ກອງປະຊຸມທາບທາມບຸກຄະລະກອນ ທີ່ຈະອອກສະໝັກຮັບເລືອກຕັ້ງ ເຂົ້າໃນຄະນະບໍລິຫານງານພັກ ກະຊວງ ຍທຂ ສະໄໝທີ VI ຮອບທີ 3

ວັນທີ 11 ກັນຍາ 2025 ກະຊວງໂຍທາທິການ ແລະ ຂົນສົ່ງ ໄດ້ຈັດກອງປະຊຸມທາບທາມບຸກຄະລາກອນ ທີ່ຈະສະໝັກເລືອກຕັ້ງເຂົ້າໃນຄະນະບໍລິຫານງານພັກກະຊວງ ຍທຂ ສະໄໝທີ VI (ຮອບທີ 3), ຈັດຂຶ້ນໃນວັນທີ 11 ກັນຍາ 2025 ທີ່ໂຮງແຮມແລນມາກ, ນະຄອນຫຼວງວຽງຈັນ. ໂດຍການເປັນປະທານຂອງສະຫາຍ ເຫຼັກໄຫຼ ສີວິໄລ ກຳມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງ ຍທຂ, ມີສະຫາຍ ດອນ ໄພວົງ ຮອງຫົວໜ້າຄະນະຈັດຕັ້ງສູນກາງພັກ, ມີບັນດາສະຫາຍ ຄະນະປະຈໍາພັກກະຊວງ, ກໍາມະການພັກກະຊວງ ຍທຂ, ບັນດາສະຫາຍ ອະນຸກໍາມະການກົດລະບຽບ ແລະ ບຸກຄະລະກອນກອງປະຊຸມຜູ້ແທນທົ່ວປະເທດ ຄັ້ງທີ XII ຂອງພັກ, ຫົວໜ້າຄະນະຮັບຜິດຊອບຊຸກຍູ້ກອງປະຊຸມໃຫຍ່ຂອງ ອົງຄະນະພັກຂັ້ນສູນກາງ ຫ້ອງວ່າການສູນກາງພັກ, ຄະນະໜ່ວຍພັກຮາກຖານ ແລະ ບັນດາຜູ້ແທນສົມບູນ ອ້ອມຂ້າງກະຊວງເຂົ້າຮ່ວມ. 

ໃນກອງປະຊຸມຜູ້ແທນໄດ້ຮັບຟັງບົດລາຍງານຜົນສຳເລັດການດຳເນີນຊີວິດການເມືອງຂອງ ຄະນະບໍລິຫານງານພັກກະຊວງ ສະໄໝທີ V ທ້າຍສະໄໝ; ຮ່າງບົດລາຍງານການເມືອງ; ຮ່າງແຜນພັດທະນາຂະແໜງ ຍທຂ; ຮ່າງບົດສຳຫຼວດການນຳພາລວມ; ຜ່ານມາດຕະຖານ, ເງື່ອນໄຂຜູ້ອອກສະໝັກເຂົ້າໂຄງປະກອບຄະນະບໍລິຫານງານພັກຊຸດໃໝ່. ຈາກນັ້ນ, ຜູ້ແທນກອງປະຊຸມກໍ່ໄດ້ໃຊ້ສິດປະຊາທິປະໄຕປ່ອນບັດທາບທາມບຸກຄະລາກອນ ທີ່ຈະສະໝັກເລືອກຕັ້ງເຂົ້າໃນຄະນະບໍລິຫານງານພັກກະຊວງ ຍທຂ ສະໄໝທີ VI (ຮອບທີ 3).