ຂ່າວຕ່າງແຂວງ

ພິທີມອບ-ຮັບໂຄງການກໍ່ສ້າງເສັ້ນທາງປູຢາງ 2 ຊັ້ນ ແຕ່ວັດໂພໄຊ-ບ້ານຫົວຊຽງ ແລະ ທາງຊອຍເທດສະ ບານ ເມືອງຊຳເໜືອ, ແຂວງຫົວພັນ.

 

      ການ­ຈັດຕັ້ງປະຕິບັດໂຄງກາ­ກໍ່ສ້າງ​ເສັ້ນ­ທາງ​​ແຕ່​ວັດ​ໂພ​ໄຊ-ບ້ານ­​ຫົວ​ຊຽງ ​ແລະ ທາງ​ຊອຍ​ເທດສະ ບານ­ ​ເມືອງ​ຊຳ​ເໜືອ, ​ແຂວງ​ຫົວພັນ. ໂຄງການ­ດັ່ງກ່າວ ​ຊື່ງມີລວງ​ຍາວ​ທັງ​ໝົດ 21 ກມ, ໃນ­­ນີ້ມີທາງເທດສະບານ­ຈຳ­ນວນ­ 7 ເສັ້­ນ ລວງຍາວ 4.6 ກມ ມູ­​ນຄ່າ​ການ­​ກໍ່ສ້າງ​ທັງ​ໝົດ:149,388,544,604 ກີບ, ​ເປັນ​ໂຄງການ​ລົງ​ທືນກ່ອນ ຊຶ່ງ​ມີ​ໄລຍະ​​ເວລາການ​ກໍ່ສ້າງ​​​​​​​​​​​​​­​​​​​​​​ 3 ປີ ຫຼື​ ​​​36 ​ເດືອນ​​­. ​​​​ເລີມ​ຕົ້ນ ວັນ​ທີ 23/12/2011 ​ເຖີງວັນ​ທີ​​ ​​­​​​​23/12/2014, ​ເຈົ້າ​ຂອງ ​ໂຄງການ​ ພະ​ແນ​ກ ​ຍທຂ ປະຈຳ​ແຂວງ​ຫົວພັນ ​ແລະ ຜູ້ຮັບ​ເໝົາ​ ກຸ່ມບໍລິສັດ ​ແສງ​ທອງ ​ກໍ່ສ້າງ ພັດທະນາ​ຄົບ​ວົງ​ຈອນ. 

ທ່ານຮອງເຈົ້າຄອງ ລົງຕິດຕາມການສ້ອມແປງເສັ້ນທາງ 11 ຕອນໃຕ້

ໃນ​ວັນ​ທີ 03 ມິຖຸນາ 2014 ທີ່​ຜ່ານ​ມາ ທ່ານ ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ໄດ້​ລົງ​ເຄື່ອນ​ໄຫວ​ຕິດຕາມ ການ​ປັບປຸງ​ສ້ອມແປງ​ເສັ້ນທາງ​ເລກ​ທີ 11 ຕອນ​ໃຕ້ ເມືອງ​ຫາດ​ຊາຍ​ຟອງ, ນະຄອນຫລວງວຽງຈັນ ໂດຍ​ມີ​ທ່ານ ເດດ​ສົງຄາມ ທຳ​ມະ​ວົງ ຫົວໜ້າ​ພະ​ແນກ​ໂຍທາ​ທິ​ການ ແລະ ຂົນສົ່ງ ນະຄອນຫລວງວຽງຈັນ ພ້ອມ​ດ້ວຍ​ພະນັກງານ​ວິຊາ​ການ​ເຂົ້າ​ຮ່ວມ.

ໃຫ້​ກຽດ​ຕ້ອນຮັບ​ທ່ານ​ຮອງ​ເຈົ້າ​ຄອງ ພ້ອມ​ດ້ວຍ​ຄະນະ ໂດຍ​ທ່ານ ບຸນ​ທາມ ພຸດ​ທະ​ວົງສາ ເຈົ້າເມືອງໆ​ຫາດ​ຊາຍ​ຟອງ ໃນ​ໂອກາດ​ດັ່ງກ່າວ ທ່ານ​ເຈົ້າເມືອງ ກໍ່​ໄດ້​ລາຍ​ງານ​ສະພາບ​ການ​ສັນຈອນ​ໄປ​ມາ​ຂອງ​ພໍ່​ແມ່​ປະຊາຊົນ ທີ່​ນຳ​ໃຊ້​ເສັ້ນທາງ​ດັ່ງກ່າວ ເຊິ່ງ​ເຫັນ​ວ່າ​ມີ​ຄວາມ​ຫຍຸ້ງຍາກ​ລຳບາກ​ຫລາຍ​ສົມຄວນ ດັ່ງນັ້ນ ຈຶ່ງ​ໄດ້​ເລັ່ງ​ປັບປຸງ​ແກ້​ໄຂ​ສ້ອມແປງ​ໃຫ້​ດີ​ຂຶ້ນ.

ການ​ສ້ອມແປງ​ເສັ້ນທາງ​ແຕ່​ບ້ານ​ທ່າ​ນາ​ແລ້ງ ຫາ​ບ້ານ​ຊຽງ​ຄວນ ມີ​ຄວາມ​ຍາວ 6,8 ກິ​ໂລແມັດ ໃນ​ມູນ​ຄ່າ​ການ​ກໍ່ສ້າງ​ສ້ອມແປງ ລວມ 6 ຕື້​ກວ່າ​ກີບ ເປັນ​ເສັ້ນທາງ​ປູຢາງ ເຊິ່ງ​ຄາດ​ວ່າ​ຈະ​ໃຫ້​ສຳເລັດ​ກ່ອນ​ກອງ​ປະຊຸມ​ໃຫຍ່​ຂອງ​ອົງຄະ​ນະ​ພັກ​ເມືອງ ທີ່​ຈະ​ມີ​ຂຶ້ນ​ໃນຕໍ່ໜ້າ ພ້ອມ​ນັ້ນ ທ່ານ​ຮອງ​ເຈົ້າ​ຄອງ ພ້ອມ​ຄະນະ ກໍ​ໄດ້​ໄປ​ຕິດຕາມ​ເບິ່ງ 2 ຈຸດ​ໃຫຍ່​ ຄື: ຈຸດ​ທີ​ໜຶ່ງ​ຢູ່​ບ້ານ​ຊຽງ​ຄວນ ແລະ ຈຸດ​ທີ​ສອງ​ຢູ່​ສຸດ​ເຂດ​ບ້ານ​ຊຽງ​ຄວນ ເຊິ່ງ​ສອງ​ຈຸດ​ເປັນ​ຈຸດ​ທີ່​ສຳຄັນ ໃນ​ການ​ລົງ​ຄັ້ງ​ນີ້ ແມ່ນ​ໄດ້​ເອົາ​ເຈົ້າ​ຂອງ​ບໍລິສັດ​ກໍ່ສ້າງ​ຂົວ​ທາງ​ລົງ​ໄປ​ພ້ອມ ເພື່ອ​ປະ​ເມີນ​ລາຄາ​ມູນ​ຄ່າ​ການ​ສ້ອມແປງ ປັດຈຸບັນ​ແມ່ນ​ຢູ່​ໃນ​ໄລຍະ​ກຳລັງ​ເລີ່ມ​ລົງມື​ກໍ່ສ້າງ ນອກຈາກ​ນັ້ນ ທາງ​ຫ້ອງການ ​ຍທຂ ເມືອງ ​ແມ່ນ​ໄດ້​ລົງມື​ສ້ອມແປງ​ເສັ້ນທາງ​ແຕ່ 3 ແຍກ​ບ້ານ​ຊຽງ​ຄວນ ຫາ​ບ້ານ​ໜອງ​ແປນ​ໃຕ້ ມີ​ຄວາມ​ຍາວ 4 ກິໂລແມັດ ມູນ​ຄ່າ​ສ້ອມແປງ 25 ລ້ານ​ກີບ ແລະ ເສັ້ນທາງ​ແຕ່​ບ້ານ​ສາລະ​ຄຳ ຫາ​ບ້ານ​ສະຫວ່າງ ມີ​ຄວາມ​ຍາວ 4,8 ກິໂລແມັດ ມູນ​ຄ່າ 28 ລ້ານ​ກີບ ແມ່ນ​ໄດ້​ສຳເລັດ​ແລ້ວ ໂດຍ​ທຶນ​ລະດົມ​ຈາກ​ບໍລິສັດ ແລະ ພໍ່ແມ່ປະຊາຊົນ.

                                                                                            ຂໍ້ມູນຈາກໜັງສືພິມວຽງຈັນໃໝ່, ສະບັບລົງວັນທີ 09 ມິຖຸນາ 2014

ຄືບໜ້າຂອງໂຄງການ ກໍ່ສ້າງທາງ ປາກລາຍ-ພູດູ່

ຮູບເສັ້ນທາງປາກລາຍ-ພູດູ່

ຮູບດ່ານກວດຄົນເຂົ້າເມືອງ

ເສັ້ນທາງສາມແຍກ STA.0+000

ຮູບຕົ້ນໄມ້ຢູ່ດ່ານ

  ໂຄງການດັ່ງກ່າວແມ່ນ ໄດ້ຮັບທຶນສະໜັບສະໜູນຈາກ ສຳນັກງານຄວາມຮວ່ມມືພັດທະນາເສດຖະກິດເພື່ອນ ບ້ານ (NEDA) ແຫ່ງລາດສະອານາຈັກໄທ, ໃນມູນຄ່າ 718 ລ້ານບາດໄທ, ເຊີ່ງໃນນັ້ນແບ່ງເປັນ ທຶນຊ່ວຍເຫຼືອລ້າ 20% ເທົ່າກັບ 143,6 ລ້ານບາດ ແລະ ທຶນກູ້ຢືມ ດອກເບຍຕ່ຳ 80% ເທົ່າກັບ 574,4 ລ້ານບາດ.

- ລວງຍາວຂອງທາງ 27,99 km ແລະ ກໍ່ສ້າງທາງຊອຍ ເຂົ້າບ້ານບວມເລົາ ແລະ ບ້ານຜາແກ້ວ ມີຄວາມຍາວ 4,21 km ລວມທັງໝົດມີຄວາມຍາວ 32,20 km.

- ກໍ່ສ້າງດ່ານເຂົ້າ-ອອກເມືອງສາກົນ ແຫ່ງໃໝ່ ທີ່ຊາຍແດນລາວ 1 ແຫ່ງ.

- ເສັ້ນທາງດັ່ງກ່າວແມ່ນໄດ້ກໍ່ສ້າງຂົວ 5 ແຫ່ງ ມີຄວາມຍາວ 174m.

                  ມາຮອດປະຈຸບັນເສັ້ນທາງປູຢາງໄດ້ 27 km.

- ການກໍ່ສ້າງ ອາຄານດ່ານແມ່ນ ໄດ້ມີການກໍ່ສ້າງ ທຸກອາຄານຕາມແບບ ແລະ ແຜນການ. ຖ້າທຽບໃສ່ເປີເຊັນຄວາມຄືບໜ້າຂອງວຽກ ຕາມແຜນການແມ່ນ 98.17%, ແຕ່ປະຕິບັດຕົວຈິງໄດ້100%,

ລື່ນແຜນການ 1.83%.

 

ຄວາມຄືບໜ້າໂຄງການກໍ່ສ້າງຂົວມິດຕະພາບລາວŒ-ມຽນມາ ຫລາຍກວ່າ 70%

ໂຄງ­ການ​ກໍ່­ສ້າງ​ຂົວ​ມິດ­ຕະ­ພາບ​ລາວŒ-ມຽນ​ມາ ມີ​ຄວາມ​ຄືບ​ໜ້າ​ຢ່າງ​ຕໍ່​ເນື່ອງ​ໂດຍ​ສະ­ເພາະ​ໂຕ​ຂົວ ມາ​ຮອດ​ປະ­ຈຸ ບັນ​ສຳ­ເລັດ​ແລ້ວ 75% ໃນ​ນີ້ ເບື້ອງ​ລາວ​ໄດ້ 70% ສ່ວນ​ເບື້ອງ​ມຽນ​ມາ​ໄດ້ 81%.

ທ່ານ ໄຊ​ສົງ­ຄາມ ມະ­ໂນ​ທຳ ຫົວ­ໜ້າ​ໂຄງ­ການ​ກໍ່­ສ້າງ​ຂົວ​ມິດ­ຕະ­ພາບŒລາວ-ມຽນມາ ເປີດ­ເຜີຍ​ຕໍ່​ທີມ​ຂ່າວ​ເສດ­ຖະ­ກິດ​ຜ່ານ​ໂທລະ­ສັບ​ຮູ້​ວ່າ: ມາ​ຮອດ​ທ້າຍ​ເດືອນພຶດ­ສະ­ພາ 2014 ໂຄງ­ການ​ກໍ່­ສ້າງ​ຂົວ​ມິດ­ຕະ­ພາບລາວ-Œມຽນ​ມາ ມີ​ຄວາມ​ຄືບ​ໜ້າ​ສະ­ເລ່ຍ​ໄດ້ 75% ສຳ­ລັບ​ເບື້ອງ​ລາວ​ແມ່ນ​ສຳ­ເລັດ​ການ​ກໍ່­ສ້າງ​ເຂັມ​ຮາກ​ຖານ ແລະ ຕີນ​ເສົາ​ທັງ​ໝົດ 7 ເສົາ ເທົ່າ​ກັບ 100% ກໍ່­ສ້າງ​ຄີງ​ເສົາ​ໄດ້ 6 ເສົາ​ໃນ​ຈຳ­ນວນ​ທັງ​ໜົດ 7 ເສົາ ເທົ່າ​ກັບ 86% ຜະ­ລິດ​ຂາງ​ເບ​ຕົງ​ເສີມ​ເຫຼັກ​ໄດ້ 28 ຂາງ ໃນ​ຈຳ­ນວນ​ທັງ​ໝົດ 36 ຂາງ ເທົ່າ​ກັບ 77,78% ສ່ວນ­ວ່າ​ທີ່​ຍັງ​ເຫຼືອ​ແມ່ນ​ຈະ​ໃຫ້​ສຳ­ເລັດ​ໃນ​ເດືອນ​ມິ­ຖຸ­ນາ 2014 ນອກ​ນັ້ນ ຍັງ​ໄດ້​ປະ­ກອບ​ຂາງ​ຂົວ​ເຫຼັກ​ຮ່ວມ​ກັບ​ຝ່າຍ​ມຽນ​ມາ ຊຶ່ງ​ສາ­ມາດ​ຕິດ​ຕັ້ງ​ສຳ­ເລັດ​ແລ້ວ 1 ຊ່ວງ​ຍາວ 120 ແມັດ ໂດຍ​ລວມ​ແລ້ວ​ເບື້ອງ​ລາວ​ສຳ­ເລັດ​ແລ້ວ 70% ແລະ ເບື້ອງ​ມຽນ​ມາ​ສຳ­ເລັດ​ແລ້ວ​ທັງ​ໝົດ 81% ຕິດ​ຕັ້ງ​ຂາງ​ເບ​ຕົງ​ເສີມ​ເຫຼັກ​ໄດ້ 4 ຊ່ວງ​ໃນ​ຈຳ­ນວນ​ທັງ​ໝົດ 6 ຊ່ວງ ແລະ ຜະ­ລິດ​ແຜ່ນ​ເບ​ຕົງ​ໜ້າ​ຂົວ​ອີກ​ຈຳ­ນວນ​ໜຶ່ງ.

ສ່ວນ​ແຜນ­ການ​ໃນ​ເດືອນ​ມິ­ຖຸ­ນາ​ນີ້ ທາງ​ໂຄງ­ການແມ່ນ​ຈະ​ໄດ້​ສຸມ​ໃສ່​ການ​ກໍ່­ສ້າງ​ເສົາ​ສຸດ​ທ້າຍ​ໃຫ້​ສຳ­ເລັດ​ ກ່ອນ​ລະ­ດັບ​ນ້ຳ​ຈະ​ສູງ​ຂຶ້ນ ແລະ ຕິດ​ຕັ້ງ​ຂາງ​ເບ​ຕົງ​ເສີມ​ເຫຼັກ​ໃຫ້​ສຳ­ເລັດ 2 ຊ້ວງ ເບື້ອງ​ລາວ​ຈະ​ເລີ່ມ​ຜະ­ລິດ​ແຜ່ນ​ເບ​ຕົງ​ໜ້າ​ຂົວ ສ່ວນ​ເບື້ອງ​ມຽນ​ມາ​ວຽກ​ຜະ­ລິດ​ແຜ່ນ​ເບ​ຕົງ​ໜ້າ​ຂົວ​ນີ້​ຈະ​ໃຫ້​ສຳ­ເລັດ 100% ຂະ­ນະ​ທີ່ຫົວ­ໜ້າ​ໂຄງ­ການ​ເຊື່ອ​ໜັ້ນ​ວ່າ​ພາຍ​ໃຕ້​ການ​ຊີ້​ນຳ​ຂອງ​ຄະ­ນະ​ພັກ ​ແຂວງ​ຫຼວງ​ນ້ຳ​ທາ ແລະ ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ ເວົ້າ​ສະ­ເພາະ​ກົມ​ຂົວ​ທາງໂຄງ­ການ​ກໍ່­ສ້າງ​ຂົວ​ມິດ­ຕະ­ພາບ​ລາວ-ມຽນ​ມາ ​ຈະ​ສຳ­ເລັດ ແລະ ສາ­ມາດ​ເປີດ​ນຳ​ໃຊ້​ຕາມ​ແຜນ­ການ.

ໂຄງ­ການ​ນີ້​ແມ່ນ​ໂຄງ­ການ​ຮ່ວມ​ມື​ລະຫວ່າງ​ລັດ­ຖະ­ບານ ສປປ ລາວ ແລະ ສສ ມຽນ​ມາ ເປັນ​ໂຄງ­ການ​ທີ່​ຂຶ້ນ​ກັບ​ກົມ​ຂົວ ທາງ​, ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງມີ​ມູນ​ຄ່າ 26 ລ້ານ​ໂດ​ລາ (ສະ­ເພາະ​ຂົວ) ຊຶ່ງ​​ນຳ​ໃຊ້​ງົບ­ປະ­ມານ​ພາຍໃນ​ ​ຂອງ​ລັດ­ຖະ­ບານ​ລາວ ແລະ ມຽນມາ ຝ່າຍລະ​ເຄິ່ງ ຊຶ່ງ​ມີ​ທີ່​ຕັ້ງ​ຢູ່​ບ້ານ​ຫ້ວຍ​ກຸ່ມຫ່າງ​ຈາກ​ບ້ານ​ຊຽງ​ກົກ​ໄປ​ທາງ​ທິດ​ ເໝືອປະ­ມານ 15 ກິ­ໂລ­ແມັດ ຂຶ້ນ​ກັບ​ເມືອງ​ລອງ ແຂວງ​ຫຼວງ​ນ້ຳ​ທາ ສປປ ລາວ ແລະ ປະ­ມານ 500 ແມັດ ທາງ​ໃຕ້​ຂອງ​ບ້ານ​ຊຽງ​ລາບ ເມືອງ​ທ່າ​ຂີ້­ເຫຼັກ ລັດ​ສານ ສສ ມຽນ​ມາ ຄວາມ​ຍາວ​ຂອງ​ຂົວ​ມີ​ທັງ​ໝົດ 691,6 ແມັດ ກວ້າງ 10,9 ແມັດ ມີ​ 2 ຊ່ອງທາງ ຈະລາຈອນ ກວ້າງ 8,5 ແມັດ ທາງ​ຍ່າງ 2 ເບື້ອງ ເບື້ອງ​ລະ 1,2 ແມັດ ເປັນ​ຂົວ​ທີ່​ມີ​ຂາງ​ປະ­ສົມ ຊຶ່​ງ​ມີ​ຂາງ​ເຫຼັກ​ຍາວ 360 ແມັດ ສູງ 12 ແມັດ ຢູ່​ທາງ​ກາງ (ຢູ່​ວັງ) ແລະ ຂາງ​ເບ​ຕົງ​ອັດ​ແຂງ ຍາວ 330 ແມັດ ຢູ່​ທາງ​ຝັ່ງ ໃນ​ນີ້ ເບື້ອງ​ລາວ​ຮັບ­ຜິດ­ຊອບ​ແມ່ນ 330,8 ແມັດ ແລະ ຝ່າຍ​ມຽນ​ມາ​ຮັບ­ຜິດ­ຊອບ 360,8 ແມັດ.

ໂດຍ​ບໍ­ລິ­ສັດ​ປະ­ສົມ​ລາວ​ຮ່ວມ​ກໍ່­ສ້າງ​ຈຳ­ກັດ ເປັນ​ຜູ້​ຮັບ​ເໝົາ​ກໍ່­ສ້າງ​ເບື້ອງ​ລາວ ແລະ ເບື້ອງ​ມຽນ​ມາ​ແມ່ນກອງ​ກໍ່­ສ້າງ​ຂົວ​ເລກ 9 ຂອງ​ກະ­ຊວງ​ກໍ່­ສ້າງ ສສ ມຽນ​ມາ ໂດຍ​ແຜນ​ເບື້ອງ​ຕົ້ນ​ໃຊ້​ໄລ­ຍະ​ເວ­ລາປະ­ຕິ­ບັດ 30 ເດືອນ ແຕ່​ມີ​ການ​ດັດ­ແກ້​ໃໝ່ໃຫ້​ສຳ­ເລັດ​ກ່ອນ​ແຜນ­ການ 5 ເດືອນ ຄື​ໃຫ້​ສຳ­ເລັດ​ໃນ​ເດືອນ​ມີ­ນາ 2015 ທີ່​ໄດ້​ເລີ່ມກໍ່ສ້າງ​ມາ​ແຕ່​ວັນ​ທີ 16 ກຸມ­ພາ 2013 ເປັນ­ຕົ້ນ​ມາ.

                                                                 ຂໍ້ມູນຈາກໜັງສືພິມ: ເສດຖະກິດ-ສັງຄົມ, ສະບັບລົງວັນທີ 04 ມິຖຸນາ 2014

Additional information