ຂ່າວກິດຈະກຳຕ່າງໆ

ກອງ ກ 1 ສະເຫຼີມສະຫຼອງວັນສ້າງຕັ້ງກອງທັບ ຄົບຮອບ 65 ປີ

            ພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນ​ລາວຄົບຮອບ 65 ປີ (20 ມັງກອນ 1949-20 ມັງກອນ 2014). ຢູ່ທີ ກອງ ກ 1 ໄດ້ຈັດງານຂື້ນໃນຕອນເຊົ້າຂອງວັນທີ 22 ມັງກອນ 2014 ທີ່ຜ່ານມາ. ໃຫ້ກຽດເຂົ້າຮ່ວມງານໂດຍທ່ານ ທອງສິງ ທໍາມະວົງ ກໍາມະການກົມການເມືອງສູນກາງພັກ, ນາຍົກລັດຖະມົນຕີແຫ່ງ ສປປ ລາວ, ທ່ານ ສົມມາດ ພົລເສນາ ກໍາມະການສູນກາງພັກ, ລັດຖະມົນຕີວ່າການ ກະຊວງ ໂຍທາທິການ ແລະ ຂົນສົ່ງ, ທ່ານ ຄໍາເມິງ ພົງທະດີ ກໍາມະການສູນກາງພັກ, ເລຂາພັກແຂວງ ເຈົ້າແຂວງ ແຂວງວຽງຈັນ, ທ່ານ ພັນເອກ ວົງສອນ ອິນປານພີມ ເລຂາພັກ, ຫົວໜ້າການເມືອງ ກອງ ກ 1, ມີບັນດາຄະນະພັກກະຊວງ, ຮອງຫົວໜ້າຫ້ອງວ່າການ ກະຊວງປ້ອງກັນປະເທດ ແລະ ແຂກຖືກເຊີນເຂົ້າຮ່ວມ.

      ໃນພິທີ ທີ່ເຕັມໄປດ້ວຍຄວາມໝາຍ ຄວາມສໍາຄັນດັ່ງກ່າວ ທ່ານ ນາຍົກລັດຖະມົນຕີ ໄດ້ກ່າວປາ ໄສ ​ເຊິ່ງມີເນື້ອໃນບາງຕອນດັ່ງນີ້: “ຕະຫຼອດໄລຍະ 39 ປີ ແຫ່ງການສ້າງສາພັດທະນາ ແລະ ປົກປັກຮັກສາປະເທດຊາດ, ກອງທັບເຮົາໄດ້ກາຍເປັນກໍາລັງຫຼັກແຫຼ່ງ ໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນ. ຊຶ່ງຍາມໃດກໍ່ໄດ້ຍົກສູງສະຕິລະວັງຕົວ, ກຽມພ້ອມສູ້ຮົບ, ສະກັດກັ້ນ ແລະ ທັບມ້າງກົນອຸບາຍມ້າງເພທໍາລາຍຂອງສັດຕູ ການເຄື່ອນໄຫວເກາະຜິດ, ບຽດຍືດຊາຍແດນຂອງອິດ ທິກໍາລັງປໍລະປັກໄດ້ຢ່າງທັນການ, ຮັກສາໝາກຜົນຂອງການປະຕິວັດ, ອໍານາດອະທິປະໄຕ ແລະ ຜືນ ແຜ່ນດິນອັນຄົບຖ້ວນຂອງຊາດໄວ້ໄດ້ຢ່າງໝັ້ນຄົງ” ແລະ ທ່ານ ນາຍົກລັດຖະມົນຕີ ກໍ່ໄດ້ປະດັບຫຼຽນໄຊອິດສະຫຼະຊັ້ນ II ໃຫ້ແກ່ກອງ ກ 1. ຈາກນັ້ນກໍໄດ້ຊົມການເດີນສວນສະໜາມ ແລະ ການສະແດງຍຸດ ທະວິທີການປ້ອງກັນຕົວຂອງນາຍ ​ແລະ ພົນທະຫານ.

      ໃນໂອກາດດຽວກັນນີ້ ທ່ານ ສົມມາດ ພົລເສນາ ພ້ອມດ້ວຍຄະນະ ຈາກ ກະຊວງ ໂຍທາທິການ ແລະຂົນສົ່ງ ກໍ່ໄດ້ມອບເຄື່ອງທີ່ລະນຶກ, ເງິນສົດຈຳນວນ 5 ລ້ານກີບ ແລະເຄື່ອງບໍລິໂພກຈຳນວນ​ໜື່ງ ໃຫ້ກັບ ກອງ ກ 1.

 

ຂະບວນຄາຣາວານ “ ສູ່ຖີ່ນກໍາເນີດກອງທັບປະຊາຊົນລາວ ”

​       ກະຊວງ​ ຖະ​ແຫລ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ ຮ່ວມ​ກັບ ກະຊວງ​ປ້ອງ​ກັນ​ປະ​ເທດ ​ແລະ ກະຊວງ​ປ້ອງ​ກັນ​ຄວາມ​ສະຫງົບ ​ໄດ້​ຈັດ​ພິທີ​ເປີດ​ຂະ​ບວນ​ຄາ​ຣາ​ວານ “ສູ່​ຖີ່​ນກໍາ​ເນີ​ດຂອງ​ກອງທັບປະ​ຊາ​ຊົນ​ລາວ” ຂື້ນໃນ​ວັນ​ທີ 8 ມັງກອນ 2014 ທີ່​ເດີ່ນທາດຫຼວງ ນະຄອນຫຼວງ​ວຽງ​ຈັນ ​ໂດຍ​ການ​ເຂົ້າ​ຮ່ວມ​ເປັນ​ປະທານ​ຂອງ​ທ່ານ ອາຊາ​ງ ລາວ​ລີ ຮອງ​ນາຍົກລັດຖະມົນຕີ​ ​ແຫ່ງ ສປປ ລາວ, ທ່ານ ສຈ.ດຣ. ບໍ່​ແສງ​ຄໍາ ວົງ​ດາລາ, ລັດຖະມົນຕີ​ວ່າການ ກະຊວງ ຖະ​ແຫຼ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ, ທ່ານ​ ພົນຕີ ຈັນ​ສະໝອນ ຈັນຍາ​ລາດ, ລັດຖະມົນຕີ​ຊ່ວຍ​ວ່າການ ກະຊວງ​ປ້ອງ​ກັນ​ປະ​ເທດ, ທ່ານ ພົນຈັດຕະວາ ກົງ​ທອງ ພົງ​ພິຈິດ, ລັດຖະມົນຕີ​ຊ່ວຍ​ວ່າການ ກະຊວງປ້ອງ​ກັນ​ຄວາມ​ສະຫງົບ, ທ່ານ ລັດຕະນະມະນີ ຄູນ​ນີວົງ, ລັດຖະມົນຕີ​ຊ່ວຍ​ວ່າການ ກະຊວງ ​ໂຍທາ​ທິການ ​ແລະ ຂົນ​ສົ່ງ, ພ້ອມ​ດ້ວຍ​ບັນດາ​ແຂກ​ຖືກ​ເຊີນ ​ແລະ ພາກສ່ວນ​ທີ່​ກ່ຽວຂ້ອງ ຕະຫຼອດ​ຮອດ​ບັນດາ​ຜູ້​ເຂົ້າ​ຮ່ວມ​ຂະ​ບວນຄາ​ຣາ​ວານ ຢ່າງ​ພ້ອມພຽງ. ​ໃນ​ພິທີ​ເປີດ​ຂະ​ບວນຄາຣາວານ, ທ່ານ ສຈ.ດຣ. ບໍ່​ແສ​ງຄໍາ ວົງ​ດາລາ ​ໄດ້​ກ່າວ​ບາງ​ຕອນ​ສໍາຄັນ​ວ່າ: ການຈັດ​ຂະ​ບວນຄາຣາວານຄັ້ງ​ນີ້ ​ແມ່ນ​ເພື່ອ​ສະ​ເຫຼີ​ມສະຫຼອງ ວັນ​ສ້າງ​ຕັ້ງ​ກອງທັບ​ປະ​ຊາ​ຊົນ​ລາວ ຄົບຮອບ 65 ປີ (20/01/1949- 20/01/2014) ​ເຊີ່ງ​ເປັນ​ການ​ຫວນ​ຄືນ​ມູນ​ເຊື້ອ ປະຫວັດສາດ​ອັນພິລະ​ອາດ​ຫານ ຂອງ​ປະຊາຊົນ​ລາວ​ບັນດາ​ເຜົ່າ ​ເວົ້າ​ລວມ, ​ເວົ້າ​ສະ​ເພາະ​ວິລະ​ກໍາ​ອັນລໍ້າເລີດ ຂອງ​ປະຊາຊົນ​ ແຂວງຊຽງ​ຂວາງ ​ແລະ ​ແຂວງຫົວພັນ ພາຍ​ໃຕ້​ການ​ຊີ້​ນໍາ-ນໍາພາ​ອັນ​ປີ​ຊາ​ສາມາດ​ຂອງ​ບັນດາ​ທ່ານ​ຜູ້​ນໍາ​ໃນ​ເມື່ອ​ກ່ອນ, ພ້ອມ​ທັງ​ເປັນ​ການ​ເຜີຍ​ແຜ່ ສປປ ລາວ ​ເປັນ​ປະ​ເທດ​ທີ່​ໜ້າ​ທ່ອງ​ທ່ຽວ​ທີ່​ສຸດ​ໃນ​ໂລກ ສໍາລັບ​ປີ 2013 ​ເຊີ່ງ​ເປັນ​ລາງວັນທີ່​ໜ້າພາກພູມ​ໃຈ ​ແລະ ​ເປັນອັນ​ຊົງ​ກຽດ ທີ່​ສະພາ​ການ​ທ່ອງ​ທ່ຽວ ​ແລະ ການ​ຄ້າ​ຂອງ​ສະຫະພາ​ບ​ເອີ​ລົບ ​ໄດ້​ມອບ​ໃຫ້​ປະ​ເທດ​ລາວ​ເຮົາ, ນອກຈາກ​ນີ້​ກໍ່​ເປັນ​ການ​ໂຄສະນາ​ ການທ່ອງທ່ຽວ​ຕາມ​ເສັ້ນທາງ​ວົງ​ຈອນ​ໃໝ່ ​ເພື່ອ​ສົ່ງ​ເສີ​ມການ​ທ່ອງ​ທ່ຽວ​ພາຍ​ໃນ “ ລາວ​ທ່ອງ​ລາວ” ຂະ​ບວນຄາຣາວານ​ໃນ​ຄັ້ງ​ນີ້ ໄດ້​ອອກເດີນທາງ​ແຕ່​ນະຄອນຫຼວງ​ວຽງ​ຈັນ-​ແຂວງ​ວຽງ​ຈັນ-ຊຽງ​ຂວາງ-ຫົວພັນ-ຊຽງ​ຂວາງ-ບໍລິ​ຄໍາ​ໄຊ-ນະຄອນຫຼວງວຽງ​ຈັນ ມີຄວາ​ມຍາວທັງ​ໝົດ 1.340 ກມ ​ໂດຍ​ໃຊ້​ເວລາ 5 ຄືນ 6 ວັນ ​ແຕ່​ວັນ​ທີ 8-13 ມັງກອນ 2014,​ ນອກຈາກ​ນີ້​ບັນດາຂະ​ບວນຄາຣາວານ​ຍັງ​ຈະ​ໄດ້ ທ່ຽວ​ຊົມ ​ແລະ ສຶກສາ​ຮຽນ​ຮູ້ ບັນດາ​ແຫຼ່ງທ່ອງທ່ຽວ ທາງ​ດ້ານ​ປະຫວັດສາດ​ທີ່​ໂດດ​ເດັ່ນ ​ແລະ ມີ​ຄວາມ​ໝາຍ​ສໍາ​ຄັນ​ຈໍານວນ​ໜື່ງຄື:   ວັດ​ເພຍ​ວັ​ດ ​ເມືອ​ງຄູນ ​ເຊີ່ງ​ເປັນ​ວັດ​​ເກົ່າ​ແກ່ທີ່​ສຸດ​ຂອງ​ເມືອ​ງພວນ ​ແຂວງ ຊຽງ​ຂວາງ ​ເຊີ່ງ​ຍັງ​ເຫຼືອ​ແຕ່​ຊາກ ສະຫຼັກ​ຫັກ​ພັງ​ຂອງ​ອຸ​ໂບສົດ ພ້ອມ​ດ້ວຍ​ພຣະພຸດ​ທະ​ຮູບ​ໃຫຍ່ (ພະ​ອົງ​ພະທາດ)  ​ແລະ ພະທາດ​ຝຸ່ນ​ທີ່​ເພພັງ​ຍ້ອນ​ສົງຄາມ​ທໍາລາຍ, ຢ້ຽມຢາມ​ແຫຼ່ງທ່ອງ​ທ່ຽວທີ່ໂດດ​ເດັ່ນ​ຂອງ ​ແຂວງຊຽງ​ຂວາງ​ຄື: ທົ່ງ​ໄຫ​ຫີນ 1, ທົ່ງ​ໄຫ​ຫີນ 2, ບ່ອນ​ຜະລິ​ດ​ໄຫຫີນ​ພູ​ເກັງ, ​ເສັ້ນທາງ​ຜ່າ​ວົງ​ປິດ​ລ້ອມ​ຂອງ​ກອງພັນ​ທີ 2, ຖໍ້າປິວ​ເມືອງ​ຄໍາ. ຢູ່​ແຂວງ​ຫົວພັນ​ຈະ​ໄດ້​ຢ້ຽມຢາມ ​ແລະ ທ່ຽວ​ຊົມ​ບັນດາ​ຖໍ້າຜູ້ນໍາ 7 ທ່ານ ທີ່​ເມືອງ​ວຽງ​ໄຊ ຖີ່​ນກໍາ​ເນີ​ດຂອງ ກອງ​ທັບ​ປະຊາຊົນລາວ ​ແລະ ຫັດຖະ​ກໍາ​ຕໍ່າ​ຜ່າ​ໄໝ​ທີ່​ລື​ຊ່າ​ຂອງ​​ແຂວງ​ຫົວພັນ. ຈາ​ກນັ້ນ, ຂະ​ບວນຄາຣາວານກໍ່ໄດ້​ກັບຄືນ​ສູ່​ນະຄ​ອນຫຼວງ​ວຽງ​ຈັນ ດ້ວຍ​ຄວາມສະຫວັດດີ​ພາບ.

 

ຫໍພິພິຕະພັນ ປະຫວັດສາດ ກອງທັບປະຊາຊົນປະຕິວັດລາວ

 

       ໃນຕອນ​ເຊົ້າ​ວັນທີ 17/01/2014 ​ໂດຍ​ການ​ນຳພາ​ຂອງ​ ທ່ານ ພູ​ແກ້ວ ທຳ​ມະ​ວົງ ຮອງ​ຫົວໜ້າ​ຫ້ອງການ ພ້ອມ​ດ້ວຍ ຫົວໜ້າ​ພະ​ແນ​ກ, ຮອງ​ພ​ະແນ​ກ ​ແລະ ວິຊາ​ການ, ​ໄດ້​ເຂົ້າ​ຢ້ຽມຊົມຫໍພິພິຕະພັນ ປະຫວັດສາດ​ກອງທັບປະຊາຊົນ​ລາວ ​ເພື່ອ​ຫວນ​ຄືນ​ປະຫວັດ​ສາດການ​ຕໍ່ສູ້​ກູ້ຊາດອັນ​ພິລະ​ອາດ​ຫານ​ຂອງ​ກອງທັບ​ປະຊາ​ຊົນ​ປະຕິ​ວັດ​ລາວ. ​ເຊຶ່ງ​ໃນ​ການ​ເຂົ້າ​ຢ້ຽມ​ຊົມ​ຫໍພິພິຕະພັນ​​ໃນ​ຄັ້ງ​ນີ້ຜູ້ບັນລະຍາຍໄດ້ເວົ້າເຖິງປະຫວັດຄວາມເປັນມາ​ຂອງ​ວັນ​ກອງທັບ ​ແລະ ມູນ​ເຊື້ອການ​ຕໍ່ສູ້​ກູ້​ຊາດຂອງ​ກອງທັບ​ປະຊາຊົນ​ປະຕິ​ວັດ​ລາວ ​ໃນ​ແຕ່​ລະ​ຍຸກ ​ແຕ່ລະສະ​ໄໝ​​ເພື່ອ​ໃຫ້​ຜູ້​ເຂົ້າ​ຊົມ​ເຂົ້າ​ໃຈເຊັ່ນ:

-    ປະຫວັດສາດ​ການ​ຕໍ່ສູ້​ຕ້ານ​ສັກ​ດີ​ນາ​ຕ່າງ​ດ້າວ ​ເພື່ອ​ປົກ​ປັກ​ຮັກສາ ​ແລະ ​ເຕົ້າ​ໂຮມ​ປະ​ເທດ​ຊາດ​ປີ 757-1893;

-    ການ​ຕໍ່ສູ້​ອັນ​ພິລະ​ອາດ​ຫານ​ຂອງ​ປະຊາຊົນ​ບັນດາ​ຊົນ​ຊາດ​ຊົນ​ເຜົ່ລາວ​ຕ້ານ​ພວກ​ລ່າ​ເມືອງ​ຂື້ນ​ຝລັ່ງ ມາ​ຮຸກ​ຮານ ປີ 1893-1954;

-    ກອງທັບ​ປະຊາ​ຊົນ​ລາວ​ບັນດາ​ເຜົ່າ ຕ້ານ​ພວກ​ລ່າ​ເມືອງ​ຂື້ນ​ແບບ​ໃໝ່(ຈັກກະພັດ​ອາ​ເມ​ລິ​ກາ ປີ 1955-1975);

-    ປົກ​ປັກ​ຮັກສາ ​ແລະ ສ້າງສາ​ພັດທະນາ​ປະ​ເທດ​ຊາດ

-    ການ​ພົວພັນ​ຮ່ວມ​ມື​ມິດຕະພາບ​ ກັບ​ກອງທັບ​ ບັນດາ​ປະ​ເທດຕ່າງໆ​ໃນ​ໂລກ

-    ການວາງສະ​ແດງ​ອາວຸດ ​ແລະ ຍຸດ​ໂທ​ປະກອນ.

ນອກຈາກນັ້ນ ເພີ່ນຍັງ​ໄດ້​ວາງສະ​ແດງ​ຜະລິດ​ຕະພັນທາງ​ດ້ານ​ສະບຽງອາຫານ, ກະສິກຳ, ​ເຄື່ອງ ນຸ່ງຫົມ, ອຸປະກອນ​ຮັບ​ໃຊ້​ຕ່າງໆ​ຂອງ​ໂຮງງານ​ກອງທັບຢູ່​ບໍລິ​ເວນ​ດ້ານ​ຂ້າງ​ຂອງຫໍພິພິຕະພັນ ປະຫວັດສາດ​ກອງທັບປະຊາຊົນ​ລາວ.

 

ຄະນະກຳມະບານຮາກຖານ ຫ້ອງການ ຍທຂ ສ້າງກິດຈະກຳຮ່ວມ ກັບພະແນກ ຍທຂ ນະຄອນຫລວງ

ເພື່ອສ້າງຂະບວນການກະກຽມໃຫ້ແກ່ກອງປະຊຸມໃຫ່ຍຄະນະພັກຮາກຖານ ຫ້ອງການກະຊວງ ຄັ້ງທີ IV ແລະ ຂ່ຳນັບ ຮັບຕ້ອນວັນສຳຄັນຂອງຊາດ ຄະນະກຳມະບານຮາກຖານຫ້ອງການ ກະຊວງ ຈຶ່ງໄດ້ຈັດກິດຈະກຳແຂ່ງຂັນກິລາ ມິດຕະ ພາບປະເພດເປຕັງ (ບູ່ນ) ກັບ ຄະນະກຳມະບານຮາກຖານ ພະແນກ ໂຍທາທິການ ແລະ ຂົນສົ່ງ ນະຄອນຫລວງ ວຽງຈັນ ຂື້ນ ໃນວັນສຸກ ວັນທີ 19 /07/ 2013 ທີ່ສະໜາມກິລາເປຕັງ ພະແນກ ຍທຂ ນະຄອນຫລວງ, ຊຶ່ງໄດ້ເລີ່ມ ການແຂ່ງຂັນແຕ່ເວລາ 16:00 ໂມງ ແລະ ໄດ້ແບ່ງທີມຕີບູ່ນດັ່ງລາຍລະອຽດ ຄື: ທີມຄະນະນຳຫ້ອງການ ກະຊວງ ພົບກັບ ທີມຄະນະນຳຂອງພະແນກ ຍທຂ ນະຄອນຫລວງວຽງຈັນ ຜົນການແຂ່ງຂັນ ແມ່ນທີມຄະນະນຳພະແນກ ຍທຂ.ນວ ເອົາຊະນະທີມຄະນະນຳຫ້ອງການ ກະຊວງ, ທີມທີ 2 ແມ່ນທີມຄະນະກຳມະບານຮາກຖານ ຫ້ອງການ ພົບກັບທີມຄະນະກຳມະບານຮາກຖານ ພະແນກ ຍທຂ.ນວ ຜົນການ ແຂ່ງຂັນແມ່ນທີມຄະນະກຳມະບານຮາກຖານ ພະແນກ ຍທຂ.ນວ ເອົາຊະນະທີມຄະນະກຳມະບານ ຮາກຖານ ຫ້ອງການ ແລະ ອີກທີມສຸດທ້າຍ ເປັນການພົບກັນ ລະຫວ່າງທີມສະຫະພັນແມ່ຍິງຮາກຖານ ຫ້ອງການ ກັບທີມ ສະຫະພັນແມ່ຍິງ ພະແນກ ຍທຂ.ນວ ຜົນການແຂ່ງຂັນ ສະຫະພັນແມ່ຍິງ ຫ້ອງການ ສາມາດເອົາຊະນະທີມ ສະຫະພັນແມ່ຍິງ ພະແນກ ຍທຂ.ນວ ໄດ້, ແລະກິດຈະກຳດັ່ງກ່າວ ນີ້ ຍັງເປັນການສ້າງຄວາມສາຍສຳພັນອັນດີ ລະຫວ່າງ ຫ້ອງການກະຊວງ ໂຍທາທິການ ແລະຂົນສົ່ງ ກັບພະແນກ ໂຍທາທິການ ແລະຂົນສົ່ງ ນະຄອນຫລວງວຽງຈັນ ໃຫ້ດີຂື້ນເລື່ອຍໆ.

Additional information