ຂ່າວຕ່າງແຂວງ

ຄວາມຄືບໜ້າໂຄງການປັບປຸງເສັ້ນ ທາງເລກ 9 ແຂວງສະຫວັນນະເຂດ

ໂຄງ­ການ​ປັບ­ປຸງ​ເສັ້ນ­ທາງ​ ເລກ 9 ແຂວງ​ສະ­ຫວັນ​ນະ​ເຂດ ພາຍ­ຫຼັງ​ເລີ່ມລົງ­ມື​ກໍ່­ສ້າງ​ມາ​ແຕ່​ປີ 2012 ເປັນ­ຕົ້ນ​ມາປະ­ຈຸ​ບັນຫົວ­ໜ້າ​ໂຄງ­ການ​ໃຫ້​ຮູ້​ວ່າ: ສຳເລັດ​ກາຍ​ແລ້ວ 80% ຂອງ​ໜ້າ​ວຽກທັງ​ໝົດ.

   ທ່ານ ວຽງ​ວິ­ໄລ ສຸ­ລິນ­ທອນ ຫົວ­ໜ້າໂຄງ­ການ​ໃຫ້​ຮູ້​ວ່າ: ໂຄງ­ການ​ປັບ­ປຸງ​ເສັ້ນທາງ​ເລກ 9 ແຂວງ​ສະ­ຫວັນ​ນະ​ເຂດ ໄດ້ ຈັດ​ຕັ້ງ​ປະ­ຕິ­ບັດ​ວຽກ​ຍົກ​ລະ­ດັບ​ໜ້າ​ທາງໃຫ້​ສາ­ມາດ​ຮັບ​ນ້ຳ­ໜັກ​ໄດ້ 11 ໂຕນ​ຕໍ່​ເພົາຈາກ​ເມື່ອ​ກ່ອນ 9 ໂຕນ​ຕໍ່​ເພົາ ຊຶ່ງມີ​ຄວາມ​ຍາວ​ທັງ​ໝົດ 58 ກິ­ໂລ­ແມັດ ຊຶ່ງ​ໄດ້​ຮັບ​ທຶນ​ຊ່ວຍ­ເຫຼືອ​ລ້າ​ຈາກ​ລັດ​ຖະບານ​ຍີ່­ປຸ່ນ​ມີ​ມູນ​ຄ່າ​ສັນ­ຍາ 2,18 ຕື້​ກວ່າເຢັນ (ສະ­ກຸນ​ເງິນ​ຍີ່­ປຸ່ນ) ຊຶ່ງ​ໄດ້​ເຊັນສັນ­ຍາ​ໃນ​ວັນ​ທີ 26 ເມ­ສາ 2012 ກັບ​ບໍລິ​ສັດ​ໂອ​ບາ​ຢາ​ຊິŒ-ໂອ​ບາ​ຢາ​ຊິ​ໂລດ​ຈອຍເລັນ​ເຈີ້, ຜ່ານ​ການ​ຈັດຕັ້ງປະຕິບັດ​ຮອດ​ເດືອນພຶດ­ສະ­ພາ 2014 ແມ່ນ​ປະ­ຕິ­ບັດ​ໜ້າ​ວຽກໄດ້ 82,32% ຊຶ່ງ​ຈະ​ໃຫ້​ໂຄງ­ການ ດັ່ງກ່າວສຳ­ເລັດໃນ​ວັນ​ທີ 26 ມີ­ນາ 2015. 

   ທ່ານ ວຽງ​ວິ­ໄລ ສຸ­ລິນ­ທອນ ກ່າວ​ຕື່ມ ອີ​ກວ່າ: ໃນ​ເດືອນ​ນີ້ ແມ່ນ​ໄດ້​​ຂໍ​ສະເໜີ​ອະ­ນຸ­ມັດ​ນຳ​ເຂົ້າ​ຖາ­ວອນ​ຊົ່ວ­ຄາວພ້ອມ​ທັງ​ ຍົກ­ເວັ້ນ​ພາ­ສີ, ອາ­ກອນ ແລະ ຄ່າ​ທຳ­ນຽມ​ຕ່າງໆ ສຳ­ລັບ​ວັດ​ສະ​ດຸ​ອຸ­ປະກອນ​ການ​ກໍ່­ສ້າງ ແລະ ພາ­ຫະ­ນະກົນ​ຈັກ​ ທີ່​ຈະ​ນຳ​ໃຊ້​ໃນ​ໂຄງ­ການ​ຕາມ​ແຜນ­ທີ່​ໄດ້ຮັບ​ຈາກ​ຂັ້ນ​ ເທິງ​ໃນ​ເບື້ອງ​ຕົ້ນ, ນອກຈາກນັ້ນ​ຍັງ​ໄດ້​ສົມ­ທົບ​ກັບ​ອຳ­ນາດ​ການປົກ­ຄອງ​ທ້ອງ­ຖິ່ນ ແລະ ພາກ­ສ່ວນ​ກ່ຽວຂ້ອງ​ເພື່ອ​ລົງ​ໄປ​ໄກ່​ເກ່ຍ​ສິ່ງ​ກີດ­ຂວາງ ອອກ​ຈາກ​ເຂດ​ການ​ກໍ່­ສ້າງ. 

   ສ່ວນ​ບໍ­ລິ­ສັດ​ຮັບ​ເໝົາ​ໄດ້​ສືບ­ຕໍ່​ດຳເນີນ​ການ​ຜະ­ລິດ​ຫີນ​ຢູ່​ກິ­ໂລ­ແມັດ 138+500 ບ້ານ​ສະ​ລອບ ເມືອງ​ພີນ ແຂວງ​ສະ­ຫວັນ​ນະ​ເຂດ ເພື່ອ​ຮັບ​ໃຊ້​ເຂົ້າໃນ​ການ​ກໍ່­ສ້າງ​ທາງ​ໄລ­ຍະ​ທີ 2 ສືບຕໍ່​ກັບ​ບໍ­ລິ­ສັດ​ທີ່​ປຶກ­ສາ​ໂຄງ­ການ ເພື່ອ​ຕິດຕາມ​ກວດ­ກາ​ການ­ຈັດ­ຕັ້ງ​ປະ­ຕິ­ບັດ​ວຽກໃນ​ເດືອນ​ພຶດ­ສະ­ພາ 2014 ຂອງ​ຜູ້​ຮັບເໝົາ​ຊຶ່ງ​ມີ​ບັນ­ດາ​ໜ້າ​ວຽກ​ທີ່​ດຳ­ເນີນການ​ກໍ່­ສ້າງ​ຊັ້ນ​ພື້ນ ​ທາງ 8,8 ກິ­ໂລ­ແມັດ, ປູ​ຢາງ​ອັສ​ຟານ​ຊັ້ນ 1 ໃຫ້​ໄດ້ 13,5 ກິ­ໂລ­ແມັດ, ປູ​ຢາງ​ອັສ​ຟານ​ຊັ້ນ 2 ໃຫ້​ໄດ້ 10,2 ກິ­ໂລ­ແມັດ, ກໍ່­ສ້າງ​ຮ່ອງ​ລະ­ບາຍນ້ຳສອງ​ຂ້າງ​ທາງ​ດ້ວຍ​ເບ​ຕົງ​ໃຫ້​ໄດ້ 7,2 ກິ­ໂລ­ແມັດ, ກໍ່­ສ້າງ​ທໍ່​ລະ­ບາຍ ນ້ຳ 5 ຈຸດ, ສືບ­ຕໍ່​ຖົມ​ບ່າ​ທາງ ແລະ ໄດ້​ຂີດ​ເສັ້ນ​ແບ່ງ​ເລນ​ກາງ​ພ້ອມ​ຕິດ​ຕັ້ງຫຼັກ​ກັນ​ຕົກ ແລະ ຫຼັກ​ກິ­ໂລ­ແມັດ.

   ນອກ­ຈາກ​ນັ້ນ​ທາງ​ບໍ­ລິ­ສັດໂອ​ບາ​ຢາຊິŒ-ໂອ​ບາ​ຢາ​ຊິ​ໂລດ​ຈອຍ​ເລັນ​ເຈີ້ ຍັງ​ໄດ້ສືບ­ຕໍ່​ສົມ­ທົບ​ກັບ​ພາກ­ສ່ວນ​ຮັບ­ຜິດ­ຊອບຕິດ​ຊັ່ງ​ນ້ຳ­ໜັກ​ຢູ່​ດົງ​ເຫັນ ເພື່ອ​ຕິດຕາມການ​ຊັ່ງ​ນ້ຳ­ໜັກ ແລະ ເກັບ​ກຳ​ຂໍ້​ມູນ​ລົດບັນ­ທຸກ​ຜ່ານ​ທາງ​ເລກ 9 ເພື່ອ​ສະ­ເໜີ​ໃຫ້ພະ​ແນກ ຍທຂ ແຂວງ​ສະ­ຫວັນ​ນະ​ເຂດຮູ້​ຕື່ມ​ອີກ.

                                                                                 ຂໍ້ມູນຈາກໜັງສືພິມ: ເສດຖະກິດ-ສັງຄົມ, ສະບັບລົງວັນທີ 02 ມິຖຸນາ 2014

ຄວາມຄືບໜ້າຂອງໂຄງການກໍ່ສ້າງ ຂົວຂ້າມນໍ້າຂອງເມືອງປາກແບງ ແຂວງອຸດົມໄຊ

 

  ໂຄງການກໍ່ສ້າງຂົວຂ້າມນໍ້າຂອງ​ເມືອງປາກແບງ ແຂວງອຸດົມໄຊ ຫາ ເມືອງເງິນ ແຂວງໄຊຍະບູລີ. ​ໂຄງການ​ດັ່ງ​ກ່າວໄດ້ເຊັນສັນຍາ ໃນວັນທີ 18 ສິງຫາ 2011 ໄລຍະການກໍ່ສ້າງ 36 ເດືອນ; ຊຶ່ງເລີ່ມຕົ້ນ ປະຕິບັດວຽກໃນວັນທີ 23 ທັນວາ 2012 ​ແລະ ໄດ້ມີການດັດແກ້ໃໝ່ 28 ເດືອນ; ສໍາເລັດໂຄງການກໍ່ສ້າງ ໃນວັນທີ 22 ມີນາ 2015 ໃນມູນຄ່າການກໍ່ສ້າງທັງໝົດ 30,899,554 ໂດລາສະຫະລັດ ​ເຊິ່ງເປັນທືນກູ້ຢືມ ພິເສດຈາກ ທະນາຄານ EXIM BANK ຈາກ ສປ ຈີນ 95% ແລະລັດຖະບານລາວສົມທົບ 5%, ໂຄງການກໍ່ສ້າງດັ່ງກ່າວໄດ້ມອບໃຫ້ ບໍລິສັດ ຂົວທາງ ຈາກ ສປ ຈີນ (CRBC) ເປັນຜູ້ຮັບເໝົາການກໍ່ສ້າງ.

      ໜ້າວຽກທີ່ປະຕິບັດໄດ້ໃນ ເດືອນ ເມສາ 2014 ​ເຊິ່ງມີ​ລາຍ​ລະອຽດ​ດັ່ງ​ນີ້:

ການຈັດ​ຕັ້ງ​ປະຕິບັດ​ໜ້າ​ວຽກ​ຕ່າງໆ​ມາ​ຮອດ​ ເດືອນ 4/2014 ສາມາດ​ສັງ​ລວມຜົນສຳ​ເລັດ​​ໄດ້​ດັ່ງ​ນີ້:

- ວຽກເບຕົງເສົາຂົວ, ແຜ່ນເບຕົງທາງຍ່າງ ແລະວຽກດິນຈໍານວນໜຶ່ງ ໃນການຈັດຕັ້ງປະຕິບັດໃນ ໄລຍະ 16 ເດືອນ ຜ່ານມາຂອງໂຄງການ ທຽບກັບແຜນການລວມສາມາດປະຕິບັດໄດ້ດັ່ງ​ນີ້: ວຽກຕົວຈິງທັງໝົດ 44,36% ຖ້າທຽບໃສ່ແຜນການ (ແຜນດັດແກ້) ຂອງໂຄງການ 6 ເດືອນຕົ້ນປີ 2013-2014 ຍັງລຸດຄາດ ໝາຍ -4,28%, ສ່ວນໂຄງສ້າງພາກສ່ວນລຸ່ມປະຕິບັດໄດ້ 82,01%.

      ໃນການຈັດຕັ້ງປະຕິບັດຂອງໂຄງການ ໄດ້ມີການຕິດຕາມ, ການຊຸກຍູ້ຈາກຂັ້ນສູນກາງກໍ່ຄື: ກະ ຊວງ ຍທຂ, ສອງແຂວງ, ສອງເມືອງ ແລະອໍານາດການປົກຄອງຂັ້ນທ້ອງຖິ່ນ ຢ່າງສະໝໍ່າສະເໝີ, ຄຽງຄູ່ກັບຂໍ້ ສະດວກນັ້ນ ການປະຕິບັດໂຄງການຍັງພົບຄວາມຫຍຸ້ງຍາກຢູ່ບາງປະການເຊັ່ນ: ການ ປະສານງານໃຫ້ ຄວາມ ຮ່ວມມື ທາງດ້ານເອກະສານຕ່າງໆ ຂອງຜູ້ຮັບເໝົາຍັງຊັກຊ້າ, ຄ່າຊົດເຊີຍ ຕໍ່ຜູ້ທີ່ຖືກຜົນກະທົບຂອງໂຄງການ, ພາຫະນະຮັບໃຊ້ວຽກໂຄງການ ແລະການໂອນເງິນບ້ວງບໍລິ ຫານຂອງໂຄງການກໍ່ສ້າງ.

      ສໍາລັບແຜນວຽກທີ່ຈະຕ້ອງປະຕິບັດໃນ 6ເດືອນ ທ້າຍປີ (ງວດ 3 ແລະງວດ 4) ສົກປີ 2013-2014, ແຜນການລວມຂອງໂຄງການສົກປີ 2013-2014 ຄາດໝາຍໃຫ້ໄດ້ 75%, ສໍາລັບແຜນປະຕິບັດວຽກ ໃນເດືອນສະເລ່ຍຕໍ່ເດືອນແມ່ນໄດ້ 5,1%.

 

ພິທີມອບບັດໃຫ້ສະມາຊິກພັກສົມບູນຊຸດທີ I ຂອງພະແນກ ໂຍທາທິການ ແລະ ຂົນສົ່ງ ແຂວງເຊກອງ

  

   ໃນ​ຕອນ​ແລງ​ຂອງ​ວັນ​ທີ 7 ພຶດ​ສະພາ 2014 ​ໄດ້​ຈັດ​ພິທີ​ມອບ​ບັດ​ສະມາຊິກ​ພັກສົມບູນ ຊຸດ​ທີI: ມີ​ສະມາຊິກ​ພັກສົມບູນ 30 ສະຫາຍ, ຍິງ 3 ສະຫາຍ. ​ໂດຍ​ໃຫ້ກຽດ​ເຂົ້າ​ຮ່ວມ​ຂອງ​ສະຫາຍ ລ້ຽງ ຄຳ​ພູນ ຄະນະ​ປະຈຳ​ພັກແຂວງ, ຮອງ​ເຈົ້າ​ແຂວງ-​ແຂວງ​ເຊ​ກອງ; ມີ​ຄະນະ​ກວດກາ​ພັກ-​ລັດ​ແຂວງ, ຂະ​ແໜງກໍ່ສ້າງ​ພັກ ພ້ອມ​ດ້ວຍ​ສະມາຊິກ​ພັກ​ສົມບູນ ​ແລະ ມະຫາຊົນ​ກ້າວໜ້າ ຈຳນວນ 43 ສະຫາຍ ​ເຂົ້າ​ຮ່ວມ. ການ​ມອບ​ບັດ​ເທື່ອ​ນີ້​ຍັງ​ມີ​ຂີດໝາຍສຳ​ຄັນ​ ​ແລະ ​ເປັນປະຫວັດ​ຊາດ​ຂອງໜ່ວຍພັກ ​ແລະ​ສະມາຊິກ​ພັກພະ​ແນ​ກ ​ໂຍງ​ທາ​ທິການ ​ແລະ ຂົນ​ສົ່ງ ​ແຂວງ​ເຊກອງ.

​      ໃນ​ນັ້ນ​ໂອກາດ​ດັ່ງ​ກ່າວສະຫາຍ ລ້ຽງ ຄຳ​ພູນ ກໍ່​ໄດ້​ໃຫ້ກຽດ​ໂອ້​ລົມ​ເພື່ອ​ເປັນ​ການ​ຊີ້​ທິດ​ເຍືອງ​ທາງ​ໃຫ້​ແກ່ໜ່ວຍພັກ ​ໂດຍ​ທ່ານ​ໄດ້​ຍົກ​ໃຫ້​ເຫັນ​ຄວາມໝາຍອັນ​ສຳຄັນ​ໃນ​ການ​ນຳ​ໃຊ້​ບັດຂອງ​ສະມາຊິກ​ພັກ​ສົມບູນ, ພ້ອມ​ກັນ​ນັ້ນ​ສະຫາຍ​ຍັງ​ໄດ້​ຮຽກຮ້ອງ​ໃຫ້​ສະມາຊິກ​ພັກ​ທັງໝົດຕັ້ງໜ້າຝຶກ​ຝົນຫຼໍ່ຫຼອມ ຕົນ​ເອງ ​ໃຫ້​ມີ​ຄວາມ​ຈົ່ງ​ຮັກ​ພັກດີ​ຕໍ່​ພັກ ​ແລະ ລັດ, ​ເອກະ​ພາບ​ກັບ​​ແນວທາງ​ການ​ປ່ຽນ​ແປງ​ໃໝ່ ຂອງ​ພັກ​ຢ່າງ​ມີຫຼັກການ, ສຸມ​ໃສ່​ກໍ່ສ້າງ​ພັກ​ໃຫ້​ໜັກ​ແໜ້ນ​ເຂັ້ມ​ແຂງ ທາງ​ດ້ານ​ປະລິມານ ​ແລະ ຄຸນ​ນນະພາ​ບ ນຳພາ​ຢູ່​​ໃນ​ຂົງ​ເຂດ​ຖັນ​ແຖວ​ຂອງ​ຕົນ.

     ສືບ​ຕໍ່​ກໍ່ສ້າງ​ແຜນກາ​ນສ້າງໜ່ວຍພັກ​​ເຂັ້ມແຂງ-ຮູ້​ນຳພາ​ຮອບດ້ານ ​ໃຫ້​ໄດ້ຮັບຮອງ​ເຮັດ​ວຽກກວດກາ​ພັກ, ກວດກາ​ລັດ ​ແລະ ວຽກງານ​ປ້ອງ​ກັນ​ພັກ, ພະນັກງານ ​ໃຫ້​ໄດ້​ດີ ​ເວົ້າ​ລວມ​ແລ້ວ​ແມ່ນ​ອອກ​ແຮງ​ຜັນ​ຂະ​ຫາຍ ມະຕິ IX ຂອງ​ສູນ​ກາງ​ພັກ​ວາງ​ອອກ, ​ເວ້າສະ​ເພາະ​ມະຕິ​ກອງ​ປະຊຸມ​ໃຫ່ຍ ຂອງ​ອົງຄະ​ນະ​ພັກ​ແຂວງ ຄັ້ງ​ທີ VIII​ ໃຫ້​ເກີດ​ດອກ​ອອກ​ຜົນ​ເປັນ​ຢ່າງ​ດີ.

 

ໂຄງການປັບປຸງສະໜາມບິນສາກົນປາກເຊໄລຍະສອງ

 

   ໂຄງການປັບປຸງສະໜາມບິນສາກົນປາກເຊໄລຍະສອງ ແມ່ນໂຄງການສືບຕໍ່ ເພື່ອປັບປຸງສະໜາມບິນສາ ກົນ ໃຫ້ໄດ້ມາດຕະຖານຄວາມປອດໄພ ແລະຮັກສາຄວາມປອດໄພຂອງສະໜາມບິນ ຂອງອົງການການ ບິນພົນລະເຮືອນສາກົນ, ເພື່ອຜັນຂະຫຍາຍແຜນພັດທະນາ ເສດຖະກິດ-ສັງຄົມ ຂອງລັດຖະ ບານ ສປປ ລາວ ຈາກປະເທດທີ່ບໍ່ມີຊາຍແດນຕິດກັບທະເລ, ເປັນປະເທດທາງຜ່ານ ແລະມຸ້ງໜັ້ນ ປະກອບສວນສ້າງເງື່ອນ​ໄຂ ນໍາພາປະເທດຫລຸດພົ້ນ ອອກຈາກປະເທດດ້ອຍພັດທະນາໃນປີ 2020.

  ​  ເພື່ອປັບປຸງສິ່ງອໍານວຍຄວາມສະດວກຕ່າງໆ ໃຫ້ໄດ້ຕາມມາດຕະຖານຄວາມປອດໄພ ແລະຮັກສາຄວາມ ປອດໄພສະໜາມບິນ ຂອງອົງການການບິນພົນລະເຮືອນສາກົນ.

   ໂຄງການປັບປຸງສະໜາມບິນສາກົນປາກເຊໄລຍະສອງ ໂດຍແມ່ນ ກົມການບິນພົນລະເຮືອນ, ກະຊວງ ໂຍທາທິການ ແລະຂົນສົ່ງ ເປັນເຈົ້າຂອງໂຄງການ, ໄດ້ມອບໃຫ້ ກົມການບິນພົນລະເຮືອນ ຂອງໄທ ເປັນທີ່ປຶກສາ, ບໍລິສັດ ໄທວັດ ວິສະວະກອນທາງ ຈໍາກັດ ເປັນຜູ້ຮັບເໝົາການປັບປຸງສະໜາມບິນໃນຄັ້ງນີ້​, ຊຶ່ງ​ມີໄລຍະການກໍ່ສ້າງ 15 ເດືອນ, ແຫຼ່ງທືນຂອງໂຄງການ ແມ່ນກູ້ຢືມຈາກ ລາດຊະອານາຈັກໄທ (NEDA), ມູນຄ່າທັງ​ໝົດໃນການປັບປຸງແມ່ນ 184 ລ້ານບາດ.

    ການປະຕິບັດໂຄງການແຕ່ວັນທີ 1 ພືດສະພາ 2013 ເຖິງທ້າຍເດືອນ ມີນາ 2014 ວຽກທີ່ ປະຕິບັດສໍາເລັດ 62,64% ຕາມແຜນ 65,88%, ລຸດແຜນການ 3,24%, ລາຍລະອຽດດັ່ງນີ້: ວຽກກໍ່ສ້າງອູ່ສ້ອມແປງ ສະໜາມບິນມີຄວາມຄືບໜ້າ 6,34%, ວຽກກໍ່ສ້າງຫ້ອງການຂ່າວສານການບິນ 3,87%, ວຽກກໍ່ສ້າງ ບ່ອນຈອດລົດຫ້ອງການ 1,90%, ວຽກກໍ່ສ້າງທາງກິ້ງໃໝ່ 1,17%, ວຽກກໍ່ສ້າງຮ່ອງລະບາຍນໍ້າ ສາລັບລານ ຈອດເຮືອບິນໄດ້ 0,69%, ວຽກກໍ່ສ້າງຮ່ອງລະບາຍນໍ້າເບຕົງ 2,48%, ວຽກປັບປຸງອາຄານຜູ້ໂດຍສານ 5,41%, ວຽກກໍ່ສ້າງລານຈອດເຮືອບິນໄດ້ 6,79%, ວຽກປັບປຸງພູມມີທັດເຂດຫວງຫ້າມ ແລະເຂດສາທາລະ ນະ 0,83%, ວຽກກໍ່ສ້າງຮົ້ວອ້ອມສະໜາມບິນ 19,21%, ວຽກຕິດຕັ້ງຟິມໃສ່ແກ້ວອາຄານຜູ້ໂດຍສານ 1,94%, ວຽກກໍ່ສ້າງເຮືອນໄຟຟ້າສໍາຮອງ 0,39%, ວຽກສະໜອງລົດກະບະ 4 WD 2 ຄັນ 2,13%, ວຽກປັບປຸງຫ້ອງການກອງຄຸ້ມຄອງການຈາລະຈອນທາງອາກາດ 3,20%, ວຽກປັບປຸງຫຼັງຄາສະຖານີດັບເພີງ 0,97%, ວຽກຕິດຕັ້ງຕູ້ບັງຄັບໄຟ CCR ສໍາລັບລະບົບໄຟຟ້າຂອບທາງຂື້ນ-ລົງ 0,01%, ວຽກຕິດຕັ້ງ ດອກໄຟຂອບທາງກິ້ງ ແລະປ້າຍເຂົ້າອອກທາງກິ້ງ 0,06%, ວຽກຕິດຕັ້ງລະບົບຄອບຄຸມໄຟຟ້າສະໜາມບິນ 0,04%, ວຽກຂຸມພັກສາຍໄຟຟ້າ ແລະ ທໍ່ສາຍໄຟ 0,20%,  ຈັກໄຟຟ້າ ແລະປັບປຸງລະບົບໄຟຟ້າ 4,92%, ວຽກອະໄຫຼ່ສໍາຮອງສໍາລັບດອກໄຟສະໜາມບິນ 0,11%, ສ່ວນວຽກຕິດຕັ້ງປ້າຍສະໜາມບິນດ້ວຍລະບົບ ໄຟຟ້າ, ວຽກຕິດຕັ້ງຕູ້ບັງຄັບໄຟ CCR ສໍາລັບລະບົບດອກໄຟລົງເດີ່ນ, ວຽກຕິດຕັ້ງຕູ້ບັງຄັບໄຟສໍາລັບດອກໄຟ ບອກມູນລົງເດີ່ນ, ວຽກລະບົບສາຍດິນເຮືອບິນ, ວຽກຕິດຕັ້ງດອກໄຟເຍືອງລານຈອດເຮືອບິນ, ວຽກກໍ່ສ້າງທາງອ້ອມເດີ່ນບິນ ແລະວຽກແຕ້ມເສັ້ນ ຍັງບໍ່ທັນໄດ້ປະຕິບັດ 0,00%.

  ນອກຈາກນັ້ນຍັງມີແຜນວຽກທີ່ຈະປະຕິບັດໃນເດືອນຕໍ່ໄປເຊັ່ນ: ສືບຕໍ່ກໍ່ສ້າງຮົ້ວອ້ອມສະໜາມບິນ, ສືບຕໍ່ກໍ່ ສ້າງ ລານຈອດເຮືອບິນ, ກໍ່ສ້າງທາງກິ້ງ, ສືບຕໍ່ກໍ່ສ່າງທາງອ້ອມສະໜາມບິນ ແລະ ສືບຕໍ່ປະຕິບັດວຽກ ໄຟຟ້າສະໜາມບິນ. ພ້ອມດຽວກັນນັ້ນທາງໂຄງການປັບປຸງສະໜາມບິນປາກເຊໄລຍະສອງຍັງມີຂໍ້ສະເໜີໃນ ການ ຈັດຕັ້ງປະຕິບັດຄື: ຂໍອະນຸຍາດຕໍ່ສັນຍາທີປຶກສາໂຄງການ ເນື່ອງຈາກວ່າສັນຍາວ່າຈ້າງທີ່ປືກສາມີ ໄລຍະເວລາ 7 ເດືອນ, ສ່ວນສັນຍາຮັບເໝົາກໍ່ສ້າງແມ່ນມີໄລຍະເວລາ 15 ເດືອນ.

 

Additional information