ຂ່າວຕ່າງແຂວງ

ໂຄງການກໍ່ສ້າງທາງ 18 ອາ (ແຂວງ ຈໍາປາສັກ-ແຂວງ ອັດຕະປື)

ເພື່ອ​ເຮັດ​ໃຫ້​ແຜນ​ພັດທະນາ​ເສດຖະກິດ-​ສັງຄົມ​ ແຫ່ງ​ຊາດບັນລຸຜົນ​ສໍາ​ເລັດ​ຕາມ​ຄາດໝາຍ ທີ່​ວາງ​ໄວນັ້ນ, ການ​ບູລະ ນະ ​ແລະ ​ກໍ່ສ້າງ​ບັນດາ​ເສັ້ນທາ​ງຄົມມະນາຄົມ​ຂົນ​ສົ່ງ ​ແມ່ນ​ມີ​ຄວາມ​ຈໍາ​ເປັນ ​ໃນ​ການ​ພັດທະນາ​ຊີວິດ​ການ​ເປັນ​ຢູ່​ຂອງ​ພໍ່​ແມ່​ປະຊາຊົນ​ໃຫ້​ດີ​ຂຶ້ນ.

- ອີງຕາມຂໍ້ຕົກລົງຂອງທ່ານລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ, ສະບັບເລກທີ 2933/ຍທຂ, ລົງວັນທີ 22 ມີນາ 2010 ວ່າດ້ວຍການສ້າງຕັ້ງໂຄງການ ແລະ ການແຕ່ງຕັ້ງຄະນະຮັບ ຜິດຊອບໂຄງການກໍ່ສ້າງທາງ 18 ອາ ເລີ້ມແຕ່ ເມືອງປະທຸມພອນ ​ແຂວງ​ຈໍາປາ​ສັກ ຫາ ເມືອງສາມັກຄີໄຊ ​ແຂວງ​ອັດ​ຕະປື ຄວາມ​ຍາວ 106.17 ກມ.

- ອີງຕາມສັນຍາວ່າດ້ວຍການກໍ່ສ້າງເສັ້ນທາງ 18 ອາ ຄັ້ງວັນທີ 21 ມິຖຸນາ 2012 ລະຫວ່າງ ບໍລິສັດຊິໂນລາວ ອາລູມິນຽມ ຄໍປໍເລເຊີນ ຈໍາກັດ ກັບ ແຂວງ ຈຳປາສັກ ແລະ ແຂວງ ອັດຕະປື ໃນນາມຕາງໜ້າ ລັດຖະບານ ແຫ່ງ ສປປ ລາວ.

 ໂຄງການກໍ່ສ້າງເສັ້ນທາງ 18 ອາ ເລີ້ມແຕ່ ເມືອງປະທຸມພອນ ແຂວງຈໍາປາສັກ ຫາ ເມືອງສາມັກຄິໄຊ ແຂວງອັດຕະປື. ມີຄວາມຍາວທັງໝົດ 106.17 ກມ, ແບ່ງອອກເປັນ 3 ຊ່ວງຄື:

-    ຊ່ວງທີ 1 ແຕ່ສາມແຍກບ້ານແບ່ງເມືອງປະທຸມພອນຫາເຊຄຳພໍ, ມີລວງຍາວ 30.250 ກມ.

-    ຊ່ວງທີ 2 ແຕ່ເຊຄຳພໍຫາເຊປຍນເມືອງສະໜາມໄຊ, ມີລວງຍາວ 33.250 ກມ.

-    ຊ່ວງທີ 3 ແຕ່ ເຊປຽນຫາສາມແຍກເມືອງສາມັກຄີໄຊມີລວງຍາວ 42.67 ກມ.

ມີຂົວເບຕົງທັງໜົດ 30 ແຫ່ງ, ມີຮ່ອງລະບາຍນໍ້າ, ທໍ່ ແລະວຽກອື່ນໆທີ່ກ່ຽວຂ້ອງໂດຍນໍາໃຊ້ມາດຕະ ຖານເຕັກນິກຂອງກະຊວງໂຍທທທິການ ແລະ ຂົນສົ່ງ. ທາງດັ່ງກ່າວເປັນທາງຊັ້ນ 3, ໜ້າທາງປູດ້ວຍເບຕົງແອັສຟານ, ຄວາມກວ້າງຂອງໜ້າທາງທັງໝົດ 9 ແມັດ. ສາມາດຮອງຮັບນໍ້າໜັກໄດ້ 11 ໂຕນ/ເພົາ. ດ້ວຍມູນຄ່າການກໍ່ສ້າງ 76.038.147.09 ໂດລາສະຫະຣັດ (​ເປັນ​ການ​ລົງ​ທຶນ​ຂອງ ບໍລິສັດ ຊິໂນລາວ ອາລູມິນຽມ ຄໍປໍເລເຊີນຈໍາກັດ ທັງ​ຫມົດ ຊຶ່ງ​ເປັນ​ພັນທະ​ຫນຶ່ງຂອງ​ສັນຍາ​ຂຸດ​ຄົ້ນ​ແຮ່​ບົກ​ຊິດ).

ໂຄງການກໍ່ສ້າງທາງດັ່ງກ່າວໄດ້ລົງມື້ຈັດຕັ້ງປະຕິບັດການກໍ່ສ້າງຢ່າງເປັນທາງການໃນວັນທີ 21 ມັງກອນ 2013 ເຫັນໄດ້ວ່າການກໍ່ສ້າງມີຄວາມລ່າຊ້າ ໃນການລົງມືກໍ່ສ້າງພາຍຫຼັງເຊັນສັນຍາເປັນເວລາ 6 ເດືອນ.  ຊຶ່ງ​ມີ ບໍລິສັດອີຕາລຽນໄທ ດີວີລົບເມັນ ມະຫາຊົນ ຈໍາ​ກັດ ເປັນຜູ້ຮັບເໝົາການກໍ່ສ້າງ, ​ແລະ ຄວບຄຸມການກໍ່ສ້າງໂດຍ ບໍລິສັດ ຊີບີອາ ເປັນທີ່ປຶກສາ.

ຝ່າ​ຍ​ເຈົ້າ​ຂອງ​ໂຄງການ​ຕ່າງ​ໜ້າ​ລັດຖະບານ​ປະກອບ​ມີ:

- ທ່ານ ອານຸສອນ ສີສະອາດ ຕາງໜ້າກົມຂົວ-ທາງ ກະຊວງ ໂຍທາທິການ ແລະ ຂົນສົ່ງ ເປັນຫົວໜ້າຄະນະ.

- ທ່ານ ຄຳສ້ອຍ ປະທຸມທອງ    ຕາງໜ້າພະແນກ ໂຍທາທິການ ແລະ ຂົນສົ່ງ ແຂວງ ຈຳປາສັກ ເປັນຮອງຄະນະ.

- ທ່ານ ພຸດທະວັນ ທຳມະວົງສາ ຕາງໜ້າພະແນກ ໂຍທາທິການ ແລະ ຂົນສົ່ງແຂວງ ອັດຕະປື ເປັນຮອງຄະນະ.

ເສັ້ນທາງດັ່ງກ່າວເລີ້ມແຕ່ສາມແຍກເມືອງສາມັກຄີໄຊແຂວງອັດຕະປື (ຕອນທາງຊ່ອງທີ 3). ໃນໄລຍະ5 ເດືອນຜ່ານມາການຈັດຕັ້ງຕົວຈິງສາມາດສໍາເລັດວຽກໄດ້ປະມານ 7.36% ຊ້າກວ່າແຜນການປະມານ 1.53%.

      ດ້ວຍ​ຄວາມ​ຮັບຜິດຊອບ​ອັນ​ສູງ​ສົ່ງຂອງ ​ພະ​ແນ​ກ ​ໂຍທາ​ທິການ ​ແລະ​ຂົນ​ສົ່ງ​ ປະ​ຈໍາ ແຂວງຈໍາປາສັກ ແລະ ພະແນກ ໂຍທາທິການ ແລະ ຂົນສົ່ງ ປະຈໍາແຂວງອັດຕະປື ​ເຊິ່ງ​ເປັນ​ເຈົ້າ​ພາບ ຕາງໜ້າທ້ອງຖີ່ນ ປະສານງານ ແລະ ສົມທົບ ກັບ ຄະນະຄຸ້ມຄອງໂຄງການ​ພ້ອມ​ກັບ ​ບໍລິສັດທີ່​ຮັບ​ເໝົາແນ່ໃສ່ເຮັດການກໍ່ສ້າງ​ເສັ້ນທາງ​ດັ່ງກ່າວ ທີ່​ມີ​ຄວາມ​ຍາວ​ທັງໜົດ​ 106.17 ກມ ​ໃຫ້​ສໍາ​ເລັດ​ຕາມ​ຄາດໝາຍທີ່​ວ່າງ​ໄວ້ ​ແລະ ​ເພື່ອ​​ເຮັດ​ໃຫ້ການ​ພັດທະນາ​ເສດຖະກິດ - ສັງຄົມ ໃຫ້ບັນລຸ​ຕາມ​ຈຸດປະສົງ​ທີ່​ ພັກ ​ແລະ​ລັດຖະບານ​ເຮົາ​ໄດ້​ວາງ​ອອກ, ​ແນ່ໃສ່​ເຮັດ​ໃຫ້​ຊີວິດ​ການ​ເປັນ​ຢູ່​ຂອງ ປະຊາ ຊົນ​ບັນດາ​ເຜົ່າ​ໃຫ້​ດີ​ຂື້ນ​ເທື່ອ​ລະ​ກ້າວ, ແນ່​ໃສ່​ເຮັດ​ໃຫ້ ປະເທດຊາດ ສາມາດ ຫຼຸດພົ້ນ​ອອກຈາກ​ຄວາມທຸກ​ຍາກ​ ໃນ​ປີ 2015 ຕາມ​ມະຕິ​ຂອງ​ກອງ​ປະຊຸມ​ໃຫຍ່ ​ຄັ້ງ​ທີ IX ຂອງ​ພັກປະຊາຊົນ​ປະຕິວັດ​ລາວ ວາງ​ອອກ​ໃຫ້​ປາກົດ​ຜົນ​ເປັນ​ຈິງ.

ຍທຂ ປະຈຳແຂວງເຊກອງ ກັບວຽກ ງານພັດທະນາ ພື້ນຖານໂຄງລ່າງ

ການ​ພັດທະນາ​ຢູ່​ແຂວງ​ເຊກອງ, ພະແນກໂຍທາທິການ ແລະຂົນສົ່ງ ປະຈຳແຂວງ ໄດ້ມີສ່ວນຮ່ວມທີ່ສໍາຄັນຫລາຍຢ່າງ ໂດຍສະເພາະແມ່ນການກໍ່ສ້າງພື້ນຖານໂຄງລ່າງຂອງແຂວງ ເຊັ່ນວ່າການກໍ່ສ້າງເຄຫະສະຖານ-ຜັງເມືອງ, ນໍ້າປະປາ, ການຂົນສົ່ງ, ການບູລະນະຮັກສາເສັ້ນທາງທີ່ສໍາຄັນໃນຕົວເມືອງ ແລະ ການທະລຸເສັ້ນທາງ ໄປເຖິງບັນດາບ້ານຫ່າງ ໄກສອກຫຼິກ ແລະປັບປຸງເສັ້ນທາງທີ່ມີແລ້ວນັ້ນໃຫ້ທຽວໄດ້ 2 ລະດູ. ພະແນກ ຍທຂ ປະຈໍາແຂວງເຊກອງ ໄດ້ຮັບທຶນ ການກໍ່ສ້າງພື້ນຖານໂຄ່ງລ່າງ ຈໍານວນ 24 ໂຄງການ, ມີມູນຄ່າ 2.591 ຕື້ກວ່າກີບ, ທຶນຕ່າງປະເທດ 6.53 ຕື້ກວ່າ ກີບ. ໃນນັ້ນປະກອບມີ: ວຽກກໍ່ສ້າງເສັ້ນທາງ 2.550 ຕື້ກວ່າກີບ, ວຽກກໍ່ສ້າງຂົວ 11 ຕື້ກວ່າກີບ. ວຽກ ສ້ອມແປງ 30 ຕື້ກວ່າກີບ.

      ລະບົບເສັ້ນທາງຄົມມະນາຄົມ ໄດ້ຂະຫຍາຍຕົວຢ່າງວ່ອງໄວ ນັບແຕ່ປີ 2010-2012 ມີ ເສັ້ນທາງ 187 ເສັ້ນ, ລວມຄວາມຍາວ 1.492.8 ກວ່າ ກມ, ທາງປູຢາງ 100.9 ກມ, ທາງປູດິນແດງ 459.5 ກມ, ທາງທະລຸ 677.6 ກມ ແລະເສັ້ນທາງດິນທໍາມະຊາດ 255.1 ກມ ໃນນັ້ນປະກອບມີ: ທາງຫຼວງແຫ່ງຊາດມີ 3 ເສັ້ນ, ປູຢາງ 95.9 ກມ ແລະປູດິນແດງ 102.6 ກມ, ເສັ້ນທາງຫຼວງ ຂອງ ແຂວງມີ 1 ເສັ້ນ. ທາງປູຢາງ 7.7 ກມ ແລະທາງດິນແດງ 56.3 ກມ, ເສັ້ນທາງຫຼວງເມືອງມີ 9 ເສັ້ນ, ປູຢາງ 0 ກມ ແລະປູດິນແດງ 174.5 ກມ, ທາງເທດສະບານມີ 75 ເສັ້ນ, ປູຢາງ 36.25 ກມ, ປູດິນແດງ 18.2 ກມ, ທາງຊົນນະບົດ ມີ 64 ເສັ້ນ, ປູດ້ວຍດິນແດງ 88.6 ກມ, ທາງທ່ອງທ່ຽວ ມີ 3 ເສັ້ນ, ປູດິນແດງ 18.1 ກມ, ທາງສະເພາະ ມີ 3 ເສັ້ນ, ປູດ້ວຍດິນແດງ 1.2 ກມ.

      ລະບົບເສັ້ນທາງຄົມມະນາຄົມ ໃນສົກປີ 2010-2012 ມີການຂະຫຍາຍຕົວເພີ່ມຂື້ນ 16.8 ຫລື 66.8% ທຽບໃສ່ສົກປີ 2009-2010 ແລະມາເຖິງປະຈຸບັນ ຈໍານວນບ້ານທີ່ມີເສັ້ນທາງທຽວໄດ້ສອງລະດູມີ 98 ບ້ານ, ບ້ານມີເສັ້ນທາງທຽວໄດ້ລະດູດຽວມີ 95 ບ້ານ ແລະໃນທົ່ວແຂວງ ບ້ານທີ່ບໍ່ມີເສັ້ນທາງເຂົ້າເຖິງ ມີຈໍານວນ 52 ບ້ານ, ທຽບໃສ່ກັບບ້ານ ທີ່ມີເສັ້ນທາງເຂົ້າເຖິງກວມເອົາ 21% ຂອງຈໍານວນບ້ານ ທັງໝົດ ໃນທົ່ວ ແຂວງ, ໃນຊຸມປີທີ່ຜ່ານມາ ວຽກງານທີ່ເດັ່ນກວ່າໝູ່ ແມ່ນໂຄງການກໍ່ສ້າງທາງປູຢາງເສັ້ນທາງ 1H ທ່າແຕງ-ບ້ານແບ່ງ ແຂວງສາລະວັນ ມີຄວາມ ຍາວ 20 ກມ ມີມູນຄ່າ 4 ລ້ານໂດລາສະຫະລັດ, ໂຄງ ການກໍ່ສ້າງເສັ້ນທາງເຊກອງ-ເມືອງກະລືມໃໝ່ ມີຄວາມຍາວ 92.6 ກມ ມີມູນຄ່າ 178 ຕື້ກວ່າກີບ ແລະເສັ້ນທາງຍຸດທະສາດເລາະລຽບຊາຍແດນ ມີຄວາມຍາວ 297.6 ກມ ມີມູນຄ່າ 1.053 ຕື້ກວ່າກີບ, ມາເຖິງປະຈຸບັນ ລະບົບເສັ້ນທາງຄົມມະນາຄົມ-ຂົນສົ່ງ ມີບາດກ້າວຂະຫຍາຍຕົວຢ່າງ ວ່ອງໄວພໍສົມຄວນ ເປັນສິ່ງທີ່ຕອບສະໜອງ ຕາມຄວາມຮຽກຮ້ອງຕ້ອງການຂອງສັງຄົມ ແລະແກ້ໄຂໃຫ້ຄວາມສະດວກ ແກ່ ປະຊາຊົນບັນດາເຜົ່າໄດ້ດີຂື້ນເປັນກ້າວໆ.

      ສໍາລັບວຽກງານເຄຫາ-ຜັງເມືອງ ແລະນໍ້າປະປາ ທາງພະແນກໄດ້ລົງກວດກາ ການປຸກສ້າງ. ຢູ່ ຕາມເທດສະບານ ແຂວງ ແລະບັນດາຕົວເມືອງທີ່ມີຜັງເມືອງ ໂດຍສົມທົບກັບ ຍທຂ ເມືອງ ເພື່ອເຮັດໃຫ້ ການຈັດສັນເຂດປຸກສ້າງ ໃຫ້ມີ ຄວາມເປັນລະບຽບຮຽບຮ້ອຍ ແລະສວຍງາມ, ໂດຍປະຕິບັດຄໍາສັ່ງຂອງຂັ້ນ ເທິງ ໄດ້ສົມທົບກັບ ກົມເຄຫາ-ຜັງເມືອງ, ວຽກເຄຫາຜັງເມືອງ, ຕັດຜັງເມືອງຢູ່ບ້ານໂພນຄໍາ ສໍາເລັດ ແລະໄດ້ຈັດກອງປະຊຸມເຜີຍແຜ່ຂໍ້ຕົກລົງ ວ່າດ້ວຍການຄຸ້ມ ຄອງອະນຸຍາດປຸກສ້າງ, ຍົກຍ້າຍ ຮື້ຖອດສິ່ງ ປຸກສ້າງ ອອກຈາກເຂດສະຫງວນ ຂອງທາງຫຼວງໄດ້ສໍາເລັດ 100% ຕົ້ນຕໍແມ່ນຢູ່ ເມືອງທ່າແຕງ ແລະ ເມືອງລະມາມ. ວຽກງານນໍ້າປະປາ ໃນຊຸມປີຜ່ານມາແມ່ນໄດ້ຂະຫຍາຍຕົວ ໄດ້ພໍສົມ ຄວນ, ຂະຫຍາຍອອກ 4 ຕົວເມືອງ ແລະມີບາງບ້ານທີ່ມີ ເງື່ອນໄຂກໍສາມາດນໍາໃຊ້ລະບົບນໍ້າປະປາ ແລະນໍ້າລິນ, ນໍ້າສະອາດ ໂດຍສົມທົບກັບ ທຸກພາກສ່ວນທີ່ກ່ຽວຂ້ອງ ທີ່ມີສ່ວນຮ່ວມລະຫວ່າງ ລັດກັບປະຊາຊົນ. ປະຈຸບັນຈໍານວນ ປະຊາຊົນທີ່ໄດ້ຊົມໃຊ້ນໍ້າປະປາແລ້ວມີ 4.989 ຄົວເຮືອນ. ທຽບໃສ່ຈໍານວນຄົວເຮືອນ ໃນທົ່ວແຂວງ ປະຕິບັດໄດ້ 72% ແລະຈໍານວນປະຊາກອນທີ່ບໍ່ທັນມີ ນໍ້າປະປາຊົມໃຊ້ມີຈໍານວນ 11.855 ຄົນ. ຊຶ່ງກວມເອົາ 2.298 ຫຼັງຄາ ເຮືອນ, ໃນຈໍານວນ 195 ບ້ານ ໃນທົ່ວແຂວງມີໂຮງງານນໍ້າປະປາ 2 ແຫ່ງ ແລະມີສະມັດຕະພາບການຜະລິດນໍ້າ ຊົມໃຊ້ໄດ້ 5000 ແມັດ ກ້ອນຕໍ່ມື້. ເຊິ່ງມີບໍລິມາດນໍ້າຜະລິດ 1.192.500 m3, ບໍລິມາດນໍ້າຈໍາໜາຍ 954.000 m3, ບໍລິມາດນໍ້າເສຍ 238.500 m3, ເກັບລາຍໄດ້ 3.745.200.000 ກີບ, ລາຍຈ່າຍ 3.518.707.379 ກີບ, ມອບພັນທະເຂົ້າງົບປະມານໄດ້ 726.390.738 ກີບ.

ສຳເລັດການເທຂາງຂົວເຊື່ອມຕໍ່ກັນ ຂົວຂ້າມນ້ຳຂອງ ທ່າເດື່ອ-ປາກຄອນ

ຂົວຂ້າມນ້ຳຂອງທ່າເດື່ອ-ປາກຄອນແມ່ນນອນຢູ່ໃນໂຄງການກໍ່ສ້າງທາງຊຽງເງິນ-ປາກຄອນຊຶ່ງແມ່ນກະຊວງໂຍທາ ທິການ ແລະ ຂົນສົ່ງ ເປັນເຈົ້າຂອງໂຄງການ ເລີ່ມລົງມືກໍ່ສ້າງເດືອນ 11/2009 ມາຮອດ ວັນທີ 2/7/2012 ໄດ້ສຳເລັດການເທຂາງຂົວເຊື່ອມຈອດກັນ ໂດຍການເຂົ້າຮ່ວມຂອງ ທ່ານ ດຣ ລຽນ ທິແກ້ວ ເຈົ້າແຂວງ ແຂວງ ໄຊຍະບູລີ, ທ່ານ ແພງ ດວງເງິນ ຫົວໜ້າພະແນກໂຍທາ ທິການ ແລະ ຂົນສົ່ງ ແຂວງໄຊຍະບູລີ ພ້ອມດ້ວຍພະນັກງານ ຈາກເມືອງໄຊຍະບູລີ ແລະ ເມືອງນານ ແຂວງ ຫຼວງພະບາງ ຂົວແຫ່ງດັ່ງກ່າວມີຄວາມຍາວ 620 ມ, ກວ້າງ 10.50 ມ , ມີທາງຍ່າງ  2 ເບື້ອງ, ມີເສົາກາງນ້ຳ 5 ເສົາ. ເປີເຊັນຄວາມຄືບໜ້າໄດ້ 95%, ວຽກຫຼັກໆທີ່ຍັງເຫຼືອຢູ່ ມີກໍ່ສ້າງທາງ ຍ່າງສອງເບື້ອງ, ຕິດຕັ້ງຮາວພະນັກ, ຕິດຕັ້ງໄຟເຍືອງເຂົ້າຂົວ, ປູໜ້າຂົວ ຄາດວ່າຈະສຳເລັດ ແລະ ເປີດນຳໃຊ້ໄດ້ ພາຍໃນທ້າຍເດືອນ 9/2013.

ມູນຄ່າຂອງການກໍ່ສ້າງຂົວທັງໝົດ 9,3 ລ້ານໂດລາສະຫະລັດ ຊຶ່ງໄດ້ຮັບທຶນກູ້ຢືມຈາກທະນາຄານຂາເຂົ້າ-ຂາອອກ ແຫ່ງ ສປ ເກົາຫຼີ.

ຜູ້ຮັບເໝົາບໍລິສັດ ອີຈັງ ແລະ ກາບູນ ຮ່ວມກິດຈະການ ແຫ່ງ ສປ ເກົາຫຼີ ທີ່ປຶກສາ ບໍລິສັດໂດວາ ອິນຈີເນຍລິງ ແຫ່ງ ສປ ເກົາຫຼີ ຮ່ວມກັບລັດວິສາຫະກິດ ວິສະວະກຳຄົມມະນາຄົມ ແຫ່ງ ສປປລ. ຖ້າຫາກຂົວແຫ່ງນີ້ສຳເລັດຈະອຳນວຍຄວາມສະດວກໃນວຽກງານຄົມມະນາຄົມທາງບົກລະຫວ່າງແຂວງ ຫຼວງພະບາງ ແລະແຂວງ ໄຊຍະບູລີ ຊຶ່ງຜ່ານມາ ແມ່ນພົບຄວາມຫຸ້ຍງຍາກ ໃນການສັນຈອນຂ້າມນ້ຳ ຂອງຈຸດດັ່ງກ່າວ.

ຄວາມຄືບໜ້າຂອງໂຄງການກໍ່ສ້າງ ຂົວເຊກະໝານ 2

 ຂົວເຊກະໝານ 2 ເປັນຂົວໜຶ່ງທີ່ມີຄວາມສໍາຄັນອັນໃຫ່ຍຫຼວງ ຕໍ່ປະຊາຊົນ ກໍຄືຊາວ ແຂວງອັດຕະປື. ທີ່ມີການເຊື່ອມ ໂຍງສູ່ການພັດທະນາ ໃຫ້ແກ່ເມືອງໃນເຂດຫ່າງໄກສອກຫຼີກ, ເປັນອີກ ຊ່ອງທາງໜຶ່ງໃນການໄປມາຫາສູ່ ການໄຂປະຕູສູ່ ການພັດທະນາໃຫ້ແກ່ ແຂວງອັດຕະປື ແລະພາກໃຕ້ ຂອງລາວແລ້ວ ຍັງຖືວ່າເປັນເສັ້ນທາງເສດຖະກິດ ທີ່ເຊື່ອມຕໍ່ຕາ ເວັນອອກ-ຕາເວັນຕົກ ໃນຂົງເຂດອະນຸ ພາກພື້ນລຸ່ມແມ່ນໍ້າຂອງນໍາອີກ. ນອກນັ້ນການກໍ່ສ້າງຂົວດັ່ງກ່າວ ຍັງເປັນການ ສ້າງເງື່ອນໄຂພື້ນຖານອັນ ຕົ້ນຕໍ່ໃຫ້ແກ່ ການສ້າງເຂດສາມຫຼ່ຽມພັດທະນານາ CLV, ທີ່ຈະອໍານວຍຄວາມສະດວກ ໃຫ້ ແກ່ປະຊາຊົນ ບັນດາເຜົ່າໃນເຂດນີ້ ສາມາດໄປມາຫາສູ່, ແລກປ່ຽນສິນຄ້ານໍາກັນ, ສົ່ງເສີມການທ່ອງທ່ຽວ ແລະດຶງດູດ ນັກທ່ອງທ່ຽວ, ນັກລົງທືນເຂົ້າມາລົງທືນໃນ ແຂວງອັດຕະປືໃຫ້ຫຼາຍຂື້ນ.

            ຂົວເຊກະໝານ 2 ທີ່ປະກອບມີ 6 ຊ່ວງ ແຕ່ລະຊ່ວງຍາວ 33 ແມັດ, ລວງຍາວທັງໝົດ 208 ແມັດ, ຄວາມ ເນີນທາງຍາວຂອງຂົວ 2%, ກວ້າງທັງໝົດ 11.5 ແມັດ, ໜ້າທາງລົດແລ່ນມີ 2 ຊ່ອງ, ກວ້າງຊ່ອງລະ 3.75 ແມັດ, ທັງໝົດ 7.5 ແມັດ, ມີທາງຍ່າງສອງເບື້ອງ ກວ້າງເບື້ອງລະ 1.5 ແມັດ, ເປັນຂົວປະເພດເບຕົງອັດແຮງ ຮູບຕົວໄອ (I), ຄວາມຄືບໜ້າຂອງການກໍ່ສ້າງຂົວດັ່ງກ່າວ ສາມາດປະຕິ ບັດໄດ້ 2.75%, ຄວາມຄືບໜ້າຂອງການກໍ່ສ້າງສັນຍາເດີມ ມາຮອດປະຈຸບັນສາມາດປະຕິບັດໄດ້ 90.80%, ຄວາມຄືບໜ້າຂອງການກໍ່ສ້າງໃນສັນຍາວຽກເພີ້ມ ມາຮອດ ປະຈຸບັນປະຕິບັດໄດ້ 14.44%, ຄວາມຄືບໜ້າຂອງໂຄງການລວມທັງສັນຍາວຽກເພີ້ມ ປະຕິບັດໄດ້ 105.24% ຍັງເຫຼືອ 9.69% ຈຶ່ງຈະ ສໍາເລັດໂຄງການ (ການຕີລາຄາຄວາມສໍາເລັດຂອງໂຄງການທັງໝົດແມ່ນ 114.93% ໃນນັ້ນວຽກກໍ່ສ້າງ ໃນສັນຍາເດີມ 100%, ວຽກກໍ່ສ້າງໃນສັນຍາວຽກເພີ້ມແມ່ນ 14.93%).

      ຄຸນະພາບຂອງໜ້າວຽກທີ່ໄດ້ປະຕິບັດ ໃນໄລຍະຜ່ານມາ ເຫັນວ່າມີຄຸນນະພາບດີ ແລະສອດຄ່ອງ ກັບມາດຕະ ຖານເຕັກນິກ ຂອງໂຄງການວາງອອກ ສະແດງໃຫ້ເຫັນໄດ້ໃນຜົນການທົດລອງກວດກາ ຄືນ ຂອງແຕ່ລະໜ້າວຽກ ແລະຂົວດັ່ງກ່າວຈະມອບຮັບຢ່າງເປັນທາງການໃນໄວ້ໆນີ້.

Additional information