ຂ່າວກິດຈະກຳຕ່າງໆ

ປະກາດໃຫ້ຂະແໜງໂຍທາທິການ ແລະຂົນສົ່ງ “ປອດຄວັນຢາສູບ”

ເພື່ອເຮັດໃຫ້ວັນຕ້ານຢາເສບຕິດ ວັນທີ 26 ມີຖຸນາ 2012 ຄົບຮອບ 25 ປີ (26/06/1987-26/06/2012 ມີຄວາມໝາຍເລີກເຊີ່ງແລະທັງເປັນຂະບວນການໃນການປ້ອງກັນພິດໄພແລະຜົນຮ້າຍແຮງຂອງຢາເສບຕິດໃນວັນທີ 23 ມີຖຸນາ 2012 ຢູ່ຕໍ່ໜ໊າກະຊວງ ຍທຂໄດ້ເປີດປ້າຍ ປອດຄວັນຢາສູບຂື້ນ, ​ໂດຍເປັນກຽດເຂົ້າຮ່ວມຂອງ ທ່ານ ດຣ. ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການແລະກິລາ,​ ທ່ານ ສົມມາດ ພົລເສນາ ລັດຖະມົນຕີວ່າການກະຊວງໂຍທາທິການແລະຂົນສົ່ງ, ທ່ານ ຫຼີວ ຢຸນກາວ ຕາງໜ້າອົງການອານາໄມໂລກປະຈຳລາວ ພ້ອມດ້ວຍພະນັກງານ, ລັດຖະກອນ ພາຍໃນກະຊວງເຂົ້າຮ່ວມຢ່າງພ້ອມພຽງ.

ເພື່ອປະກອບສ່ວນໃນການຮັກສາສຸຂະພາບຂອງປະຊາຊົນ, ​ໂດຍສະເພາະປະຊາຊົນທີ່ອາ​​​ໃສກາເດີນທາງຂື້ນເໜືອລ່ອງໃຕ້ ດ້ວຍຍານພາຫານະສາທາລະນະທາງບົກ, ທາງນ້ຳແລະທາງອາກາດເພື່ອທຳມາຄ້າຂາຍ, ຈໍລະຈອນສິນຄ້າແລະຢ້ຽມຢາມຖາມຂ່າວຊຶ່ງກັນແລະກັນນັ້ນ,​ຂະແໜງໂຍທາທິການແລະຂົນສົ່ງ ຮ່ວມກັບຄະນະກຳມະການລະຫວ່າງກະຊວງເພື່ອການຄວບຄຸມຢາສູບແລະກະຊວງສາທາລະນະສຸກ, ​ໂດຍໄດ້ຮັບການສະໜັບສະໜູນທາງດ້ານວິຊາການແລະງົບປະມານຈາກອົງການອານາໄມໂລກແລະອົງການປຸກລະດົມເພື່ອການບໍ່ສູບຢາຂອງພາກພື້ນອາຊີຕາເວັນອອກສ່ຽງໃຕ້ໄດ້ອອກຂໍ້ກຳນົດກ່ຽວກັບຂະແໜງ ຍທຂ ປອດຄວັນຢາສູບເພື່ອເປັນບ່ອນອີງໃນການຈັດຕັ້ງປະຕິບັດວຽກງານປອດຄວັນຢາສູບໃນທົ່ວຂະແໜງໂຍທາທິການແລະຂົນສົ່ງຂອບເຂດທົ່ວປະເທດ, ​ໂດຍສະເພາະໃນຍານພາຫານະໂດຍສານສາທາລະນະທັງໝົດ ພາກລັດແລະເອກະຊົນ ພ້ອມທັງພາຍໃນອາຄານສະຖານທີ່ຕ່າງໆ ເພື່ອປະກາດໃຫ້ຂະແໜງ ໂຍທາທິການແລະຂົນສົ່ງ ປອດຄວັນຢາສູບ, ​ເຊີ່ງຈະເລີ່ແຕ່ຂອບເຂດກະຊວງ ຍທຂແລະບັນດາກົມ, ກອງ, ສະຖາບັນຕ່າງໆທີ່ຂື້ນກັບກະຊວງແລະພາຫານະຂົນສົ່ງໂດຍສານສາທາລະນະ ຊີ່ງຈະເລີ່ແຕ່ລົດເມນະຄອນຫຼວງ,​ ລົດໂດຍສານສາທາລະນະສາຍໃຕ້, ສາຍເໜືອແລະລົດໂດຍສານສາທາລະນະຕ່າງປະເທດແລະຈະຂະຫຍາຍໄປໃຫ້ປົກຄຸມໃນຂອບເຂດທົ່ວປະເທດ ດັ່ງນັ້ນ, ຈີ່ງຮຽກຮ້ອງມາຍັງພະນັກງານ,​ຜູ້ຂັບຂີ່ແລະຜູ້ຊ່ວຍຜູ້ຂັບຂີ່, ຕະຫຼອດຮອດປະຊາຊົນທົ່ວໄປທີ່ນຳໃຊ້ ບໍລິການພາຫະນະໂດຍສານສາທາລະນະ ຈົ່ງໃຫ້ຄວາມຮ່ວມມືແລະຈັດຕັ້ງປະຕິບັດຂໍ້ກຳນົດນີ້ໃຫ້ມີປະສິດທິຜົນ.

ອອກແຮງງານວັນເສົາແດງ ແລະ ສ້າງຄວາມສະອາດສວຍງາມ

ການອອກແຮງງານວັນເສົາແດງ ແລະ ສ້າງຄວາມສະອາດສວຍງາມ ເພື່ອຂ່ຳນັບຮັບຕ້ອນ ກອງປະຊຸມສຸດຍອດ ອາຊີ-ເອີຣົບ ( ອາເຊັມ ) ຄັ້ງທີ IX ເດືອນ 11 ປີ 2012 ອີງຕາມແຈ້ງການ ສະບັບເລກທີ 07358/ຍທຂ.ຫກ ລົງວັນທີ 09 ພຶດສະພາ 2012 ໂດຍໃຫ້ແຕ່ລະພາກສ່ວນ ອອກ ແຮງງານວັນເສົາແດງ ສ່ວນກະຊວງ ຍທຂ ແມ່ນຮັບຜິດຊອບ ຕັ້ງແຕ່ ສົ້ນກຳປພງເບື້ອງກະຊວງກຳສິກຳ ເຖິງສາມແຍກຖະໜົນເຣນູ ເຖິງສາມ ແຍກໂຮງແຮມໂພນໄຊເກົ່າ ໂດຍສົມທົບກັບປະຊາຊົນ ໜ່ວຍ ບ້ານໂພນໄຊ ສ່ວນການຂົນຂີ້ເຫຍື້ອໄປຖີ້ມ ແມ່ນພາກສ່ວນ ອພບ ແລະ ການ ອອກແຮງງານ ເລີ່ມແຕ່ 7:00 ໂມງ ເຊິ່ງມີແຜນການອອກ ດັ່ງລຸ່ມນີ້ :

ປູກຕົ້ນໄມ້ ຕ້ອນຮັບວັນເດັກສາກົນ 01 ມິຖຸນາ

ເພື່ອເປັນການຂຳນັບຮັບຕ້ອນ ວັນທີ 01 ມິຖຸນາ ກໍຄືວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ຊາວໜຸ່ມຮາກຖານຫ້ອງການກະຊວງ ໄດ້ຈັດກິດຈະກຳປູກຕົ້ນໄມ້ທີ່ບໍລິເວນເດີ່ນກະຊວງ, ກິດຈະກຳດັ່ງ ກ່າວນີ້ ເປັນການສ້າງຂະບວນການເຄື່ອນໄຫວຂຳນັບຮັບຕ້ອນວັນສຳຄັນຂອງຊາດ ແລະ ຕ້ອນຮັບກອງປະ ຊຸມ ASEM ທີ່ຈະມາເຖິງໃນມໍ່ໆນີ້, ໂດຍເປັນເຂົ້າຮ່ວມໃນການປູກຕົ້ນໄມ້ຄົ້ງນີ້ກໍມີຄະນະພັກກະຊວງ ແລະ ຄະນະພັກຫ້ອງການກະຊວງ, ການປູກຕົ້ນໄມ້ໃນຄັ້ງນີ້ແມ່ນຢູ່ທີ່ບໍລິເວນແຄມຮົ້ວ ແລະ ຂ້າງສໍານັກງານ ຫ້ອງການກະຊວງ ຕົ້ນໄມ້ທີ່ນຳມາປູກມີຄືຕົ້ນດອກຄູນຈຳນວນ 10 ຕົ້ນ ແລະຕົ້ນດອກຈຳປາຈຳນວນ 5 ຕົ້ນ

ອີກເທື່ອໜຶ່ງ, ກິດຈະກຳຄັ້ງນີ້ ເປັນນິມິດໝາຍສຳຄັນຂອງຊາວໜຸ່ມຮາກຖານຫ້ອງການກະຊວງ ກໍຄືການ ເຄື່ອນໄຫວວຽກງານຂອງຊາວໜຸ່ມກະຊວງໂຍທາທິການ ແລະຂົນສົ່ງ, ໃນວັນສຳຄັນຂອງຊາດ.

ແຂ່ງຂັນກິລາຊາວໜຸ່ມຫ້ອງການກັບຊາວໜຸ່ມກົມແຜນການ

​​ໃນ​​ເວລາ 16:30 ນາທີຂອງວັນທີ 25 ພຶດສະພາ 2012 ທີ່ຜ່ານມາໄດ້ມີການ​​​​ແຂ່ງຂັນເຕະບານ​​ມິດຕະພາບຂຶ້ນລະຫວ່າງ ທີມຊາວໜຸ່ມຫ້ອງການແລະຊາວໜຸ່ມກົມແຜນການແລະການຮ່ວມມືທີ່ເດີ່ນຄຳພວງເພັດ (ຂ້າງ​​ໂຮງຮຽນມສລາວຫວຽດ) ​​ເພື່ອເປັນການສ້າງຂະບວນການຂ່ຳນັບຮັບຕ້ອນກອງປະຊຸມຍທຂທົ່ວະເທດແລະວັນປູກຕົ້ນໄມ້ແຫ່ງຊາດພ້ອມດຽວກັນນັ້ນກໍເພື່ອເປັນການສ້າງຄວາມສາມັກຄີໃຫ້ມີຄວາມຮັດແໜ້ນ ລະຫວ່າງຫ້ອງການກະຊວງ ແລະກົມກອງມີຄວາມໝາຍຍິ່ງຂື້ນ.

ການແຂ່ງຂັນໄດ້ດຳເນີນໄປໄດ້ເຄິ່ງເວລາທຳອິດທັງສອງທີໄດ້ພັດປ່ຽນກັນບຸກແລະຮັບ ແຕ່ກໍບໍ່ສາມາດຍິງປະຕູຂອງຄູ່ຕໍ່ສູ່ໄດ້ຈຶ່ງສະເໝີກັນຢູ່ສູນປະຕູຕໍ່ສູນ. ຕໍ່ມາເຖິງເຄິ່ງເວລາສຸດທີສອງຂອງການແຂ່ງຂັນທີມຫ້ອງຊາວໜຸ່ມຫ້ອງການກະະຊວງ ກໍສາມາດຍິງຂື້ນນຳໄປກ່ອນເຖິງ3ປະຕູຫລັງຈາກນັ້ນ ທີມຊາວ ໜຸ່ມກົມແຜນການແລະການຮ່ວມມື ກໍ່ສາມາດຍິງຕາມຫລັງໄດ້ 2 ປະຕູແລະ ໃນຊ່ວງທ້າຍເກມທີມ ຊາວໜຸ່ມຫ້ອງການກໍ່ສາມາດຍິງໄດ້ຕຶ່ມອີກ 2 ປະຕູ ແລະ ຜົນຂອງການແຂ່ງຂັນລະຫວ່າງທີມຊາວໜຸ່ມ ຫ້ອງການກະຊວງ ກໍ່ສາມາດເອົາຊະນະທີມຊາວໜຸ່ມກົມແຜນການແລະການຮ່ວມມື ໄດ້ເຖິງ 5 ປະຕູຕໍ່ 2. ການແຂ່ງຂັ້ນເຕັມໄປດ້ວຍບັນຍາກາດທີ່ຝົດຟື້ນໄປດວ້ຍກອງເຊຍຂອງທັງສອງທີມີຄວາມຮັກແພງສາມັກຄີກັນຍິ່ງຂື້ນພາຍໃນກະຊວງຍທຂແລະການແຂ່ງຂັນຈົບລົງດ້ວຍຄວາມມ່ວນຊື່ນ.

Additional information