ຂ່າວຕ່າງແຂວງ

ຄວາມຄືບໜ້າຂອງໂຄງການປັບປຸງ, ຍົກລະດັບສະໜາມບິນເມືອງຫ້ວຍຊາຍ ແຂວງບໍ່ແກ້ວ

ແຂວງບໍ່ແກ້ວ ແມ່ນທີ່ຕັ້ງຢູ່ພາກຕາເວັນຕົກສຽງເໜືອຂອງປະເທດລາວ, ຊຶ່ງເປັນແຂວງໜຶ່ງທີ່ມີຊື່ສຽງທາງດ້ານອັນຍະ ມະນີ, ເປັນແຂວງທີ່ມີການພັດທະນາເສດຖະກິດສູງພໍສົມຄວນ ແລະ ເປັນແຂວງທີ່ຕິດກັບສາມຫຼ່ຽມຄໍາ, ຍ້ອນເຫັນ ໄດ້ເຖິງການເຕີບໃຫຍ່ຂະຫຍາຍຕົວທາງດ້ານເສດຖະກິດ-ສັງຄົມ, ຈຶ່ງໄດ້ມີການປັບປຸງ, ຍົກລະດັບສະໜາມບິນເມືອງ ຫ້ວຍຊາຍ ແຂວງບໍ່ແກ້ວຂຶ້ນ, ການຍົກລະດັບສະໜາມບິນເມືອງຫ້ວຍຊາຍ ແຂວງບໍ່ແກ້ວ ແມ່ນກໍ່ສ້າງໃຫ້ໄດ້ຕາມ ມາດຖານຂອງກົມການບິນພົນລະເຮືອນ (MOS 2009) ແລະມາດຖານສາກົນ (ICAO) ປັບປຸງສະໜາມບິນໃຫ້ມີ ຄວາມປອດໄພ, ໄດ້ຂະໜາດ 3C (Aerodrome Code 3C), ຊຶ່ງສາມາດຮອງຮັບເຮືອບິນຂະໜາດ 70-100 ບ່ອນ ນັ່ງເຊັ່ນ: ເຮືອບິນ ATR 72, MA-60 ຫຼື ທຽບເທົ່າ.

ສໍາລັບໜ້າວຽກທີ່ປັບປຸງ ແລະກໍ່ສ້າງມີ 4 ໜ້າວຽກໃຫຍ່ຄື: ວຽກກໍ່ສ້າງຂະຫຍາຍເສັ້ນທາງຂື້ນ-ລົງ (Runway) ຂອງ ເຮືອບິນໃຫ້ມີຄວາມຍາວ ແລະກວ້າງອອກຕື່ມຈາກ 19 ແມັດໃນເບື້ອງຕົ້ນອອກມາເປັນ 36 ແມັດ, ວຽກການກໍ່ສ້າງ ປັບປຸງລານຈອດເຮືອບິນ (Parking), ກໍ່ສ້າງສະຖານທີ່ຈອດລົດ (Car parking) ຂອງຜູ້ໂດຍສານ, ວຽກການກໍ່ສ້າງ ຮົ້ວຖາວອນອ້ອມຮອບສະໜາມບິນ, ວຽກສ້ອມແປງອາຄານຜູ້ໂດຍສານ ແລະວຽກອື່ນໆ ລວມທັງການກໍ່ສ້າງລະບົບ ປ້ອງກັນຕ້ານເຈື່ອນອີກຈໍານວນໜຶ່ງ.

ສໍາລັບຄວາມຄືບໜ້າວຽກງານຂອງໂຄງການກໍ່ສ້າງ, ວຽກກໍ່ສ້າງສະໜາມບິນ, ໃນການຈັດຫາທົ່ວໄປ, ປະຕິບັດໄດ້ 38,07%, ສໍາລັບການຕິດຕັ້ງອຸປະກອນຫ້ອງທົດລອງຢູ່ພາກສະໜາມຊົ່ວຄາວ 70%, ວຽກອະນາໄມດຸດລອກ ປະຕິ ບັດໄດ້ 180,00 m2 = 83,94%, ວຽກດິນຕັດ 171,807.23 m3 = 34,16%, ວຽກການກໍ່ສ້າງຖົມດິນ 148,582.35 m3 = 36.31%, ວຽກຍົກຍ້າຍວັດສະດຸບໍ່ເໝາະສົມ 18,532 m3 = 36.85%, ວຽກຮື້ຖອນ ໂຄງສ້າງເກົ່າ (ອາຄານເກົ່າ) 100% ແລະວຽກກໍ່ສ້າງຮົ້ວ 300 ມ= 6.99%, ວຽກເກັບກູ້ລູກລະເບີດທີມງານ ຂອງບໍລິສັດ ແສງເພັດເກັບກູ້ລະເບີດ, ໄດ້ລົງມືກວດກາເກັບກູ້ລະເບີດ ເລີ່ມແຕ່ວັນທີ 5 ພະຈິກ 2018 ເຖິງ ວັນທີ 26 ພະຈິກ 2018 ເປັນເວລາ 22 ວັນ, ໃນເນື້ອທີ່ໆໄດ້ກວດກາຕາມແບບ 17.54 ເຮັກຕາ, ເນື້ອທີ່ຕາມທີມງານເກັບ ກູ້ລະເບີດທີ່ໄດ້ກວດກາຕົວຈິງ 8.134 ເຮັກຕາ, ສໍາລັບວຽກເກັບກູ້ລະເບີດທີ່ປະຕິບັດໄດ້ທັງໝົດ, ກວດກາ ແລະ ເກັບກູ້ໄດ້ 169 ລູກ/ຊິ້ນສ່ວນ/ແມັກກາຊິນ, ສາມາດແຕກໄດ້ 154 ລູກ/ຊິ້ນສ່ວນ/ແມັກກາຊິນ, ໃຊ້ບໍ່ໄດ້ 7 ລູກ/ຊິ້ນ ສ່ວນ, ແມັກກາຊິນ, ສໍາລັບວຽກໄກເກ່ຍສິ່ງກີດຂວາງທີ່ຖືກຜົນກະທົບຈາກໂຄງການ, ສໍາເລັດການເກັບກໍາຂໍ້ມູນ ຈໍານວນຄອບຄົວ ທີ່ຖືກຜົນກະທົບ ລວມທັງທີ່ດິນ, ເຮືອນ ແລະເຄື່ອງປູກອື່ນໆສໍາເລັດ (ຍັງຂັ້ນຕອນຈ່າຍຄ່າ ທົດແທນ), ຈໍານວນບ້ານທີ່ຖືກຜົນກະທົບມີ 2 ບ້ານຄື: ບ້ານປ່າອ້ອຍ ແລະບ້ານອຸດົມ, ຈໍານວນເຮືອນທີ່ຖືກຜົນ ກະທົບມີ 51 ຄົວເຮືອນຄື: ເຂດບ້ານປ່າອ້ອຍມີ 34 ຄົວເຮືອນ, ເຂດບ້ານອຸດົມມີ 17 ຄົວເຮືອນ, ສິ່ງປຸກສ້າງມີ 10 ຫຼັງ, ດິນປຸກສ້າງມີ 43 ຕອນ, ເນື້ອທີ 35,793.66 ຕາແມັດ, ດິນກະສິກໍາມີ 7 ຕອນ, ເນື້ອທີທັງມົດ 43,120 ຕາແມັດ, ຕົ້ນໄມ້ກິນໝາກ 39 ຕົ້ນ, ຕົ້ນໄມ້ອຸດສາຫະກໍາ 2,312 ຕົ້ນ, ຊຸມໄມ້ປ່ອງ 17 ຊຸມ, ຊຸມກ້ວຍ ແລະຕົ້ນໄມ້ອື່ນໆ 81 ຊຸມ.

ພາຍຫຼັງໂຄງການປັບປຸງ, ຍົກລະດັບສະໜາມບິນເມືອງຫ້ວຍ ແຂວງບໍ່ແກ້ວ ສໍາເລັດ ກໍ່ເປັນອີກໃບໜ້າໃໝ່ຂອງຊາວ ແຂວງບໍ່ແກ້ວ ແລະ ຊ່ວຍໃຫ້ການຂົນສົ່ງທາງອາກາດ, ສະດວກ, ວອງໄວຂື້ນຕື່ມ.

ພິທີມອບ-ຮັບ ແລະເປີດນຳໃຊ້ເສັ້ນທາງ ຂອງໂຄງການກໍ່ສ້າງພື້ນຖານໂຄງລ່າງ ທາງຊົນນະບົດ ໄລຍະ6 ຢູ່ເມືອງສະໜ້ວຍ ເເຂວງ ສາລະວັນ

ເລີ່ມແຕ່ປີ 1994 ປະເທດເຢຍລະມັນ ໄດ້ສະໜັບສະໜູນທືນຊ່ວຍເຫຼືອລ້າ ສຳລັບການກໍ່ສ້າງປັບປຸງເສັ້ນທາງຫລາຍກວ່າ 1,260 ກິໂລແມັດ ລວມທັງ ຂົວຂ້າມນໍ້າ, ຕະຫຼາດ, ບ່ອນລໍຖ້າລົດເມ ເເລະ ທ່າເຮືອ ໃນເຂດພື້ນທີ່ຊົນນະບົດຂອງປະເທດລາວ. ໃນຫຼາຍໆດ້ານ, ພື້ນຖານໂຄງລ່າງນີ້ ໄດ້ຊ່ວຍປັບປຸງຊີວິດການເປັນຢູ່ຂອງປະຊາ ຊົນໃນເຂດຊົນນະບົດໄດ້ເປັນຢ່າງດີ. ບັນດາເມືອງຕ່າງໆຂອງເມືອງ ສະໝ້ວຍ ເເລະ ຕາໂອ້ຍ ແມ່ນຖືວ່າເປັນເມືອງທີ່ທຸກຍາກທີ່ສຸດຂອງປະເທດລາວ, ເນື່ອງຈາກພື້ນທີ່ ຕັ້ງຢູ່ໃນເຂດພາກຕາເວັນອອກ ຂອງແຂວງ ສາລະວັນ ເປັນເຂດທີ່ຫ່າງໄກສອກຫລີກ ແລະ ມີພູສູງ. ຄວາມໜາແໜ້ນຂອງປະຊາກອນ ແລະ ເສັ້ນທາງ ແມ່ນຍັງຢູ່ລະດັບຕໍ່າຫຼາຍ, ການຄົມມະນາຄົມຂົນສົ່ງ ແລະ ການສື່ສານ ເເມ່ນຍັງຂາດເຂີນ ເເລະ ເປັນບັນຫາຫຼັກ.

ໂຄງການກໍ່ສ້າງພື້ນຖານໂຄງລ່າງ ທາງຊົນນະບົດ ໄລຍະ6 ໄດ້ເລີ່ມຈັດຕັ້ງປະຕິບັດໃນປີ 2015 ແລະ ໄດ້ສ້າງສຳເລັດເມື່ອໄວໆມານີ້. ໂດຍລວມແລ້ວ, ເສັ້ນທາງຊົນນະບົດ ໄດ້ຮັບການບູລະນະ ແລະ ປັບປຸງໃນເມືອງ ສະໝ້ວຍ ເເລະ ຕາໂອ້ຍ ທັງໝົດເເມ່ນ 122,1 ກິໂລເເມັດ, ຊື່ງການກໍ່ສ້າງ ເເມ່ນຄໍານື່ງເປັນພິເສດເຖິງຜົນກະທົບຈາກການປ່ຽນແປງດິນຟ້າອາກາດ. ຕະຫຼາດເມືອງຕະໂອ້ຍກໍ່ໄດ້ຮັບການປັບປຸງດີຂື້ນ. ນອກຈາກນີ້, ໂຄງການດັ່ງກ່າວໄດ້ສະໜອງງົບປະມານໃນການ ບຳລຸງຮັກສາເສັ້ນທາງຊົນນະບົດໃນແຂວງບໍ່ແກ້ວ, ອຸດົມໄຊ, ແລະ ແຂວງຫລວງນໍ້າທາ, ຊື່ງເໜັ້ນໃສ່ ການປັບຕົວເຂົ້າກັບການປ່ຽນແປງດິນຟ້າອາກາດ, ລວມໄລຍະທາງ ເເມ່ນ 282 ກິໂລເເມັດ ແລະ ພ້ອມກັນນັ້ນ ກໍ່ໄດ້ສະໜັບສະໜູນ ການເພີ່ມຂີດຄວາມສາມາດ ການຝຶກອົບຮົມດ້ານວິຊາການ ສຳລັບ ພະນັກງານຂອງ ຍທຂ ຂັ້ນ ເມືອງ, ເເຂວງ, ເເລະ ກະຊວງ ເພື່ອຍົກລະດັບ ເຂົາເຈົ້າໃນການຈັດຕັ້ງປະຕິບັດວຽກງານ.

ຫລັງຈາກຜົນສຳເລັດຂອງການຈັດຕັ້ງປະຕິບັດກໍ່ສ້າງທາງ, ໃນວັນທີ 19 ເດືອນສິງຫາ 2019 ກໍ່ໄດ້ມີພິທີມອບ-ຮັບ ແລະ ເປີດນຳໃຊ້ເສັ້ນທາງ ຈາກຕົວເມືອງສະໝ້ວຍ ເຖິງ ບ້ານ ອາໂສກ ທີ່ມີຄວາມຍາວ 42.4 ກິໂລແມັດ. ໂດຍການເປັນກຽດເປີດພິທີໂດຍທ່ານ ສີສຸວັນ ວົງຈອມສີ, ເຈົ້າແຂວງສາລະວັນ, ທ່ານ ປອ ກິແກ້ວ ຈັນທະບູລີ, ຮອງລັດຖະມົນຕີ ກະຊວງເເຜນການເເລະການລົງທຶນ ແລະ ທ່ານ ເຢນສ ລຸກເຄີນເຮມ, ເອກອັກຄະລັດຖະທູດ ເເຫ່ງ ສສ ເຢຍລະມັນ ປະຈຳລາວ, ພ້ອມກັບ ທ່ານ ເເພງ ດວງເງີນ, ຫົວໜ້າກົມຂົວທາງ, ກະຊວງ ໂຍທາທິການ ເເລະ ຂົນສົ່ງ, ເເລະ ບັນດາເເຂກ ຜູ້ຕາງໜ້າຈາກ ທະນາຄານພັດທະນາເຢຍລະມັນ,ກະຊວງເເຜນການເເລະການລົງທຶນ, ກະຊວງ ໂຍທາທິການ ເເລະ ຂົນສົ່ງ ແລະ ອຳນາດການປົກຄອງແຂວງ.

ທາງຊົນນະບົດເສັ້ນນີ້ໄດ້ຮັບການກໍ່ສ້າງ ມີການປູຢາງເຕັມຮູບແບບ ເປັນສ່ວນໜຶ່ງຂອງຕາໜ່າງເສັ້ນທາງ ເພື່ອເຊື່ອມຕໍ່ກຸ່ມບ້ານຂອງ ໝູ່ບ້ານອາໂສກ ແລະ ບ້ານອື່ນໆອີກ, ທັງໝົດມີ 29 ໝູ່ບ້ານເລາະຕາມເສັ້ນທາງ ເຊິ່ງ ປະຊາກອນທັງໝົດ ປະມານ 7,200 ຄົນ ໄດ້ຮັບຜົນປະໂຫຍດ ໃນການນຳໃຊ້ເສັ້ນທາງດັ່ງກ່າວ. ຍິ່ງໄປກວ່ານັ້ນ, ເສັ້ນທາງດັ່ງກ່າວ ເຮັດໃຫ້ ປະຊາຊົນ ມີຄວາມສະດວກໃນການເດີນທາງເຂົ້າເຖິງເຂດຕົວເມືອງ ແລະ ສິ່ງອຳນວຍຄວາມສະດວກ ອື່ນໆ ລວມທັງໂຮງຮຽນ, ຕະຫລາດ, ສຸກສາລາ ແລະ ອື່ນໆ.

ທ່ານ ສີສຸວັນ ວົງຈອມ, ເຈົ້າແຂວງສາລະວັນ ໃຫ້ກຽດຮັບເອົາການຊ່ວຍເຫຼືອທີ່ເປັນປະໂຫຍດທີ່ສຸດ ຈາກລັດຖະ ບານເຢຍລະມັນ. ເມື່ອມີເສັ້ນທາງດີ ການເຂົ້າເຖິງທີ່ດີ, ປະຊາຊົນຢູ່ທີ່ນີ້ ສາມາດເຊື່ອມຕໍ່ກັບຕົວເມືອງ, ສິ່ງອຳນວຍຄວາມສະດວກ ແລະ ມີການຄ້າຂາຍຕະຫຼອດປີ. ທ່ານເຈົ້າເເຂວງ ເຊື່ອວ່າໃນຊຸມປີຕໍ່ໜ້າ ການພັດທະນາເມືອງສະໝ້ວຍ ແລະເມືອງ ຕະໂອ້ຍ ຈະສະແດງໃຫ້ເຫັນຜົນກະທົບອັນພົ້ນເດັ່ນ, ໂດຍສະເພາະເເມ່ນການຫຼຸດຜ່ອນຄວາມທຸກຍາກ.

ຕາງໜ້າລັດຖະບານເຢຍລະມັນ, ທ່ານເອກອັກຄະລັດຖະທູດ ໄດ້ເຫັນວ່າ ການລົງທືນນີ້ໄດ້ປະກອບສ່ວນປັບປຸງຊີວິດການເປັນຢູ່ດ້ານເສດຖະກິດ - ສັງຄົມ ຂອງປະຊາຊົນ ໃນເຂດຊົນນະບົດ ໃນຂົງເຂດໂຄງການ. ດ້ວຍຜົນສຳເລັດຂອງໂຄງການ, ຊາວບ້ານສາມາດຫຼຸດຜ່ອນເວລາເດີນທາງໄປຕະຫຼາດ, ໂຮງຮຽນ, ການບໍລິການດ້ານສຸຂະພາບ ແລະ ສິ່ງອຳນວຍຄວາມສະດວກອື່ນໆຢູ່ໃນຕົວເມືອງ ພ້ອມທັງຊ່ວຍໃຫ້ມີໂອກາດການຈ້າງງານ ຫາວຽກເຮັດງານທຳ. ປະຈຸບັນ, ລັດຖະບານເຢຍລະມັນ ໃຫ້ທືນຊ່ວຍເຫລືອລ້າເພີ່ມ ສຳລັບໂຄງການພື້ນຖານໂຄງລ່າງທາງຊົນນະບົດ, ໂດຍສະເພາະການກໍ່ສ້າງເສັ້ນທາງຢູ່ ແຂວງສະຫວັນນະເຂດ, ຄຳມ່ວນແລະ ອັດຕະປື.

ຈຸດປະສົງຂອງໂຄງການກໍ່ສ້າງພື້ນຖານໂຄງລ່າງທາງຊົນນະບົດໄລຍະ6 ແມ່ນເພື່ອພັດທະນາພື້ນທີ່ເຂດຊົນນະບົດ ໂດຍການຂະຫຍາຍ ແລະ ຍົກລະດັບພື້ນຖານໂຄງລ່າງເສັ້ນທາງຊົນນະບົດ ໃຫ້ໄປມາສະດວກຕະຫຼອດປີ ເພື່ອເຊື່ອມຕໍ່ເຖີງເສັ້ນທາງ ຂອງແຂວງ ແລະ ເສັ້ນທາງຫຼວງ, ຊື່ງຈະຊ່ວຍປັບປຸງການ ເຂດພື້ນທີ່ທຸກຍາກ ໃຫ້ສາມາດເຂົ້າເຖິງ ຕະຫຼາດ, ໂຮງຮຽນ, ສຸກສາລາ ເເລະ ການບໍລິການສາທາລະນະຕ່າງໆ. ໂຄງການແມ່ນແນ່ໃສ່ເຂດພື້ນທີ່ຫ່າງໄກ ເເລະ ຄວາມທຸກຍາກຂອງປະຊາກອນ ລວມທັງຊົນເຜົ່າຢູ່ເຂດຫ່າງໄກສອກຫຼີກຂອງແຂວງເປົ້າໝາຍ.

ໂຄງການກໍ່ສ້າງພື້ນຖານໂຄງລ່າງທາງຊົນນະບົດໄລຍະ6  ໄດ້ຮັບທຶນຊ່ວຍເຫຼືອລ້າ ຈາກລັດຖະບານເຢຍລະມັນ ໂດຍຜ່ານ ທະນາຄານ ພັດທະນາເຢຍລະມັນ (KfW) ມີມູນຄ່າເຖິງ 16,8 ລ້ານ ເອີໂຣ, ໃນຂະນະດຽວກັນ ລັດຖະບານລາວ ໄດ້ປະກອບທຶນສົມທົບ ຈຳນວນ 3,0 ລ້ານ ເອີໂຣ.

ໂດຍລວມເເລ້ວ ນັບແຕ່ປີ 2003, ລັດຖະບານ ເຢຍລະມັນ ໄດ້ປະກອບສ່ວນທຶນຊ່ວຍເຫຼືອລ້າ ໃນການພັດທະນາກໍ່ສ້າງພື້ນຖານໂຄງລ່າງທາງຊົນນະບົດ ສູງເຖິງ 72,4 ລ້ານ ເອີໂຣ. ເເລະ ລັດຖະບານລາວປະກອບສ່ວນເທົ່າກັບ 7,9 ລ້ານເອີໂຣ.

---------------------------------

ທະນາຄານພັດທະນາເຢຍລະມັນ (KfW)  

KfW ໄດ້ຊ່ວຍເຫຼືອລັດຖະບານເຢຍລະມັນໃຫ້ບັນລຸເປົ້າຫມາຍກ່ຽວກັບນະໂຍບາຍການພັດທະນາ ແລະ ການຮ່ວມມືລະຫວ່າງປະເທດໃນໄລຍະ 50 ປີ. ພາລະບົດບາດຂອງ KfW ໃນດ້ານການຮ່ວມມືເຢຍລະມັນເພື່ອພັດທະ ນາ ແມ່ນເປັນທະນາຄານທີ່ມີປະສົບການແລະສະຖາບັນທີ່ມີຄວາມຊ່ຽວຊານດ້ານນະໂຍບາຍພັດທະນາ. ໃນນາມລັດຖະບານເຢຍລະມັນແລະສະຫະພັນເອີຣົບ (EU), KfW ສົ່ງເສີມແລະສະຫນັບສະຫນູນໂຄງການແລະໂຄງການ ທີ່ມີສ່ວນຮ່ວມຂອງຂະເເໜງການລັດໃນບັນດາປະເທດທີ່ພັດທະນາ ແລະ ປະເທດເສດຖະກິດເກີດໃຫ່ມ ຕັ້ງເເຕ່ແນວຄວາມຄິດ ແລະ ການດຳເນີນການປະຕິບັດ ຈົນໄປເຖີງການຕິດຕາມຄວາມສຳເລັດ. ໃນປີ 2018 ພວກເຮົາໄດ້ມອບເງິນປະມານ 8,7ຕື້ເອີໂຣໃນທົ່ວໂລກໃຫ້ກັບໂຄງການໃຫມ່.

ວຽກງານຂອງ KfW ໃນລາວ ແມ່ນສຸມໃສ່ສອງຂົງເຂດບູລິມະສິດ: ການພັດທະນາຊົນນະບົດແລະການຂະຫຍາຍຕົວທາງເສດຖະກິດແບບຍືນຍົງ. ທຶນການຊ່ວຍເຫຼືອຂອງ KfW ສໍາລັບບັນດາໂຄງການໃນປະເທດລາວແມ່ນອີງຕາມເງື່ອນໄຂຂອງກະຊວງການຮ່ວມມື ເສດຖະກິດ ແລະ ການພັດທະນາ ຂອງເຢຍລະມັນ (BMZ), ກະຊວງສິ່ງແວດລ້ອມ, ການອະນຸລັກທໍາມະຊາດແລະນິວເຄລັຽ (BMUB) ແລະ ສະຫະພາບເອີຣົບ.

ສະພາບການແກ້ໄຂວຽກສຸກເສີນຕາມເສັ້ນທາງຫລວງແຫ່ງຊາດຂອບເຂດແຂວງຜົ້ງສາລີ

ຕາມການລາຍງານຂອງພະແນກໂຍທາທິການ ແລະ ຂົນສົ່ງ ແຂວງຜົ້ງສາລີ ໃນຄັ້ງວັນທີ 14 ສິງຫາ 2018 ກ່ຽວກັບ ສະພາບການແກ້ໄຂວຽກສຸກເສີນຕາມເສັ້ນທາງຫລວງຂອບເຂດທົ່ວແຂວງຜົົ້ງສາລີ, ສຳຫລັບເສັ້ນທາງຫລວງແຫ່ງຊາດ ເລກທີ 1A (ບຸນເໜຶອ ຫາ ດ່ານລານຕຸ໋ຍ) ປະຈຸບັນຈຸດກິໂລແມັດ 79+800 ແມ່ນຖືກຕັດຂາດໂດຍສິ້ນເຊີງ, ຍານພາຫະນະບໍ່ສາມາດສັນຈອນໄປ-ມາແມ່ນມີຄວາມລຳບາກຫລາຍ. ສາເຫດທີ່ເຮັດໃຫ້ເສັ້ນທາງຖືກຕັດຂາດ ແມ່ນ ຍ້ອນພຶ້ນທີ່ດັ່ງກ່າວເປັນເຂດສູງຊັນ, ຊັ້ນດິນຍອງຢູ່ເທິງຊັ້ນພະລານຫີນໃຫຍ່ ບວກໃສ່ກັບມີນ້ຳລອດພື້ນ ແລະ ມີຝົນ ຕົກໜັກຕໍ່ເນື່ອງ ຈຶ່ງເຮັດໃຫ້ເສັ້ນທາງເຊາະເຈື່ອນລົງຂະໜາດໃຫຍ່ກໍ່ໃຫ້ເກີດມີທາງຂາດຍາວ: 60 ແມັດ, ເລິກປະມານ 30 ແມັດ. ມາຮອດປະຈຸບັນພະແນກ ຍທຂ ແຂວງ ໄດ້ສົມທົບກັບ ກົມຂົວທາງ ແລະ ອະນຸກຳມະການຂັ້ນແຂວງ ເພຶ່ອ ຫາວິທີການແກ້ໄຂ ແລະ ກຳລັງກໍ່ສ້າງທາງເວັ້ນຊົ່ວຄາວ, ຊຶ່ງຄາດວ່າ: ຕອນແລງວັນດຽວກັນ ປະເພດພາຫະນະລົດ ກະບະທີ່ມີໂຟວິນແມ່ນສາມາດສັນຈອນໄດ້, ໃນນີ້ເສັ້ນທາງເວັ້ນທີ່ກໍ່ສ້າງໃໝ່ແມ່ນຍັງມີຄວາມສ່ຽງຢູ່ເນື່ອງຈາກຮາກ ຖານຂອງທາງເວັ້ນບໍ່ມີສະຖຽນລະພາບ ບວກກັບຕະລິງທາງເບື້ອງເທິງທີ່ຕັດໃໝ່ມີຄວາມສູງຊັນຫລາຍ (ສູງ 53 ແມັດ). ສ່ວນລົດທົ່ວໄປແມ່ນຈະເປີດໃຫ້ສັນຈອນໄດ້ໃນວັນທີ 17 ສິງຫາ 2018.

Additional information