ຂ່າວຕ່າງແຂວງ

ກອງປະຊຸມໃຫຍ່ ຄັ້ງທີ IV ຂອງກຳມະບານຮາກຖານ ພະແນກ ໂຍທາທິການ ແລະ ຂົນສົ່ງ ແຂວງອັດຕະປື

 

ກອງ​ປະຊຸມ​ໃຫຍ່​ຄັ້ງ​ທີ IV ຂອງ​ກຳມະບານ​ຮາກຖານພະ​ແນ​ກ ​ໂຍທາ​ທິການ ​ແລະ ​ຂົນ​ສົ່ງ ​ແຂວງ​ອັດ​ຕະປືື ​ໄດ້​ໄຂຂື້ນທີ​ຫ້ອງ​ປະຊຸມ ພະ​ແນ​ກ ​ໂຍທາ​ທິການ ​ແລະ ຂົນ​ສົ່ງ ​ແຂວງ​ອັດ​ຕະປື ໃນ​​ວັນທີ 20 ທັນວາ 2016ໂດຍ​ເປັນກຽດ​ເຂົ້າ​ຮ່ວມ​ ​ແລະ ​ເປັນ​ປະທານຂອງ​ ສະຫາຍ ​ເພັດມີໄຊ ຄຳພັກດີ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າ​ພະ​ແນ​ກ ​ໂຍທາ​ທິການ ​ແລະ ຂົນ​ສົ່ງ​ແຂວງອັດ​ຕະປື; ສະຫາຍ ພູສຽງ ເຫຼື່ອມມະໄລສີ ຮອງ​ປະທານ​ສະຫະພັນ​ກຳມະບານ​ແຂວງ​ອັດ​ຕະປື ​ແລະ ສະຫາຍ ​ຄຳເຟືອງ ແກ້ວມະນີ ປະທານ​ກຳມະບານ​ຮາກ​ຖານ​ພະ​ແນ​ກ ​ໂຍທາ​ທິການ ​ແລະ​ ຂົນ​ສົ່ງ​ແຂວງ​ອັດ​ຕະປື; ມີ​ບັນດາ​ສະຫາຍ​ສະມາຊິກ​ກຳມະບານ ​ແລະ ​ແຂກ​ທີ່​ຖືກ​ເຊີນ​ເຂົ້າ​ຮ່ວມ​ທັງ​ໝົດ 86 ສະຫາຍ, ຍິງ 22 ສະຫາຍ.

ກອງ​ປະຊຸມ​​ໄດ້​ຮັບ​ຟັງລາຍ​ງານ​ການ​ເມືອງຂອງ​ຄະນະ​ກຳມະບານ​ຮາກ​ຖານ​ພະ​ແນ​ກ​ ໂຍທາ​ທິການ ​ແລະ​ ຂົນ​ສົ່ງ​ແຂວງ ​ໃນ​ໄລຍະ​ 3 ປີ ຜ່ານມາ ​ແລະ​ ທິດ​ທາງ​ແຜນການ​ໃນ 3 ປີ​ຕໍ່ໜ້າ ( 2016-2019 ) ກອງ​ປະຊຸມ​​ໄດ້ຮັບ​ຟັງບົດ​ສຳ​ຫຼວດການ​ນຳ​ພາຂອງ​ຄະນະ​ກຳມະບານ​ຮາກ​ຖານ​ຊຸດ​ເກົ່າ ພ້ອມ​ດຽວ​ກັນ​ນັ້ນ​ກອງ​ປະຊຸມ​ຍັງ​ໄດ້​ດຳ​ເນີນ​ການ​ປ່ອນ​ບັດ​ເລືອກ​ຕັ້ງ​ເອົາ​ຄະນະ​ກຳມະບານ​ຮາກ​ຖານ​ພະ​ແນ​ກ ​ໂຍທາ​ທິການ ​ແລະ​ ຂົນ​ສົ່ງ​ຊຸດ​ໃໝ່, ​ເຊິ່ງມີ​ຜູ້​ແທນ​ມີ​ສິດ​ລົງ​ຄະ​ແນນ​ສຽງ​ເລືອກ​ຕັ້ງ 82 ສະຫາຍ ​ແລະ​ ຜູ້​ລົງ​ສະໝັກ​ຮັບ​ເລືອກ​ຕັ້ງ ມີ 07 ສະຫາຍ ​ໃນ​ນັ້ນ​ເລືອກ​ເອົາ 05 ສະຫາຍ.

ກອງປະຊຸມ​​ໄດ້​ເລືອກ​ເອົາ 05 ສະຫາຍ ​ເຂົ້າ​ເປັນ​ຄະນະ​ກຳມະບານ​ຮາກ​ຖານ​ຊຸດ​ໃໝ່​​ໂດຍ​ມີ:

 1.   ສະ​ຫາຍ ວຽງທອງ ທຳມານຸວົງ          ​ເປັນປະທານ

2.   ສະ​ຫາຍ ໄຊອາລົມ ສີຫາວົງ            ​ເປັນຮອງປະທານ ແລະ ປະທານກວດກາ

3.   ສະ​ຫາຍ ປັນຍາ ວົງພູທອນ             ​ເປັນຄະນະ

4.   ສະ​ຫາຍ ທອງສຸກ ອາໄພຍະລາດ        ເປັນຄະນະ

5.   ສະ​ຫາຍ ນາງ ສັກດາພອນ ມະນີວົງ      ເປັນຄະນະ ແລະ ຮັບຜິດຊອບວຽກງົບປະມານ

 ​ກອງ​ປະຊຸມ​​ໄດ້ຮັບ​ຟັງ ການ​ໂອ້​ລົມ​ຂອງ​ສະຫາຍ ພູສຽງ ເຫຼື່ອມມະໄລສີ ຮອງປະທານ​ກຳມະບານ​ແຂວງ​, ເຊີ່ງ​ທ່ານ​ໄດ້ຕີ​ລາຄາ ການ​ຊີ້​ນຳ-ນຳພາ​ຂອງ​ຄະນະ​ໜ່ວຍ​ຮາກ​ຖານ​ກຳມະບານ​ທີ່​ໄດ້​ເປັນ​ຕົວ​ແທນ​ໃຫ້​ແກ່​ສະ​ມາ​ຊິກກຳມະບານ ​ໃນ​ການ​ປະກອບສ່ວນ​ພັດທະນາ​ເສດຖະກິດ​ສັງຄົມ​ໃນ​ໄລຍະ​ຜ່ານ​ມາ. ພ້ອມ​ນັ້ນ ​ສະຫາຍ ຮອງ​ປະທານ​ກຳມະບານ​ແຂວງ ​ຍັງ​ໄດ້​ຊີ້​ນຳ​ບາງ​ບັນຫາຕໍ່ຄະນະ​ກຳມະບານ​ຊຸດ​ໃໝ່ ​ແລະ​ ສະມາຊິກ​ທຸກສະຫາຍ​ເຊິ່ງມີ​ເນື້ອ​ໃນ​ດັ່ງ​ນີ້: ຄະນະ​ກຳມະບານ​ຮາກ​ຖານ​ຕ້ອງ​ໄດ້​ເພີ້​ມທະວີ​ການສຶກສາ​ອົບຮົມການ​ເມືອງ​ແນວ​ຄິດ​ໃຫ້​ຖັນ​ແຖວ​ພະນັກງານ​, ລັດຖະກອນ ​ເປັນ​ເຈົ້າ​ການ​ຕິດຕາມ​ກວດກາ ການ​ເລື່ອນ​ຊັ້ນ​ຂັ້ນ​ເງິນ​ເດືອນຊ່ວຍ​ວຽກ​ຄະນະ​ພັກ​ຮາກ​ຖານ, ຄະນະ​ພະ​ແນ​ກ​ໃນ​ການ​ກວດກາ​ວຽກ​ງານ ​ແລະ ​ປະກົດ​ການ​ຫຍໍ້​ທໍ້​ຕ່າງໆ. ນອກຈາກ​ນັ້ນ​ຕ້ອງ​ເພີ້​ມທະວີ​ຄວາມ​ຮັບຜິດຊອບ​ໃນ​ການ​ປະຕິບັດສິດ​ໜ້າ​ທີ່​ຂອງ​ຕົນ​ກໍຄືການ​ປະຕິບັດ​ແຜນການ​ຂອງ​ຄະນະ​ພັກວາງອອກ, ​ປະກອບສ່ວນ​ການ​ປະຕິບັດ​ລະບອບ​ນະ​ໂຍບາຍ​ຕ່າງໆ​ຂອງ​ລັດ, ​ເປັນຜູ້​ສ້າງ​ຂະ​ບວນການ​ເຄື່ອນ​ໄຫວອອກ​ແຮງ​ງານ​ໃຫ້​ມີ​ຂະ​ບວນການທີ່ຟົດ​ຟື້ນ, ​ເປັນ​ຜູ້ນຳ​ພາ​ເຕົ້າ​ໂຮມ​ຄວາມ​ສາມັກຄີ ​ແລະ​ ມີໜ້າ​ທີ່​ຂະຫຍາຍ​ສະມາຊິກ​ໃຫ້​ໄດ້​ຫຼາຍ. ສູ້​ຊົນ​ສ້າງ​ກອງ​ທຶນ​ພັດທະນາ​ອົງການ​ກຳມະບານ​ຢູ່​ຮາກ​ຖານ​ຂອງ​ຕົນເພື່ອຊວ່ຍເຫຼືອສະມາຊິກ​ເພື່ອ​ກຳມະບານ​ທີ່​ຍັງ​ທຸກ​ຍາກ ແລະ ດ້ອຍ​ໂອກາດ.ສະມາຊິກ​ກຳມະບານ​ຕ້ອງ​ເປັນ​ແບບຢ່າງ​ທີ່​ດີ​​ໃຫ້​ແກ່​ມະຫາຊົນ ​ແລະ​ ເປັນ​ຜູ້​ຫ້າວຫັນ​ໃນ​ຂະ​ບວນການຕ່າງໆ. ພ້ອມ​ດຽວ​ກັນ​ນີ້ ສະຫາຍ​ຍັງຝາກ​ຄວາມ​ຫັວງ​​ໃຫ້​ຄະນະ​ກຳມະບານ​ຮາກ​ຖານຊຸດ​ໃຫມ່ ​ຈະ​ນຳ​ໄປຈັດ​ຕັ້ງ​ຜັນ​ຂະຫຍາຍ ​ແລະ ​ຊີ້​ນຳ-ນຳພາ​ໃຫ້​ເກີດ​ດອກ​ອອກ​ຜົນ​ເປັນ​ກ້າວໆ.

ມີນໍ້າຖ້ວມທາງ ໃນບາງຈຸດຂອງເສັ້ນທາງເລກ 7 ຊຽງຂວາງ-ວຽງຈັນ

  ວັນ​ທີ 19 ສິງຫາ 2016 ​ໄດ້​ມີນໍ້າຖ້ວມທາງ ໃນບາງຈຸດຂອງເສັ້ນທາງເລກ 7 ຊຽງຂວາງ-ວຽງຈັນ, ພ້ອມ​ກັນ​ນັ້ນ ກໍ່​ຂໍ​ຮຽກຮ້ອງ​ໃຫ້​ພໍ່​ແມ່ ປະຊາຊົນ​ຜູ້ໃຊ້ລົດ ​ໃຊ້​ຖະໜົນຕາມ​ເສັ້ນທາງ​ດັ່ງກ່າວ​ໃຫ້​ມີ​ຄວາມ​ລະມັດລະວັງ ຄ່ອຍ​ໄປ​ຄ່ອຍ​ມາ ​ແລະ ​ໃຫ້​ລະມັດລະ​ວົງ​ຕໍ່​ສະພາບ​ເສັ້ນທາງ​ໝື່ນ ​ແລະ ດິນ​ເຈື່ອນ​ຕືມອີກ.

ສະພາບຝົນຕົກໝັກເຂດພາກເໜືອເຮັດມີດິນເຈື່ອນລົງທັບເສັ້ນທາງກາສີ-ເມືອງນານ

  ວັນ​ທີ 19-20 ສິງຫາ 2016 ​ໄດ້​ມີສະພາບຝົນຕົກໝັກ​​ເຂດ​ພາກ​ເໜືອ​ເຮັດ​ໃຫ້​ມີດິນເຈື່ອນລົງ​ທັບ​ທາງ, ທາງຍຸບ, ນ້ຳຖ້ວມທາງ ໃນບາງຈຸດຂອງເສັ້ນທາງກາສີ​-​ເມືອງ​ນານ, ພ້ອມ​ກັນ​ນັ້ນ ກໍ່​ຂໍ​ຮຽກຮ້ອງ​ໃຫ້​ພໍ່​ແມ່ ປະຊາຊົນ​ຜູ້ໃຊ້ລົດ ​ໃຊ້​ຖະໜົນຕາມ​ເສັ້ນທາງ​ດັ່ງກ່າວ​ໃຫ້​ມີ​ຄວາມ​ລະມັດລະວັງ ຄ່ອຍ​ໄປ​ຄ່ອຍ​ມາ ​ແລະ ​ໃຫ້​ລະມັດລະ​ວົງ​ຕໍ່​ສະພາບ​ເສັ້ນທາງ​ໝື່ນ ​ແລະ ດິນ​ເຈື່ອນ​ຕືມອີກ.

 

ຄວາມຄືບໜ້າໂຄງການປັບປຸງ ແລະ ຂະຫຍາຍເສັ້ນທາງເລກ 21 ແຕ່ບ້ານຜາເມືອງ-ທາງເລກ 1D ບ້ານທ່າສີ ເມືອງບໍລິຄັນ ແຂວງບໍລິຄຳໄຊ


 

  ໂຄງການປັບປຸງ ​ແລະ ຂະຫຍາຍ​ເສັ້ນທາງ​ເລກ 21 ​ແຕ່​ບ້ານ​ຜາ​ເມື​ອງ-ທາງ​ເລກ 1D ບ້ານທ່າສີ ​ເມືອງ​ບໍລິ​ຄັນ ​ແຂວງ​ບໍລິ​ຄຳ​ໄຊ, ມີ​ລວງ​ຍາວ​ທັງ​ໝົດ 28,77 ກມ. ຊຶ່ງ​ໂຄງການ​ດັ່ງ​ກ່າວ​ແມ່ນ​ໂຄງການ​ບູລິ​ມະ​ສິດ​ຂອງ​ລັດ​ທະບານ ​ແຫ່ງ ສປປ ລາວ. ​ໂດຍ​ແມ່ນ​ກົມ​ຂົວ​ທາງ, ກະຊວງ ​ໂຍທາ​ທິການ ​ແລະ ຂົນ​ສົ່ງ ​ເປັນເຈົ້າຂອງ​ໂຄງການ, ​ໃນມູນຄາການກໍ່ສ້າງທັງໝົດ 138,627,176,549 ກີບ ໂດຍນໍາໃຊ້ງົບປະມານພາຍໃນ ຂອງລັດຖະບານ ສປປ ລາວ. ໂຄງການດັ່ງ​ໄດ້​ມິ​ພິທີເຊັນສັນຍາ​ການ​ກໍ່ສ້າງກັບ​ລັດ​ວິ​ສາ​ຫະກິດ ກໍ່ສ້າງ​ທາ​ເລກ 8 ​ໃນ​ວັນ​ທີ 1/10/2015 ​ແລະ ​ເລີ້ມ​ລົງ​ມີືການ​ກໍ່​ສ້າ​ງ​ໃນ​ວັນ​ທີ 20/9/2015 ຄາດ​ວ່າ​ຈະ​ສຳ​ເລັດວັນ​ທີ 30/9/2017.

 

​  ໂຄງການປັບປຸງ ​ແລະ ຂະຫຍາຍ​ເສັ້ນທາງ​ເລກ 21 ​ແຕ່​ບ້ານ​ຜາ​ເມື​ອງ-ທາງ​ເລກ 1D ບ້ານທ່າສີ ​ເມືອງ​ບໍລິ​ຄັນ ​ແຂວງ​ບໍລິ​ຄຳ​ໄຊ, ມີ​ລວງ​ຍາວ​ທັງ​ໝົດ 28,77 ກມ ເປັນທາງປະເພດ IV ​ເຂດ​ເຄິ່ງພູ​ດອຍໜ້າ​ທາງ​ປູຢາງ​ສອງ​ຊັ້ນ ຄວາມ​ກ້ວາງ​ຂອງ​ໜ້າທາງທັງ​ໝົດ 8 ​​ແມັດ, ທາງ​ລົດ​ແລນ​ກ້ວາງ 7 ​ແມັດ, ມີ 2 ຊ່ອງທາງ​ຈາລະ​ຈອນ ​ເບື້ອງລະ 3,5 ​ແມັດ. ໂຄງການ​ດັ່ງກ່າວ​ເປັນ​ສ່ວນ​ໜື່ງຂອງ​ເສັ້ນທາງ​ເລກ 21 ​​ ຊຶ່ງ​ເປັນ​ທາງເຄິ່ງເຂດ​ພູດ​ອຍ, ​ເປັນ​ເສັ້ນທາງ​ເຊື່ອ​ມຕໍ່ ​ກັບທາງ​ເລກ 1D ອອກ​ສູ່​​ແຂວງ ​ໄຊ​ສົມບູນ ​ແລະ ​ແຂວງ​ຊຽງ​ຂວາງ. ​   ​ໃນ​ເດືອນ ກໍ​ລະ​ກົດ ຜ່ານ​ມາ​ໄດ້​ດຳ​ເນີນ​ການສຳ​ຫຼວດອອກ​ແບບ​ແຜ່ນ​ແຕ້ມ​ກໍ່ສ້າງ, ​ບຸກ​ເບີ​ກອານາ​ໄມ​ຂອບ​ເຂດ​ກໍ່ສ້າງ, ວຽກ​ດິນ​ຕັດ, ວຽກ​ຖົມ​ດິນຊັ້ນ​ຮອງ​ພື້ນທາງ, ວຽກ​ຖົມ​ດິນດ້ວຍ​ວັດ​ສະດຸ​ຄັດ​ເລືອກ, ວຽກ​ຖົມ​ດິນຊັ້ນຍົກ​ພື້ນທາງ ​ແລະ ວຽກ​ຫີນ​ຕັດ. ຊຶ່ງມາ​ຮອດ​ປະຈຸ​ບັນ​ສາມາດ​ຈັດ​ຕັ້ງ​ປະຕິບັດ​ໄດ້ 29,52% ທຽບ​ໃສ່​ແຜນການ​ແມ່ນ​ຫຼຸດ​ແຜນການ​ປະມານ 0,86%. ​ແນວ​ໃດ​ກໍ່ຕາມ​ໃນ​ຊວງ​ລະດູ​ຝົນ​ນີ້, ກົມ​ຂົວ​ທາງ ກະຊວງ ​ໂຍທາ​ທິການ ​ແລະ ຂົນ​ສົ່ງ ​ໄດ້​ຊີ້​ນຳ​ໃຫ້​ບໍລິສັດ​ຜູ້​ຮັບ​ເໝົາກໍ່ສ້າງ​ຕິດຕາມ ​ເຝົ້າ​ລະວັງ​ຕາມ​ເສັ້ນທາງ​ດັ່ງກ່າວເພື່ອ​ຮັບປະກັນ​ການ​ສັນຈອນ ​ໄປມາ​ ​ແລະ ບໍ່​ໃຫ້​ເສັ້ນທາ​ງມີ​ການ​ຕັດຂາດ. ພ້ອມ​ກັນ​ນັ້ນ ກໍ່​ຂໍ​ຮຽກຮ້ອງ​ໃຫ້​ພໍ່​ແມ່ ປະຊາຊົນ​ຜູ້ໃຊ້ລົດ ​ໃຊ້​ຖະໜົນຕາມ​ເສັ້ນທາງ​ດັ່ງກ່າວ​ໃຫ້​ມີ​ຄວາມ​ລະມັດລະວັງ ຄ່ອຍ​ໄປ​ຄ່ອຍ​ມາ, ຖ້າ​ຫາກ​ບໍ່ຈຳ​ເປັນກໍ່​ໃຫ້​ລີກ​ລ່ຽງ​ໄປ​​ໃຊ້​ເສັ້ນທາງອື່ນ​ທີ​ມີ​ຄວາມ​ສະດວກ​ກວ່າ.

 ເມື່ອ​ເສັ້ນທາງ​ດັ່ງກ່າວ​ກໍ່ສ້າງ​ສຳ​ເລັດ ກໍ່​ຈະ​ເປັນ​ພື້ນຖານ​ໃຫ້​ແກ່​ການ​ຈາລະ​ຈອນ​ສະດວກ​ຂື້ນ, ການ​ຄົມມະນາຄົມ​ຂົນ​ສົ່ງສິນ​ຄ້າ ຂອງ ສປປ ລາວ ​ເວົ້າ​ລວມ, ​ເວົ້າ​ສະ​ເພາະ​ແມ່ນ​ຈະ​ອຳນວຍ​ຄວາມ​ສະດວກ​ໃຫ້​ແກ່​ການ​ຄົມມະນາຄົມ​ຂົນ​ສົ່ງສິນ​ຄ້າພາຍ​ໃນ​ແຂວງ ບໍລິ​ຄຳ​ໄຊ, ​ແຂວງ ​ໄຊ​ສົມບູນ, ​ແຂວງ ຊຽງ​ຂວາງ ​ແລະ ບັນດາ​ແຂວງ​ພາກ​ເໜືອ ​ເພື່ອ​ເຊື່ອ​ຕໍ່​ກັບ​ບັນດາ​ແຂວງ​ພາກ​ກາງ, ​ພາກ​ໃຕ້ ​ແລະ ປ​ະທດອ້ອມ​ຂ້າງ ​ເຊັ່ນ: ສສ ຫວຽດນາມ ​ແລະ ​ໄທ. ນອກ​ຈາກນັ້ນ​ຍັງ​ເປັນ​ການ​ສົ່ງ​ເສີມການ​ລົງທຶນ​ທັງພາຍ​ໃນ ​ແລະ ຕ່າງປະ​ເທດ. ​ໃນການ​ຜະລິດ​ສີນ​ຄ້າ ​ແລະ ການທ່ອງ​ທ່ຽວ ຊຶ່ງ​ຈະ​ເຮັດ​ໃຫ້​ປະ​ຊາ​ຊົນ​ໃນ​ຂົງ​ເຂດ​ນີ້​ມີ​ລາຍ​ຮັບ, ມີ​ຊິວິດ​ການ​ເປັນ​ຢູ່ດີ​ຂື້ນ​ເທື່ອ​ລະ​ກ້າວ.

 

Additional information