ຂ່າວຕ່າງແຂວງ

ພິທີເຊັນບົດບັນທຶກຂອງຄະນະຮັບຜິດຊອບການເຮັດທົດລອງສາມສ້າງ

 

 ອີງຕາມກອງປະຊຸມຂອງຄະນະຮັບຜິດຊອບ ການເຮັດທົດລອງວຽກງານສາມສ້າງ ຢູ່ພະແນກ ຍທຂແລະຫ້ອງການ ຍທຂ 3 ຕົວເມືອງຄື: ວັນທີ 16 ຕຸລາ 2012 ຢູ່ເມືອງສີສັດຕະນາກ, ວັນທີ 26 ຕຸລາ 2012 ຢູ້ເມືອງຈັນທະບູລີ, ວັນທີ 01 ພະຈິກ ຢູ່ເມືອງສັງທອງແລະພະແນກ ຍທຂ ນະຄອນຫຼວງ. ​ໃນວັນທີ 19 ພະຈິກ 2012 ຢູ່ທີ່ຫ້ອງວ່າການນະຄອນຫຼວງວຽງຈັນໄດ້ຈັດພິທີເຊັນບົດບັນທຶກການ​​ແບ່ງຄວາມຮັບຜິດຊອບວຽກງານສາມສ້າງ ລະຫວ່າງບັນດາກົມຂອງກະຊວງ ຍທຂໃຫ້ພະແນກ ຍທຂ ນະຄອນຫຼວງແລະຫ້ອງການຍທຂ ເມືອງຢູ່ນະຄອນຫຼວງວຽງຈັນ, ​ໂດຍການເປັນປະທານຂອງທ່ານ ບຸນຈັນ ສິນທະວົງ ລັດຖະມົນຕີຊ່ວຍວ່າການກະຊວງ ຍທຂແລະ ທ່ານ ແກ້ວພິລາວັນ ອາໄພລາດ ຮອງ​​ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະຮັບຜິດຊອບ ການເຮັດທົດລອງວຽກງານສາມສ້າງຂອງກະຊວງ ຍທຂ, ​ມີບັນດາເຈົ້າເມືອງ,​ຫົວໜ້າຫ້ອງການ ຍທຂເມືອງແລະພະນັກງານວິຊາການທີ່ກ່ຽວຂ້ອງເຂົ້າຮ່ວມ 40 ກວ່າທ່ານ.

ໂຄງການກໍ່ສ້າງຂົວຂ້າມແມ່ນໍ້າຂອງ ຕາມແນວເສດຖະກິດພາກເໜືອ-ໃຕ້ (ຫ້ວຍຊາຍ-ຊຽງຂອງ)

 ເພື່ອເຮັດໃຫ້ເຊື່ອມໂຍງຢູ່ໃນພາກພື້ນດີຂື້ນ ໂຄງການກໍ່ສ້າງຂົວຂ້າມແມ່ນໍ້າຂອງ ແຫ່ງທີ IV ຫ້ວຍຊາຍ-ຊຽງຂອງ ຊຶ່ງເຊື່ອມຕໍ່ຊຽງລາຍ-ຄຸນໝິງ ຜ່ານ ສາທາລະນະລັດ ປະຊາທິປະໄຕ ປະຊາຊົນລາວ  (ໂດຍຜ່ານທາງ R3) ເປັນ ໂຄງການໜຶ່ງທີ່ຕັ້ງຢູ່ ບ້ານດອນ ເມືອງຫ້ວຍຊາຍ ແຂວງບໍ່ແກ້ວ (ຢູ່ສປປ ລາວ). ສ່ວນຝັ່ງໄທ ແມ່ນຕັ້ງຢູ່ບ້ານ ທຸ່ງງິ້ວ ເມືອງຊຽງຂອງ ແຂວງຊຽງລາຍ. ໂຄງການກໍ່ສ້າງຂົວດັ່ງກ່າວນີ້ ໄດ້ເຮັດໃຫ້ດ້ານຄົມມະນາຄົມ-ຂົນສົ່ງ ລະຫວ່າງ ສາທາລະນະລັດ ປະຊາຊົນຈີນ, ສປປ ລາວ ແລະຣາສະອານາຈັກໄທ ສະດວກ ແລະ ຍັງຈະຊ່ວຍ ສົ່ງເສີມການຄ້າຢູ່ພາກພື້ນອາຊີຕາເວັນອອກສຽງໃຕ້ ແລະ ພາຍໃນປະເທດທາງພາກເໜືອຂອງ ສປປ ລາວ ທີ່ບໍ່ມີ ຊາຍແດນຕິດຈອດກັບທະເລ ຊຶ່ງຈະໃຊ້ເປັນເສັ້ນທາງໃນການຂົນສົ່ງສິນຄ້າ ທັງໃນສ່ວນທີ່ຈະນໍາເຂົ້າຕະຫຼາດພາຍໃນ ປະເທດ ແລະສົ່ງອອກສູ່ຕະຫຼາດຕ່າງປະເທດ.

      ໂຄງການກໍ່ສ້າງຂອງຂົວຂ້າມນໍ້າຂອງແຫ່ງທີ IV ນີ້ ມີຄວາມກວ້າງ 14,70 ແມັດ. ເປັນຂົວຂະໜາດ 2 ຊ່ອງຈະລະຈອນ (ໄປກັບ) ຂະໜາດກ້ວາງຊ່ອງຈະລາຈອນຊ່ອງລະ 3.50 ແມັດ, ບ່າທາງຂ້າງລະ 2.00 ແມັດ ແລະທາງຍ່າງຂ້າງລະ 1.25 ແມັດ. ເປັນຂົວຄອນກຣີດຮູບກ່ອງ (Segmental Concrete Box Girder) ຍາວ 75+3 @ 110+75 ລວມ 480 ແມັດ. ໂຄງການດັ່ງກ່າວໄດ້ເລີ່ມລົງມືການກໍ່ສ້າງໃນເດືອນ ມິຖຸນາ 2010 ເປັນຕົ້ນມາ ໄລຍະໃນການກໍ່ສ້າງທັງໜົດ 30 ເດືອນ ແລະ ມີມູນຄ່າລົງທືນຂອງໂຄງການກໍ່ສ້າງມີ 49.58 ລ້ານ ໂດລາສະຫະລັດ. ປັດຈຸບັນໂຄງການນີ້ມີການຂຸ້ນຂ້ຽວ ເພື່ອເຮັດໃຫ້ການກໍ່ສ້າງສໍາເລັດທັນຕາມຄາດໝາຍທີ່ວາງໄວ້.

ໂຄງການກໍ່ສ້າງສ້ອມແປງທາງ 2E ເມືອງຂວາ-ໄຕຈາງ

ເພື່ອເຮັດໃຫ້ແຜນພັດທະນາເສດຖະກິດ-​ສັງຄົມແຫ່ງຊາດ ບັນລຸ​​ຜົນສໍາເລັດຕາມລະດັບຄາດໝາຍທີ່ວາງເອົາໄວ້ນັ້ນ, ການບູລະນະສ້ອມແປງແລະກໍ່ສ້າງບັນດາເສັ້ນທາງຄົມມະນາຄົມ-ຂົນສົ່ງຕ່າງໆນັ້ນແມ່ນມີຄວາມຈໍາເປັນໃນການພັດທະນາຊີວິດການເປັນຢູ່ຂອງພໍ່ແມ່ປະຊາຊົນໃຫ້ດີຂື້ນ. ໃນການກໍ່ສ້າງສ້ອມແປງເສັ້ນທາງ 2E ທີ່ເມືອງຂວາ-ດ່ານ ໄຕຈາງ ແຂວງຜົ້ງສາລີ ເພື່ອເປັນການເຊື່ອມຕໍ່ຕົວເມືອງອອກສູ່ຊົນນະບົດ, ຈາກເມືອງຫາເມືອງ ແລະ ການລໍາລຽງ ຂົນສົ່ງສິນຄ້າເຂົ້າ-ອອກປະເທດ ໃຫ້ມີຄວາມສະດວກໃນການເຊື່ອມໂຍງເຂົ້າຫາກັນ. ເສັ້ນທາງ 2E ມີຄວາມສໍາຄັນ ຫຼາຍຕໍ່ແຂວງຜົ້ງສາລີ ກໍຄືການພັດທະນາ ພື້ນຖານໂຄງລ່າງ ເສດຖະກິດ-ສັງຄົມ ຖືເປັນອີກວຽກໜຶ່ງໃນບູລິມະສິດ ທີ່ສໍາຄັນຂອງແຂວງ ກໍຄືການລໍາລຽງ ຂົນສົ່ງສິນຄ້າທາງພາກເໜືອຂອງລາວ. ເສັ້ນທາງ 2E ເປັນເສັ້ນທາງ ຍຸດທະສາດໜຶ່ງທີ່ສໍາຄັນໃນການ ເຊື່ອມຕໍ່ກັບດ່ານໄຕຈາງ (ສສ ຫວຽດນາມ) ໂດຍຜ່ານເມືອງຂວາ, ເມືອງໃໝ່. ນອກຈາກນີ້ເສັ້ນທາງຍັງເຊື່ອມຕໍ່ກັບ ແຂວງອຸດົມໄຊ. ມີຫຼາຍທາງເຊື່ອມຕໍ່ກັບເສັ້ນທາງ 13 ເໜືອ ແລະເສັ້ນທາງ 2W ອອກສູ່ ຊາຍແດນໄທ. ເສັ້ນທາງສາຍນີ້ຖືວ່າມີຄວາມສໍາຄັນຫຼາຍຕໍ່ກັບການຂົນສົ່ງສິນຄ້າລະຫວ່າງ 2 ປະເທດ ສປປ ລາວ-¦¦ຫວຽດນາມ ໂດຍຜ່ານດ່ານໄຕຈາງ.

      ເສັ້ນທາງ 2E ໄດ້ເຊັນສັນຍາ ໃນວັນທີ 26 ມີນາ 2009 ແລະໄດ້ລົງມືກໍ່ສ້າງສ້ອມແປງຕົວ¥òໃນວັນທີ 22 ພຶດສະພາ 2009. ຄາດວ່າຈະໃຫ້ສໍາເລັດໃນວັນທີ 22 ²½¥ò¡ 2012 ນີ້. ເສັ້ນທາງດັ່ງກ່າວມີຄວາມຍາວທັງໜົດ 68.2 ກມ ແລະມີຂົວຢູ່ 8ແຫ່ງ ຄື: ຂົວນໍ້າພາກ, ຂົວນໍ້າອູú, ຂົວຫ້ວຍຍາງ, ຂົວສົບອັດ, ຂົວນໍ້າງາ, ຂົວຫ້ວຍເຫັດ, ຂົວສົບຮຸນ ແລະຂົວຫ້ວຍເຢີຍ. ການກໍ່ສ້າງສ້ອມແປງໄດ້ແບ່ງອອກເປັນສອງ¦ñ¨¾ຄື: ສັນ­¨¾ທີ 1 ມີຄວາມຍາວ 30 ກມ »ñ®ÀÏö¾ ©¨ ®ðìò¦ñ©¯½¦ö´ì¾¸»È¸´¡Ò¦É¾¤ (LCC) í´ø­£È¾16.834.288.43 USDແລະ ¦ñ­¨¾ທີ 2 ມີ ຄວາມ ຍາວຢູ່ 38.2 ກມ.»ñ®ÀÏö¾Â©¨ ®ðìò¦ñ© ¦½¹½²ñ­Àì¡êó 18 (CEI 18) ¦¦¹¸¼©­¾´ í´ø­£È¾ 23.248.655.57 USDໃນການກໍ່ສ້າງສ້ອມແປງທາງເສັ້ນນີ້ ແມ່ນອີງຕາມເງື່ອນໄຂ ແລະ ຄວາມເປ່ເພ ຂອງເສັ້ນທາງ ຊຶ່ງເປັນເສັ້ນທາງຄົດໂຄ້ງ, ຄວາມບໍ່ປອດໄພ ແລະ ການສັນຈອນບໍ່ສະດວກໃນລະດູຝົນ. ດັ່ງນັ້ນ ການສ້ອມແປງເສັ້ນທາງ 2E ຈຶ່ງຖືວ່າເປັນສິ່ງທີ່ຈໍາເປັນ ເພື່ອພັດທະນາ ແລະ ເສີມສ້າງສາຍພົວພັນຮ່ວມມື ແບບ ພິເສດ ລາວ-ຫວຽດນາມ ໃຫ້ມີຄວາມແໜ້ນແຟ້ນຍິ່ງຂື້ນ.

ແຂວງອຸດົມໄຊ ກັບວຽກງານພື້ນຖານໂຄງລ່າງ

   ແຂວງອຸດົມໄຊ ເປັນອີກແຂວງໜຶ່ງທີ່ໄດ້ສຸມໃສ່ວຽກງານພື້ນຖານໂຄງລ່າງ ໃນການພັດທະນາເສດຖະກິດ-ສັງຄົມ ຢ່າງຕໍ່ ເນື່ອງໃນແຕ່ລະປີເປັນຕົ້ນແມ່ນ: ລະບົບຊົນລະປະທານ, ນໍ້າປະປາ, ນໍ້າລິນ ແລະຕາໜ່າງເສັ້ນທາງ ນັບແຕ່ຕົວເມືອງ ເຖິງຊົນນະບົດ. ປັດຈຸບັນແຂວງອຸດົມໄຊ ມີເສັ້ນທາງເຂົ້າເຖິງບ້ານ 404 ບ້ານ ກວມເອົາ 14,40% ໃນນີ້ໃຊ້ທາງນໍ້າ ຈໍານວນ 25 ບ້ານ. ໃນ 7 ເມືອງມີ ນໍ້າປະປາໃຊ້ແລ້ວ 3 ເມືອງ, ຍັງ 4 ເມືອງບໍ່ທັນມີນໍ້າປະປາ ໃຊ້.

ທົ່ວແຂວງອຸດົມໄຊ ມີເສັ້ນທາງຍາວທັງໜົດ 2.092.19 ກມ ໃນນີ້ປະກອບມີ:

-    ທາງຫຼວງແຫ່ງຊາດມີ 327.00 ກມ. ໃນນີ້ປູແອັສຟານ 75.00 ກມ, ທາງປູຢາງ 252.00 ກມ, ປູແຮ່: 0.00 ກມ, ທະລຸ 0.00 ກມ.

-    ທາງຫຼວງຂອງເມືອງ 476.21 ກມ, ໃນນີ້ປູແອັສຟານ 0.00 ກມ, ທາງປູຢາງ 0.00 ກມ, ປູແຮ່ 326.81 ກມ, ທະລຸ 149.4 ກມ.

-    ທາງເທດສະບານ 78.86 ກມ, ໃນນີ້ປູແອັສຟານ 0.00 ກມ, ທາງປູຢາງ 17.61 ກມ, ປູແຮ່ 165.70 ກມ, ທະລຸ 516.57 ກມ.

-    ທາງສະເພາະ 66.60 ກມ, ໃນນີ້ປູແອັສຟານ 0.00 ກມ, ທາງປູຢາງ 2.60 ກມ, ປູແຮ່ 26.70 ກມ, ທະລຸ 37.30 ກມ.

-    ທາງເຂົ້າສູ່ກຸ່ມບ້ານພັດທະນາຂອງແຂວງມີ 62.75 ກມ. ໃນນີ້ປູແອັສຟານ 0.00 ກມ, ທາງປູຢາງ 0.00 ກມ, ປູແຮ່ 0.00 ກມ, ທະລຸ 62.75 ກມ.

-    ທາງເພິ່ມຂຶ້ນຈາກປີ 2010 ມີ 278.89 ກມ, ທາງປູຢາງເພິ້ມຂຶ້ນ 23,46 ກມ, ທາງທະລຸເພິ້ມຂຶ້ນ 256.14 ກມ. ໃນນັ້ນຍັງບໍ່ມີເສັ້ນທາງເຂົ້າເຖິງບ້ານມີ 68 ບ້ານ ກວມເອົາ 14,40% ໃນນັ້ນໃຊ້ທາງນໍ້າໃນການເຂົ້າ-ອອກ ບ້ານມີຈໍານວນ 25 ບ້ານ.

ທົວແຂວງອຸດົມໄຊ ມີຂົວທັງໜົດຢູ່ 93 ແຫ່ງ ເຊິ່ງນອນໃນແຕ່ລະປະເພດດັ່ງນີ້: ຂົວທາງຫຼວງແຫ່ງຊາດມີ 26 ແຫ່ງ, ຂົວທາງຫຼວງຂອງແຂວງມີ 35 ແຫ່ງ, ຂົວທາງຫຼວງຂອງເມືອງມີ 19 ແຫ່ງ, ຂົວທາງຊົນນະບົດມີ 8 ແຫ່ງ, ຂົວທາງສະເພາະມີ 2 ແຫ່ງ ແລະຂົວເທດສະບານມີ 3 ແຫ່ງ.

Additional information