ກອງປະຊຸມ ຜ່ານບົດລາຍງານສຸດທ້າຍ ຂອງໂຄງການ ແລກປ່ຽນຄວາມຮູ້ Knowledge sharing programme (KSP) ສໍາລັບ ໂຄງການສຶກສາຄວາມເປັນໄປໄດ້ ຂອງການພັດທະນາ ລະບົບບໍບັດນໍ້າເປື້ອນ ນະຄອນຫຼວງວຽງຈັນ.

ກອງປະຊຸມ ຜ່ານບົດລາຍງານສຸດທ້າຍ ຂອງໂຄງການ ແລກປ່ຽນຄວາມຮູ້ Knowledge sharing programme (KSP) ສໍາລັບ ໂຄງການສຶກສາຄວາມເປັນໄປໄດ້ ຂອງການພັດທະນາ ລະບົບບໍບັດນໍ້າເປື້ອນ ນະຄອນຫຼວງວຽງຈັນ.

ໂດຍມີ ທ່ານ ງາມປະສົງ ເມືອງມະນີ ຮອງລັດຖະມົນຕີ ກະຊວງ ໂຍທາທິການ ແລະ ຂົນສົ່ງ, ທ່ານ Hwa-Dong Kim  ທີ່ປຶກສາອາວຸດໂສ ຂອງ ໂຄງການ KSP, ທ່ານ Jung, Yungsoo ເອກອັກຄະລັດສະທູດ ສ. ເກົາຫຼີ ປະຈໍາ ສປປ ລາວ, ທ່ານ ຫົວໜ້າຫ້ອງການໃຫຍ່ KOTRA, ທ່ານ ສາດສະດາຈານ ຈາກມະຫາວິທະຍາໄລ ຮັນນໍາ (Hannam University) ພ້ອມດ້ວຍບັນດາທ່ານ ຄະນະຜູ້ແທນ ຈາກ ສ. ເກົາຫຼີ ແລະ ບັນດາແຂກທີ່ຖືກເຊີນ ກໍ່ໃຫ້ກຽດເຂົ້າຮ່ວມ.

ການລາຍງານ ກ່ຽວກັບ ບົດລາຍງານສະບັບສຸດທ້າຍຂອງໂຄງການ ທີ່ລວມມີການແນະນໍາດ້ານນະໂຍບາຍຢ່າງຄົບຊຸດ ເພື່ອສົ່ງເສີມການພັດທະນາລະບົບບໍາບັດນໍ້າເປື້ອນ ໃນນະຄອນຫຼວງວຽງຈັນ ໃຫ້ມີປະສິດທິຜົນສູງ. ນອກຈາກນີ້ ຍັງສາ​ມາດ​ແລກ​ປ່ຽ​ນ​ຄຳເຫັນ ແລະ ຖອດ​ຖອນ​ບົດ​ຮຽນ​ໃນ​ການຈັດ​ຕັ້ງ​ປະ​ຕິ​ບັດ​ໂຄງ​ການ ເພື່ອນໍາໄປສູ່ ການກະກຽມ ນໍາສະເໜີ ຕໍ່ລັດຖະບານ ສ. ເກົາຫຼີ ເພື່ອຂໍທຶນ ໃນການກໍ່ສ້າງລະບົບບໍາບັດນໍ້າເປື້ອນ ໃຫ້ປະກົດຜົນເປັນຈິງ ໃນຂັ້ນຕໍ່ໄປ. ກອງປະຊຸມໄດ້ລິເລີມໂຄງການແລກປ່ຽນຄວາມຮູ້ Knowledge sharing programme (KSP) ເພື່ອສຶກສາຄວາມເປັນໄປໄດ້ ການພັດທະນາ ລະບົບການບໍາບັດນໍ້າເປື້ອນ ໃນນະຄອນຫຼວງວຽງຈັນ, ລັດຖະບານ ສ. ເກົາຫຼີ, ກໍຄືກະຊວງເສດຖະກິດ ແລະ ການເງິນ, ກໍຄືຫ້ອງການສົ່ງເສີມການຄ້າ ແລະ ການລົງທຶນ KOTRA ທີ່ໄດ້ໃຫ້ການຊ່ວຍເຫຼືອແກ່ກະຊວງ ໂຍທາທິການ ແລະ ຂົນສົ່ງ, ກໍຄື ນະຄອນຫຼວງວຽງຈັນ ເພື່ອຈັດຕັ້ງປະຕິບັດ ໂຄງການສຶກສາຄວາມເປັນໄປໄດ້ ໃນການພັດທະນາ ລະບົບການບໍາບັດນໍ້າເປື້ອນ ໃນນະຄອນຫຼວງວຽງຈັນ, ຊຶ່ງເປັນໂຄງການຮ່ວມມືທາງດ້ານວິຊາການ ຈາກ ລັດຖະບານ ສ. ເກົາຫຼີ ພາຍໃຕ້ກອບແຜນງານ ການແບ່ງປັນຄວາມຮູ້ Knowledge sharing programme (KSP)  ແລະ ເປັນການຜັນຂະຫຍາຍນະໂຍບາຍການພັດທະນາຂະແໜງການ ຕາມທິດສີຂຽວ ແລະ ຍືນຍົງ ຂອງ ສປປ ລາວ.

ກະຊວງໂຍທາທິການ ແລະ ຂົນສົ່ງ, ຂໍສະແດງຄວາມຂອບໃຈຕໍ່ ບັນດາທ່ານຄະນະຜູ້ແທນ ຈາກ ສ. ເກົາຫຼີ ໂດຍສະເພາະ ທ່ານ.  Hwa-Dong Kim ທີ່ປຶກສາອາວຸດໂສ ຂອງ ໂຄງການ KSP ລາວ, ທ່ານ Jung, Yungsoo ເອກອັກຄະລັດສະທູດ ສ. ເກົາຫຼີ ປະຈໍາ ສປປ ລາວ, ຫົວໜ້າຫ້ອງການໃຫຍ່ KOTRA ແລະ ບັນດາ ທ່ານ ສາດສະດາຈານ ຈາກມະຫາວິທະຍາໄລ ຮັນນໍາ (Hannam University) ພ້ອມດ້ວຍບັນດາທ່ານ ຄະນະຜູ້ແທນ ຈາກ ສ. ເກົາຫຼີ ແລະ ບັນດາທ່ານ ແຂກທີ່ເຂົ້າຮ່ວມກອງປະຊຸມ ຈາກບັນດາກະຊວງກ່ຽວຂ້ອງ, ບັນດາກົມ, ກອງ, ສະຖາບັນ ອ້ອມຂ້າງກະຊວງ ຍທຂ ທຸກທ່ານ ທີ່ໃຫ້ກຽດເຂົ້າຮ່ວມ ກອງປະຊຸມ ຜ່ານບົດລາຍງານສຸດທ້າຍຂອງໂຄງການ ໃນຄັ້ງນີ້.