຄັ້ງທີ II.

   ໃນ​ວັນ​ທີ 2 ​ເມສາ 2015 ໜ່ວຍ​ກໍາມະບານ​ຮາກ​ຖານ​ຫ້ອງການກະຊວງ ຍທຂ ໄດ້​ສ້າງກິດຈະ​ກໍາ​​ແຂ່ງຂັນກິລາ​ເປ​ຕັງຂື້ນ ເພື່ອ​ຊົມ​ເຊີຍ​ຜົນສຳ​ເລັດ​ກອງ​ປະຊຸມ​ໃຫຍ່ ຄັ້ງ​ທີ II ຂອງຕົນຂື້ນ ເປັນ​ກຽດ​ເຂົ້າ​ຮ່ວມ​ຂອງ​ ທ່ານ ດຣ. ສັນຕິ​ສຸກ ສິມ​ມາລາ​ວົງ, ພ້ອມດ້ວຍຄະນະ​ນໍາຫ້ອງການ ​ແລະສະມາຊິກ​ກໍາມະບານ​ຮາກ​ຖານຂອງ​ຫ້ອງການ​ເຂົ້າ​ຮ່ວມ​ຢ່າງ​ພ້ອມພຽງ. ຊຶ່ງ​ການ​ແຂ່ງ​ຂັນ​ໃນ​ຄັ້ງ​ນີ້​ແມ່ນ​ແຂ່ງຂັນ ​​ໃນຮູບແບບ 2 ​ໃນ 3 ​ແກມ, ໃນ​ການ​ສ້າງ​ກິດຈະ​ກໍາ​ແຂ່ງຂັນ​ກິລາ​ເປ​ຕັງ ​ໃນຄັ້ງ​ນີ້ ຜົນຂອງການ​ແຂ່ງຂັນໃນ​ຮອບຊີງຊະນະເລີດ ​ພະ​ແນ​ກສັງ​ລວມ ພົບກັບ ​ໂຄງການ ທາງ​ລົດ​ໄຟ​ລາວ-ຈີນ ຜົນ​ປະກົດ​ວ່າໂຄງການ ທາງ​ລົດ​ໄຟ​ລາວ-ຈີນ ​ເປັນ​ຜູ້​​ເອົາຊະນະ​ໄປ​ໄດ້ ​ແລະ ​ໄດ້​ຄອງ​ຄັນ​ປະທານ​ກໍາມະບານ​ຮາກ​ຖານ​ຫ້ອງການ​. ​ໂດຍ​ເປັນກຽດມອບລາງຊະນະເລີດໂດຍ ​ທ່ານ ພູ​ແກ້ວ ທຳ​ມະ​ວົງ ຮອງ​ຫົວໜ້າ​ຫ້ອງການ. ​ກິດຈະ​ກໍາດັ່ງກ່າວ​ເຕັມ​ໄປ​ດ້ວຍຄວາມຟົດຟື້ນ, ​ເບີກບານ ມວນ​ຊື່ນ, ມີຄວາມໝາຍອັນເລິກເຊິ່ງເພື່ອ​ຊົມ​ເຊີຍ​ຜົນສຳ​ເລັດ​ກອງ​ປະຊຸມ​ໃຫຍ່ ຄັ້ງ​ທີ II ໃນຄັ້ງນີ້ ແລະຈົບລົງດ້ວຍຜົນສຳເລັດອັນສະຫງ່າງາມ.

 

 

ຊາວໜຸ່ມກະຊວງ ໂຍທາທິການ ແລະຂົນສົ່ງ ເຂົ້າຢ້ຽມຊົມ ຫໍພິພິທະພັນ ກະຊວງ ປກຊ ແລະ ປກສ

 

 

   ໃນຕອນເຊົ້າຂອງວັນທີ 30 ພຶດສະພາ 2014 ຄະນະບໍລິຫານງານຊາວໜຸ່ມ ແລະ ສະມາຊິກ ຊາວໜຸ່ມກະຊວງ ຍທຂ, ນໍາພາໂດຍ ສະຫາຍ ບຸນຍາເວດ ນິລະໃນ ແລະ ສະຫາຍ ສົມພາວັນ ກິ່ງສະດາ ຄະນະບໍລິຫານຊາວໝຸ່ມ ກະຊວງ ຍທຂ,  ພ້ອມທັງສະມາຊິກຊາວໜຸ່ມທັງໝົດ 100 ສະຫາຍ ໃນການເຂົ້າ​ຢ້ຽມຊົມຫໍພິພິຕະພັນ ປະຫວັດສາດ​ກອງທັບປະຊາຊົນ​ລາວ ​ເພື່ອ​ຫວນ​ຄືນ​ປະຫວັດ​ສາດການ​ຕໍ່ສູ້​ກູ້ຊາດອັນ​ພິລະ​ອາດ​ຫານ​ຂອງ​ກອງທັບ​ປະຊາ​ຊົນ​ປະຕິ​ວັດ​ລາວ. ​ເຊຶ່ງ​ໃນ​ການ​ເຂົ້າ​ຢ້ຽມ​ຊົມ​ຫໍພິພິຕະພັນ​​ໃນ​ຄັ້ງ​ນີ້ຜູ້ບັນລະ ຍາຍໄດ້ເວົ້າເຖິງປະຫວັດຄວາມເປັນມາ​ຂອງ​ວັນ​ກອງທັບ ​ແລະ ມູນ​ເຊື້ອການ​ຕໍ່ສູ້​ກູ້​ຊາດຂອງ​ກອງທັບ​ປະຊາ ຊົນ​ປະຕິ​ຫວັດ​ລາວ ​ໃນ​ແຕ່​ລະ​ຍຸກ ​ແຕ່ລະສະ​ໄໝ​​. ຫຼັງຈາກນັ້ນກໍ່ໄດ້ເຂົ້າຢ້ຽມຊົມຫໍພິພິທະພັນ ກະຊວງ ປ້ອງ ກັນ ຄວາມສະຫງົບ, ໃນການເຂົ້າຢ້ຽມຊົມຫໍພິພິທະພັນໃນຄັ້ງນີ້. ເພື່ອເຮັດໃຫ້ສະມາຊິກຊາວໜຸ່ມໄດ້ຮັບຮູ້ເຖິງ ປະຫວັດສາດຄວາມເປັນມາ ແລະມູນເຊື່ອອັນພິລະອາດຫານຂອງກອງກໍາລັງ ປ້ອງກັນຊາດ ແລະ ກໍາລັງ ປ້ອງກັນຄວາມສະຫງົບ, ໃນໄລຍະປົດປ່ອຍປະເທດຊາດ, ກໍຄືໄລຍະປົກປັກຮັກສາ ແລະ ສ້າງສາພັດທະນາ ປະເທດຊາດ, ເພື່ອເປັນການປູກຈິດສໍານຶກ, ອຸດົມການຮັກຊາດ, ຫຼັກໝັ້ນປະຕິວັດຮັກສາລະບອບໃໝ່ ແລະ ເຊື່ອໝັ້ນຕໍ່ແນວທາງການເມືອງຂອງພັກ.

 

Additional information