ຂ່າວຕ່າງແຂວງ

ໂຄງການກໍ່ສ້າງຂົວເຊໂດນ 3 ເມືອງປາກເຊ ແຂວງຈຳປາສັກ

 ໂຄງ­ການ​ກໍ່­ສ້າງ​ຂົວ​ເຊ​ໂດນ 3 ເມືອງ​ປາກ​ເຊ ແຂວງ​ຈຳ­ປາ​ສັກ ມາ​ຮອດປະ­ຈຸ​ບັນ​ສຳ­ເລັດ​ແລ້ວ 96% ເຫຼືອ​ພຽງ​ໜ້າວຽກ​ຈຳ­ນວນ​ໜຶ່ງ ແລະ​ຄາດ​ວ່າ​ຈະ​ໄດ້​ເປີດການ​ນຳ​ໃຊ້​ກ່ອນ​ປີ​ໃໝ່​ລາວທີ່​ຈະ​ມາ​ເຖິງໃນ​ເດືອນ​ ໜ້າ​ນີ້.

   ຕາມ​ການ​ລາຍ​ງານ​ຂອງ ທ່ານ ບຸນທະ­ວີ ວິ​ສຸດ­ທິ​ວົງ ຫົວ­ໜ້າ​ໂຄງ­ການ​ກໍ່­ສ້າງຂົວ​ຂ້າມ​ນ້ຳ​ເຊ​ໂດນ 3, ໃຫ້​ຮູ້​ວ່າ: ໂຄງ­ການແມ່ນ​ການ​ລົງ­ທຶນ​ກ່ອນ 100% ຂອງ​ບໍ​ລິ ສັດ​ລາວ​ເວີນ ຊຶ່ງ​ເປັນ​ຜູ້​ຮັບ​ເໝົາ​ກໍ່­ສ້າງ​ໃນ ມູນ​ຄ່າ 14,82 ລ້ານ​ໂດ​ລາ​ສະ­ຫະ­ລັດ, ຊຶ່ງມາ​ຮອດ​ປະ­ຈຸ​ບັນ​ການ​ກໍ່­ສ້າງ​ສຳ­ເລັດ 96%,  ໜ້າ​ວຽກ​ທີ່​ຍັງ​ເຫຼືອ​ກຳ­ລັງ​ຂຸ້ນ­ຂ້ຽວ​ສືບ­ຕໍ່ແມ່ນ​ວຽກ​ຕົບ­ແຕ່ງ​ປະ­ດັບ​ ປະ­ດາ, ສ້າງຮາວ, ປູ​ທາງ​ອັດ​ສະ​ຟານ​ໜ້າ​ຂົວ, ກັນເຈື່ອນ, ເສົາ​ໄຟ ແລະ​ທາງ​ເຂົ້າ​ຂົວ​ເລັກ​ນ້ອຍ ຊຶ່ງ​ຄາດ​ວ່າ​ຈະ​ໃຫ້​ສຳ­ເລັດ ແລະ​ເປີດ​ການນຳ​ໃຊ້​ກ່ອນ​ປີ​ໃໝ່​ລາວທີ່​ຈະ​ມາ​ເຖິງ​ໃນເດືອນ​ໜ້າ​ນີ້.

   ຫົວ­ໜ້າ​ໂຄງ­ການ​ກ່າວ​ຕື່ມ​ວ່າ: ຂົວ​ເຊໂດນ​ທີ່​ສ້າງ​ໃໝ່​ນີ້​ເປັນ​ຂົວ 4 ເລັນ, ມີ​ລວງ ກ້ວ​າງ 17 ແມັດ, ລວງ​ຍາວ 220 ແມັດ, ມີ​ທາງ​ຄົນ​ຍ່າງ​ເບື້ອງ​ລະ 1 ແມັດ, ຊຶ່ງ​ແມ່ນຂົວ​ຍຸດ​ທະ​ສາດ​ທີ່​ສຳ­ຄັນ​ໃນ​ການ​ກະ­ກຽມ ເພື່ອ​ພັດ­ທະ­ນາ​ຕົວ​ເມືອງ​ປາກ​ເຊ ໃຫ້​ເປັນ ນະ­ຄອນ​ໃນ​ອະ­ນາ­ຄົດ​ອັນ​ໃກ້​ນີ້.

ພິທີຮັບມະຫາຊົນກ້າວໜ້າເຂົ້າພັກສຳຮອງ

 

 

 

   ໃນ​ວັນ​ທີ 13 ສິງຫາ 2015 ທີ່​ຫ້ອງ​ປະຊຸມ​ພະ​ແນ​ກ ຍທຂ ​ແຂວງ​ເຊ​ກອງ ​ໄດ້​ຈັດ​ພິທີ​ຮັບ​ມະຫາຊົນ​ກ້າວໜ້າ​ເຂົ້າພັກ​ສຳຮອງ ຈຳນວນ 10 ສະຫາຍ, ​ ຢູ່ທີ່​ຫ້ອງ​ປະຊຸມ​ພະ​ແນ​ກ ຍທຂ ​ແຂວງ,ຊຶ່ງ​​ມີ​ມະຫາຊົນ​ກ້າວໜ້າ​ຈາກໜ່ວຍ​ພັກ ຈັດ​ຕັ້ງ-ບໍລິຫານ, ​ແຜນການ ງົບປະມານ ​ແລະ ກວດກາ 03 ສະຫາຍ; ໜ່ວຍ​ພັກຂະ​ແໜງ​ທາງບົກ-ທາງ​ນ້ຳ 02 ສະຫາຍ​ ແລະ  ໜ່ວຍ​ພັກ ຂະ​ແໜງ​ຄຸ້ມ​ຄອງ​ການ​ກໍ່ສ້າງ, ຂະ​ແໜງ​ຄຸ້ມ​ຄອງ​ເຄຫາ​ຜັງ​ເມືອງ ​ແລະ ນ້ຳ​ປະປາ 5 ສະຫາຍ, ​ໂດຍ​ມີ​ຜູ້​ເຂົ້າ​ຮ່ວມຈາກ​ໜ່ວຍ​ພັກ ອ້ອມ​ຂ້າງພະ​ແນ​ກ ຍທຂ ​ແຂວງ ​ແລະ ສະມາຊິກ​ພັກ​ທັງ​ໝົດ 50 ສະຫາຍ ຍີ​ງ 02 ສະຫາຍ.

      ​ໂດຍ​ເປັນ​ປະທານ ຂອງ ທ່ານ ສຸດ​ສະ​ນະ ສີ​ຫາ​ວົງ ກຳມະການ​ພັກ​ແຂວງ, ​ເລຂາ​ຄະນະ​ພັກ​ຮາກ​ຖານ ພະ​ແນ​ກ ຍທຂ, ມີຫົວໜ້າ​ພະ​ແນ​ກ ຍທຂ ​ແຂວງ​ເຊ​ກອງ; ຄະນະ​ຈັດ​ຕັ້ງ​ພິທີ​ໄດ້​ຜ່ານ​ຂໍ້​ຕົກລົງ​ດຳລັດ ຂອງ​ເລຂາຄະນະ​ພັກ​ແຂວງວ່າ​ດ້ວຍການ​ຮັບ​ມະຫາຊົນ​ກ້າວໜ້າເຂົ້າ​ພັກ​ສຳຮອງ 10 ສະຫາຍ, ມະຫາຊົນ​ກ້າວໜ້າ​​ແຕ່​ລະສະ​ຫາຍ​ໄດ້​ຂື້ນອ່ານ​ບົດ​ສຳ​ຫຼວດຕົນ​ເອງ ​ແລະ ຂື້ນ​ກ່າວ​ປະຕິຍານ ຫລັງ​ຈາກ​ນັ້ນ​ຜູ້​ຕິດຕາມ​ສະມາຊິກ​ພັກ​ສົມບູນ 2 ສະຫາຍ​ຂື້ນ​ຜ່ານ ​​ແລະ ສຶບຕໍ່ຕິດ​ຕາມ​ຈົນ​ໄດ້​ເຂົ້າ​ພັກ​ສົມບູນ. ຫຼັງຈາກ​ນັ້ນ, ທ່ານ ​ເລຂາ​ຄະນະ​ພັກ​ຮາກ​ຖານ ​ຂື້ນ​ສຳ​ພັດ​ມື ​ແລະ ກ່າວ​ຕັກ​ເຕືອນ ມີ 5 ໜ້າ​ທີ 6 ສິດ​ ແລະ 3 ທິດ​ນຳ, ສໍາລັບ​ມະຫາຊົນ​ກ້າວໜ້າ​ເຂົ້າ​ເປັນ​ສະມາຊິກ​ພັກ​ສຳຮອງ ມີ 5 ທິດ 1 ສິດ ​ແມ່ນ​ບໍ່​ສາມາດ​ລົງ​ຄະ​ແນນ​ສຽງ ​ແລະ ລົງ​ສະ​ໜັກ​ຮັບ​ເລືອກ​ຕັ້ງ. ຫລັງ​ຈາກ​ນັ້ນ, ຕາງໜ້າ​ສະມາຊິກ​ພັກ​ສຳຮອງ​ຂື້ນ​ຮັບ​ຄຳ​ຕັກ​ເຕືອນ ​ເຊີ່ງ​ສະ​ແດງ​ອອກ ສະມາຊິກ​ພັກ​ເປັນ​ແບບຢ່າງ​ໃຫ້​ມະຫາຊົນ ພິທີ​ສີ້​ນສຸດ​ລົງ ​ເວລາ 16:00​ໂມງ ຂອງ​ວັນ​ດຽວ​ກັນ  ​ດ້ວຍ​ຄວາມ​ຈົບງາມ.

ພິທີມອບຮັບໃບຍ້ອງຍໍຜູ້ທີ່ມີຜົນງານດີເດັ່ນປະເພດ 2 ເຂົ້າໃນວຽກງານ 2 ດີ 5 ເປັນເຈົ້າ ຂອງໜ່ວຍກໍາມະບານຮາກຖານ ພະແນກ ໂຍທາທີການ ແລະ ຂົນສົ່ງ ແຂວງອັດຕະປື

    ໃນຕອນແລງຂອງວັນທີ 7 ຕຸລາ 2015 ຜ່ານມາ ຢູ່ທີ່ຫ້ອງປະຊຸມພະແນກ ໂຍທາທີການ ແລະ ຂົນສົ່ງ ແຂວງອັດຕະປື. ໄດ້ຈັດພິທີມອບຮັບໃບຍ້ອງຍໍຜູ້ທີ່ມີຜົນງານດີເດັ່ນປະເພດ 2 ເຂົ້າໃນວຽກງານ 2 ດີ 5 ເປັນເຈົ້າ ຂອງໜ່ວຍກໍາມະບານຮາກຖານ ພະແນກ ໂຍທາທີການ ແລະ ຂົນສົ່ງ ແຂວງ ໂດຍການເປັນປະທານຂອງ ທ່ານ ວຽງທອງ ທໍາມານູວົງ ຄະນະກໍາມະບານຮາກຖານ ພະແນກ ໂຍທາທີການ ແລະ ຂົນສົ່ງແຂວງ ໂດຍໄດ້ຮັບກຽດເຂົ້າຮ່ວມຂອງ ທ່ານ ເພັດມີໄຊ ຄໍາພັກດີ ກໍາມະການພັກແຂວງ ເລຂາພັກຮາກຖານ ຫົວໜ້າ ພະແນກ ໂຍທາທີການ ແລະ ຂົນສົ່ງແຂວງ ເຊີ່ງມີສະມາຊີກກໍາມະບານ ພາຍໃນໜ່ວຍທີ່ມີຜົນງານດີເດັ່ນປະເພດ 2 ໃນການຈັດຕັ້ງປະຕິບັດຂໍ້ແຂ່ງຂັນ 2 ດີ 5 ເປັນເຈົ້າ ປະຈໍາສົກປີ 2013-2014 ຈໍານວນ 20 ທ່ານ.

   ຫຼັງຈາກນັ້ນໄດ້ມີພິທີມອບຮັບອຸປະກອນກິລາຈາກບໍລິສັດ ໂພສີກໍ່ສ້າງ ສ້ອມແປງເຄຫາສະຖານ ເຊີ່ງມີມູນຄ່າທັງໝົດ 5,000,000 ກີບ ແລະ ບັນດາບໍລິສັດກໍ່ສ້າງຂົວ-ທາງ ແລະ ເຄຫາສະຖານ ກໍ່ໄດ້ປະກອບສ່ວນ ບານເຕະ 5 ໜ່ວຍ ແລະ ບານຕີ 5 ໜ່ວຍ, ເຊີ່ງມີມູນຄ່າທັງໝົດ 2,000,000 ກີບ ອຸປະກອນດັ່ງກ່າວ ແມ່ນຮາກຖານກໍາມະບານ ພະແນກ ໂຍທາທີການ ແລະ ຂົນສົ່ງ ແຂວງ ຈະນໍາໄປມອບຕໍ່ໃຫ້ໂຮງຮຽນທີ່ຂາດເຂີນພາຍໃນແຂວງ ໃນໂອກາດຕໍ່ໄປ.

 

ຂົວຂ້າມນ້ຳຂອງ ປາກແບງ-ເມືອງເງິນ ໃກ້ສຳເລັດແລ້ວ ຄາດທັນເປີດໃຊ້ທ້າຍປີນີ້

  ໂຄງ­ການ​ກໍ່­ສ້າງ​ຂົວຂ້າມ​ນ້ຳ­ຂອງປາກ​ແບງ-ເມືອງ​ເງິນ ​ພາຍ­ຫຼັງ​ທີ່​ໄດ້​ເລີ່ມລົງ­ມື​ກໍ່­ສ້າງ​ມາ​ແຕ່​ທ້າຍ​ປີ 2012 ຈົນມາ​ເຖິງ​ປະ­ຈຸ​ບັນໜ້າ​ວຽກ​ໂດຍ​ລວມແມ່ນໃກ້​ສຳ­ເລັດ​ແລ້ວ​ເຫຼືອ​ພຽງ​ແຕ່ 7% ທີ່​ກຳລັງ​ສືບ­ຕໍ່​ໃນ​ຂະນະ​ນີ້ ສ່ວນ​ຜູ້​ຮັບ­ຜິດ­ຊອບ​ໂຄງ­ການກໍ່ສ້າງ​​ໃຫ້​ຮູ້​ວ່າ​ໃນ​ທ້າຍ​ເດືອນ​ພະ­ຈິກ​ນີ້ ຈະເປີດ​ນຳ​ໃຊ້​ຢ່າງ​ເປັນ​ທາງ​ການ.

   ​ທ່ານ ລີຢີ້ງ ໄຊ​ເຍ່ຍ​ຊ່າງ ຮອງ​ຫົວ­ໜ້າ​ໂຄງການ​ກໍ່­ສ້າງ​ຂົວ​ຂ້າມ​ນ້ຳຂອງ​ປາກ​ແບງ-ເມືອງ​ເງິນ ໄດ້ວ່າ: ໂຄງການ​ກໍ່­ສ້າງ​ຂົວ​ຂ້າມ​ນ້ຳຂອງ​ປາກ​ແບງ-ເມືອງ​ເງິນ​ໄດ້​ເລີ່ມ​ລົງ­ມືກໍ່ສ້າງ​ມາ​ແຕ່​ທ້າຍ​ເດືອນ​ທັນ­ວາ 2012, ຕົກ​ມາ​ຮອດ​ເດືອນ​ສິງ­ຫາ​ຂອງ​ປີ​ນີ້​ ເຫັນວ່າໜ້າ​ວຽກ​ໂດຍ​ລວມ​ຂອງ​ໂຄງ­ການສຳ­ເລັດ​ສະ­ເລ່ຍ​ໄດ້ 92,37%, ໃນ​ນີ້ ວຽກ​ການ​ກໍ່­ສ້າງ​ຂາງ​ຂົວ​ພາກ­ສ່ວນ​ລຸ່ມແມ່ນ​ສຳ­ເລັດ​ແລ້ວ, ສ່ວນ​ຂາງ​ຂົວ​ພາກສ່ວນ​ເທິງ​ໄດ້ 92,71% ແລະ​ຄາດ​ວ່າໝົດ​ເດືອນ​ນີ້​ຈະໃຫ້​ສຳ­ເລັດ, ນອກ​ນັ້ນ​ຍັງ​ສືບຕໍ່­ໜ້າ​ວຽກ​ໜ້າ​ຂົວ​ຈຳ­ນວນ​ໜຶ່ງ​ທີ່​ຍັງຄ້າງ​ຕື່ມ.

   ສຳ­ລັບ​ແຜນ­ການ​ໃນ​ເດືອນ​ໜ້າ​ທາງໂຄງ­ການ​ໄດ້​ຕັ້ງ​ເປົ້າ​ໝາຍ​ໄວ້​ວ່າ​ທຸກໆໜ້າ​ວຽກ​ຂອງ​ໂຄງ​ສ້າງ​ແມ່ນ​ຈະ​ໃຫ້​ສຳ ເລັດ 100%, ສ່ວນ​ວຽກ​ເກັບ​ລາຍ​ລະອຽດ​ແມ່ນ​ຈະ​ໄດ້​ຍົກ​ໄປ​ສືບ​ຕໍ່​ປະ­ຕິ­ບັດ​ໃນຕົ້ນ​ເດືອນ​ພະ­ຈິກ ແລະ ​ໃນ​ຕອນ​ທ້າຍເດືອນ​ດຽວ​ກັນ​ກໍ​ຈະ​ໄດ້​ມີ​ພິ­ທີ​ເປີດ​ນຳ​ໃຊ້​ຂົວ​ຢ່າງ​ເປັນ​ທາງ​ການ.

   ໂຄງ­ການ​ກໍ່­ສ້າງ​ຂົວ​ຂ້າມ​ນ້ຳ­ຂອງລະ­ຫວ່າງ​ເມືອງ​ປາກ​ແບງ ແຂວງ​ອຸ­ດົມໄຊ ຫາ ເມືອງ​ເງິນ ແຂວງ​ໄຊ​ຍະ​ບູ​ລີ ເປັນໂຄງ­ການ​ໜຶ່ງ​ທີ່​ຈະ​ເຊື່ອມ​ຕໍ່​ເສັ້ນ­ທາງຊ່ວງ 2W ແລະ 2E ເຂົ້າ​ໃສ່​ກັນ​ຕົວ​ຂົວມີ​ຄວາມ​ກວ້າງ 13 ແມັດ, ຍາວ​ທັງ ໝົດ 379 ແມັດ, ມີ 2 ຊ່ອງ​ຈະ­ລາ­ຈອນເບື້ອງ​ລະ 4,5 ແມັດ ແລະ ​ທາງ​ຍ່າງ​ສອງຂ້າງ​ເບື້ອງ​ລະ 1,5 ແມັດ ຊຶ່ງ​ຈະ​ຊ່ວຍອຳ­ນວຍ​ຄວາມ​ສະ­ດວກ​ໃນ​ການ​ຄົມ​ມະນາ​ຄົມ​ຂອງ​ເຂດ​ແຂວງ​ພາກ​ ເໜືອ ແລະ ທັງ​ເປັນ​ການ​ເຊື່ອມ​ຕໍ່​ເຂດ​ພາກ​ເໜືອ​ຂອງລາວກັບບັນ­ດາ​ປະ­ເທດ​ທີ່​ມີ​ຊາຍ​ແດນຕິດ​ຈອດ​ເຊັ່ນ: ປະ­ເທດ​ໄທ, ຫວຽດ­ນາມ ແລະ​ປະ­ເທດຈີນ, ໃນ​ການ​ກໍ່­ສ້າງ​ແມ່ນຈະ​ໃຊ້​ງົບ​ທັງ​ໝົດ 30,89 ລ້ານ​ໂດ​ລາ ຫຼື ເທົ່າ​ກັບ 200 ກວ່າ​ຕື້​ກີບ ຊຶ່ງ​ເປັນທຶນ​ກູ້​ຢືມ​ພິ­ເສດ​ຈາກ ສປ ຈີນ 95% ແລະ ອີກ 5% ແມ່ນ​ທຶນ​ສົມ­ທົບ​ຂອງ​ລັດຖະ​ບານ​ລາວ ໂດຍ​ບໍ­ລິ­ສັດ​ກໍ່­ສ້າງ​ຂົວ​ທາງຈາກ ສປ ຈີນ ເປັນ​ຜູ້​ຮັບ​ເໝົາ​ກໍ່­ສ້າງ.

Additional information