ຂ່າວຕ່າງແຂວງ

ໂຄງການກໍ່ສ້າງທາງ 14A ແລະ 14C ທີ່ແຂວງຈໍາປາສັກ

ແຂວງຈໍາປາສັກກໍ່ເປັນອີກແຂວງໜຶ່ງທີ່ຕັ້ງຢູ່ພາກໃຕ້ສຸດຂອງປະເທດລາວເຮົາມີເນື້ອທີ່ທັງໜົດ 15.350 ກມ ມົນທົນ ເນື້ອທີ່ສ່ວນໃຫຍ່ຂອງ ແຂວງແບ່ງອອກເປັນ 2 ເຂດໃຫຍ່ຄື ເຂດທົ່ງພຽງກວມ 74% ແລະເຂດພູດອຍກວມ 26% ຂອງເນື້ອທີ່ທັງໜົດ.ສໍາລັບເສັ້ນທາງທົ່ວ ແຂວງ ຈໍາປາສັກ ມີຄວາມຍາວທັງໜົດ 3.544 ກມ ໃນນັ້ນປູເບຕົງ 15 ກມ, ທາງປູອັດສະຟານ 29.4 ກມ, ທາງປູຢາງ 551 ກມ, ທາງປູດິນແດງ 1.370 ກມແລະທາງດິນທໍາມະດາ 1.578 ກມ ນອກນັ້ນຍັງມີເສັນທາງທີ່ເປັນຈຸດສຸມພາຍໃນແຂວງຈໍາປາສັກ ກໍຄື ເສັ້ນທາງ 14A ແລະ 14B ແມ່ນໂຄງການໜຶ່ງທີ່ຈັດເຂົ້າໃນບຸລິມະສິດທີ່ສໍາຄັນຂອງແຂວງໃນການເຊື່ອມໂຍງການຄົມມະນາຄົມ-ຂົນສົ່ງ.
ເສັ້ນທາງ 14A ເລີ່ມແຕ່ບ້ານ ຫ້ວຍເພັກ ເມືອງໂພນທາງ ແຂວງຈໍາປາສັກໄປຫາບ້ານພະພີນ ເມືອງຈໍາປາສັກ ມີຄວາມຍາວ 25 ກມ ໂດຍ ແມ່ນບໍລິສັດດວງດີກໍ່ສ້າງຂົວທາງຈໍາກັດ ເປັນຜູ້ຮັບເໝົາການກໍ່ສ້າງ ລວມມູນຄ່າ 20.372.000 ກວ່າໂດລາ ຫຼືປະມານ 173 ຕື້ 690 ລ້ານກວ່າ ກີບ. ສ່ວນການສໍາລວດອອກແບບແລະຄວບຄຸມກວດກາການກໍ່ສ້າງແມ່ນລັດວິສາຫະກິດກໍ່ສ້າງຂົວ-ທາງເລກ 20 ເປັນຜູ້ຮັບຜິດຊອບໃນມູນຄ່າຫຼາຍ ກວ່າ 427.000 ໂດລາ ຫຼືປະມານ 3 ຕື້ 600 ລ້ານກວ່າກີບ ສ່ວນທີ່ເຫຼືອແມ່ນມູນຄ່າການກໍ່ສ້າງຕົວຈິງ.ໃນການກໍ່ສ້າງເສັ້ນທາງດັ່ງກ່າວ ຍັງໄດ້ກໍ່ ສ້າງຂົວເບຕົງອັດແທງຈໍາ ນວນ 9 ແຫ່ງ.
ນອກຈາກໂຄງການກໍ່ສ້າງເສັ້ນທາງ 14A ແລ້ວຍັງມີອີກໂຄງການໜຶ່ງທີ່ສໍາຄັນຄືໂຄງການກໍ່ສ້າງເສັ້ນທາງ 14C ທີ່ເປັນເສັ້ນທາງຢຸດທະສາດ ຂອງກະຊວງປ້ອງກັນປະເທດແລະເປັນເສັ້ນທາງໜຶ່ງທີ່ປະກອບສ່ວນໃຫ້ແກ່ການສ້າງສາພັດທະນາປະເທດຊາດ. ເສັ້ນທາງ 14C ທີ່ມີຄວາມຍາວ 63 ກມ ມີຈຸດເລີ້ມຕົ້ນແຕ່ບ້ານ ໜອງງາ-ບ້ານແປວ-ບ້ານປ່າກວ້ຍເຂດເມືອງມູນລະປະໂມກ ຫາຊາຍແດນລາວ-ໄທ-ກໍາປູເຈຍ. ໂຄງການກໍ່ສ້າງເສັ້ນທາງ 14C ແມ່ນຜູ້ຮັບເໝົາເປັນຜູ້ລົງທຶນໃນການກໍ່ສ້າງກ່ອນ ໂດຍແມ່ນກົມຊ່າງແສງກະຊວງປ້ອງກັນປະເທດ ແລະບໍລິສັດຕົ້ງຄົບວົງຈອນ ເປັນຜູ້ຮັບເໝົາ ໄລຍະຕໍ່.ຊຶ່ງກໍານົດເວລາກໍ່ສ້າງແມ່ນ 2 ປີ.

ພິທີມອບ-ຮັບລົດເມ 42 ຄັນທີ່ໄດ້ຮັບການຊ່ວຍເຫຼືອລ້າຈາກ ລັດຖະບານ ແລະຊາຊົນຍີ່ປຸ່ນ

ໃນ​ວັນ​ທີ 19 ມີ​ຖຸນາ 2012 ຢູ່​ທີ່​ຫ້ອງວ່າ​ການປົກ​ຄອງ​ນະຄອນຫຼວງ​ວຽງ​ຈັນ ​ໄດ້​ຈັດ​ພິທີ​ມອບ-ຮັບ​ລົດ​ເມ​ໃໝ່​ທີ່​​ໄດ້​ຮັບການ​ຊ່ວຍ​ເຫຼືອ​ລ້າ​ຈາກ​ລັດຖະບານ​ຍີ່ປຸ່ນ. ​ເປັນ​ກຽດ​ເຂົ້າ​ຮ່ວມ​ຂອງພະນະ​ທ່ານນາງ Junko YOKOTA ​ເອກ​ອັກຄະ​ລັດຖະທູດ​ຍີ່ປຸ່ນ​ປະຈຳ​ລາວ,​ ພະນະທ່ານ Masato TOGAWA ຫົວໜ້າ​ອົງການ JICA ປະຈຳ​ລາວ, ພະນະ​ທ່ານສຸ​ກັນມະຫາລາດ ​ເຈົ້າ​ຄອງ​ນະຄອນຫຼວງ​ວຽງ​ຈັນ. ພະນະ​ທ່ານສົມ​ມາດພົລ​ເສນາລັດຖະມົນຕີ​ວ່າການ​ກະຊວງ ​ໂຍທາ​ທິການ ​ແລະ​ຂົນ​ສົ່ງ, ທ່ານ ວຽງ​ສະຫວັດ ສີ​ພັນ​ດອນ ຫົວໜ້າ​ກົມ​ຂົນ​ສົ່ງ, ອຳນວຍ​ການ​ໂຄງ​ການ ພ້ອມດ້ວຍ​ບັນດາ​ແຂກ​ທີ່​ຖືກ​ເຊີນ ​ແລະ​ພະນັກງານ, ລັດຖະກອນ​ລັດ​ວີ​ສາ​ຫະກິດ​ລົດ​ເມ​ກໍ​ໄດ້ເຂົ້າ​ຮ່ວມ​ຢ່າງ​ພ້ອມພຽງ.

ພິທີ​ມອບ-ຮັບ​ລົດ​ເມ​ໃໝ່​ຈາກ​ລັດຖະບານ​ຍີ່ປຸ່ນ​ທີ່ໃຫ້ການ​ຊ່ວຍ​ເຫຼືອ​ລ້າ​ໂດຍ​ຜ່ານ​ໂຄງການ“ ປັບປຸງ​ການ​ຂົນ​ສົ່ງ​ສາທາລະນະ​ໃນ​ນະຄ​ອນ​ຫຼວງ​ວຽງ​ຈັນ “ ​ເປັນ​ມູນ​ຄ່າ 500 ລ້ານ​ເຢັນຫຼື​ປະມານ 6 ລ້ານ​ໂດ​ລາ​ສະຫະລັດ ​ເຊີ່ງ​ປະກອບ​ມີ​ລົດ​ເມຈຳນວນ 42 ຄົນ ​ແລະ​ເຄື່ອງ​ອຸປະກອນ​ສ້ອມ​ແປງ​ລົດ​ທີ່​ຈະ​ມອບ​ໃຫ້​​ແກ່ບໍລິສັດ​ລັດ​ວິ​ສາ​ຫະກິດ​ລົດ​ເມ​ນະ​ຄ​ອນຫຼວງ​ວຽງ​ຈັນ ​ແລະ​ປະຈຸ​ບັນ​ນີ້ລົດ​ເມ​ພ້ອມ​ດ້ວຍ​ເຄື່ອງມື​ຕ່າງໆ ​ໄດ້​ສົ່ງ​ມາ​ຮອດ​ລາວ​ເປັນ​ທີ່​ຮຽບຮ້ອຍ​ແລ້ວ. ນັບ​ແຕ່​ປີ 1997 ​ເປັນ​ຕົ້ນ​ມາ, ນີ້​ກໍ​ແມ່ນ​ຄັ້ງ​ທີ 3​ແລ້ວທີ່​ທາງ​ລັດຖະບານ​ຍີ່ປຸ່ນ​ໄດ້​ມອບ​ລົດ​ເມ​ໃຫ້​ແກ່ສປປລາວ, ລວມຈຳນວນ​ທັງ​ໝົດ 135 ຄັນ ​ໃນ​ນັ້ນລົດ​ເມ 42 ຄັນ​ທີ່​ມອບ​ໃຫ້​ຄັ້ງ​ນີ້ ​ເປັນ​ລົດ​ໂດຍສານ​ປັບ​ອາກາດ​ຂະໜາດ 45 ບ່ອນ​ນັ່ງ, ມີ​ຄວາມ​ຍາວ​ກວ່າ​ລົດ​ເມ​ລຸ້ນກ່ອນ 1 ​ແມັດ, ມີ​ຮູບຊົງ​ທີ່​ທັນ​ສະ​ໄໝ ​ແລະ​ມີ​ສີສັນ​ສວຍ​ງາມ​ເປັນ​ສີຂາວ. ສຳ​ລັບໂຄງການ​ປັບປຸງ​ລະບົບ​ການ​ຂົນ​ສົ່ງ​ສາທາລະນະ ​ໃນ​ນະຄອນຫຼວງ​ວຽງ​ຈັນ​ນີ້ ​ແມ່ນ​ໜຶ່ງ​ໃນ​ບັນ​ດາ​ໂຄງການ​ພາຍ​ໃຕ້​ຍຸດ​ທະ​ສາດ​ແຫ່ງ​ຊາດ ວ່າ​ດ້ວຍ​ການ​ຂົນ​ສົ່ງ​ແບບ​ຍືນ​ຍົງ​ຕໍ່​ສີ່​ງ​ແວດ​ລ້ອມ, ​ເວົ້າ​ສະ​ເພາະ​ແມ່ນ​ແຜນ​ແມ່​ບົດ​ການ​ຂົນ​ສົ່ງ​ໃນ​ຕົວ​ເມືອງ ນະຄອນຫຼວງ​ວຽງ​ຈັນ. ​ໂຄງການ​ນີ້​ມີ​ຄວາມ​ສຳຄັນ​ຫຼາຍ ​ເພາະ​ຈະ​ສາມາດ​ຊ່ວຍ​​ແກ້​ໄຂ​ສະພາບ​ຄວາມ​​ແອອັດ ​ແລະ​ຫຼຸດຜ່ອນ​ການ​ເກີດ​ອຸປະຕິ​ເຫດ​ທີ່​ເກີດ ຈາກການສັນຈອນ ​ໂດຍ​ສະ​ເພາະ​ເວລາ​ເລັ່ງດ່ວນ, ການ​ປັບປຸງ​ການ​ບໍລິການ​ດັ່ງກ່າວ ຈະ​ຊ່ວຍ​ດຶງ​ດູດ​ໃຫ້​ຜູ້​ຄົນ​ຫັນ​ມາ​ນຳ​ໃຊ້​ການ​ບໍລິການ​ຂົນ​ສົ່ງ​ສາທາລະນະ​ຫຼາຍ​ຂື້ນ ​ແທນ​ທີ່​ຈະນຳ​ໃຊ້​ພາ​ຫາ​ນະ​ສ່ວນ​ຕົວ. ຫວັງ​ຢ່າງ​ຍີ​ງວ່າ​ນະຄອນຫຼວງ​ວຽງ​ຈັນ ຈະ​ກາຍ​ເປັນ​ຕົວ​ແບບ​ໃຫ້​ແກ່​ແຂວງ​ອື່ນໆ ​ໃນ ສປປ ລາວ ​ໃນ​ການ​ນຳ​ໃຊ້​ການ​ບໍລິການ​ລະບົບ​ຂົນ​ສົ່ງ​ສາທາລະນະ ​ເພາະ​ວ່າ​ປະຈຸ​ບັນ ອົງການ​ໃຈກາ JICA ກຳລັງ​ຊ່ວຍ​ສຶກສາ​ຄວາມ​ເປັນ​ໄປ​ໄດ້​ໃນ​ການ​ນຳ​ໃຊ້​ລົດ​ໄຟຟ້າ ​ເປັນ​ພາຫາ​ນະ​ຂົນ​ສົ່ງ​ສາທາລະນະ ສຳ​ລັບ​ຕົວ​ເມືອງ​​ໃຫຍ່​ເຊັ່ນ: ຫຼວງ​ພະ​ບາງ, ສະຫວວັນນະ​ເຂດ ​ແລະຈຳປາ​ສັກ.

ຍທຂ ຈັດກອງປະຊຸມເປີດກ້ວາງຜ່ານຮ່າງກົດໝາຍ 3 ສະບັບ

ໃນວັນທີ 7 – 9 ສິງຫາ 2012 ຢູ່ທີ່ທ່າລາດແຂວງວຽງຈັນໄດ້ຈັດກອງປະຊຸມເປິດກ້ວາງຜ່ານຮ່າງກົດໝາຍສາມສະບັບ, ​ໂດຍການເປັນປະທານຂອງທ່ານ ລັດຕະນະມະນີ ຄູນນີວົງ ລັດຖະມົນຕີຊ່ວຍວ່າການກະຊວງຍທຂ ພ້ອມດ້ວຍບັນດາພາກສ່ວນກ່ຽວຂ້ອງເຂົ້າຮ່ວມທັງໝົດ 170 ກວ່າທ່ານ.

ທ່ານ ສຈ.ດຣ. ບຸນ​​ເຫຼື່ອມ ສີສຸລາ ປະທານສະພາວິທະຍາສາດແລະເຕັກໂນໂລຊີ ຫົວໜ້າຄະນະຊີ້ນຳກົດໝາຍ ກະຊວງ ຍທຂ, ​ໄດ້ກ່າວຕໍ່ກອງປະຊຸມວ່າ: ດັ່ງທີ່ພວກເຮົາຮູ້ແລ້ວວ່າ ກົດໝາຍຂົນສົ່ງທາງບົກແມ່ນກົດໝາຍທີ່ໄດ້ສ້າງຂື້ນໃນປີ 1997 ​ແລະກົດໝາຍຈະລາຈອນທາງບົກແມ່ນສ້າງຂື້ນໃນປີ 2000, ທັງສອງກົດໝາຍນີ້ແມ່ນໄດ້ປະກອບສ່ວນເຂົ້າໃນການຄຸ້ມຄອງລັດ ຄຸ້ມຄອງເສດຖະກີດ-ສັງຄົມມາເປັນເວລາ 10 ກວ່າປີແລ້ວ ຊື່ໄດ້ຮັບໝາກຜົນເປັນຢ່າງດີ. ​ແຕ່ມາເຖີງເວລານີ້ ສະພາບ​​ເສດຖະກິດ-ສັງຄົມຂອງປະເທດເຮົາໄດ້ກ້າວກະໂດດສູ່ຈັງຫວະ​​ແຫ່ງການຂະຫຍາຍຕົວທີ່ໄວວາຫຼາຍ ບວກໃສ່ກັບບັນຫາການເຊື່ອມໂຍງກັບສາກົນຂອງ ສປປລາວ. ​ເມື່ອເຫັນ​​ເປັນແນວນັ້ນ ສະພາ​​ແຫ່ງຊາດກໍຄືລັດຖະບານໄດ້ເອົາເຂົ້າແຜນປັບປຸງໂດຍໄດ້ມອບໃຫ້ກະຊວງ ຍທຂເປັນເຈົ້າການໃນການທົບທວນກໍຄືປັບປຸງກົດໝາຍສອງສະບັບທີ່ມີໃນປັດຈຸບັນຄື: ກົດໝາຍຂົນສົ່ງທາງບົກແລະກົດໝາຍຈະລາຈອນທາງບົກແລ້ວກໍຍັງສະເໜີໃຫ້ສ້າງກົດໝາຍໃໝ່ອີກໜຶ່ງສະບັບ ກ່ຽວກັບການຂົນສົ່ງຫຼາຍຮູບແບບ. ການທີ່ນຳສະເໜີສອງກົດໝາຍເຂົ້າໃນກອງປະຊຸມໃນເທື່ອນີ້ ຄະນະຄົ້ນຄ້ວາຂອງພວກເຮົາໄດ້ຖືເອົາກົດໝາຍສະບັບປັດຈຸບັນເປັນພື້ນຖານ, ​ແລ້ວກໍຍັງນຳເອົາພຶດຕິກຳກໍຄືການເຄື່ອນໄຫວ, ປະສົບການແລະການຄຸ້ມຄອງຕົວຈິງກ່ຽວກັບວຽກງານຂົນສົ່ງໃນຊຸມປີຜ່ານມາເປັນປະເດນຕົ້ນຕໍ​ ​ເຂົ້າໃນການສຶກສາຄົ້ນຄ້ວາຮ່າງກົດໝາຍເຫຼົ່ານີ້. ນອກຈາກນີ້ກອງປະຊຸມຍັງອິ່ງໃສ່ກົດໝາຍປະເທດເພື່ອນບ້ານແລະສາກົນມາພິຈາລະນາໃຫ້ສາມາດຕອບສະໜອງກັບຄວາມຮຽກຮ້ອງຕ້ອງການໃນໄລຍະໃໝ່ເຂົ້າໃນການພັດທະນາເສດຖະກິດ-ສັງຄົມກໍຄືການເຊື່ອ​​ໂຍງກັບສາກົນ ຂອງປະເທດເຮົາຢ່າງປະສິດທິຜົນ.

ຮ່າງກົດໝາຍສາມສະບັບທີ່ນຳສະເໜີຕໍ່ກອງປະຊຸມເປິດກ້ວາງທົ່ວປະເທດໃນຄັ້ງນີ້ແມ່ນມີຄວາມໝາຍສຳຄັນຫຼາຍເພາະວ່າໄດ້ເຊີນເອົາບຸກຄົນສຳຄັນ, ນັກວິຊາການແລະຜູ້ມີຄວາມຮັບຜິດຊອບດ້ານການຂົນສົ່ງມາປະກອບຄວາມຄິດຄຳເຫັນໃສ່ຮ່າງກົດໝາຍທັງສາມສະບັບໃຫ້ມີຄວາມສົມບູນແລະຄົບຖ້ວນດີກວ່າເກົ່າ ທັງໃຫ້ສອດຄ່ອງແລະຕອບສະໜອງໄດ້ກັບໜ້າທີ່ການເມືອງໃນໄລຍະໃໝ່ໃນການຄຸ້ມຄອງລັດ ຄຸ້ມຄອງເສດຖະກິດ-ສັງຄົມຂອງປະເທດເຮົາ ທັງນີ້ກໍເພື່ອເປັນການຊຸກຍູ້ສົ່ງເສີ່ມວຽກງານບໍລິການດ້ານການຂົນສົ່ງໃຫ້ກ້າວໜ້າແລະທັນສະໄໝ.

ຄະນະຜູ້ແທນຂັ້ນສູງ ກະຊວງໂຍທາທິການ ແລະ ຂົນສົ່ງ

ໂດຍຕອບສະໜອງຕາມຄເຊີນຂອງ ທ່ານ ຄິນມອງມິນ, ລັດຖະມົນຕີວ່າການ ກະຊວງ ກໍ່ສ້າງ ແຫ່ງ ສ. ມຽນມາ, ທ່ານ ສົມມາດ ພົລເສນາ, ລັດຖະມົນຕີວ່າການ ກະຊວງ ໂຍທາທິການ ແລະຂົນສົ່ງ ແຫ່ງ ສປປລາວ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ສ.ມຽນມາ ໃນລະຫວ່າງວັນທີ 15-19 ມີນາ 2012 ໂດຍມີຈຸດປະສົງ ເພື່ອສືບຕໍ່ປຶກສາຫາລື ກັບ ກະຊວງ ກໍ່ສ້າງ, ສ.ມຽນມາ ກ່ຽວກັບໂຄງການກໍ່ສ້າງຂົວຂ້າມນ້ຳຂອງມິດຕະພາບ ລາວ - ມຽນມາ ລະຫວ່າງ ຊຽງກົກ (​ແຂວງ​ຫຼວງນ້ຳທາ, ສປປລາວ) ແລະ ແກ້ງລາບ (ສ.ມຽນມາ), ຊຶ່ງ​​ໃນ​ໄລຍະ ​ເດືອນກັນຍາ 2011

Read more: ຄະນະຜູ້ແທນຂັ້ນສູງ ກະຊວງໂຍທາທິການ ແລະ ຂົນສົ່ງ

Additional information